Alþýðublaðið - 07.05.1975, Qupperneq 3

Farþegaaðstaða situr
á hakanum vegna
skrif stof u h úsn æðis
SVR
Eftir nýjustu áformum stjórnar
Strætisvagna Reykjavlkur að
dæma, er nú útlit fyrir, aö farþeg-
ar vagnanna, sem biða þurfa á
Hlemmtorgi, verði að sitja á hak-
anum með skjól og hreinlætisað-
stöðu, þangað til búið er að inn-
rétta nýtt skrifstofuhúsnæði fyrir
starfssemi þessa fyrirtækis.
Eins og kunnugt er, hefur verið
fallið frá þvi um sinn a.m.k., að
borgin og/eða Strætisvagnarnir
reisi hið fyrirhugaða, varanlega
skýli fyrir farþega á Hlemm-
torgi, vegna slæmrar fjárhagsað-
stöðu. Hins vegar ætlar stjórn
Strætisvagnanna að leggja til, að
skrifstofuhúsnæði verði innréttað
I fyrirhuguðum húsakynnum á
Kirkjusandi. Með þvi fái bifreiða-
stjórar inni i núverandi skrif-
stofuhúsnæði við Rauðarárstig,
en gamla Hreyfilshúsið, sem bil-
stjórarnir hafa haft aðstöðu i,
verði notað sem farþegaskýli og
að hreinlætisaðstöðu verði komið
upp I gamla bensinskúrnum á
Hlemmtorgi.
öll þessi gömlu hús eiga vitan-
lega að hverfa, en ærinn kostn-
aður verður af þeim breytingum,
sem nauðsynlegar eru til þess að
af þeim verði fyrirhuguð not, sem
þó eru aðeins ætluð til bráða-
birgða, og hljóta að vera ófull-
nægjandi fyrir farþega vagn-
anna. Sérstaklega er þó ljóst, að
engum þörfum farþeganna, sem
lengi hefur verið beðið eftir, verð-
ur að neinu leyti sinnt fyrr en
skrifstofurnar hafa verið fluttar i
nýtt húsnæði. Borgarráð á eftir að
fjalla um þessar tillögur, en mun
gera það á næstunni.
SKULDIN
EYKST
Neytendamálanefnd Reykjavíkur
Á siðasta borgarráösfundi var að nýju lögð fram tillaga að samþykkt
um Neytendamálanefnd Reykjavlkur. Björgvin Guðmundsson, borg-
arfulltrúi Alþýðuflokksins flutti tillögu um þessa nefndarskipun I borg-
arstjórn fyrir um þaö bil ári. Fékk tillagan mjög góðar undirtektir I
borgarstjórn og slðan I borgarráði, sem fól borgarlögmanni, Páli Lln-
dal, ásamt flutningsmanni, að semja reglur um starfssvið nefndarinn-
ar. Var hugmynd Björgvins sú, að nefnd þessi gæti verið umsagnaraöili
um ýmis atriði, sem neytendur varðaði, svo sem um staösetningu
verslana, meðal annars fiskverslana og mjólkurbúða, og að jafnframt
hefði nefndin forgöngu um fræðslustarf I þágu neytenda. 1 nágranna-
löndum okkar er sllk starfssemi fastur liður á vegum borgar- og sveit-
arstjórna, og tillaga Björgvins að vissu leyti sniðin eftir þeim fyrir-
myndum, sem vel hafa gefist.
Reglur um starfshætti Neytendamálanefndar hafa nú veriö samdar
og er þess að vænta að nefndin veröi sett á laggirnar nú á næstunni.
Þann þritugasta april siðastlið-
inn tók Seðlabanki Islands yfir-
dráttarlán hjá Alþjóðagjaldeyris-
sjóðnum, sem nemur 1.075 mill-
jónum islenskra króna. Gjald-
eyrisstaða Islands gagnvart
sjóðnum er þvi nú neikvæð, sem
nemur 5.366 milljónum króna.
Lán Alþjóðagjaldeyrissjóðsins
til aðildalanda eru reiknuð i ein-
ingum, sem nefnast „sérstök
dráttarréttindi” (special drawing
rights) og nemur skuld okkar við
sjóðinn nú 28.7 milljónum SDR,
þar af 17.2 milljónum SDR úr
oliulánasjóði Alþjóða-gjaldeyris-
sjóðsins.
Lán það, sem nú var tekið,
nemur einum fjórða hluta af
kvótalslands hjágjaldeyrissjóðn-
um.
HORNIÐ
Ríkisábyrgð — eða ef til vill þjóðnýting?
A AO NOTA RÍKISÁBYRGÐ TIL
AÐ DREPA ALÞÝÐUORLOF?
Alþýðuflokksmaður og áhuga-
maður um ferðamál skrifar
Horninu:
,,Ég leyfi mér að senda Alþýðu-
blaðinu þessar fyrirspurnir min-
ar til þingflokks Alþýðuflokksins:
Mig langar að fá svar við þvl,
hvort það sé stefna Alþýðuflokks-
ins, sem fram kom I forystugrein
Alþýðublaðsins þriðjudaginn 8.
april sl., en hún bar fyrirsögnina
„Sameining flugfélaganna”, að
sjálfsagt sé, að ríkissjóður gangi i
ábyrgð á lántöku einkafyrirtækis,
sem nemur nú eftir siðustu
gengisbreytingu yfir 2000 mill-
jónum isl. króna, vegna kaupa
þess á mjög dýrum flugvélum,
sem ætlunin er að nota til áætl-
unarflugs.
