Frjáls verslun - 01.10.1963, Blaðsíða 23

/------------------------------------------------------------------------------------
Nýr bankastjóri
Alþjóðabankans
Fyrir nokkru urðu breytingar á æðstu
stjórn Alþjóðabankans í Washington.
Eugene Black, sem verið hefur aðal-
bankastjóri bankans í 13 ár hefur látið af
störfum, en við hefur tekið George D.
Woods, sem verið hefur einn af forstjórum
eins stærsta bankafirmans í Wall Street,
First Boston Corporation.
Eugene Black gat sér mjög gott orð i
starfi sínu á vcgum Alþjóðabankans. Hann ferðaðist mikið um þróunarlöndin og lagði sig fram
um að aðstoða þau við útvegun fjármagns til hinna margvíslegustu framkvæmda. Eftirmaður
hans hefur einnig látið töluvert að sér kveða í alþjóðlegum fjármálum. Iíaun hefur átt þátt í að
endurskipuleggja járn- og stálframleiðslu Indlands og tók þátt í þeim samningum sem fram fóru
milli Egyptalandsstjórnar og hinn fyrri eigenda Súezskurðarins, þegar hin fyrrnefnda féllst á að
greiða hinum síðarnefndu nokkrar bætur vegna þjóðnýtingar Súezskurðarins 1956.
_____________________________________________________________________________________/
Eugene Black
George D. Woods
EGILL VILHJALMSS9N
Framhald aí bis. 18
þakki helzt vöxt og velgengni fyr-
irtækisins, og svarar hann: „Ég
tel það að þakka fyrst og fremst
reglusemi og löngum vinnutíma.
Ég hef aldrei vanið mig á neyzlu
áfengis eða tóbaks, og ég hef alla
tíð haft langan vinnudag. Ég er
þeirrar skoðunar, að þeim sem
hugsa sér að byggja upp slík fvr-
irtæki, þýði ekki annað en taka
daginn snemma og megi ekki vera
að því að eyða dagstundunum í
að sitja lon og don inni á veitinga-
stofum. I>að er ekki eðlilegt, að
neinn komist áfram í lífinu nema
með því að vinna. Og ég lít svo á,
að sá sem vill verða forstjóri og
settur yfir mikið, verði jafnvel
að gera sér að góðu að taka á sig
allt að því þrefaldan vinnudag.“
Egill var fyrir nokkru gerður
heiðursfélagi Leikfélags Reykja-
víkur fyrir það, að hann liefur
hvað eftir annað styrkt félagið
með fégjöfum, en um þetta vill
Egill helzt ekkert tala, segir ráða-
menn félagsins hafa ljóstrað þessu
upp að sér forspurðum, sem hann
kvaðst ekki hafa kært sig um,
jafnvel j)ótt hann hafi aðstoðað
þá til endurgjalds fyrir margar
góðar stundir, sem þau hjónin
hafi notið á leiksýningum, og sé
félagið alls góðs maklegt.
Kona Egils er Iíelga Sigurðar-
dóttir, verkamanns í Reykjavík
Amundasonar frá Miðengi í
Grímsnesi. Börn þeirra eru þrjú,
Sigurður, Ingunn og Egill, og
starfa synirnir báðir við fyrirtæki
föður síns, og einnig tengdasonur
hans.
SMÆLKI
Hún settist við hliðina á honum. „Elskan“,
hvíslaði hún, „ekkert getur nokkru sinni aðskil-
ið okkur. Framtíðin er okkar. Ég elska þig og
vil taka þátt í gleði þinni og sorgum“.
„En mín kæra, ég hef engar sorgir,“ sagði
hann.
„Ég veit að þú hefur þær ekki núna,“ hvísl-
aði hún, „ég meina þegar við erum gift.“
FRJÁLS VERZLUN
23