Árbók Landsbókasafns Íslands - Nýr flokkur - 01.01.1992, Blaðsíða 104
104
FINNBOGI GUÐMUNDSSON
Grímur Thomsen hefur aftur fleiri íslenzk einkenni; og karl-
mennskublærinn yfir flestum kvæðum hans er eitthvað svo upp-
yngjandi eftir molluna, sem maður sveimar í daglega. Matthías
finnst mér íslenzkari, að minnsta kosti með sprettum, en Stein-
grímur t.d. Svo er nú farið að þynnast norræna blóðið í sumum
þessum yngri skáldum, nema Þorsteini Erlingssyni, Guðmundi
Friðjónssyni o.fl. Hvað sem má segja Gesti til lofs, þá verður aldrei
sagt, að hann hafl verið sérlega íslenzkur í anda. — Von er, þó
margt fari aflaga hér í Vesturheimi; það þarf hrausta bygging til að
sýkjast ekki og gjörspillast ekki af hinu brezka andrúmslofti. Hér
eru það alþýðumenn, sem hugsa um íslenzkar bókmenntir.
„Menntamennirnir“ eru of fínir til þess sumir hverjir og þykir
helzt minnkun að því að skipta sér af nokkru sem íslenzkt er. Einn
af þessum menntamönnum, sem talsvert efni var í, byrjaði all-
myndarlega, söng í hetjumóði móti kúgun og heimsku, yrkir nú
helzt drápur undir sálmalögum móti „þeim gamla“ og til lofs
góðum siðum - og ætlar sér að verða lútherskur prestur.
Lítið hef ég að segja af íslenzkukennslunni við Wesley-skóla. Ég
fór til Bergmanns um tíma 3 í viku, klukkutíma í hvert skipti, lærði
talsvert í stafsetning, og öðru smávegis, en fékk ekkert víðtækari
skilning á bókmenntum fyrir bragðið. Eg gat svo ekki, vegna
annarra prófa, skrifað á neitt próf í íslenzku, af því niðurröðunin á
öllu og sess sá, sem íslenzkan skipar, er allt einhvern veginn svo
handahófslegt og ómyndarlegt.
Ég verð svo að hætta þessu og biðja þig að virða á betra veg, hvað
þetta er allt snubbótt. En pósturinn er að fara.
Líði þér ætíð sem bezt,
vinsamlegast,
Stephan Guttormsson.
Ég verð hér í sex mánuði í sama stað.
S.G.
799 Ellice Ave., Winnipeg
15. marz, 1903.
Stephan G. Stephansson, Esq.,
Markerville P.O., Alta.
Látum nú suma af þessum prestlingum vera. Mér er fremur hlýtt
til sumra þeirra heldur en hitt. Hitt er verra, að kaldrifjuð
vísindamennska leiðir til stórtjóns á öðrum svæðum. Ef hún fengi