Fregnir - 01.12.1976, Page 3

3
mönnum bandalagsins verði gefinn kostur á að taka
þátt í slíkri framkvæmd, enda þótt framlag í orlofs-
heimilasjóð sé ennþá bundið við ríkisstarfsmenn".
Um orlofsferðir var samþykkt: "Samið verði áfram um
hagstæðar orlofsferðir. Kannaðir verði möguleikar á
ferðum í menntunarskyni".
Launa- og skattamál voru mjög til umræðu á þinginu.
Flutt voru tvö framsöguerindi um skattamál af þeim
Atla Haukssyni endurskoðanda og Guðmundi Magnússyni
prófessor. Guðmundur kynnti ýmis atriði hinna nýju
skattalaga, sem væntanlega verða lögð fram á Alþingi
á þessum vetri.
Guðrún Gísladóttir og Else Mia Einarsdóttir sóttu
þingið fyrir hönd Felags bókasafnsfræðinga. Geta má
þess að á næsta þingi BHM koma til framkvæmda ný laga-
ákvæði, sem gera minni félögunum kleift að senda
a.m.k. 3 fulltrúa á þing bandalagsins.
Sex starfshópar voru starfandi á þinginu. Guðrún tók
þátt í störfum skattamálahópsins og Else Mia valdi
sér starfsáætlunarhópinn. Skattamálahópurinn hefur
enn ekki lokið störfum en hann mun skila áliti í
byrjun desember.
Eins og fyrr segir var mikið rætt um kjaramál. I
einni af ályktunum þingsins segir, að allt frá því
Bandalag háskólamanna fékk viðurkenndan samningsrétt
um launakjör ríkisstarfsmanna innan sinna vébanda
hafi það leitast við að byggja kjarabaráttu sína á
efnislegum rökum. Þess hefði verið vænst að samn-
ingsréttarlögin frá 1973 tryggðu ríkisstarfsmönnum
innan BHM sanngjarna úrlausn kjaradeilna. Reyndin
hafi þó orðið önnur. Hvorki samninganefnd ríkisins
né Kjaradómur hafi tekið tillit til mismunar á kjörum
háskólamanna í þjónustu ríkisins og annarra. Auk þess
hefur verið horfið frá raunverulegu starfsmati.
Þingið samþykkti einnig ályktanir og lýsti m.a. þeirri
skoðun sinni, að allir landsmenn skuli búa við sömu
vinnulöggjöf. Jafnframt lýsti þingið andstöðu sinni
við alla skerðingu á verkfallsrétti annarra launþega-