Dagblaðið Vísir - DV - 18.12.2003, Síða 12

12 FIMMTUDAQUR 18. DESEMBER 2003
Fréttir DV
Ákærður í dag
Michael Jackson fær
enga vitneskju um ákæru
sem hann á yfir höfði sér
vegna kynferðisofbeldis fyrr
en ákæran verður lögð
fram síðdegis í dag eða í
síðasta lagi í fyrramálið.
Fjölmiðlar um allan
heim sýna málinu gríðar-
legan áhuga og hefur
Thomas Sneddon, saksókn-
ari í Santa Barbara, brugðið
á það ráð að ráða almanna-
tenglafyrirtæki til að annast
upplýsingagjöf til fjölmiðla
af hálfu ákæruvaldsins.
Jackson, sem hefur neit-
að ásökunum um að hafa
beitt tólf ára dreng kynferð-
islegu ofbeldi, gengur laus
gegn 3 milljóna dala trygg-
ingu. Hann dvelur á bú-
garði sínum í Neverland og
hefur ekki sést opinberlega
síðan hann gaf sig fram við
lögregluyfirvöld síðla í nóv-
ember.
írartil
Bíldudals
Haldinn verður kynn-
ingarfundur í kvöld fýrir
Bflddælinga vegna fyrir-
hugaðrar kalkþörungaverk-
smiðju og fer hann fram í
gegnum fjarfundabúnað.
Forsvarsmenn írska fyrir-
tækisins sem ætlar að reisa
verksmiðjuna eru væntan-
legir til landsins í næstu
viku til að ganga frá lausum
endum, að því er svæðisút-
varp Vestfjarða greindi frá.
Þá verður prufudælt f Arn-
arfirði á næstu dögum, en
undir botni íjarðarins hefur
mælst þykkt lag kalkþör-
unga.
„Það liggur á að breyta starfs-
aðferðum þingsins, “ segir Sig-
urjón Þórðarson, þingmaður
Frjálslynda flokksins. Hann
eyddi fyrsta frídeginum í að
dreifa Gullkistunni, málgagni
flokks síns.
Hvað liggur á
Svanfríður Jónasdóttir, fyrrverandi alþingismaður, segir þingmenn allra flokka
mynda með sér samstöðu sem yfirgnæfi jarðtenginguna út fyrir Alþingi. Þetta hafi
verið áhrifavaldur í eftirlaunamálinu. Alvarlegt sé þegar kjörnir fulltrúar gleymi
umbjóðendum sínum.
„Ég skynjaði alveg hvað var að gerast þegar
kfúbburinn var í raun að taka yfir. Það myndast
samstaða í hópnum og um leið minnkar jarðsam-
bandið út,“ segir Svanfríður Jónasdóttir um at-
burðarásina á Alþingi í tengslum við eftirlauna-
frumvarpið.
Svanfríður sat á Alþingi árin 1995 til 2003. Þar
áður var hún varaþingmaður og aðstoðarmaður
ráðherra. Hún bauð sig ekki fram aftur fyrir Sam-
fylkinguna í kosningunum í vor.
Kjörnir fulltrúar missa sig
„Alþingi er vinnustaður sem byggir á gömlum
hefðum og venjum. Þær eru skapaðar af körlum
og karlar ganga greiðlega inn í þessar hefðir. Það
er eitthvað sem gerir það að verkum að það
myndast stundum meiri samstaða inn í hópinn
heldur en út fyrir Alþingishúsið," útskýrir Svan-
fríður.
Að sögn Svanfríðar gerist það iðulega að þegar
alþingismenn eru farnir að halla sér of mikið hver
að öðrum þá minnir baklandið á sig. „Þá fá menn
tenginguna aftur. Ég held að það hafi gerst í þessu
eftirlaunamáli, alveg eins og það hefur gerst í íleiri
málum,“ segir hún.
Svanfríður bendir á að fólk sé alltaf eins, sama
hvort það sé alþingismenn, ráðherrar eða á ein-
hverjum öðrum vinnustöðum. „Það getur alltaf
myndast svona mórall. Það er í lagi annars staðar
en á Alþingi er þetta ekki í lagi. Þar á trúnaðurinn
ekki að vera íyrst og fremst inn í hópinn heldur út
á við. Það er alvarlegt þegar kjörnir fulltrúar rnissa
sig í þetta og gleyma umbjóðendum sínum," seg-
ir hún.
Menn vilja vera kammó
Svanfn'ður segir eftirlaunafrumvarpið í sínum
augum ekki einkennast af jöfnum skiptum stjórn-
ar og stjórnarandstöðu. „Mér fannst þetta vera
dálítil einstefna í samskiptunum. En menn hafa
kannski viljað vera kammó; sýna skilning og vera
almennilegir," ályktar hún.
Eftir að Svanfríður var kjörin á þing árið 1995
átti að gera breytingar á kjörum alþingismanna.
