Dagblaðið - 13.11.1980, Blaðsíða 2

DAGBLAÐIÐ. FIMMTUDAGUR 13. NÓVEMBER 1980.
Hin fuHkomna fæðingarstofnun
er bæði örugg og heimilisleg!
— Móðursýki hefur einkennt umræðuna um Fæðingarheimilið
Matthildur Hansen skrifar:
Ég get ekki lengur orða bundizt.
Umræöan undanfarið um Fæðing-
arheimili Reykjavíkur og Fæðingar-
deild Landspítalans hefur mér fund-
izt komast á svo lágt plan aö furðu
sætir. Fæðingarheimilinu er hælt á
hvert reipi en Fæðingardeildin kölluð
, .færibandastofnun” og er að skilja
að þar sé allt vélrænt og ómanneskju-
legt, jafnvel starfsfólkið.
Nú vill svo til að ég hef tvisvar alið
barn og notið þjónustu beggja um-
ræddra stofnana. Eg get með góöri
samvizku sagt að ég hafi fengið góða
reynslu af báðum og sannfærzt um
að báðar hafi þær nokkuð til sins
ágætis; báðar stofnanirnar hafa mjög
gott starfslið sem allt vill fyrir kon-
urnar gera og finnst mér í meira lagi
ósmekklegt að gefa annaö í skyn og
með öllu hulið hverju slikur mál-
flutningur þjónar.
Reynslan hefur kennt mér að draga
skarpa linu milli fæðingarinnar ann-
ars vegar og sængurlegunnar hins
vegar. Fæðingin er í minum augum
tengd ýtrasta öryggi en sængurlegan
því sem nefnt hefur verið „heimilis-
legt andrúmsloft”. Ég tel að góð
fæðingarstofnun þurfi að hafa báða
þessa kosti. Þó legg ég meira upp úr
örygginu og höfða þá til þess að
mikilvægast er að sjálf fæðingin fari
Fæðingardeild Landspitalans.
fram þar sem aðstæður eru full-
komnastar; en að það sé gefinn
hlutur að beztu aðstæður að þessu
leyti þýði sjálfkrafa „færibanda-
stofnun”, eins og einn bréfritari
orðaði svo smekklega, er í minum
augum tilraun — viljandi eða óvilj-
andi — til aö beina sjónum manna
frá aðalatriðinu: öryggi barns og
móður. Ef ég ætti aö velja milli full-
kominnar fæðingardeildar eða svo-
nefndrar „heimilislegrar deildar”
myndi ég að sjálfsögðu velja þá fyrr-
nefndu, m.a. af því að maður veit
aldrei fyrirfram hvernig fæðingin
kemur til með að ganga; ef maður
vissi það þá gæti verið athugandi að
fæða „heimilislegri fæðingu”, þ.e.
DB-mynd: Sigurður Þorri.
eðlilegri fæðingu.
Þetta þýðir þó ekki að mér finnist
ekki sjálfsagt að sængurlegan sé
„heimilisleg” og bezt væri að báðir
þessir þættir færu saman.
Oft hefur veriö sagt að nauðsynlegt
sé fyrir konur að geta valið á milli
fæðingarstofnana, annars vegar
tæknilega fullkominnar og hins vegar
„heimilislegrar”. í mínum huga á
ekki að þurfa að vera um slikt val að
ræða, einfaldlega vegna þess að góð
fæðingarstofnun þarf að uppfylla
báða þessa kosti. Þetta fékk ég sjálf
einmitt að reyna hér um árið þegar ég
fæddi barn á Fæðingardeildinni en lá
síöan sængurleguna á Fæðingarheim-
ilinu. Þarna fannst mér ég höndla
báða áöurnefnda kosti fæðingar-
stofnunar og hef þvi spurt mig oft að
þvi undanfarið hver ósköp gangi á
fyrir fólki þótt starfsemi þessara
tveggja ágætu stofnana sé samræmd.
Helzt er að skilja á andmæiendum
að við færumst áratugi aftur i tímann
og konur fari annað tveggja að fæða
börn sín á salernum Landspitalans
eða þá í heimahúsum ef eitthvað
verður hróflað við núverandi fyrir-
komulagi þessara mála. Á talsmönn-
um þessara andmæla er helzt að
skilja að þeir tali fyrir munn allra
kvenna, en þó ég gerði ekki annað en
áð biðjast undan slíkri forsjá með
þessum línum er tilganginum með
þeim náð.
Mér fyndist nær að konur — og
karlai — ræddu frekar hvernig þeim
tveimur meginmarkmiðum sem ég
nefndi áðan verði náð en láti af þeirri
dæmalausu móðursýki sem mér
hefur fundizt einkenna opinbera um-
ræðu um þetta mál undanfarið.
