Vísir - 20.07.1970, Blaðsíða 8

s
V1SIR. Mánudagur 20. júlí 1970.
VISIR
Útgefan 1. • Reykjaprent hf.
Framkvæmdastjóri: Sveinn R Eyjölfsson
Ritstjóri' Jónas Kristjánsson
Fréttastjóri: Jón Birgir Pétursson
Ritstjórnarfulltrúi: Valdimar H. Jóhannesson
Auglýsingar: Bröttugötu 3b Símar 15610 11660
Afgreiðsla- Bröttugötu 3b Simi 11660
Ritstjór.v Laugavegi 178. Simi 11660 (5 tfnur)
Askrift.argjald kr 165.00 á mánuöi innanlands
I lausasölu kr. 10.00 eintakið
Prentsmiðja Visis - Edda hf.
Nýr forsætisráðherra
Erfitt er jafnan aö feta í fótspor afburðamanna, þeg-
ar þeir falla frá, ekki sízt ef það gerist öllum að
óvörum. Miklar kröfur eru gerðar til þeirra, sem við
taka. Byrðin sem þeir axla, er þung, einkum í fyrstu.
Og öllum er ljóst, að það er vandasamt að gerast for-
sætisráðherra á eftir Bjarna Benediktssyni, slíkan
ægishjálm sem hann bar yfir aðra íslenzka stjórn-
málamenr á síðustu árum.
Jóhanni Hafstein dómsmálaráðherra hefur verið
falið að taka þessa ábyrgð á herðar sér. Hann er, sem
betur fer, enginn viðvaningur á þessum sviðum.
Nokkrum sinnum áður hefur hann gegnt embætti for-
sætisráðherra í forföllum, síðast i vetur um alllangt
skeið. Hann hefur verið ráðherra samfleytt í tæp sjö
ár og alþingismaður í tæpan aldarfjórðung. Um langt
skeið hefur hann verið einn nánasti samverkamaður
Bjarna Benediktssonar og varamaður hans, ekki að-
eins í ríkisstjórn, heldur einnig í miðstjórn og þing-
flokki Sjálfstæðisflokksins.
Jóhann Hafstein er líklega kunnastur fyrir að eiga
höfuðþátt í að bera fram til sigurs þá stefnu, að ís-
lendingar nýti orku fallvatna sinna og semji um upp-
byggingu orkufrekrar stóriðju í landinu. Sem iðnaðar-
ráðherra átti hann meginþátt í hinum farsælu samn-
ingum, sem íslendingar gerðu við Svisslendinga um
byggingu álversins i Straumsvík. Þessir samningar
gerðu kleifa hina miklu virkjun við Búrfell og munu
gera eftirleikinn við frekari stórvirkjanir í Þjórsá og
þverám hennar mun auðveldari. En þetta var ekki
auðvelt verk, því að andstaðan gegn stóriðjunni var
hatrömm á sínum tíma. ísinn hefur nú verið brotinn,
og við vonum, að unnt verði að gera frekari samninga
um uppbyggingu stóriðju, er geti stuðlað að eflingu
þjóðarhags og tækniþekkingar.
Ekki e síður markvert það starf, sem Jóhann Haf-
stein hefur unnið til eflingar almennum iðnaði í land-
inu. Framleiðsla iðnaðar hefur á aðeins átta árum
aukizt um fjórðung, og er hann nú orðinn ein helzta
atvinnugrein okkar. Þar hafa fjölmargir lagt hönd á
plóginn, en stjórnvöld hafa stuðlað verulega að hinni
hagstæðu þróun. Nægir að minna á, að iðnaðurinn á
nú margfalt greiðari aðgang að fé til uppbyggingar
og rekstrar en var fyrir áratug.
Um síðustu áramót tók Jóhann Hafstein við starfi
orkuráðherra og lét af starfi heilbrigðisráðherra. í þvi
starfi hafði hann stuðlað verulega að bættri heilbrigð-
isþjónustu á íslandi. Fyrir áratug var 3% þjóðarfram-
leiðslunnar varið til heilbrigðismála, en nú yfir 6%.
Aðeins 2—4 þjóðir verja hærra hlutfalli til heilbrigð-
ismála. Vafasamt er, að nokkur meginþáttur í þjóðlíf-
inu hafi eflzt jafnmikið á svo skömmum tíma.
