Árbók Landsbókasafns Íslands - Nýr flokkur - 01.01.1992, Side 124

124
LANDSBÓKASAFNIÐ 1990
í stað hans var skipaður í nefndina 14. júní Egill Skúli Ingibergs-
son verkfræðingur og honum falið að vera framkvæmdastjóri
hennar og formaður fyrir nefnd, er vinnur að endurskoðun
forsagnar vegna lokahönnunar bókhlöðunnar.
Unnið var um sumarið undir forystu Egils Skúla að nýrri
tímasettri áætlun, miðaðri við, að safnið verði tekið formlega í
notkun 1994, á 50 ára afmæli lýðveldisins. Aætlunin tekur til
byggingarframkvæmda, hönnunar, rekstrar nýja hússins, flutn-
ings safnanna í bókhlöðuna og nauðsynlegs viðbúnaðar vegna
hans, og greinir, hve mikið fé þurfi að vera til taks á hverjum tíma,
til þess að áætlunin fái staðizt.
Þar sem hönnun og gerð útboðsgagna vegna 11. og 12. áfanga
var lokið og þar voru verkefni upp á nokkur hundruð milljónir,
urðu það mikil vonbrigði, þegar í íjárlagafrumvarpinu fyrir árið
1991 reyndust aðeins hundrað milljónir ætlaðar til framkvæmda
við bókhlöðuna, þótt álagning eignarskattsauka væri áætluð 335
milljónir á árinu 1991. Að vísu sagði í greinargerð, að óskipt væri
enn 150 milljónum úr sjóðnum og mundi Alþingi í meðferð
íjárlaga skipta þeirri upphæð milli framkvæmda við bókhlöðuna
og á Bessastöðum. A 50 ára afmæli Háskólabókasafns 1. nóv. lýsti
Svavar Gestsson menntamálaráðherra yfir því, að bókhlöðunni
yrði á árinu 1991 tryggðar 175 milljónir, og hefur þá miðað við, að
bókhlaðan fengi helming hinnar óskiptu upphæðar. Reyndin varð
þó önnur, því að henni var skipt í þrennt: bókhlaðan fékk 45
milljónir, framkvæmdir við Bessastaði 40 milljónir og Þjóðleikhús-
ið 65 milljónir. Leikhúsið hafði þó á árinu 1990 fengið 125
milljónir úr sjóðnum, er efnt var til samkvæmt lögunum um
Þjóðarbókhlöðu og endurbætur menningarbygginga, og til fram-
kvæmda á Bessastöðum var ráðstafað 202 milljónum króna og þær
skrifaðar á umræddan sjóð eftir fjárlögum fyrir árið 1990 að
dæma. Hefði því mátt ætla, að bókhlaðan yrði á árinu 1991 látin
sitja fyrir sjóðsfénu, eins og lög segja til um, en frekari fram-
kvæmdir við Þjóðleikhús og á Bessastöðum íjármagnaðar með
öðrum hætti. En enn var vegið í sama knérunn, rúmt hundrað
milljóna króna látið hrökkva úr sjóðnum til umræddra fram-
kvæmda.
Enginn virðist nú muna lengur eftir eldri skattinum, eignar-
skattsaukanum, sem lagður var á 1987-89 og renna átti alfarið til
Þjóðarbókhlöðu. Alagningin nam alls þessi þrjú ár 684 milljónum.
Af honum höfðu innheimzt í árslok 1989 kr. 500.775.000, en þar