Eins og fram kom i sjónvarps-
þætti fyrir nokkrum dögum mun
rikisábyrgð þessi samsvara um
100 þúsund krónum á hverja 5
manna fjölskyldu I landinu eða
svipaðri upphæð og gert er ráð
fyrir I kostnaðaráætlun, að helm-
ingur fullgerðs hringvegar um
landið muni kosta.
Ég álit, að hér sé um að ræða
þjóðþrifafyrirtæki I sjálfu sér, en
á hinn bóginn állt ég að róttækar
breytingar þyrfti að gera á skipu-
lagi og rekstri Flugleiða h.f. Hef-
ur stefna jafnaðarmanna ekki
verið sú, að nær væri að þjóðnýta
fyrirtæki á borð við þessa stóru
samsteypu, sem Flugleiðir h.f. nú
eru orðnar, en að dæla I hana
fjármagni án þess að hún lúti
samfélagslegri stjórn?
Ég vil gjarna vita, hvort þing-
flokkur Alþýðuflokksins hafi
heyrt þess getið, að Flugleiðir h.f.
muni hafa I hyggju að fjárfesta I
enn fleiri flugvélum en skýrt var
opinberlega frá, þegar beiðnin
um fyrrnefnda ríkisábyrgð var
kunngerð I mars? Ég hef heyrt,
að Flugleiðir hafi i bigerð að
kaupa til viðbótar stóru þotunum
tveimur eina eða tvær nokkru
minni og ódýrari vélar I krafti
rikisábyrgöar og stuðnings is-
lenskra stjórnvalda, sem siðan
eigi að nota til að drepa þann ó-
dýra ferðamarkað, sem fyrir
hendi er, og staðið hefur venju-
legu vinnandi fólki I landinu til
boða. Það er grunur minn, að
markmiðið með þessari fyrirætl-
un sé að setja fótinn fyrir starf-
semi Alþýðuorlofs i framtiðinni”.
KRON HYGGUR
Á STÚRVERSLUN
Fyrirhugað er, að KRON
komi upp stórverslun I sam-
bandi við byggingu birgðastöðv-
ar SIS við Sundahöfn, en þar
hefur félagið keypt 3.200 fer-
metra húsrými til þeirra nota.
Er áformað að brúa með þessu
bilið þar til unnt verður að koma
upp stórverslun i nýja miðbæn-
um I Reykjavik á lóð, sem
KRON hefur fest kaup á. Þetta
kom fram I skýrslu Ragnars
Ólafssonar hæstaréttarlög-
manns, formanns KRON, á
aðalfundi félagsins á laugar-
daginn var.
Þá kom fram i skýrslu for-
mannsins, að heildarvelta fé-
lagsins var 774 milljónir króna á
siðasta ári, og hafði aukist um
35% frá árinu áður. Rekstraraf-
gangur að loknum afskriftum
varð kr. 2.352.000.00, og fengu
félagsmenn KRON rúmlega 6,6
milljónir króna i afslátt út á 10%
afsláttarkort á siðasta ári.
Stjórn KRON var öll endur-
kjörin.
HELGAR-
FERÐIR
HJÁ
ÞJOFUM
Nokkur smáinnbrot voru
framin um helgina, en ekki
var um mikinn þjófnað að
ræða í nejnu þeirra.
Brotist var inn í Sæla
café og þaðan stolið 12—15
lengjum af vindlingum og
einhverjar skemmdir unn-
ar. Þá var brotist inn í
Sundlaug Vesturbæjar og
stolið einhverju af óskila-
úrum, en ekki var í gær vit-
að, hve miklu. Sælgætis-
gerðin Amor fékk einnig
heimsókn og varð að sjá á
bak einhverju af sætinda-
framleiðslu sinni og enn-
fremur var þar reikning-
um og skjölum fyrirtækis-
ins dreift út um öll gólf.
Loks var brotist inn í Haf n-
arbíó, en engu stolið.
Greinilegt var þó að gest-
irnir hafa reynt við pen-
ingakassa bíósins, og var
hann stórskemmdur eftir
viðureignina.
Verkstjórasamband
íslands tilkynnir
Fyrst um sinn og þar til annað verður á-
kveðið verður skrifstofa sambandsins op-
in mánudaga— föstudaga kl. 17—18.
Stjórnin.
Matvörumarkaður: I i
Hveiti 10 lbs. kr. 397.00
Hveiti 5 lbs. kr. 198.00
Kaffi 1 pk. kr. 109.00
Rits kex kr.103.00
Jakobskex kr. 92.00
Grænar baunir
1/1 dós kr. 119.00
Smjörliki 1 stk. kr. 140.00
Tropicana 1 liter, kr. 110.00
Coca Cola i
heilum kössum kr. 730.00
Sani, 15 rúllur kr. 607.00
Þrif 1.1 liter kr. 138.00
Kostaboð á
kjarapöllum
KJÖT OG FISKUR
SELJABRAUT 54, SlMT- "4200
Miðvikudagur 7. maí 1975.
o