Dagblaðið - 11.09.1981, Blaðsíða 11
DAGBLAÐIÐ. FÖSTUDAGUR 11. SEPTEMBER 1981.
Malakkasund hefur áratugum
saman verið „heppilegur” staður
fyrir sjóræningja til að ráðast á
strandferðaskip og fiskibáta. Fjölgun
árása undanfarna mánuði á stærri
skip, hafskip, á Filipusarsundi bendir
til að sjóræningjarnir séu nú betur
skipulagðir og áræðnari.
Leitað
til Interpol
Vandinn er nú orðinn slíkur að út-
gerðarsamtök í Bretlandi og Singa-
pore hafa leitað eftir aðstoð hjá yfir-
völdum í Singapore — sem aftur hafa
snúið sér til alþjóðalögreglunnar Int-
erpol.
Filipusarsund er í lögsögu Indónes-
íu. Þvi er það að Interpol hefur óskað
eftir því við yfirvöld þar í landi, sem
og í Singapore, að gæzla verði aukin
til að stemma stigu við ágangi sjó-
ræningjanna.
Mobil, Shell og BP-olíufélögin
hafa ÖU staðfest að skip á þeirra
vegum hafi orðið fyrir árásum sjó-
ræningja á sundinu undanfarna
fimm mánuði. Sjóræningjarnir hafa í
öilum tilfellum komizt undan með
«c
Sjóræningjar á þessum slóöum hafa i
gegnum aldirnar rænt fiski- og ferða-
menn eins og ekkert sé sjálfsagðara.
Þegar flóttamannastraumurinn hófst
frá Vietnam kom mikill fjöldi flótta-
manna til Singapore, Malajsíu og
Indónesíu. Fjölmargir þeirra voru
rændir á leiðinni — eins og farþegar
þessa skips, Hai Hong, sem rændir
voru af fjórum mismunandi sjóræn-
ingjahópum á einni viku.
Ttv
Sumatra
(Indonesia)
Þótt kortið sé heldur óglöggt gefur það hugmynd um hvar sjóræningjar nútim-
ans halda sig helzt — i sundinu milli Singapore og indónesisku eyjanna. Þar
ráðast þeir á smábáta jafnt sem 90 þúsund tonna oliuskip.
verðmæti — peninga, útvarpstæki,
armbandsúr og skartgripi.
í síðustu viku var til dæmis ráðizt á
90 þúsund tonna olíuflutningaskip
frá Shell, Mammoth Monarch. Áður
hafði verið ráðizt á liðlega 21 þúsund
tonna skip frá British Petroleum
(British Beech) og tæplega 30 þúsund
tonna skip frá Mobil (Corsicana).
... og pólitíkin
kemur til skjalanna
Þó er langt í frá að sjóræningjarnir
einskorði sig við olíuflutningaskipin.
Útgerðarmenn i Singapore hafa á
undanförnum mánuðum kært fjöl-
margar árásir á stærri og smærri
skip, þeirra á meðal gámaflutninga-
skip.
Stjórnirnar í Singapore og Jakarta
hafa enga formlega samninga um
baráttuna gegn sjóræningjunum.
Yfirvöld telja sig því verða að fara að
öllu með gát þegar snúizt er gegn sjó-
ræningjunum til að spilla ekki fyrir
sambúð ríkjanna, sem gæti verið
betri.
Ekki er vitað með vissu hverrar
þjóðar ræningjarnir eru en sum fórn-
arlambanna telja þá hafa aðsetur á
smáeyjum í indónesiska eyjaklasan-
um. Indónesar eru viðkvæmir fyrir
öllum ásökunum um að þar í landi
séu felustaðir sjóræningia og ■ujórnin
í Singapore er treg til að gefa u yfir-
lýsingar sem stefnt gætu sambuð ríkj-
anna í hættu.
Heimildamenn Reuters-fréttastof-
unnar í Singapore segja það vera
hlutverk viðkomandi þjóðar að berj-
ast gegn sjóræningjum og að vandi
Singapore sé meiri en ella vegna ná-
lægðarinnar við Indónesíu og Malaj-
síu. Sumar indónesísku eyjanna eru
innan við 4,5 km frá Singapore — og
þaðan má ganga innan við km til
Malajsíu þurrum fótum.
— Byggt á Reuter
góður? Náttúruspjöll? Nei, nei —
gjaldeyrisöfiun og frjálst framtak.
Hlutur Ferðamálaráðs
Þó að einn aðili ferðaþjónustu hafi
hér verið nafngreindur er langt í frá
að þetta viðhorf til náttúruverndar sé
einsdæmi. Að vísu eru tengslin við
samgönguráðuneytið heldur óvenju-
leg en framsókn sér um sína eins og
vant er. Með öðrum orðum: Um leið
og verið er að afla gjaldeyris þá fyrir-
gefst mönnum allt og eru náttúru-
spjöll þar ekki undanskilin.
