Dagblaðið - 11.09.1981, Blaðsíða 9
DAGBLAÐIÐ.'FÖSTUDAGUR 11. SEPTEMBER 1981.
I
Erlent
Erlent
Erlent
Erlent
Kaupmannahöfn:
Afeð ástar-
kveðjum
Um síðustu helgi fjarlægði lögreglan
í Kaupmannahöfn stóran pakka af
tröppum Kristjánsborgar og var álitið
að þar í gæti leynzt bomba ætluð þing-
heimi en pakkanum fylgdi ástarljóð til-
einkað þingmönnum. Við nánari
rannsókn reyndist hann fullur af gömlu
og óætu súkkulaði. Má því til sanns
vegar færa að innihaldið hefði getað
skaðað þingmenn með því að valda
þeim magakveisu við neyzlu, sem er þó
mun betri kostur en springa í loft upp.
Chicago: r
KARDINALI
ÍKLEMMU
Bandarískur kardínáli, John Cody,
hefur verið sakaður um að draga sér
kirkjufé. Cody er erkibiskup kaþólikka
í Chicago.
Blöð skýra frá því að kardínálinn
hafi veitt konu nokkurri um milljón
dala af kirkjufé. Sagði kardínálinn
konu þessa frænku sína en þegar betur
var aðgáð reyndist hún þaðekki.
Yfirvöld segja að enn séu þetta
aðeins staðhæfingar og unnið er að því
að rannsaka málið.
Eining herðir enn á kröfum sínum:
MISSA KREMLVERJAR
LOKS ÞOUNMÆÐINA?
— stór floti á leið til Gdansk
Eining, samtök óháðu verkalýðsfé-
laganna í Póllandi, lauk fyrri hluta
þings sins í Gdansk með þvi að krefj-
ast frjálsra kosninga, umsjónar al-
mennings með fjölmiðlum og sjálfs-
stjórnar verkamanna í verksmiðjum.
Þetta hefur valdið miklu fjaðra-
foki í austantjaldslöndunum og há-
vær mótmæli hafa borizt frá stjórn-
inni í Varsjá, Moskvu, Prag og
Austur-Berlín. Sovézka fréttastofan
Tass kallaði þetta beinan fjandskap
við sósíalisma og Sovétríkin. f öðrum
höfuðborgum austantjaldslandanna
var Eining opinberlega ásökuð fyrir
að ætla að hrifsa til sín völdin.
Danska leyniþjónustan tilkynnti að
óvenju stór sovézkur floti hefði siglt
framhjá Gotlandi. Væri ætlunin
greinilega að hefja miklar landgöngu-
æfingar á sovézka hluta Gdanskfló-
ans við Pólland.
í gær kom lika til mikilla átaka i
pólsku borginni Konin. Lenti þar
saman hópi af ungmennum og
sigaunum og skarst lögreglan í leik-
inn.
Var kveikt í nokkrum húsum en
lögreglan greip þó ekki til vopna.
Fréttir herma þó að ástandið versni
stöðugt í Konin og megi búast við
meiriháttar vandræðum þar.
Þetta er ekki í fyrsta skipti sem
slær 1 brýnu milli Pólverja og síg-
auna. í fyrri viku höfðu nokkur
hundruð Pólverja kveikt í bílum og
húsum til að mótmæla aðgerðarleysi
lögreglunnar í sambandi við sígauna.
M
Pólverjar biða eftir nauðsynjavörum.
mou
mmG'i1
Atvinnulausum fjölgar stöðugt f Bretlandi og bitnar það harðast á ungu fólki. Könnun sem fór fram á vegum biaósins
Sunday Times sýnir líka að tortryggni þess og hatur út í kerfið eykst að sama skapi. Næstum helmingur spuröra, eða 44%,
finnst ofbeldi forsvaranlegt ef það leiðir til breytinga á þjóðfélaginu.
Könnun sem gerð var fyrir tveimur árum sýndi mun lægri tölu, eða 30%.
2/3 af viðmælendum töldu ljóst að tíðar óeirðir í stórborgum landsins væru eðlileg afleiðing atvinnuleysisins. 28% álitt.
þær sjálfsagðar og flestir kenna íhaldsstjórninni um ástandið.
Nú eru um 750.000 ungmenni á aldrinum 16—20 ára atvinnulaus á Stóra-Bretlandi. Þar sem óeirðirnar hafa valdið stjórn-
inni töluverðum áhyggjum hefur hún ákveðið að veita þeim atvinnurekendum sem ráða til sin ungmenni fjárhagslega aðstoð.
Skoðanakönnunin leiddi einnig í ljós að óvild í garð innflytjenda fer faxandi. 20% aðspurðra töldu að það ætti að senda þá
aftur til heimahaga sinna.
Ástandið bitnar einna harðast á lituðum og er hlutur þeirra i götuóeirðum því stór. Myndin sýnir særðan félaga borinn á
brott eftir uppþot í London.
