Dagblaðið - 15.10.1981, Blaðsíða 4

Dagblaðið - 15.10.1981, Blaðsíða 4
4 DAGBLAÐIÐ. FIMMTUDAGUR 15. OKTÓBER 1981. Rakið saman laufínu og notið til þess að skýla fjölærum jurtum. Ekki skal þö láta laufíð beint ofan á jurtirnar, heldur láta hrfs eða kalgreinar fyrst. Svo verður að fergja laufíð til að það fjúki ekki út i veður eða vind, annaðhvort með strigapokum eða sandi. DB-mynd Bjarnleifur. „Þar sem snjóþungi er mikill á al- laufguðum trjánum verða menn að moka aðeins frá þeim og létta mesta snjóþunganum af og reyra saman trjákrónuna,” sagði Hafliði Jónsson, garðyrkjustjóri Reykjavikurborgar, er neytendasíðan bað hann um leið- beiningar um haustverkin i görðunum. Vildi hann beina orðum sínum og leiðbeiningum sérstaklega til þeirra sem búa við snjóþyngsli nú þegar. „Ef hann fer svo að hlána með sunnanþey og vorveðráttu verður fólk að vakta fjölæru jurtirnar, sem standa allaufgaðar undir snjónum og garta þess að vatn standi ekki á þeim. Mjög mikibveri vi að vatn -'andi ekki á ljöUorum jurtum og ails ekki í beðum þar sem laukum hefur verið plantað,” sagði Hafliði. „Hér fyrir sunnan er þetta eins og á venjulegu hausti, allt að lauffalla og fuglarnir að verða búnir með reyniberin,” sagði Hafliði. Hann benti á að nota mætti laufið sem fallið er af trjánum til þess að skýla fjölærum plöntum með. Ekki má þó láta laufið beint ofan á plönt- urnar, heldur er gott að láta fyrst hrís og/eða kalgreinar og síðan laufið ofan á. Svo verður að setja farg ofan á laufið svo það fjúki ekki út i veður og vind. Til þess má nota t.d. striga- poka eða sand. — Við höfum heyrt að bóndarósir séu sérstaklega viðkvæmar fyrir vetr- arveðrum. Á að gera sérstakar ráð- stafanir með þær? „Það þarf fyrst og fremst að verja bóndarósir fyrir raka. Þær þurfa helzt að vera í upphækkuðu beði þar sem vatn getur aldrei staðið. Sama á við um fínni lúpínur, og raunar um allar fjölærar jurtir,” sagði Hafliði. — Vetrarskýli fyrir tré, t.d. barr- tré? Á að setja slíkt upp strax? „Fyrirhyggjusamir garðeigendur eru nú þegar farnir að hugsa fyrir vetrarskjóli fvrir sígrænan gróður og viðkvæm tré,” sagði Hafliði. Hann sagði einnig að kannski væri ekki nauðsynlegt að setja vetrarskýli upp strax, en hins vegar getur verið mjög erfitt að reka staura niður í gaddfreðna jörðina þegar lengra lfður á veturinn. Það er því tilvalið að reka niður staura nú þegar og jafnvel þverbönd á þá, eða strengja striga á staurana. Skýlið má hins vegar vera opið í toppinn. Svo undarlega sem það hljómar eru það geislar sólarinnar á út- mánuðum, þegar hún fer að hækka á lofti, sem sígrænum gróðri stafar mesta hættan af. Útgufunin verður of mikil og þá er hætta á að plönturn- ar þorni um of. Gætið þess að hafa ekki of þröngt um plönturnar. -A.Bj. SVALAKASSAR OGBLOMA- KER í HÚS YFIR VETURINN — Plastid viðkvæmt í f rostinu og vill springa Margir hafa sumarblóm í kerjum á útitröppum eða í görðum sínum. Við spurðum Hafliða Jónsson garðyrkju- stjóra hvort þessi ker væru heppileg fyrir laukplöntur, t.d. litla lauka. „Mörg af þessum kerjum eru ekki hentug til þess arna vegna þess að þau eru of þétt. Ef það á að rækta lauk- plöntur verða að vera göt á botninum og undirlagið verður-þar að auki að vera gott. Það er miklu betra að hafa laukaræktina i blómabeðum. Gætið þá að þvi að hafa alls ekki lauka í beðum þar sem hætta