Engin frambærileg rök hef ég heyrt
um að landið þoli fjölgun ferða-
manna frá því sem nú er og er fjöld-
inn reyndar þegar orðinn of mikill.
Samt situr Ferðamálaráð í sínum
skýjaborgum og dreymir um svo og
svo mikla aukningu ferðamanna-
straums til landsins.
Þessir menn hafa ekki lit-
ið hálendið augum efíir sumarið,
gróðurinn traðkaður niður, skipulag
ferða bannorð. Nei, frekar skal lií-
prentað i stórum stíl myndir af
vinjum íslenskrar náttúru, Ófæru-
foss skal inn á hvert þýskt heimili þó
að engin aðstaða sé til að taka við
þeim ferðamönnum sem þar vilja
koma.
En hvað um Náttúruverndarráð?
kann einhver að spyrja. Náttúru-
verndarráð hefur, með samstarfi við
ferðafélögin, víða unnið ómetanlegt
starf við að stýra umferð um landið.
En Náttúruverndarráð er í fjársvelti
og er þó ekki farið fram á mikið. Ef
svo fer fram sem horfir í spillingu
íslenskrar náttúru mega fjárgæslu-
menn rikissjóðs fara að leita sér að
afsökun strax, og henni gildri.
Örfoka mela höfum við þegar fyrir
framan okkur. Þegar fallegustu
vinjar hálendisins eru farnar sömu
leið þá er ekki nóg fyrir peninga-
skammtara ríkisins að yppta öxlum
og segja: „Sorry, en blankheit.” Þeir
mega einnig í samvinnu við Ferða-
málaráð fara að leita að haldbærum
rökum fyrir 27 milljón gkr. auglýs-
ingu Ferðamálaráðs í National
Geographic fyrir allmörgum árum.
Erlendar hópferðir —
leyfilegar í vissum til-
vikum
Það er dæmigert fyrir framlag
Ferðamálaráðs til náttúruverndar að
fyrst þegar hópferðir útlendinga eru
farnar að taka vænan skammt af
köku umbjóðenda þeirra, ferðaskrif-
stofanna, er farið að tala um meint
spjöll útlendinga á náttúrunni. Þessar
hópferðir hafa verið stundaðar í
nokkur ár og víst eru þær bæði ólög-
legar og hættulegar viðkvæmu há-
lendi, séu menn ókunnugir. Náttúru-
verndarráð hefur eftir föngum reynt
að uppræta þessa starfsemi með
aðstoð landvarða en peninga hefur
skort til að halda uppi fullnægjandi
eftirliti, t.d. með hreyfanlegri gæslu.
Til að mynda hefur þýska ferðaskrif-
stofan Wikinger Safari haldið uppi
reglubundnum hópferðum um
hálendið en nota bene á islenskum
bílaleigubílum. Samkvæmt lögum
má ekki taka greiðslu fyrir akstur
bílaleigubíla en engum dettur í hug að
hinir erlendu bílstjórar aki kauplaust.
En leiga bifreiða gefur gjaldeyri og
þá sameinast tollgæsla, löggæsla og
Ferðamálaráð: Lokum augum,
troðum í eyru, byrgjum munn og
varðveit oss frá því að tala illa um
þessa menn því þeirra er gjaldeyrir-
inn. En komi erlendir menn á eigin
bílum með hópferðir þá skal ljósta
eldi og brennisteini á þessa alvondu
náttúruspilla. Nú er um sama
atvinnurekstur að ræða og Land-
Rover er ekki spurður hvort á honum
sé erlent eða akureyrskt númer áður
en honum er. att yfir gróður.
Tvískinnungur ráðandi manna er
með eindæmum þegar spurning er
um peninga annars vegar og náttúru-
vernd hins vegar.
Úrbóta er þörf — strax
Ferðaþjónusta íslendinga er um
margt á frumstigi en því miður virðist
Ferðamálaráð hafa litlar áhyggjur af
því. Þeirra mottó er að fá sem flesta
ferðamenn til landsins en vita svo
ekkert hvað á að gera við þá þegar
þeireru komnir.
í sumar hefur verið töluverð
umræða um náttúruvernd en þeir
hlutir sem rætt hefur verið um eru
allt gömul vandamál sem sökum
peningaleysis hefur ekki verið unnið
nóg að.
Hins vegar hefur þáttur íslendinga
litið verið ræddur þó náttúruspjöll af
þeirra völdum séú fullt eins algeng og
af völdum erlendra ferðamanna.
Þessari grein er ætlað að beina
athyglinni að umgengni Islendinga
um landið og hinu furðulega hlut-
verki Ferðamálaráðs. Alvarlegt er að
erlendir ferðamenn gangi illa um
vegna fræðsluskorts. En það er bein-
líois glæpsamlegt að íslendingar
skulu hafa forystu um slæma um-
gengni og er hlutur Ferðamálaráðs
þar ekki lítill.
Sveinn Aðalsleinsson
nemi.
Ferðamálaráð fær orð I eyra hjá greinarhöfundi.
11
\
/
\
/