Ákveðnar kostnaðargreiðslur átti að gera skatt-
frjálsar. „Allt varð vitlaust," rifjar hún upp. „Þá
skynjaði ég mjög sterkt hvað það myndaðist mik-
il samstaða í hópnum. Ég var í algerum minni-
hluta í hópi þingmanna. Meirihlutinn sneri bök-
um saman en varð á endanum að hnika málinu í
„Menn passa hver upp á ann-
an. íleiðinni eru menn að
passa upp á sjálfa sig."
þá átt sem fólkið gerði kröfu um með því að
minnka skattfríðindin."
Ógjaldgengur sendiherra
samtryggingar
Að því er Svanfríður segir er upplifunin af sam-
stöðunni á Alþingi hvað sterkust fyrir nýja þing-
menn, reyndar sér í lagi fyrir konur sem koma nýj-
ar inn á þing.
„Menn passa hver upp á annan. í leiðinni eru
menn að passa upp á sjálfa sig. Ef menn geta
skapað hefð fyrir einhverju sem þeir njóta sjálfir
góðs af síðar finnst surnunt það allt í lagi,“ segir
Svanfríður.
Framsóknarflokkur og Sjálfstæðisflokkur hafa
meira og minna verið í ríkisstjórn langt aftur í 20.
öldina. „Þeir hafa haft mjög góða aðstöðu til að
koma sínum mönnunt fyrir í kerfinu. Hinir flokk-
arnir hafa ekki getað gert þetta í sama mæli en
hafa þó líka þurft á því að halda að koma einhverj-
um fyrir,“ segir Svanfríður og bendir um leið á að
þetta geti verið flókið:
„Svavar Gestsson fékk til dæmis sendiherra-
stöðu. Það er ekki alveg einfalt að fýrrverandi for-
maður Alþýðubandalagsins verði sendiherra
enda hefur komið fram að hann fær ekki að fara til
hvaða lands sem er. Hann er ekki gjaldgengur
hvar sem er vegna sinnar pólitísku fortíöar."
Endurmenntun þingmanna
í ljósi umræðna um eftirlaunafrumvarpið og
meintan erfiðan starfsferil þingmanna eftir að
þingmennsku lýkur segir Svanfríður að hugleiða
ætti að koma upp endurmenntunarsjóði fyrir al-
þingismenn.
„Það eru svo hraðar breytingar á vinnumark-
aði að fólk þarf stöðugt að auka við þekkingu sína
til að eiga möguleika. Mér finnst sjálfsagt að
menn geri það,“ segir alþingiskonan fyrrverandi
sem einmitt er sjálf þessa dagana að bæta ofan á
gamla kennaraprófið sitt.
„Ég ákvað að ná mér í meistaragráðu í mennt-
unarfræðum áður en ég reyndi við vinnumarkað-
inn.“
gar@dv.is
Svanfríður Jónasdóttir„Þoð ereitthvaðsem
gerirþað að verkum að það myndast meiri sam-
staða inn i hópinn heldur en út fyrir Alþingishúsið,"
segir Svanfríður Jónasdóttir, fyrrverandi alþingis-
maður Samfylkingar og núverandi námsmaður.
„Þessi eilífu frí frá þingstörfum
eru til vansa og í engu hlutfalli
við frítíma aimennings í land-
inu. Við alþingismenn eigum
að endurspegla mannlífí
landinu en gerum það engan
veginn með þessum löngu frí-
um."
Svavar Gestsson hafnar því að hann sé ekki gjaldgengur sendiherra alls staðar
Enginn veit hvar ég þjóna næst
„Þetta er beinlínis rangt,“ seg-
ir Svavar Gestsson, sendiherra í
Svíþjóð, um þá fullyrðingu
Svanfríðar Jónasdóttur,
fyrrverandi alþirigismanns, að
vegna fortíðar hans sem formað-
ur Alþýðubandalagsins sé hann
ekki gjaldgengur sem sendiherra
í sumum löndum.
„Það hefur ekkert komið fram
af þessu tagi þannig að ég kem
alveg af ijöllum. Þetta er einhver
misskilningur," ítrekar Svavar.
Svavar bendir á að hann hafi
aðeins verið í utanríkisþjónust-
unni í fimm ár og enn sem komið
er ekki starfað nema í tveimur
löndum, Kanada og Svíþjóð.
Starfsævi hans sé alls ekki lokið
og enginn viti nú hvar hann beri
niður næst. Engar hömlur séu á
því hvar það verði.
„Ég hef satt að segja ekki
heyrt þetta áður - ekki einu sinni
sem vangaveltur," segir sendi-
herrann.
Svavar Gestsson Fyrrverandi formaður
Alþýðubandalagsins hafnar þvi að hann
teljist ekki gjaldgengur sem sendiherra Is-
lands hvarsem er.