Lesbók Morgunblaðsins - 14.09.1952, Blaðsíða 7
LESBÓK MORGUNBLAÐSINS
435
trúar til að sitja aðalfund Bændasam-
taka Norðurlanda, sem haldinn var i
Reykjvik. — Hið 10. norræna iðnþing
var haldið í Reykjavik og sóttu það
fulltrúar frá Noregi, Svíþjóð, Finri-
landi og Danmörku. — Enskt skemmti
ferðaskip, Chusan, kom hingað með
1000 ferðamenn. — Edouard De Haller,
útnefndur 'sendiherra Sviss á íslandi,
kom hingað til þess að afhenda for-
setanum embættisskilríki sín. Hann
dvaldist hér hálfan mánuð, en er bú-
settur í Ósló. — Finletter, flugmála-
ráðherra Bandaríkjanna, kom hingað
til nokkurra daga dvalar og stundaði
laxveiði í Haffjarðará í boði Thor
Thors sendiherra, er hingað kom sam-
tímis. — Sean MacBride, írskur lög-
fræðingur og kunnur stjórnmálamaðu'-,
kom hingað í boði Háskóla íslands og
flutti þar fyrirlestur. — Fjórir flokkar
enskra stúdenta og flokkur franskra
námsmanna, voru í þessum mánuði við
náttúrurannsóknir hér á landi. —
•Listdansarar frá Norðurlöndum komu
hingað og hófu sýningar í Þjóðleik-
húsinu i lok mánaðarins. — Þórunn
Jóhannsdóttir píanóleikari kom hing-
að í sumarleyfi og hélt hljómleika viða
við ágætan orðstír. Hún er nú orðin
stór stúlka — 13 ára. — Hal Linker
kvikmyndasmiður og Halla Guð-
mundsdóttir kona hans komu hingað
frá Hawai-eyum og færðu Garðyrkju-
skólanum á Reykjum að gjöf 12 kaffi-
plöntur frá eldfjallinu Mauna Loa.
MERKILEG DEILUMAL
Fyrir 11 árum var varpað miklu af
hrájárni fyrir borð á skipi, sem strand-
aði á Dynskógafjöru. Hefir það legið
þar síðan, en nú er fjaran komin fram
fyrir það. Járnið er milljóna virði tal-
ið. Bændurnir á Kirkjubæarklaustri
tóku sér nú fyrir hendur að reyna að
bjarga járninu, þar sem það er á kafi
í sandi. En þá þóttust ýmsir aðiljar
hafa eignarrétt á því og gengu klögu-
mál og réttarhöld allan mánuðinn. Er
þetta með flóknari málum. — Önnur
deila stóð yfir út af veiðirétti í Veiði-
vötnum. Krafðist Landhreppur einka-
réttar á veiðinni, en Holtahreppur,
Rangárvallahreppur og ríkisvaldið
mótmæltu. Út af þessu var áreið gerð
og réttur settur inni í öræfum. —•
Þriðja deilan reis út af veiðirétti á
vatnasvæðí Rangánna í Rangárvalla-
sýslu. Höfðu bændur í Þykkvabæ
stundað ádrátt í Hólsá og töldu sér
það heimilt, því að Fiskræktarfélag
Rangæinga væri ólögleg stofnun og
gæti ekki sett neinar reglur.
ELDSVOÐAR
Eldur kom upp 1 reiðhjólasmiðjunni
Örninn í Reykjavík, skemmdist hún
mikið og brunnu mörg hjól, sem voru
þar til viðgerðar. — Eldur kom upp í
bíl, sem stóð i lokuðum skála í Reykja-
vík. Eldinn tókst að slökkva, en bíll-
inn skemmdist mjög. — Kviknaði í
íbúðarskála í Þóroddstaðabúðum í
Reykjavík, skemmdist hann mikið, en
húsmunum flestum bjargað. — Eldur
kom upp í kornhlöðu á Sámstöðum 1
Fljótshlíð, orsakaðist af neistaflugi frá
heykvörn. Tjón varð ekki teljandi. —
Sprenging varð í vélarrúmi vélbáts-
ins Nönnu frá Reykjavík, en hann var
þá í Norðfirði. Brendust vélstjórarnir
báðir illa. Eldur læstist um skipið
og tókst ekki að slökkva hann fyrr en
hann hafði valdið miklum skemdum.
