Dagblaðið - 14.02.1977, Blaðsíða 6

6
DAGBLAÐIÐ. MANUDAGUR 14. FEBRCAR 1977.
( Stefnubreyting Palestínuaraba gagnvart ísrael: ]
Vilja stofna smáríki á
vesturbakka Jórdanár
Bruno Kreisky kanslari
Austurríkis tilkynnti í gær-
kvöld að hann hefði fengið í
hendur skjal frá Frelsishreyf-
ingu Palestínuaraba, PLO, sem
boðaði gjörbreytta stefnu í
baráttu hennar gegn Israel. I
skjalinu, sem birt var í gær í
Bruno Kreisky.
austurríska blaðinu Arbeiter
Zeitung, segir að Arabahreyf-
ingin sé reiðubúin að stofna
smáríki þar sem flóttamenn-
irnir gætu búið í sátt og sam-
lyndi við nágranna sína, þar
með talda Israelsmenn.
Kanslarinn var beðinn um að
láta í ljósi álit sitt á þessu
skjali. Hann sagði:
„Það lítur út fyrir að um al-
gjöra stefnubreytingu sé að
ræða af hálfu Palestínuaraba.
tsraelsmenneiga nú næsta leik
við að finna leið til að geta búið
við hliðina á smáríki Palestínu-
araba.“
PLO hefur stungið upp á
heppilegurri stað fyrir ríki sitt
og vill helzt hafa það á vestur-
bakka Jórdan, Gazasvæðinu og
á tveimur öðrum stöðum.
Young er kominn
frá Suður-A fríku
—gaf Carter skýrslu ígærkvöld
Sendiherra Bandaríkjanna
hjá Sameinuðu þjóðunum,
Andrew Young, gaf Carter for-
seta í gær skýrslu um tíu daga
för sína til Suður-Afríku.
Viðstaddir fundinn voru Cyrus
Vance utanríkisráðherra og
Zbigniew Brzezinski, einn
helzti öryggisráðgjafi for-
setans.
Fundurinn stóð yfir í um
klukkutíma. Upplýsingar um
efni hans voru ekki gefnar upp
að honum loknum. — Hann
»
Andrew Young, sendiherra
Bandaríkjanna hjá Sameinuðu
þjóðunum.
kom í kjölfar þriggja daga frís
Carters sem hann eyddi á forn-
um slóðum í Plains í Georgia.
Tyrkland:
LÖGREGLUNÝLIÐIREYNDI
AÐ RÆNA DC-9 ÞOTU
Sautján ára gamall lögreglu-
nýliði var handtekinn í borg-
inni Izmir í Tyrklandi í gær
eftir að hafa reynt að ræna DC-
9 farþegaþotu. Við þeta mis-
heppnaða flugrán særði
pilturinn flugstjóra þotunnar
og eina flugfrevju.
Flugvélin varað búa sig til
lendingar á flugvellinum í
Izmir þegar pilturinn ruddist
inn í stjórnklefann og skipaði
flugstjóranum að fljúga til
Júgóslavíu. Hann rak pístólu í
bak hans og þegar flugstjórinn
hélt sínu striki skaut pilturinn
á hann.
Þotan sem var að koma frá
Istambul með 52 farþega innan-
borðs, lenti samt heilu og
höldnu. Engir farþeganna
slösuðust.
Egyptaland:
Lögregla og stúd-
entar áttust v/ð
í Kaíró ígær
vetrarfrí. Fríin byrjuðu fyrr en
venjulega að þessu sinni vegna
uppþota í síðasta mánuði. Þá
mótmæltu stúdentarnir
hækkuðu verðlagi á matvælum.
I þeim átökum létu 79 manns
lífið og um 800 særðust.
I síðustu viku fór fram
þjóðaratkvæðagreiðsla í
Egyptalandi um hert viðurlög
við uppþotum. Nú er heimilt að
dæma forsprakka uppþota í allt
að lífstíðár þrælkunarvinnu.
Upp úr sauð milli stúdenta
og lögreglu í Kaíró í Egypta-
landi í gær. Stúdentarnir beittu
hnífum, grjóti og bareflum á
móti lögreglunni.
Al-Ahram, hálfopinbert
málgagn egypzku stjórnarinnar
segir að einn maður úr starfs-
liði háskólans hafi særzt og átta
stúdentar verið handteknir.
Um það bil hálf milljón
háskólastúdenta sneri til náms
á laugardaginn eftir miðs-
FRAMTÍD KÝPUR
RÆDD AÐ NÝJU
Leiðtogar Kýpur og Tyrklands
hafa orðið ásáttir um að endur-
vekja viðræður um stjórnmála-
lega framtíð Kýpureyjar. Þessi
árangur náðist á fundi leiðtog-
anna, Makariosar og Denktashar,
og Kurt Waldheim aðalfram-
kvæmdastjóra Sameinuðu
þjóðanna á laugardaginn.