Við vitum því af fenginni reynslu, að nýi forsætis-
ráðherrann er dugmikill hæfileikamaður. Hans hlut-
verk er að veita áfram örugga stjórnarforustu í anda
Bjama Benediktssonar, er til sigurs megi leiða í næstu
kosningum.
(i
\\
I
\
Náttúruskoðarar hafa mikinn áhuga á Hornströndum og fara gjaman þangað með tjöld
sín og svefnpoka. Allmargir hópar vísindamanna og fuglaskoðarar hafa gist Hornstrand-
irnar á síðustu árum. Myndin er af Horni á Hornströndum.
Vestfirðirnir út undan hjá ferðam'ónnum
„Erlendir ferðamenn koma
ekki til Vestfjarða til þess
að fara í bíó"
— spjallað um ferðalög á Vestfjörðum
við ýmsa heimamenn
Okkur er tjáð af ferða-
skrifstofufólki, en erlendir
ferðamenn á tslandi hafi
aldrei verið eins margir og
þessar vikur, þrátt fyrir ný-
iokin verkföll og einmuna ó-
tíð. Þetta setja ferðalangarn
ir ékki fýrir sig, þéír koma
ekki hingað til að leita sólar
heldur i „friðarleit“ ef svo
mætti segja. Einn friðsæiasti
blettur landsins hefur þó að
mestu farið varhluta af ferða
mannastraumnum. Þetta eru
Vestfirðimir, en tii þessa
hafa erlendir ferðamenn litt
sótt þangað vestur, þó að
kjálkinn hafi upp á flest það
að bjóða, sem erlendir ferða-
menn sækjast mest eftir hér
á landi, þ.e. hrikalegt og eyði
legt landslag og óspillta nátt
úra og loftslag.
„Nei, hér er ósköp rólegt og
svona álíka mikið að gera og í
fyrra. Annars er nú dálitið orð-
ið um það að útlendir hópar
komi hingað og það er heldur
að aukast. Þetta fólk vill helzt
komast í hrmgferð með Djúp-
bátnum, og svc skoðar það
Byggðasafnið hér á ísafirði, eða
fer með bí! ( hringferð hér um
nágrennið,** sagð; Guðrún Hasl-
er, dóttir hótelstjórans á Hótel
Mánakaffi á ísafirði, þegar við
hringdum vestur á dögúnum.
Þama hefur verið rekinn veit-
ingastaður í 9 ár, og hótel nú
1' tæp 5 ár. Þennan mánuð hef-
ur verið fullt á hótelinu en
gestir eru í fullu fæði.
„Og hvað finnst útlendingun-
um svo bezt að fá í matinn?"
spyrjum við Guðrúnu.
—„Jú, skyrið er hvað vinsælast,
annars heyrir maður þá ekki
kvarta. Þeir borða kjöt og fisk
og það sem þeim er boðið upp
á, án þess að kvarta."
„Hvemig hefur viðrað hjá
vkkur Isfirðingum f sumar?“
„Það hefur viðrað frekar vel
og veðrið verið milt og bjart,
þó að um sérstök hlýindi sé
ekki hægt að tala. En aldrei hef
ég heyrt útlending kvarta und-
an kulda héma,“ — og við
þökkum Guðrúnu fyrir spjalliö
og sláum á þráðinn til afgreiðslu
Djúpbátsins og hittum þar á
Pétur Einarsson.
„Já, þetta er svipað og í
fyrra. Verkfallið dró mikið úr
starfseminni, en nú er þetta
heldur að glæðast."