— Gamall skúr, hænsnahús við Klepps-
veg í Reykjavik, brann til kola; talið
að óvitar hefði kveikt í. — Eldur kom
upp í íbúðarskála í Reykjavík, þar
sem var tvíbýli. Urðu þar miklar
skemmdir á íbúðum og búslóð.
/
SLYSFARIR
Kona í Reykjavík varð fyrir bíl og
fékk heilahristing. — Þorvaldur Finn-
bogason stúdent druknaði í Hreðavatni.
— Fólk í stolnum bíl ók með ofsa-
hraða á mannlausan bíl á götu, og
eyðilögðust báðir bílarnir að mestu.
— Maður á bifhjóli rakst á bíl í
Reykjavík, féll á götuna og fótbrotn-
aði. — Fimm ára drengur féll út úr
bíl á ferð í Bitru og slasaðist hættu-
lega. — Unglingspiltur á Sauðárkróki
varð undir gteinvegg, sem féll og slas-
aðist mikið. —■ Starfsstúlka á Hótel
Borg hrasaði með fulla fötu af sjóð-
andi vatni og skaðbrendist á fótum.
— Lík fannst í höfninni í Reykjavík
og reyndist vera Kjartan G^ðmunds-
son sjómaður frá ísafirði er hvarf um
miðjan des. — Árekstur varð milli
strætisvagns og fólksbifreiðar í Reykja
vík og meiddust tvær stúlkur í strætis-
vagninum. — Einar Gíslason í Kefla-
vik, 84 ára og hrumur, hvarf að heim-
an og fannst ekki þótt leitað væri af
mannfjölda dag eftir dag.
lÞRÓTTIR
Meistaramót Islands í frjálsum í-
þróttum, hið 26. i röðinni, var háð f
Reykjavik. Var þátttaka fremur litil
og árangur lélegur. Þó setti Kristján
Jóhannsson nýtt með í 3000 metra
hindrunarhlaupi. — Sænskir bridge-
spilarar komu hingað og kepptu við
Reykvíkinga. Unnu þeir sænsku með
127 stigum á móti 84. — íslendingar
tóku þátt í Ólympíutaflmóti í Helsinki
og urðu næst neðstir — ÍSÍ fékk Fearn-
ley-bikarinn, æðstu viðurkenningu Al-
þjóða Olympíunefndarinnar fyrir frá-
bært íþróttastarf um 40 ára skeið. —
Iþróttafélag Reykjavíkur keypti
skemmtistaðinn og veitingahúsið Tivoli
og rekur það framvegis í sambandi við
íþróttastarfsemi sína.
ÓTRÚLEGT EN SATT
Meðan síldarlaus var sjór fyrir öllu
Norðurlandi, veiddust 3 síldar í sil-
unganet í Húnavatni, sem er langt frá
sjó.
Virkt tundurdufl kom upp á akkeri
hjá norsku skipi í Seyðisfirði og varð
að fá mann úr landi til þess að gera
,það óskaðlegt.
Símalínunni milli Kolviðarhóls og
skátaskálans undir Skarðsmýrarfjalli
var stolið, en hún var um 4 km löng.
Skammt frá Hlíðarenda í Fljótshlíð
og „milli lækja tveggja" fannst haus-
kúpa af manni, en engin bein önnur.
Halda menn að þarna sé komið höfuð
Sigmundar Lambasonar, er þræll Hall-
gerðar langbrókar. þorði ekki að færa
henni.
Arsþing
Stéttarsambands bænda hófst að
Laugarvatni 30. Voru þangað komnir
47 fulltrúar. — Landbúnaðarvísitala
hækkaði í þessum mánuði um 12,35%.
AfengismAl
Út kom skýrsla Barnaverndarnefnd-
ar Reykjavíkur og sýnir hún að afbrot
unglinga aukast stórkostlega ár frá ári,
jafnhliða því sem drykkjuskapur ungl-
inga fer í vöxt. „Er það ekki óalgengt“,
segir nefndin, „að unglingar fari að
drekka um 14 ára aldur og af þessu
leiðir allskonar óregla, lauslæti, flæk-
ingur, þjófnaður, líkamsmeiðingar og
margskonar skemmdarverk. Árið 1949
höfðu 7 unglingar framið afbrot undir
áhrifum áfengis, en 53 árið 1951.“ —
A fyrra helmingi þessa árs varð áfeng-
issala heldur minni í Reykjavfk og á
Akureyri en á sama tíma í fyrra, en á
öllum öðrum útsölustöðum hafðt húo
aukist.