Dagblaðið Vísir - DV - 19.12.2003, Blaðsíða 25

DV Sport
FÖSTUDAGUR 19. DESEMBER 2003 25
Einn mesti sigurvegari íslenskrar knattspyrnu, Skagamaðurinn Guðjdn
Þdrðarson, stýrir þessa dagana enska 2. deildarfélaginu Barnsley. Rekstur
félagsins hefur verið þungur undanfarin ár og mátti litlu muna að félagið færi í
gjaldþrot. Nýir eigendur tdku við stjdrnartaumunum í upphafi tímabils og þeir
hafa hægt og sígandi stýrt skútunni út úr vandamálunum og félagið var nýlega
tekið lír gjörgæslu af enska knattspyrnusambandinu. Fyrir vikið má félagið
loksins kaupa leikmenn og stækka hdpinn hjá sér en á meðan
gjörgæslutímabilinu stdð mátti Guðjdn aðeins hafa 20 leikmenn á mála hjá sér.
£~'
Henry Birgir
Gunnarsson
henry@dv.is
YFIRHEYRSLAN
„Munurinn á stjórn Stoke
og Barnsley þolir engan
samanburð. Það er ekki
hægt að tala um það í sömu
setningunum einu sinni.
Munurinn liggur fyrst og
fremst í þekkingu þessara
manna á viðfangsefninu."
Þrátt fyrir þröngan kost og erfiðar
vinnuaðstæður þá hefur Guðjóni tekist að
byggja sterka liðsheild sem skilað hefur liðinu
meðal annars á topp deildarinnar um tíma en
liðið situr sem stendur í fjórða sæti. Það er
magnað afrek enda þykir
leikmannahópurinn ekkert sérstakur en
liðinu var spáð bullandi botnbaráttu fyrir
tímabilið.
DV Sport sló á þráðinn til Guðjóns í gær og
fór aðeins í gegnum þennan rússíbana sem
tímabilið hefur verið hjá Barnsley.
Hvernig hefur veriö aö vinna undir þessum
aöstœöum undanfarna mánuöi?
„Það hefur verið vægast sagt mjög erfitt.
Undirbúningstímabilið var mjög erfitt þar
sem okkur var meinað að spila æfingaleiki.
Þar af leiðandi renndum við blint í sjóinn
með það hvernig við myndum standa okkur
þegar tímabilið byrjaði. Þetta hefur verið
erfitt allan tímann eða frá júlí og nú fram í
byrjun desember."
Hvaða áhrifhefur þaö á liöiö og þín störf
að vera loksins laus úrþessari gjörgœslu?
„Núna get ég skoðað möguleika á að fá
leikmenn til liðs vifj mig. Ég hef nú þegar
fengið Paul Warhurst til mín og í dag er ég að
leita að framherja. Nú getum við loks skoðað
af fullri alvöru að fá leikmenn en ég missti af
mörgum mönnum þar sem það gekk verr að
ljúka málinu en í fyrstu var talið. Nú sit ég að
sama borði og aðrir þó ég hafi ekki úr stórum
sjóðum að ráða.“
Viljum fara upp
Nú. hefur gengi liösins verið frábært þrátt
fyrir allt mótlcetið. Er komin pressa frá
stjórninni að fara upp á þessu tímabili?
„Við setjum þá pressu á okkur sjálfir. Við
teljum að við getum barist um að fara upp úr
þessari deild. Þetta hefur gengið vonum
framar og um leið og frammistaðan batnar þá
vaxa væntingarnar. Þó þær séu kannski ekki
alltaf byggðar á miklum rökum."
Eruð þið með mannskap núna til aö fara
upp eða þurfiö þiö að bæta viö ykkur?
„Það eru tvær hliðar á því máli. Sumir
segja að hópurinn sé nógu góður til þess að
fara upp en ég er nú á þeirri skoðun að við
þurfum að bæta við okkur. Við erum að ganga
frá leikmannamálum þessa dagana og nú
þegar er búið að ganga frá samkomulagi við
Bolton um að John Walters verði áfram hjá
okkur. Garry Monk sem er frá Southampton
verður hugsanlega með okkur tvo mánuði í
viðbót og jafn vel lengur. Það er fullur hugur í
stjórnarmönnum mínum að standa fast við
bakið á mér í þessum efnum.“
Hvernig hafa samskipti þín og
stjórnarinnar gengið?
