Helgarpósturinn - 09.01.1997, Blaðsíða 16

16
HMMTUDAGUR 9. JANÚAR1997
eru alK í lagi
Lúxus-
fiskréttur
Magga
800 g roöflett ýsuflök
300 g rækjur
200 g sveppir
1 laukur
1/2 blaölaukur
1 græn paprika
1 rauð papríka
2 gulrætur
smjörkltpa
1/2 dós af ananaskurli
150 g rjómaostur
11/2 dl kaffirjómi
1/2 tsk. salt
1/2 tsk. pipar eöa sítrónupipar
1/2 tsk. paprikuduft
1/2 tsk. karri
11/2 tsk. súpukraftur
Grænmetiö er skoriö niöur.
Steikiö lauk og blaölauk í
smjöri, bætiö papriku, gulrótum
og sveppum út í ásamt ananas-
kurli og ananassafa. Látið
krauma smástund. Bætið
rjómaosti og rjóma t. Fiskstykk-
in látin út f og látiö krauma í
átta til tíu mínútur. Rækjur sett-
ar saman viö um minútu áður
en rétturinn er borinn fram.
Meölæti eru soöin hrlsgrjón,
hrásalat og brauö, gjarnan
heimabakað eöa hvítlauks-
brauö.
Magnús Scheving starfar
við að sprikla og skoppa
og þarf því væntanlega ekki
að hafa miklar áhyggjur af
aukakílóum eftir jólahátíðina.
„Nei, það er frekar að ég þyrfti
að borða meira en ég geri. Það
er alltaf svo mikið að gera hjá
mér að ég gleymi stundum að
borða,“ segir Magnús. „Fólk
sem starfar við leikfimi þarf í
rauninni að borða tvöfalt á við
aðra því brennslan er svo gíf-
urleg, þannig að við erum dýr
í rekstri." Magnús kveðst áður
fyrr hafa litið á mat sem
hreina og klára næringu en í
seinni tíð vera farinn að líta
meira á mat sem yndisauka og
lífsfyllingu. „Ég fæ örugglega
bumbu síðar á ævinni en mér
finnst það bara allt í lagi.
Þetta megrunartal allt finnst
mér alveg ótrúlega þreytandi
og komið út í algjörar öfgar.
Leikfimi er orðin að einhverri
allsherjar megrunaraðferð en
á að vera skemmtun og áhuga-
mál. Það að grennast er síðan
bara bónus en ekki aðaimál-
ið,“ segir Magnús svolítið pirr-
aður.
„Grænmetisvanara“ fólk
við stjórnvölinn!
Magnús kveðst ekki vera
stórbrotinn kokkur en kunni
þó að búa til nokkra rétti, aðal-
lega pastarétti. Einnig kunni
hann allt þetta venjulega eins
og að sjóða fisk, annars sjái
konan meira um matreiðsluna,
hann um uppvask og annað
stúss. Magnús segir fiskréttinn
sem hann býður okkur upp á
vera afskaplega ljúffengan og í
ofanálag fljótlegan í mat-
reiðslu. Hann segist hafa grafið
þessa uppskrift upp úr ein-
hverri bók fyrir nokkrum árum
þegar hann varð afhuga kjöti á
tímabili. „Ég var orðinn leiður
á að borða sífellt soðna ýsu og
vantaði tilbreytingu í matar-
gerð mína. Þessi réttur hefur
þann kost að vera hollur og
góður því í honum er gnægð af
grænmeti. Annars verð ég nú
að kvarta yfir verði á græn-
meti, það er bara fyrir hálauna-
fólk að borða hollan mat! Von-
andi lagast þetta smám saman
þegar yngra og „grænmetis-
vanara" fólk sest við stjórnvöl-
inn.“
Þefnæmir vinir
Magnús gefur ekki mikið út á
að rétturinn sé fitandi, þótt í
honum megi finna rjómaost,
rjóma og smjör. „Það er bara
hollt og gott að fá smáskammt
af fitu, skrokkurinn þarf á
henni að halda,“ segir Magnús
sannfærandi. Annars megi vel
nota kaffirjóma í staðinn fyrir
rjóma ef fólk hafi miklar
áhyggjur af línunum. Hann seg-
ir fiskréttinn njóta mikilla vin-
sælda og vinir hans virðist
detta eins og fyrir tilviljun inn
úr dyrunum þegar þessi réttur
sé á borðum fjölskyldunnar.
