Dagblaðið - 06.03.1981, Blaðsíða 9

DAGBLAÐIÐ. FÖSTUDAGUR 6. MARZ 1981.
9
Samkomulag pólsku stjórnarinnar og Einingar í hættu?
Andótsmaðurinn
Kuron handtekinn
— Hótað allt að átta ára fangelsi — Ný mótmælaalda vof ir
yfir í Póllandi
Handtaka helzta andófsmanns
Póllands og hótun verkamanna um
mótmælaaðgerðir í þremur borgum
landsins virðist nú alvarlega ógna
samkomulagi Einingar og pólsku
stjórnarinnar um þriggja mánaða
vinnufrið í landinu.
Jacek Kuron, leiðtogi andófs-
mannahreyfingarinnar Kor, sem
jafnframt er einn helzti ráðgjafi Ein-
ingar, var handtekinn af lögreglunni í
gær. Honum var haldið i gæzluvarð-
haldi í sex klukkustundir og ríkissak-
sóknarinn tjáði honum að hann gæti
átt yfir höfði sér allt að átta ára fang-
elsi.
Eining, sem hefur heitið því að
veita félögum i Kor fulla vernd, kall-
aði stjórn sína þegar saman til fundar
og hefst hann í Varsjá á morgun.
Svo virðist sem pólsk stjórnvöld
séu nú undir auknum þrýstingi frá
Sovétmönnum um að sýna aukna
hörku gagnvart verkamönnum.
í yfirlýsingu sem gefin var út í gær
eftir fund Stanislaw Kania, leiðtoga
pólska Kommúnistaflokksins, og
Leonids Brésnefs, forseta Sovétríkj-
anna, var talað um nauðsyn rót-
tækrar lausnar á spennunni í Pól-
landi.
Verkamenn í Siedlce hafa hótað
verkföllum vegna handtöku andófs-
manna og í Plock og Lodz hefur
einnig verið hótað verkföllum vegna
deilna sem þar eru komnar upp.
Handtaka andófsmannsins Kuron strax eftir fund Kania og IBrésnefs i Moskvu er
af ýmsum talinn fyrirboði harðari aðgerða pólskra stjórnvalda á næstunni. Emb-
ættismenn I Varsjá hafa hins vegar neitað þvi að nokkurrar stefnubreytingar sé aö
vænta hjá pólskum stjórnvöldum.
Erl&nt
Erlent
Erlent
I
Auschwitz
fangavörð-
urdæmdur
Jósef Schmidt.
Jósef Schmidt, fyrrum eftirlits-
maður í útrýmingarbúðum nasista í
Auschwitz, var dæmdur í átta ura
fangelsi nú nýlega fyrir morð á
pólskum fanga er dvaldi í búðunum á
striðsárunum.
Rétturinn tók tillit til þess að
Schmidt var aðeins 19 ára gamall er
hann framdi morðið.
Edmund Muskie
ílögmennsku
Edmund Muskie, fyrrum utanrikis-
ráðherra Bandarikjanna, tilkynnti í
gær, að hann hefði ákveðið að snúa sér
að lögmennsku og hefði þegar ráðizt til
starfa hjá alþjóðlegu lögfræðifyrir-
tæki, sem hefur skrifstofur í New
York, Washington og Sameinuðu
Arabaríkjunum. Muskie sagðist
mundu af og til láta til sín heyra um
utanríkismál þó lögmennskan yrði nú
hans aðalstarf.
REUTER
1891-1981
Málefni aldraðra
Verzlunarmannafélag Reykjavíkur heldur borgarafund
um málefni aldraðra að Hótel Sögu, Átthagasal,
laugardaginn 7. marz klukkan 14.00.
Fundurinn er öllum opinn.
Þeirra hlutskipti í dag, verður okkar á morgun.
Hvernig búum við að þeim sem arfleiddu okkur að velferðarþjóðfélaginu?
Eru kjör þeirra í samræmi við hugmyndir æskunnar um eigið ævikvöld?
Frummælendur verða:
Skúli Johnsen
borgarlæknir.
Adda Bára Sigfúsdóttir,
formaður heilbrigðisráðs
Reykjavíkurborgar.
Albert Guðmundsson
alþingismaður.
Ásthildur Pétursdóttir
húsmóðir.
Pétur Sigurðsson
alþingismaður.
C