Lesbók Morgunblaðsins - 31.01.1954, Qupperneq 9

LESBÓK MORGUNBLAÐSINS
61
Leirvik. Húsin eru byggð fram í sjóinn.
á tímum ráku kaupmenn mikla
smyglverslun, en nú er því lokið. —
Gamla tollbúðin, sem Sir Walter
Scott fór að skoða 1814 þegar hann
var að safna efni í skáldsögu sína
„Sjóræningjann“, stendur enn, en er
nú sjómannaheimili.
VÍKINGAHÖFNIN
Enda þótt Hjaltland sé ekki jafn
frjóvsamt og Orkneyar, þá hefur það
þó þetta fram yfir, að þar er mikill
mór í jörð. Hinn angandi móreykur
mætti oss, er vér ókum til hinnar
gömlu víkingahafnar Skálavogar
(Scalloway). Þetta varð aftur vík-
ingahöfn í seinasta stríði. Þar höfðu
hinir frjálsu Norðmenn bækistöð og
þaðan fór „Hjaltlandsbíllinn“ til
Noregs. Þetta var að vísu ekki bíll,
heldur mörg smáskip, sem reyndu að
gera Þjóðveijum ýmsar skráveifur.
Þau fluttu leynilega erindreka til
Noregs og komu með flóttamenn
þaðan. Eftir ósk Churchills sendu
Bandaríkin þrjá kafbáta frá Miami
í Florida til Clyde, og þar tóku Norð-
menn við þeim og notuðu þá til þess
að halda vörð um skipin, sem fóru í
hinar hættulegu ferðir til Noregs.
Nú var undarleg deyfð yfir Skála-
vogi. Fáein reknetjaskip lágu þar hjá
St. Ólafr-slippnum, þau höfðu leitað
þangað inn undan grenjandi roki.
Svo hvasst var. þarna, að vér ætluð-
um varla að ná andanum.
HJALTLANDSHESTURINN
En þrátt fyrir rokið voru margir
hestar á beit skammt þaðan. Þeim
virtist ekki blöskra þótt hann blési,
enda eru þeir harðnaðir á sífelldri
útigöngu.
Um uppruna þessara litlu hesta er
allt í óvissu. Sumir segja að þeir
muni alltaf hafa verið þarna síðan á
bronsöld, aðrir segja að þeir. sé upp-
runnir í Síberíu og muni Norðmenn
hafa flutt þá til Hjaltlands á 11. öld.
Þeir eru nú í daglegu máli kallaðir
„sheltie“. Þótt þeir sé litlir, hafa þeir
krafta í kögglum og úthald. Andrew
Thomas Cluness segir frá því í bók
sinni „The Shetland Isles“, að ame-
rískur maður hafi veðjað um að eng-
ir hestar kæmist til jafns við sína
hesta um þol og krafta. samanborið
við vöxt. Hestar hans voru af Clydes-
dales og flæmsku kyni — Ókunnur
maður tók veðjaninni, og að stefnu-
degi kemur hann með hest, sem var
lítið stærri en stór hundur. Þetta var
Hjaltlandsfoli og hann sigraði glæsi-
lega.
Hjaltlandshesturinn er fótviss og
þægur og hann er hinn ákjósanleg-
asti reiðskjóti fyrir börn. A semni
arum hefur hroður hans farið mjog