„Þefskyn vina minna er með
ólíkindum því það er frekar
regla en undantekning að ein-
hver snæði með okkur þegar
lúxusfiskurinn er í matinn. Það
er auðvitað bara skemmtilegt,
enda er aðalkosturinn við
þennan rétt sá að það er alltaf
nóg fyrir alla. Maður borðar
bara meira af hrísgrjónum
með þessari ljúffengu sósu út
á,“ segir Magnús, hressilega að
vanda. she
Mmmn
Bg^siiaaana
CrMSKHNMB
'..>3
Rád undir rifi hverju
vernig náum við fitubletti
úr uppáhaldsflíkinni okk-
ar? Er hægt að frysta egg?
Hvaða þvottavél eigum við að
kaupa? Svör við þessu og
flestu öðru er varðar heimilis-
hald má fá hjá Leiðbeininga-
stöð heimilanna.
Leiðbeiningastöðin hefur
verið starfrækt í nær 35 ár og
er rekin af Kvenfélagasam-
bandi íslands. Áður var þjón-
ustan kennd við húsmæður en
slíkt er ekki lengur í takt við
tímann og að auki leita karl-
menn í auknum mæli til leið-
beiningastöðvarinnar. Leið-
beiningastöð heimilanna er í
raun réttri ókeypis símaþjón-
usta sem er opin frá níu á
morgnana til fimm á daginn.
Einnig eru gefnir út fjölbreyttir
bæklingar um ýmislegt sem
tengist fjölskyldu og heimili.
Við símtækið sitja til skiptis
þær nöfnur Steinunn K. Ingi-
mundardóttir, fyrrverandi
skólastjóri hússtjórnarskólans
á Varmalandi, og Steinunn V.
Óskarsdóttir, sagnfræðingur
og borgarfulltrúi.
Blettir og heimilistæki
Nöfnurnar segja mikið hringt
og daglega svari þær tuttugu
til fimmtíu fyrirspurnum.
Spurningarnar eru oft árstíða-
bundnar og mest er að gera
fyrir hátíðir og eins segja þær
mikið hringt á haustin til að fá
upplýsingar um sultun, saft-
gerð, sláturgerð og meðhöndl-
un skrokka. „Þessa dagana er
mest spurt um bletti og heimil-
istæki. Fólk ætiar að notfæra
sér útsölurnar og hringir til að
vita hvernig tækin hafi komið
út úr könnunum erlendis,"
segja hinar ráðagóðu Stein-
unnir. Við skrifborð þeirra er
fjöldinn allur af möppum stút-
fullum af húsráðum, uppskrift-
um, upplýsingum um með-
höndlun matvæla, könnunum
á heimilistækjum og raunar
flestu því sem tengist heimil-
um. „Yfirleitt spyr fólk mikið
um það sama og þau ráð kunn-
um við, en stundum kemur fyr-
ir að við verðum að biðja fólk
að hringja síðar meðan við öfl-
um okkur upplýsinga og einnig
kemur fyrir að við vísum fyrir-
spurnum frá okkur. Það kemur
fyrir að fólk hringi til að fá ráð-
gjöf um t.d. mataróþol, en við
beinum því til næringarráð-
gjafa."
