Alþýðublaðið - 16.08.1969, Blaðsíða 8

8 Alþýðublaðið 16. ágúst 1969
„Engin er svo sæt og góð
sem Dimmaiimmalimm,
og e igin er svo hýr og rjóð
sem Bimmalimmalimm,“
Sennilega kannast flestir við þetta stef úr ævintýrinu hans Muggs um prins-
essuna Dimmalimm — en færri munu vita, að ævintýrið samdi hann um litla
frænku sína — systurdóttur sína, Helgu Egilson, sem var kölluð Dimmalimm,
„þegar hún var lítil“ og gaf henni það.
Og núna hefur sú sama Helga Egilson gert leikrit upp úr ævintýri frænda
síns um Dimmalimm, cg það verður barnaleikrit Þjóðleikhússins í ár.
Helga féllst á að segja mér frá ýmsu viðvíkjandi Dimmalimm, upphaflegu sög-
unni og leikritinu hennar sjálfrar.
— Hver er uþpruni Dimma-
limm nafnsins?
— Ja, það er nú það. „Ég
hreinlega veit ekki. En pabbi
gaf okkur öllum gælunöfn
og það var eiginlega ekkert
hægt að gera við Helgunafnið.
Einhvern veginn vildi það til,
að hann fór að kalla mig
Dimmalimm.
Við bjuggum þá í Ameríku,
þar sem ég er fædd og hvort
hann hafði nafnið úr einhverju
jazzlagi — það getur verið.
—Svo það hefur ekki verið
Muggur, sem tók upp á því að
kalla þig Dimmalimm?
— Nei, það var pabbi. En
þetta festist við mig strax og
hélzt, meðan ég var krakki.
— Prinsinn í Dimmalimm
heitir PétUr. Er það einhver
sérstakur Pétur?
— Það var alltaf sagt, að
það væri Pétur Thorsteinsson,
frændi minn. Við erum syst-
kinabörn og á líkum aldri; átt-
um heima í sama húsi, þegar
við vorum krakkar og lékum
okkur mikið sáman. Þetta var
svona grín í fjölskyldunni með
Pétri prins og Dimmalimm kon
ungsdóttur.
— Hvenær samdi Muggur
Dimmalimm?
— Það hefur verið 1921, þeg
ar ég var þriggja ára. Þá bjugg
um við á Ítalíu. Við þurftum
nefnilega að færa okkur svo
mikið milli landa vegna starfs
pabba.
En þannig var, að Muggur
kom að heimsækja okkur til
Ítalíu o'g gaf mér þá Dimma-
limm ævintýrið myndskreytt.
Hann hafði bara gert það upp
á grín, meðan hann var á
skipinu á leiðinni. Svo voru
blöðin seinna bundin inn og
þannig á ég bókina ennþá.
Þegar ég fer að hugsa um
það núna, er ég alveg stein-
hissa á því, að hún skuli aldrei
hafa týnzt eða skemmzt, því að
við vorum svo oft að skoða
hana systkinin og leika okkur
með hana — við vorum sjö
svstkinin. En það sá aldrei á
bókinni.
— Muggur hefur haft mikið
dálæti á.þér.
— Já, það er líklega.
En hann og mamma voru á
sviþuðum aldri í systkinahópn
um og vorum mjög samrýnd.
Það hefur kannski eitthvað
komið til þess vegna.
En ég rétt aðeins man eftir
honum — svona eins og mað-
ur man frá því maður var lít-
ill. Hann dó svo snemma.
— Hvenær var það? i
— Það hefur verið 1924. ;