„Hvað fariö þið o.ft í hring-
ferð á bátnum?“
„Við förum á þriöjudögum og
föstudögum I mjólkurferðir og
bað er jafnan eitthvað af út-
tendingum með okkur. Þeir láta
vel af þessu sérstaklega finnst
þeim gaman að sjá fuglalífið i
eyjunni. Nú og svo var Skutuls-
fjörðurinn geysilega vinsæll hjá
erlendum ferðamönnum eftir að
Bretmn komst þar lífs af eftir
sjóslysið. — Þetta er nægju-
samt fólk, miklu nægjusamara
en Islendingar. Það kvartar ekki
undan kulda, enda er veðrið
hér miklu betra í sumar en fyr-
ir sunnan.“
„Eru þetta aðallega náttúru-
skoðarar sem koma þangaö
vestur?“
„Já, nær eingöngu liggur mér
við að segja. Þetta fólk labbar
hér um allt, upp á fjöll og fram
i dali. Það gengur miklu meira
en við gerum “
„Og er þaö nægilega vei bú-
ið f slíkar gönguferðir?‘‘
„Þetta er meira eða minna
þaulvant fjallafólk miklu betur
útbúið er við nokkum tíma. Viö
gætum áreiðanlega tekið þaö
okkur til fyrirmyndar með ýmis-
Iegt.“
„Hvað vill fólkið helzt sjá á
Vestfjörðum?'1
„Það hefur mestan áhuga á
afskekktu fjörðunum. Ekki fer
það f bíó, það eitt er víst. Það
vill fara á Homstrandirnar,
inn i Djúp eða upp á jökulinn
f síðustu viku fór hópur af
enskum fuglaskoðurum með
tjöld og allan útbúnað suður á
Látrabjarg.“
„Hvar tjalda ferðamennirnir
helzt?“
„Þeir tjalda margir hér i
Tunguskóginum. Þar er snyrti-
klefi með rafinagni og þar kost-
ar ekkert að tjalda. Þama eru
oft ein 40 tjöld i einu og fólkiö
gengur ákaflega vel um bæði
útlendingar og Islendingar."
Við sláum botn I samtalið viö
Pétur. þökkum honum fyrir
spjallið og snúum okkur aö
hótelstýrunni á matsölunni Sól-
borg á Patreksfirði, en hún
heitir Erla Hafliðadóttir.
„Við sjáum varla útlendinga
hérna, enda höfum við því mið-
ur lítið aö bjóða þeim upp á
ennþá. Það er helzt að maður
verði var við einstaka erlenda
ferðamenn, sem ætla að fara
niður á Látrabjarg,“ sagði Erla
er við spurðum hana um útlenda
ferðamenn á Patreksfirði.
„Heldurðu ekki að ferðai
mannastraumurinn til ykkar eigi
eftir að aukast?"
„Jú það vonar maður. Annars
erum við lítið farin að hugsa
fyrir þvf, straumurinn liggur
miklu meira beint til Isafjarðar.
En ég held þó að Bjargið geti
haft mikið aðdráttarafl fyrir
ferðamenn, og ef til vill á það
eftir að verða svo vinsælt að
við getum haft tekjur af útlend-
um ferðamönnum hér.“
„Þú segir að þið hafiö lítið
til að bjóða útlendum feröa-
mönnum upp á?“
„Já, óneitanlega höfum við
ekki margt að bjóöa þeim ennþá,
en þetta getur lagazt. Ég hef
aðallega útvegað íslendingum
gistingu, sem hafa ætlað að
vera f tjaldi. en gefizt upp vegna
veðurs. Við röfum veriö mjög
óheppin með veður 1 sumar. Ef
við gætum bara pantað góða
veðiið. þá yrði auðveldara að
fá ferðamennina,‘‘ sagði Erla að
lokum.
Til að komast vestur á firði
fara menn ýmist flugleiðis eða
* áætlunarbílum og einstaka
fara meö skipi. Algengast er að
útlendingar fari með áætlunar-
bílum, og við fengum þær upp-
lýsingar hjá BSÍ á Umferðar-
miðstöðunni, að litið væri pant-
að á suðurfirðina, en hins vegar
værj alltaf talsverður straumur
fólks til ísafjarðar og Þingeyrar.
Til ísafjarðar kostar 1000 kr.
og til Þingevrar 870 kr. Helzt
eru það náttúruskoðendur sem
fara þama vestur á firði, með
tjöld og bakpoka, og stundum
fara hópar með 10—20 manns.
Farið er tvisvar ( viku vestur
á firöi frá BS1 en flugleiðis er
hægt að fara alla daga vikunn-
ar til tsafiarðar og er langmest
pantað þangað. Þá er farið til
Patreksfjarðar þrisvar j viku og
kostar flugleiðis 1200 kr. — ÞS