Lesbók Morgunblaðsins - 26.06.1955, Blaðsíða 8
' 340
* LESBÓK MORGUNBLAÐSINS
Þetta er vatnið og nesið, þar sem Ólafur kongur helgi talaði við bræður sína.
„þá er þær gengi til vatns, skyldu
þær standa sem þykkst umhverfis
vatnið.“ Konungurinn svarar: „bú
stór viljið þið eiga; það er líkt feð-
ur ykkrurn." Þá spurði konungur
Harald: „hvað vildir þú flest eiga?“
Hann svarar: „húskarla,“ segir
hann. Konungur mælti: „hve
marga viltu þá eiga?“ „Það vildi
eg að þeir æti að einu máli kýr
Halfdanar bróður míns.“ Konung-
ur hló að og mælti til Ástu: „hér
muntu konung upp fæða, móðir.“
— Þetta varð sannmæli, því að
drengur þessi varð seinna Harald-
ur konungur er kallaður var hinn
harðráði. Ásta móðir þeirra, hinn
mikli kvenskörungur, var af ís-
lenzkum ættum. Móðir hennar,
Ulfhildur kona Guðbrands kúlu,
var dóttir Þóru mosháls, en hún
var dóttir Auðunar skökuls, sem
Auðunarstaðir í Víðidal eru kennd-
ir við. Ásta var og skyld Gretti
Ásmundarsyni. Nú eru fleiri bæir
en tíu þarna í nesinu þar sem Sig-
urður sýr bjó.
Nú var haldið til Krókkleifar,
sem er neðan við vatnið. Er það
gil mikið eða gljúfur, sem gengur
í gegn um háan skógarás. Um þessa
kleif var eitt sinn eini vegurinn
t milli Vesturlands og Upplanda, og
er enn kallaður konungsvegur. —
, Upp á hálsinn, sem er um 200
\ metra hár, er lagður vírstrengur og
; er þar farið upp í opnum rafmagns-
stólum. Þar uppi kvað vera ágætt
útsýni af tveimur stöðum, sem
nefnast „Kongens utsikt“ og
„Dronningens utsikt“. Ég mátti
ekki vera að því að fara þar upp,
því að nú var liðið að kvöldLog ég
þurfti að vera kominn til Óslóar
fyrir vissan tíma. í Sundöya Fjord-
restaurant, sem er þarna rétt hjá,
og er fjölsóttur staður af ferða-
mönnum og íbúum höfuðborgar-
innar, rakst ég á tvo blaðamenn
frá Ósló og buðu þeir mér í bíl
með sér.
Var nú farin ný leið og miklu
tilkomumeiri en sú, er við höfðum
farið um morguninn. Skógur skygg
-ir að vísu oft á, en þess á milli
var fögur útsýn yfir vötn og breið-
ar byggðir og skógarása, en lengst
í norðri bar fannhvít Norefjeldene
við loft. Hús eru þar alls staðar
inni í skóginum, sum suma|jbú-
staðir, en sum verkamannabústað-
ir, því að verkamenn í Ósló eiga
sín eigin smáhús allt norður undir
Hænufoss og fara á milli kvölds og
morgna. Kaupa þeir sér mánaðar-
farmiða með áætlunarbílum og
kosta þeir 60 krónur.
Margt var skrafað í bílnum, helzt
um viðskifti íslendinga og Norð-
manna að fornu og nýu, og málið.
Annar blaðamaðurinn kvaðst hafa
lært „gammelnorsk“ í skóla, og
var helzt á honum að heyra að
hann áliti það eitthvert sérstakt
mál. Ég sagði honum að það væri
sama málið, sem nú héti íslenzka.
Og til sannindamerkis um það fór
ég með vísuna, sem Vitgeir seið-
maður á Hörðalandi kvað á dögum
Haralds hárfagra:
Það er vá lítil
að vér síðim,
karla börn
og kerlinga,
er Rögnvaldur síður j
réttilbeini,
hróðmögur Haralds
á Haðalandi.