er á að vatn safnist í polla. Blómakerin eru oft úr plasti og i kulda er plastið afar viðkvæmt. Það er því heppilegast að taka blómakerin í hús yfir veturinn ef þess er nokkur kostur. Margir hafa einnig blómaker á svalahandriðum. Heppilegast er að taka kerin inn í hús yfir veturinn. Þegar moldin frýs bólgnar hún upp og getur hæglega sprengt kerin. Þá er einnig betra að taka festtngarnar af og mála þær. Ef þæreru látnarveraá sínum stað í allan vetur vilja þær ryðga og þá verður lítil prýði að þeim næsta sumar,” spgði Hafliði Jóns- son, garðyrkjustjóri. Svona í leiðinni má benda á, að í görðum suðvestanlands, þar sem enn er auð jörð (í það minnsta þegar þetta er skrifað) má sjá fegurstu listaverk í formi jurta sem eru orðnar skrá- þurrar. Því ekki að taka í hús og nota í skreytingar. -A.Bj. UpplýsingaseðiU; til samanbuiðar á heimiliskostnaði! Hvað kostar heimilishaldið? Vinsamlega sendið okkur þennan svarseðil. Þannig eruð þér orðinn virkur þátttak- | andi I upplýsingamiðlun meðal almennings uni hvert sé meðaltal heimiliskostnaðar | fjölskvldu af sömu stærð og yðar. Þar að auki eigið þér von um að fá nytsamt heimilis- tæki. Nafn áskrifanda _________________________________. Heimili_________________________________________I i Sími 1 1 Fjöldi heimilisfólks---- l| 1 Kostnaður í septembermánuði 1981 Matur og hreinlætisvörur kr. Annað kr. Alls kr. m YlhW \ KANTSKURÐUR AÐ HAUSTI EF BREIKKA Á BLOMABEDIN Svolítið er hægt að flýta fyrir vor- verkunum með því að skera kanta á haustin. Á þetta sérstaklega við ef ætlunin er að breikka beðin eitthvað. Það hefur stundum sézt að menn hafa hent slíkum afskurði í sorptunn- una. Það er mesta fásinna og sóun á verðmætum. í stað þessættiað Iáta þetta í safnhauginn. Vel rotnuð grasrótarmold er það bezta sem hægt er að fá fyrir potta- blóm. Annars ætti hreinlega bara að djúpstinga kantana og hvolfa gras- rótinni vel ofan í rásina svo grasið fariílekkiaðvaxaaftur. H.L./A.Bj. Kjúklingahakk má nota eins og allt annað hakk Ein vinkona neytendasíðunnar bað um að birtar yrðu tillögur að því hvernig nota mætti kjúklingahakk sem á boðstólum er. Það er ísfugl í Mosfellssveit sem framleiðir kjúklingahakkið og hefur á boðstólum uppskriftir i matvöru- verzlunum. Hér er uppskrift: Kjúklingabuff 650 gr kjúklingahakk 2 meöalstórir laukar (saxið og steik- ið) 1/2 tsk. svartur pipar 2 tsk. þriðja kryddið 5 tsk. terriyaki (kryddlögur á flösk- um, fæst í flestum matvöruverzlun- um) 3 tsk. kjötkraftur 2 tsk. salt 1 bolli (stór) mauksoðin hrisbrjón. Hrært vel saman, mótaðar buff- kökur sem eru steiktar á pönnu. Borið fram með rauðkáli, og kar- töflum. Kjúklingahakkið má nota í mat- reiðslu eins og venjulegt hakk, en það þarf að krydda það dálítið meira en t.d. nautahakk. Gott getur verið að blanda fleiri tegundum af hakki saman, eins og t.d. kjúklinga- og kinda- eða svínahakki svo eitthvað sé nefnt. Kjúklingahakk er sérlega gott fyrir þá sem eiga að vera á fitusnauðu fæði. Það er selt i mjög smekklegum 650 gr álformum sem kosta um 54 kr. Það gerir kg verð um 91 kr., en til samanburðar má geta þess að kg af 1. flokks nautahakki kostar 93,10 kr„ en 2. flokkur kostar 73,55 kr. -A.Bj. J

x

Dagblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið
https://timarit.is/publication/260

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.