Alþýðublaðið - 16.08.1969, Qupperneq 9

Al'þýðublaðið 16. ágýst 1969 9 -
rið Helgu Egilson (Dimmalimm)
k aff gjöf þriggja ára gömul og hefur
— Þremur árum eftir að
hann gaf mér Dimmalimm sem
sagt, segi ég, hafandi reiknað
það í huganum og þá vaknar
sú spurning, hvernig á því stóð
að bókin var gefin út upphaí-
lega.
Við þeirri spurningu seg-
ir Helga;
— Sennilega hefur upphafið
verið, að það kom hingað
danskur maður til að skrifa
bók um Mugg og fékk þá að
sjá hjá mér Dimmalimm, eins
og Muggur gaf mér hana. Hann
var svo afskaplega hrifinn af
ævintýrinu og myndunum og
hafði orð á, að þetta ætti að
gefa út.
Þetta var á stríðsárunum og
Rögnvaldur, maðurinn minn,
hafði eiginlega lokazt hérna
inni og ekki komizt utan til
náms aftur, svo að mér dettur
í hug, að ef ég geti selt útgáfu-
réttinn að bókinni, þá kunni
það að verða til þess, að hann
geti haldið áfram námi.
Eg vann þá í KRON og það
varð úr, að ég sýndi kaupfélags
stjóranum þar bókina og hann
ákveður á stundinni, að bókin
verði gefin út hjá KRON og
spyr mig, hvað ég vilji fá fyr-
ir.
' Ég hafði hugsað mér, að bók
in yrði kannski gefin út í hæsta
lagi í 3 þúsund eintökum, og
ákveð, að það hljóti að vera
sanngjarnt, að ég fái krónu á
eintakið. Svo ég segi það við
hann — krónu á eintakið.
—- Jahá, segir hann — við
gefum bókina út í fimm þúsund
eintökum.
Þú getur ekki ímyndað þér,
hvað mér fannst ég vera rík.
Og þetta stuðlaði svo að því, að
við hjónin komumst til Amer-
íku til frekara náms.
— Hvar var bókin prentuð?
— Þessi fyrsta útgáfa var
prentuð í Englandi. Það var
verulega vönduð útgáfa ——
pappírinn svo góður og litirn-
ir komu sérlega vel út.
Síðan hefur hún verið gefin
út hérna tvisvar sinnum.
Hún hefur líka verið gefin
út á sænsku, og síðasta íslenzka
útgáfan er á fjórum tungumál-
um, ault íslenzkunnar.
— Og þá érum við eiginlega
komnar að því, sem ég ætlaði
aðallega að forvitnast um, og
það er leikritsgerðin á Dimma-
limm eftir þig. Við skulum
byrja á byrjuninni eins og áð-
an.
— Já, segir Helga. Hennar
er eiginlega að leita fimmtán
ár aftur í tímann, þegar strák-
arnir mínir voru á sögualdr-
inum. Eg þurfti þá alltaf að
vera að segja þeim sögur og
bjó þær bara til sjálf jafnharð-
an. Þannig fór þetta að gerjast
— ég sá ævintýrið um Dimma-
limm fyrir mér og einmitt allt
af á Þjóðleikhússviðinu.
Eg gerði drög að þræðinum
og fór með það uppkast til
mágs míns, Indriða heitins
Waage. Hann lítur á þetta og
finnst alls ekki svo vitlaust,
en hefur orð á því, að Bidsted
sé að gera ballett um Dimma-
limm.
Þá pakkaði ég skriftunum
gjörsamlega niður — þetta
væri líka svo fáránlegt af mér
að skrifa leikrit, þar sem ég
hefði aldrei neitt komið nálægt
leikhúsi og hefði ekkert vit á
því — og ég snerti ekki á þessu
í tíu tólf ár. -
Ég hálfskammaðist mín
nefnilega fyrir þetta, en eftir
allan þennan tíma, fór þetta
að sækja svo sterkt á mig aft-
ur, að ég byrjaði að stelast í að
skrifa, svona þegar ég var ein
og enginn sá til.
Ég ieitaði í dyrum og dyngj-
um að því, sem ég hafði þegar
verið byrjuð á fyrir löngu, því
ég kveið svo fyrir að byrja
alveg upp á nýtt. En ég fann
það aldrei — byrjaði nú samt
aftur.
— Svo hefur leikritið komizt
á góðan rekspöl hjá þér.
— Það atvikaðist nú þann-
ig, að ég veiktist og varð að
liggja í rúminu í næstum tvo
mánuði — þá hafði ég fyrst
almennilegan tíma til að skrifa
það.
Ég skrifaði út einn þáttinn
í fyrstu — og var alveg í öng-
um mínum — bara yfir að vera
að þessu.
Það að leikritið verður sýnt
hjá Þjóðleikhúsinu í vetur kem
ur eiginlega til af því, að ég
svndi Bryndísi Sehram — sem
átti þá heima í sama húsi og
við — fullgerða þáttinn.
Hún hreinlega skipaði mér
að halda þessu áfram — nú
ég gerði það; veikindin entust
einmitt til þess, að ég gat lok-
ið því. Bryndís hvatti mig svo
til að koma leikritinu til Þjóð-
leikhússtjóra — og svo var sem
sagt ákveðið í vor, að leikritið
yrði tekið til sýninga.
— Svo ég spyrji þig nánar
út í leikritið, Helga, verður
sungið í því og dansað?
— Já, talsvert af hvoru
tveggja.
— Hver mundi semja tón-
listina?
— Það gerir Atli Heimir
Sveinsson.
Atli hafði nefnilega samið
Framh. á bls. 11
Kérna virSir Helga fyrir sér mynd-
ina af Dimmalimm konungsdóttur
og Pétri prinsi^ eins og Muggur
teiknaöi hana upphaflega. í bak.
sýn er mynd af Helgu, máluð á ít-
alíu um það leyti, sem Muggur
samdi Dimmalimm.