„Það hefur verið mjög góður andi. Það er
gott að vinna með Ridsdale og Dave Walker
sem fylgdi honum frá Leeds. Ridsdale hefur
langa og mikla reynslu í þessum málum.
Þekkir markaðinn hér mjög vel og sjálfur
nýtur hann mikils trausts hjá fjölda manna í
fótboltaheiminun þótt hann hafi fengið
mikla gagnrýni fyrir störf sín hjá Leeds en það
er nú ekki hægt að kenna honum einum um
það. Samstarf mitt við þá hefur verið mjög
gott og mikið ánægjuefni fyrir mig að fá að
vinna með mönnum sem hafa skilning á því
sem verið er að takast á við.“
Mikið betri stjórn en hjá Stoke
Er mikill munur aö vinna með þessari
stjórn ogstjórn Stoke?
„Það þolir engan samanburð. Það er ekki
hægt að tala um það í sömu setningunum
einu sinni. Munurinn liggur fýrst og fremst í
þekkingu þessara manna á viðfangsefninu og
það er mikill munur að vinna með mönnum
sem hafa skilning á fótboltanum og þeim
þörfum sem þarf að uppfylla."
Finnst þér þú hafa tekiö miklum
breytingum sem þjálfari á þessum árum úti í
Englandi ogskiluröu enska boltann betur?
„Það er alveg ljóst að það var ákveðið sem
ég þurfti að læra. Ég er alveg eins og allir aðrir
sem byrja á einhverju nýju að það þarf að
læra. Aftur á móti hefur mér tekist ágætlega
að aðlaga mig að aðstæðum. Þess má kannski
til gamans geta að þrátt fyrir að menn hafi
sumir haldið að þetta sé ekkert stórkostlegt
sem ég er búinn að gera hérna að þá er ég
búinn að komast á Wembley og vinna þar
titil. Ég er búinn að komast í „playoff" þrisvar,
og ég hef einnig komist í úrslit þar og unnið.
Þetta er nú meira en mörgum stjóranum
tekst á heilli starfsævi hér. Þannig að ég er
þokkalega sáttur við það sem mér hefur tekist
að affeka hér f Englandi á þessum tíma. Ég tel
að ég sé að styrkja stöðu mína hér á enska
markaðnum með framgöngu okkar f
Barnsley."
Erfitt að aðlagast leikjaálagi
Hvað er þaö sem var erfiöast aö aölagast í
Bretlandi?
„Fyrst og fremst geysilega mikið vinnuálag
enda mjög mikið af leikjum. Það sem er
erfiðast að aðlagast er að það er oft sem
maður vill þjálfa og bæta þjálfunarþættina
meira, en vegna leikjaálagsins verður maður
oft að beygja af leið með
þjálfunaraðferðirnar. Ég tel mig samt hafa
náð þessu ágætlega snemma.“
Þú talar um aö styrkja stöðu þína á
markaönum. Seturöu stefnuna á aö komast
aö hjá liöi í úrvalsdeildinni?
„Ég set mér ósköp hógvær markmið. Það
sem gengur fyrir núna er að styrkja
framgöngu Barnsley og koma þeim upp úr 2.
deild. Ég held að það sé best fýrir mig, og þá
sem vinna með mér, að vinna á þeim nótum
og taka eitt skref í einu. Svo leiðir kannski eitt
af öðru og maður veit aldrei hvað framtíðin
ber í skauti sér.“
Mjög ánægður í starfi mínu
Þú ert annálaður keppnismaöur og ég
veit aö þú ætlar þér ekkert annaö en aö fara
upp.
„Við munum reyna það. Þegar Ridsdale og
félagar tóku við var markmiðið fyrst og fremst
að ná fótfestu og koma félaginu úr bæði
fjárhagslegum og fótboltalegum kröggum.
Fótboltaþátturinn hefur aftur á móti gengið
betur og hraðar en menn áttu von á og þar af
leiðandi vilja menn styrkja stoðirnar þar svo
hægt sé að freista þess að komast lengra en í
fyrstu var áætlað."
Þú ert sem sagt bara ánægður meö lífiö í
Barnsley þrátt fyrir mótbyr í byrjun?
„Ég er mjög sáttur og mjög ánægður í
þessu starfi. Þessi klúbbur bíður mér upp á
góð starfsskilyrði enda aðbúnaður allur
góður. Ég er einnig sáttur við alla sem ég er að
vinna með og ég tel mig bara vera í fínum
málum," sagði Guðjón Þórðarson,
framkvæmdastjóri Barnsley í Englandi.