Viðræðurnar fara fram i Vínar-
borg en dagsetning hefur ekki
verið gefin upp.
Djúpur ágreiningur er enn á
milli leiðtoganna um hvernig
stjórnarfar á Kýpur skuli vera.
Ekkert hefur enn verið sagt um, á
hvaða skilmálum valdhafarnir
tveir hafi samþykkt að byggja
viðræðurnar.
Á ýmsu hefur gengið i sambúð Tyrkja og Kýpurbúa. A þessari
mynd eru Tyrkir að ráðast inn á eyjuna.
Ástralía:
Um 100 bændabýli
brunnu til grunna
i skógareldi
Verstu skógareldar, sem
kviknað hafa í Ástralíu um átta
ára skeið, geisuðu um helgina.
Eldarnir voru aðallega í þrem-
ur austurríkjum álfunnar.
Victoríu, Austur-Astralíu og
Tasmaníu. Alls létu fimm
manns lífið í eldunum og ekki
færri en þrjár milljónir
sauðfjár og naugripa hafa
farizt.
Eldarnir geisuðu á tvö
hundruð þúsund hektara land-
flæmi og brenndu niður um eitt
hundrað bændabýli. Að
minnsta kosti sautján manns
hafa særzt í viðureigninni við
eldana. — Neyðarástandi hefur
verið lýst yfir i Victoríu.
Fjöldamorð í Uganda
Fjöldi Uganda-manna hefur
verið tekinn af lífi og mörg
hundruð verið handteknir eftir
að upp komst um samsæri til að
ráða Idi Amin, forseta landsins,
af dögum. Brezka blaðið Ob-
server skýrði frá þessu á laug-
ardagskvöldið.
Fréttamaður blaðsíns í
Lusaka, David Martin, hafði
eftir heimildarmönnum í aust-
anverðri Afríku að ofsóknir
þessar hefðu hafizt þegar Amin'
komst að raun um samsærið
sem átti að hrinda í fram-
kvæmd 25. janúar þegar hann
fagnaði hátíðlega sex ára valda-
afmæli sínu.
Hermenn, sem fluttir voru til
Kampal'a vegna hátiðahald-
anna, áttu að myrða Amin.
Þeir, sem hafa verið hand-
teknir, eru einkum af Acholi-
og Langi-ættbálkunum. Eru
þeir pyntaðir hroðalega áður en
þeir eru teknir af lífi. Sjónar-
vottar skýrðu brezka frétta-
manninum svo frá, að þeir
hefðu séð lík liggja í hrúgum á
götum nokkurra borga og þorpa
í norðurhluta landsins. og
einnig að heilum bílförmum af
líkum hefði verið sturtað í ána
Níl við Karuma-fossa. Munu
þetta vera mestu fjöldamorð
sem Amin hefur látið fremja
síðan hann brauzt til valda
1971.
Erlendar
fréttir
FERÐA-
TASKA
FULL AF
EITRI
Lögreglan á Kai Tak flug-
vellinum í Hong Kong lagði á
laugardaginn hald á ferða-
tösku sem hafði að geyma
eiturlyf að verðmæti um 287
milljónir íslenzkra króna.
Taskan var ómerkt. Innihald
hennar var skráð sem skraut-
blóm.
Talsmaður lögreglunnar í
Hong Kong sagði að innihaldið
hefði heldur betur reynzt vera
annað. Þar funduzt 14 kíló af
morfíni og tíu af heróíni.
Taskan kom með flugvél frá
Bangkok í Thailandi á laugar-
daginn. Enginn hefur verið
handtekinn vegna þessa máls.
Neitaði að
greiða að-
göngumiða
í næturklúbb
— tók f jóra gísla og
hóf skothríðá
lögregluna
Japani, vopnaður riffli,
tók fjóra menn í gíslingu og
hélt uppi skothríð á lögregl-
una í borginni Kishiwada í
nótt. Hann var yfirbugaður
snemma í morgun.
Maðurinn, sem er 24 ára
gamall, greip til þessara að-
gerða, þegar hann lenti í
rifrildi við dyraverði nætur-
klúbbs vegna miðaverðsins
þar. Hann greip riffil í bíl
sínum, tók gíslana og stal
síðan öðrum bíl. Síðan
brauzt hann inn í hús og
vígbjóst þar.
Um 200 lögreglumenn um-
kringdu húsið þegar í stað.
Nokkrir þeirra særðust lítil-
lega í aðgerðunum en gísl-
arnir sluppu ósærðir.
Maðurinn náðist ekki fyrr
en hann tók skyndilega á rás
út úr húsinu, skjótandi í all-
ar áttir.
Idi Amin komst í tima að þvi að
áform voru uppi um að myrða
hann er hann fagnaði sex ára
valdaferli sínum. Hann pyntaði
samsærismennina f.vrst og drap
þá síðan.