AvangnâmioK - 01.03.1955, Blaðsíða 19

AVANGNÅM10K’
67
nr. 2
Paspatop Fix pikissoK takugamiuk nåmagtitdlune
igdlarpoK, niuvordlo ilerKumisut pisiniariartorumav-
dlune.
KeKertaK Singapore angisunanilo alianaitsorssu-
ngilaK, KåKartunginiordlo. taimåikaluardlunile najo-
ruminavigsuvoK. uvirrgajårssue pinersorssuput piner-
sunik tamanut sangmissunik avKusinerpagssuagdlit.
tauvalo Aouda Foggilo Kamutinut kussanavigsunut
ikiput, autdlarupaitdlo palmit takorånersut avdlatdlo
orpit tipigigsorssuit akornisigut; orpit akfltigssanik
åssigingitsorpagssuarnik paormaKartut tipigigdluinar-
put; ilaisa muleKutait Kivdlertorssuput, igalåminertut
Kivdlertigissut; tamåkule tamarmik nunane kiagtui-
narne naussarput. åpakåt Kimassut eKaitsoKissutdlo
tamane takugssauleriputaoK. tigereKarsimavordlo or-
pit akornine. tupingnakulugpordle nerssutit tamåko
kisortut, KeKertame tåssane angingeKissumltut nu-
ngutitdluinångingmatigik, pissutåtdlo imåipoK: Ma-
lakkamit ikerasak ikårdlugo tåssunga pissarmata.
nalunaeKutap akunere mardluk nåvdlugit Aouda
maungåinaK KinertorujugssugaluarpoK takussaKara-
nile, kisal© igdlorpagssuaKarfingmut uterput, igdlor-
pagssuit tåuko tamarmik kussanaitsuinåuput, naut-
sivigtaitdle alianåinermit naleKarnatik, tamåkunane
naussartut silarssuarme paorngarssuit pitsaunerpåt.
nalunaeKutaK Kulingorå uterdlutik pujortuling-
mut piput, sianiginago sunauvfa ama Fixip piårina-
ne ingminut akigssaiarniardlune Kimugserdlune er-
Kamingne ilagisimagåtik.
ikiput Paspato Rangunimut ikerérsimavdlune u-
tarKigåtik. inusugtoK tåuna ilerKorigsoK ikingitsunik
ivigtut itunik paornarssuarsisimavoK, paornarssuit
tamåko Kåve augpilarujugdlutik Kernalugtuput. ilui-
le augpatdlarigsorssuput; paornat tamåko oKiimer-
dlugit omame aulerångamik mamåssutsimikut åsse-
KångitdlångoK. Paspato tugdlutingårpoK, Aouda ilai-
nik tunigamiuk tugdlutdlune Kutsavigingårmane.
nalunaeKutaK amaningorå Rangunip aumar-
ssuagssai ikerérdlugit nåmagsivait, tauva pitussaia-
ramik avalagput nalunaeKiitavdlo akunere Kavsinguit
nångmata ilaussut KeKertaussap Malakkap KåKar-
ssue issigiungnaerpait, KåKat ataine orpigpagssuar-
ne tigerit kussanangårtut angalaortartut. Singapore-
init Hongkongimut milit 340 migssiliordlugit unga-
sigtigissoK, tamåna tuluit Cinamiut pigissåta ilå pat-
dligagssarigåt. tamauna Phileas Fogg uvdlut arfi-
nigdlit sivningårnagit ingerdlajumagaluaKaoK, pujor-
tulik tåssånga novemberip 6-åne autdlarumårtoK Yo-
kohamaliartugssaK angumeriumagaluaKigamiuk, tåu-
na Japanime umiarssualivingne pingårnerssaussoK.
Rangun useKangåKaoK. Rangunimut ilaussug-
ssat amerdlaKissut Singaporeme ikiput: hinduiussut,
Ceyloneseriussut, Cineseriussut, Malayaussut, Por-
tugalimiussutdlo, amerdlanerussutdle umiarssup Ker-
Kane inigssarsiput.
sivisflmik silagigssugaluarame Kåumåtip igdluer-
fia emordlugo avdlångorpoK. imaK aulassorssuångor-
poK, ilanilo nagkissårtalerpoK, iluanårdlunile nigger-
sarmat pilertutiginarpåt. nagtimavatdlångi'kångat u-
miarssup nålagåta umiarssuane tingerdlausersortitar-
på. Rangun mardluliugame ingmånguaK atdllnamik
tingerdlauteKaraluardlune ingerdlassaKaoK, pingårtu-
migdlo ingerdlalersarpoK sarpigssordlutigdlo tigsia-
lerångamik. pilertordlutik Anamip Kochinkinavdlo
sineriait sarssuavait. umiarssuardle sajugpilugtor-
ssussardlunilo aulassaKaoK, ilaussutdlo meriånguner-
tik nuånårutigivdluångikaluarujåtaoK.
taimåissusianutdle Rangun imarssuarmit pissu-
neruvoK, pujortugdlit tåussumatut itut Cinap imågut
angalassartut sananere ajoKingmata. OKimaitsunik u-
sititdlutik magdlersukut ingerdlassarnigssåt isuma-
liutigivdluarnago sanaussarmata, tamåna pivdlugo
aulassume pitsåungitdlat orrarigpatdlåKigamik inger-
dlanertik orrånermit kigaitdlagtitåinarpait. pujortug-
dlime tamåko franskit pujortuliutait åssigivigkamikik.
sila årdlerinarsiartuinarmat mianerssorneruleriari
tuinariaKarput; taimaitdlutik kisame ingerdlanertik
KiterKutinardlugo ingerdlassariaKartalerput. påmåler-
nerat tamåna Phileas Foggip åsit norKåissutigilingi-
katdlarpå, Paspatovdle norKåissutigilerdlugulo nar-
rautigingårpå. oKartarpoK: umiarssup nålagå, iku-
matitsissut nålagåt, umiarssuarmigdlo pigingnigtut
pissunerardlugit, tåukulo tamaisa angatdlåssissartut
pivdluaerKussagssautipai. nåmagigtaitdlinerminut i-
maKa KutdleK nunamingne ikumassoK, ikumarnalo
nangmineK akiligagssane pissutiginerugaluarpå.
uvdlut ilåne ujardlersup Paspato aperå: Hong-
kongimut piårumasimagaluaKautit?
Paspatop akivå: ilauna, piårumagaluaKaunga.
akivå: F'ogg tuaviorsimagaluaKaoK pujortulik
YokohamaliartugssaK angumeriumavdlugo?
sågpå: tuavioraluaKaoK.
akivå: ilumut ugperpit sule ilumut tupingnar-
tumik silarssuaK kaujatdlangniarå?
såg-på: åp, ugperåra, ivdlime Fix KanoK isutna-
Karpit?
akivå: uvanga taimåisoringilara!