Ringó til Englands:
Hættulegt
aðbúa
íAmeríku
Ringó Starr, fyrrverandi Bítill og
eiginkona hans, kvikmyndaleikkonan
Barbara Bach, hyggjast nú flytja frá
Hollywood en þar eiga þau risastóra
lúxusvillu á Beverly Hills.
Taka þau stefnuna á England og er
orsökin sú að Barbara vill ekki búa
lengur í Bandaríkjunum.
— Ég kvíði því stöðugt að eitthvað
hræðilegt gerist, segir hún. — Ég fæ
ekki gleymt þvi hvernig fór fyrir John
Lennon. Hús okkar hér er stöðugt um-
kringt öryggisvörðum og við getum
ekki einu sinni brugðið okkur bæjar-
leið án þeirra.
Ringó Starr.
Noregur:
Ráðherrar
íatvinnuleit
Það virðist nú enn ljósara að úrslit
norsku kosninganna muni leiða til
stjórnarskipta og norsk blöð eru farin
að velta því fyrir sér hvert fyrrverandi
ráðherrar Verkamannaflokksins eigi að
leita til að fá sér atvinnu.
Orðrómur er á kreiki um að utan-
ríkisráðherrann, Knut Frydenlund, sé
líklegur til að keppa við Kurt Wald-
heim um stöðu aðalritara Sameinuðu
þjóðanna. Hann verður því þriðji aðil-
inn til að keppa um hnossið því eins og
blaðið skýrði frá í gær mun utanríkis-
ráðherra Tanzaníu líka geta hugsað sér
stöðuna.
Sameinuðu þjóðimar:
SKORTIRFÉTILAÐ-
STOÐAR ÞRÓUNARLÖNDUM
Ekki hefur náðst neitt samkomulag
um hvernig fjárhagsaðstoð við bág-
stöddustu þróunarlöndin skuli varið á
fundum Sameinuðu þjóðanna, sem
fjalla nú um málið, en þeim lýkur eftir
helgina.
öllum er ljóst að mjög erfitt verður
að fá fé til að fjármagna hjálp þessa og
er álitið að aðaláherzlan verði lögð á að
sum vestræn ríki tvöfaldi framlög sín
en önnur hækki þau um 0,15% af
þjóðartekjum.
Mörg vestræn lönd, eins og t.d.
Bandaríkin, Bretland og V-Þýzkaland,
eiga þá um tvennt að velja, annaðhvort
neita þau að hækka framlög sin eða
enn meiri halli verður á þjóðarbúinu.
London:
Deilur verður að leysa
Deilurnar innan Verkamannaflokks-
ins i Bretlandi náðu hámarki sinu í dag
þegar þrír helztu stríðsaðilar mættust á
sama ræðupallinum í fyrsta skipti.
Frambjóðendurnir Denis Healey,
Tony Benn og John Silkin sátu allir i
síðustu stjórn Verkamannaflokksins.
Þetta gerðist á fundi í sambandi við
hið árlega þing launþegasamtakanna
(Tuc) í Blackpool og ræddu þeir ágrein-
ingsefni sín sem eru m.a. aðild Breta að
Efnahagsbandalaginu, staðsetningar
nifteindasprengja og efnahagsmál Bret-
lands.
Formaður Verkamannaflokksins,
Michael Foot, sagði í ræðu á þinginu
að sumar deilurnar innan flokksins
væru bæði smásmugulegar og barna-
legar. Hann varaði við því að Verka-
mannaflokkurinn ætti á hættu að tapa
næstu kosningum ef ekki næðist sam-
komulag innan flokksins.
Veitzt að blaðakónginum Springer:
MORÐ A 31. HÆÐ
— Fassbinder fer með hlutverk í myndinni
Hinn afkastamikli v-þýzki kvik-
myndagerðarmaður Rainer Werner
Fassbinder er landanum að góðu kunn-
ur, m.a. fyrir kvikmynd sína um Lili
Marleen sem sýnd hefur verið að und-
anförnu i Regnboganum við feikna vin-
sældir.
Fassbinder hefur nú tekið að sér að
leika hlutverk í sænskri kvikmynd. Er
hún byggð á sögu eftir hinn þekkta
sænska glæpasöguhöfund Per Whalös
og heitir Morðið á 31. hæð. Leikur
Fassbinder lögregluþjón í myndinni.
Sagan fjallar um blaðaútgáfu í
Stokkhólmi sem hefur þaö til siðs að
láta „skríbenta”, sem annars gætu
valdið útgáfunni óþægindum, búa á
31. hæð í byggingu sinni og skrifa þeir
þar gegn góðri greiðslu efni í blað sem
aldrei kemur út.
Margir álíta að þarna sé veitzt að
Springerblaðaútgáfunni í Þýzkalandi
og átti upphaflega að taka myndina i
skýjakljúf hennar í Berlin. En aðstand-
endur útgáfunnar grunaði fljótlega að
maðkar væru i mysunni og neituðu um
leyfi. Enda hafa þeir áður brennt sig á
álíka uppljóstrunum um blaðahring
sinn, en þá var það blað þeirra Bild
Zeitung sem í hlut átti.
Fassblnder ásamt aðalleikkonunni f mynd hans „Lili Marleen