Dagblaðið Vísir - DV - 28.06.2003, Side 7

LAUGARDAGUR 28. JÚNÍ2003 DVBlLAR 7
Seinni hálfleikur hafinn
- keppnistímabil Formúlunnar hálfnað
FORMÚLA Á UUGAROEGI
Ómar Sævar Gíslason
fWdv.is
Rétt áður en flautað verður til
seinni hálfleiks keppnistíma-
bilsins í Formúlu 1-kappakstr-
inum er ekki úr vegi að líta of-
urlítið yfir farinn veg og skoða
stöðuna eins og hún blasir við
í dag.
Miklar reglubreytingar voru
gerðar fyrir þetta tímabil og sýndist
sitt hverjum áður en haldið var af
stað. Sumir hafa gert vel í kjölfar
breytinganna en aðrir hafa lent í
ógöngum og ekki náð að standa
uppi í hárinu á keppinautum sín-
um. Tímatökurnar og stigagjöfin er
breytt ásamt því að dekkjafram-
leiðendur fá nú meira rými til að
sinna hverju liðið fyrir sig.
Virka tímatökurnar?
Stærsta sjáanlega breytingin á
Formúlu 1 frá því á síðasta ári er
tímatökurnar sem eru gjörbreyttar.
í stað þess að vera í raun sjálfstæð
keppni, þar sem öllu ægði stundum
saman síðustu mínúturnar, hefur
komið eins konar „brunkeppni"
þar sem allir fá úthlutað tíma til að
gera sitt besta. Ekki ólíkt og í skfða-
íþróttinni. Þetta hefur orðið til þess
að tímatökurnar eru langt í frá eins
áhugaverðar og áður. Þó hefur það
tekist, sem var eitt af markmiðum
breytts forms, að rugla hinni hefð-
bundnu rásröð og færa klaufana
neðar. Coulthard er gott dæmi um
mann sem ekki hefur náð að smella
í tímamælingunni. Aðrir, samanber
Schumacher-bræður, eru komnir
með gott vald á einshrings-tækn-
inni og eru með góð meðaltöl fyrir
tímatökumar. Alonso, Trulli og
Button em í sama hóp.
Jafnari stigagjöf - en réttlát?
Tilgangurinn með breyttri stiga-
reglu var einungis einn. Að koma í
veg fyrir að einstakir ökumenn
næðu yflrburðaforskoti líkt og
Michael Schumacher gerði á síð-
asta ári. Schumacher var búinn að
tryggja sér meistaratitilinn þegar
átta mót vom eftir. Þetta hefur tek-
ist fullkomlega hjá reglusmiðunum
en, eins og gert er ráð fyrir, hefur
þetta komið niður á þeim manni
sem staðið hefur sig hvað best.
Þrátt fyrir að Schumacher hafi unn-
ið fjórar keppnir á tímabilinu hefur
hann ekki nema þriggja stiga for-
skot á Kimi Raikkonen. Finninn
hefur einungis unnið eina. í gamla
kerfinu væri staðan allt önnur og
Schumacher kominn með 49 stig í
stað 54 og Kimi ekki með nema 33 í
stað 51. Schumacher, sem í síðustu
keppni náði sínu 999 stigi á ferlin-
um, er að vonum ekkert sérstaklega
ánægður með þetta nýja fyrir-
komulag stigagjafarinnar. Það er
auðvelt að skilja hann því að bilið á
milli sigurvegarans og þess sem
lendir í öðru sæti er allt of lítið.
Þriggja stiga munur milli fyrsta og
Stærsta sjáanlega
breytingin á Formúlu 1
frápví á síðasta ári eru
tímatökurnar sem eru
gjörbreyttar.
annars sætis hefði verið réttlátari.
Þá yrði ávinningurinn meiri með
unninni keppni, og jafnvel harðari
keppni um sigurinn.
Gúmmígaldrar
Eitt af megineinkennum tfma-
bilsins 2003 fram að þessu er hið
þögula dekkjastríð milli Michelin
og Bridgestone. Það gleymist
stundum í umræðunni hversu
geysilega mikið hjólbarðarnir hafa
að segja í heildarárangri bflanna.
Með góðu dekki er hægt að vinna
inn eina til tvær sekúndur, á meðan
hver þróun í loftflæði eða vélarafli
er að tína inn tíundu hluta úr sek-
úndum. Á síðasta ári hafði Ferrari-
bfllinn algjöra yfírburði á keppi-
nauta sína, og til að bæta gráu ofan
á svart voru Bridgestone-hjólbarð-
arnir í sérflokki líka. Það skapaði
þann árangur sem Ferrari-
Bridgestone-Schumacher-tríóið
náði. Nú hefur blaðið snúist við og
skyndilega er Michelin komið í
betri stöðu. Því eru McLaren, Willi-
ams og Renault jafn sterk og raun
ber vitni. Næstu lið á eftir Ferrari á
Bridgestone-börðum eru B A R og
Sauber. Þeim gengur afleitlega og
er skýringuna mikið til að finna f
skóbúnaði þeirra. Þegar á heildana
er litið verður ekki fram hjá því litið
að fyrri hálfleikur tímabilsins í For-
múlu 1-kappakstrinum er búinn að
vera jafn og spennandi. Gamla
góða Formúlu-hjartað er farið að
slá örar á ný. Keppni helgarinnar er
í Núrburgring í Þýskalandi og þar
verður flautað til seinni hálfleiks.
Við vonum að hann verði eins góð-
ur og sá fýrri. fl@dv.is
STIGAKEPPNI ÖKUMANNA
1. M. Schumacher 54
2. Raikkonen 51
3. Alonso 34
4. R. Schumacher 33
5. Montoya 31
6. Barrichello 31
7. Coulthard 25
8. Trulli 13
9. Fisichella 10
10. Button 8
STIGAKEPPNI KEPPNISLIÐA
1. Ferrari 85
2. McLaren-Mercedes 76
3. Williams-BMW 64
4. Renault 47
5. Jordan-Ford 11
6. BAR-Honda 11
7. Sauber 8
8. Jaguar-Cosworth 6
9.Toyota 4
10. Minardi 0