Framlag ríkisins
nýtist alls ekki
það setur skilyrði sem ekki er hægt að uppfylla
r
éáx
Steinunn Geirdal, Hellissandi, skrif-
ar:
Þegar ég heyrði að ennþá er minnzt
á byggingu dagvistarheimila í nýjasta
félagsmálapakkanum gat ég ekki|
lengur á mér setið. Ég varð að koma
þessu á framfæri.
Ég bý í litlu þorpi úti á landi og þar
sem ég hef haft afskipti af dagvistar-
málum hér á staðnum var ég kosin í
bygginganefnd dagvistarheimilis sem
ákveðið var að reisa hér.
Við sóttum um styrk til ríkisins
eins og gengur og fengum reyndar já-
Stokkseyringar
Árnesingar
□ Vandlátir verzla hjá okkur.
□ Vorum að taka upp mikið úrval leik-
fanga
verði.
og annarrar gjafavöru á góðu
□ Tilboð okkar í nóvember er
20% afsláttur af öllum
kjötvörum í kæliborði.
□ Nýjar kjötvörur daglega.
□ Verzlið í jólamatinn tímanlega.
□ Opið alla daga til kl. 22, laugardaga
og sunnudaga líka.
□ Þið pantið. — Við sendum heim, eða
komið og sannfærizt.
Við bjöðum ykkur velkomin.
Stokkseyri
Simi 3206
kvætt svar og fyrsta fjárframlag á
þessu ári. Sá er þó galli á gjöf
Njarðar að menntamálaráðuneytið,
sem sér um úthlutun styrksins, mælir
með teikningum ákveðinna arkitekta
sem teiknað hafa dagheimili og leik-
skóla sem nú þegar hafa verið byggð
víðaumland.
Okkur útkjálkamönnum þótti ráð-
legast að hraða framkvæmdum sem
allra mest og hugðumst því notfæra
okkur þessar teikningar, sem okkur
skildist í fávizku okkar að væru svo
til tilbúnar til afhendingar og mynd-
um við því geta hafið framkvæmdir
sem allra fyrst.
Við settumst því á rökstóla með
arkitektum þessum, fulltrúa mennta-
málaráðuneytis og skipulagsstjóra
byggðarlags okkar í júlí sl. Éftir
þennan fund átti, að því er okkur
skildist, ekki að standa á öðru en
breytingum á teikningu að grunni
hússins og lögnum og kváðust arki-
tektarnir geta lokið þessu á 2—3 vik-
um.
Við héldum heim í sælli trú á að nú
gætum við byrjað En viti menn —
núna i byrjun nóvember eru teikning-
arnar ekki ennþá fullgerðar, það
vantar ennþá allar verkfræðiteikn-
ingar og fyrr en þær koma er ekki
hægt að byrja.
Nú sér hver heilvita maður að það
er dálítill munur á að byrja á bygg-
Frá Hcllissandi. Þar hefur sjóminjum verið safnað saman i sjóminjagarð.
DB-mynd: Hörður.
ingu í ágúst eða nóvember þegar allra
veðra er von. Enda eru víst litlar líkur
til að nokkur byggingameistari taki
að sér verkið á þessum tíma.
Fjárframlagi ríkisins fylgir líka sú
kvöð að við verðum að nýta framlag
þessa árs fyrir áramót, annars fáum
við ekkert framlag næsta ár.
Ríkið setur semsé skilyrði og sér
síðan um að við getum ómögulega
uppfyllt þau.
Það er lítið gagn að svona ríkis-
hjálp, hvort sem hún kemur úr
félagsmálapakka eðaekki.
Gætið vel kvittana!
—annars fáið þið annan reikning í hausinn
Guðmundur Jóhannesson, Torfufelli
25, skrifar:
Á innheimtuseðlum Ríkisútvarps-
ins stendur m.a. þessi ágæta klausa:
„Greiðslur má inna af hendi í bönk-
um, pósthúsum, sparisjóðum, inn-
heimtudeild Rikisútvarpsins og hjá
umboðsmönnum hennar.” Ég
greiddi síðari greiðslu til Ríkisút-
varpsins í banka fyrir mánaðamót á-
gúst-september sl. en varð fyrir því
óhappi að glata kvittuninni. Var að
berast ný rukkun með áföllnum
kostnaði, aðvörun um lögtak,
mannréttindasviptingu og nauðung-
aruppboð.
Það er vægast sagt helvíti hart að
þótt manni verði á að glata kvittun
skuli maður standa uppi varnarlaus.
Að greiðslur sem komnar eru með
stimplaskellum, pompi og pragt inn
fyrir diskinn í gjaldkerabásana skili
sér ekki til réttra aðila er vægast sagt
torskilið. Hvar dagar slíkar greiðslur
uppi í kerfinu?
Einhverju sinni var sagt að
eindæmin væru verst. Hér er ekki
um einsdæmi að ræða varðandi inn-
heimtumál útvarpsins, svo mikið er
löngu kunnugt. En til þess eru vítin
að varast þau.
Birt almenningi til viðvörunar, að
gæta vel sinna kvittana að gefnu til-
efni.