Hússtiórnarkennarinn
veit allt
Steinunn sagnfræðingur seg-
ist hafa verið ósköp blaut bak
við eyrun þegar hún hóf störf á
Leiðbeiningastöðinni fyrir fjór-
um og hálfu ári og flest sem
hún nú viti hafi hún lært af
nöfnu sinni hússtjórnarkennar-
anum. „En það er sumt sem ég
veit bara ekkert um og bendi þá
á hina Steinunnina, — sérstak-
lega hendir þetta í sláturtíðinni.
Ég veit óskaplega lítið um súrs-
un matvæla, meðhöndlun grísa-
táa, bjúgnagerð og raunar al-
mennt um gamaldags íslenskan
mat, en hússtjórnarkennarinn
veit og kann allt,“ segir Stein-
unn V. og hlær en nafna hennar
kveður þetta ýkjur.
Léleg verkmenntun
Þær segjast eiga nokkra
fasta „kúnna" sem hringi með
reglulegu millibili. Gjarnan
eru það karlmenn sem skyndi-
lega lenda í þeim hremming-
um að þurfa að sjá um sig
sjálfir. Þær minnast með hlýju
manns sem lenti í því óláni að
missa móður sína, þá kominn
hátt á sjötugsaldur. „Við lát
móður sinnar stóð blessaður
maðurinn uppi algjörlega
bjargarlaus og við leiddum
hann í gegnum bókstaflega
allt sem viðkom húshaldi.
Þessi þjónusta getur því kom-
ið sér vel fyrir fólk sem lendir
í viðlíka aðstöðu og hefur nán-
ast aldrei soðið egg á ævinni.
Það getur verið erfitt og tekið
langan tíma að bíða eftir því
að eggið sem á að vera linsoð-
ið verði algjörlega lint,“ segja
þær og glotta dálítið ísmeygi-
lega. Steinunnirnar tvær segja
einnig töluvert um hringingar
frá fólki sem er í öngum sínum
með kökur sem hafa runnið út
eða rétt sem hefur mislukkast
algjörlega og vill fá töfraráð til
að kakan lyfti sér og rétturinn
lagist. Steinunn hússtjórnar-
kennari segir að sér finnist
raunar með ólíkindum hve
ungt fólk kunni orðið lítið til
verka. „Það vantar svo hrapal-
lega verkmenntun í skólakerf-
ið okkar, heimilisfræði og
matreiðsla er eitt af þeim fög-
um sem hafa verið skorin
hvað mest niður. Fólk þarf að
kunna að nota hjálpartækin
sem það hefur í kringum sig,
lesa uppskriftir og beita lík-

Ráðagóðar konur. Steinunn V. Óskarsdóttir og Steinunn K. Ingimundardóttir.
amanum rétt svo fátt eitt sé
nefnt.“
í ljósi þess að fólk kann sí-
fellt minna til verka á heimilinu
hlýtur hlutverk Leiðbeininga-
stöðvar heimilanna að vaxa og
dafna um ókomin ár og mikil
guðsblessun er að til er fólk
sem kann og gefur okkur góðu
húsráðin. Steinunn og Stein-
unn gefa okkur að lokum gott
ráð um hreinsun á kertavaxi úr
dúkum. Vandamál sem margir
eiga við að stríða nú að lokinni
hátíð ljóssins. she
■etjið dúkinn eða það sem vaxið hefur „ráðist á“ inn í frysti og
Iþegar það er orðið hart reynist yfirleitt auðvelt að mylja það
Ef eftir situr fitublettur þvoið þá dúkínn á 90 gráða hita. Ef
efnið þolir ekki svo mikinn hita er næsta óbrigðult ráð að
strjúka það með tusku vættri upp úr hreinsuðu bensíni, sem
fæst í apótekum. Einnig má strauja vaxið úr og hafa rakadrægan
pappír, t.d. eldhúsrúllu eða klósettpappír, undir og ofan á efn-
inu. Oftast verður þó eftir fitublettur, sem hægt er eins og fyrr
segir að ná með hreinsuðu bensíni.
Hægt er að fá bækling um hreinsun bletta hjá Leiðbeininga-
stöð heimilanna.