Lesbók Morgunblaðsins - 22.09.1990, Blaðsíða 11

1. sæti: Acura NSX. Með sínu lagi að utan, þýzki skólinn að innan.
Beztu eró-tík-
ur heimsins
Niðurstöður bandaríska tímaritsins Car and Driver
eta bílar verið erótískir? Jú, svo er fullyrt í
hinum og þessum tímaritum um bíla, þar sem
sérfræðingar tjá sig eftir umfangsmiklar pró-
fanir. Eitt er víst; brúkunarhestar eins og
Volvo 240, Lada eða Nissan Sunny, eru eins
langt frá þessum flokki og hægt er að kom-
ast. Og raunar margir fleiri.
Þegar menn tala um erótíska bíla, þá ligg-
ur í orðinu að þeir séu á einhvem hátt tákn
um karlmennsku. Bandaríska bílablaðið Car
and Driver hefur borið nokkra þá beztu
saman og nefnir þá einu nafni „Eroticars".
Þeir þekkjast m.a. á því, að kyrrstæðir draga
þeir að sér áhorfendur, en á ferð draga
þeir að sér löggur. Þeir eru verðlagðir eins
og fasteignir og hafa afl eldflaugar. Þeir
eru einkaþotur til notkunar á hraðbrautum.
Þeir urra, jafnvel í hægagangi. Það sem
flestir vegfarendur sjá af þeim er afturend-
inn, - og það varir eitt augnablik áður en
þeir hverfa. Af þeim 5 sem Car and Driver
reyndi, var sá snarpasti 4.8 sek. að ná 100
km hraða, og sá sem varð aftastur á þeim
spretti þurfti 5.3 sek. Vélaraflið í þeim er
frá 247-375 hestöfi. Það er ameríska Cor-
vettan, sem státar af sterkustu vélinni og
einnig af öflugasta viðbragðinu.
„Þeir erótísku" eru annars þessir: Porsche
911 Carrera 4, Lotus Esprit Turbo SE,
Ferrari 348ts, Chevrolet Corvette Zr-1 og
Ácura NSX, sem er Honda, framleidd í
Bandaríkjunum. Af þessum bílum á sá þýzki
Porsche sér lengsta sögu, en sá enski Lotus
og sá ítalski Ferrari hafa áratugi á bak við
sig einnig. Mun yngri er sá bandaríski Chev-
rolet Corvette og sá bandarísk-japanski
Acura er nýr af nálinni.
En hversvegna velur blaðið þessa fimm;
hvað um frægar gerðir eins og Lamborg-
hini og Maserati? Því er til svarað, að nýr
Lamborghini, nefndur Diablo, sé ekki alveg
tilbúinn ennþá, ekki heldur nýr Aston Mart
in og Maserati framleiðir ekki lengur
tveggja sæta bfla af þessu tagi. Aðrir koma
víst ekki til greina.
Allir eru hinir útvöldu fimm fagurlega
teiknaðir, hver með sínum hætti, en eftir
stendur spurningin: Verða menn kyntröll
af því einu að vera á svona erótískum bflum.
eða eru þeir aðeins farartæki við hæfi, ef
eigandinn er búinn þessum eftirsóknarverða
eiginleika? Þeirri spumingu er ósvarað hér
■■■
5. sæti: Lotus Esprit Turbo SE - Útlitið frábærlega teiknað, en annað ekki eftirþví.
2. sæti: Porsche 911 Carrera 4 - útlit sem hefur staðizt tímans tönn.
3. sæti: Chevrolet Corvette ZR-1 - eini
alvöru sportbíllinn frá Ameríku.
og bíður svarið þess að sálfræðin og félags-
fræðin leggist á eitt og rannsaki málið
gaumgæfilega.
í ljósi þess að bílar eru stundum ( í nið-
randi merkingu að vísu) nefndir bíl-tíkur,
mætti láta sér detta í hug að nefna þessa
eró-tíkur. Slíkar eró-tíkur eru ekki til á Is-
landi, enda þætti þunnur þrettándi að aka
þeim á 90 km hraða. Hver sá sem setti þær
í þriðja gír, kæmist hér í blöðin sem ökuníð-
ingur og missti ökuskirteinið á staðnum.
Fréttnæmast við þennan samanburð Car
and Driver á beztu eró-tíkum heimsins er
niðurstaðan. Samkvæmt því orðspori, sem
farið hefur af Ferrari, hefði maður að
óreyndu gizkað á að hann yrði rétt einu
sinni hafinn til skýja sem hin endanlega
eró-tík. Niðurstaðan varð hinsvegr sú, að
Ferrari hreppti aðeins 4. sætið. Skiptingin
þótti hvergi nærri góð, aksturseiginleikar
ekki heldur og það sem verra er: Ferrari
hætti að vera skemmtilegur á miklum hraða.
í aftasta og 5. sætinu varð Lotus Turbo
SE, fagurlega teiknaður bíll eftir ítalska
hönnuðinn Giugiario; forkunnar fagur að
innan einnig. Hann fékk þann dóm, að vera
hliðstæða við of þröngar gallabuxur. Með
öðrum orðum: Heilmikið gefið í skyn, en
ekki staðið undir væntingum.
Bronsverðlaunin hlaut eini Kaninn í hópn-
um: Chevrolet Corvette ZR-1. Styrkur hans
er ríkulegt vélarafl og hann er að öllu leyti
nútímalegur sportbíll, en helzt fundið að
samsetningu og „yfirstílfærðu" mælaborði.
Ugglaust er það smékksatriði.
Silfurverðlaunin fær sá gamli: Porsche
911 Carrera 4. Niðurstaðan varð sú, að
ekki væri margt að honum að finna og bezt
af öllu er hegðun hans í akstri. Sem sagt:
Ágætiseinkunn.
Svo kemur það óvænta. Gullið hlaut sá
nýfæddi, Acura NSX, sem er eins og flestir
vita Honda, framleidd í Bandaríkjunum.
Ummæli blaðsins um þennan bfl voru full
af hástemmdum lýsingarorðum. Hann var
öðrum fremur talinn verðskulda samlíking-
una „einkaþota hraðbrautanna“. Það var
„ást við fyrsta akstur", sögðu dómarar og
það versta við aksturinn var að þurfa að
skila bílnum.
Hingað til hafa japanskir framleiðendur
unnið sína sigra með ódýrum bflum fyrir
almenning. A lúxusbflamarkaðnum hafa
þeir með Lexus og Infiniti komið löppinni
milli hurðar og stafs. En á sportbflamark-
aðnum hafa þeir með heldur betur eignazt
tromp, ef niðurstaða Car and Driver er rétt.
ffs-
4. sæti: Ferrari 348ts - ítölsk hönnun, stendurá taustum grunnigamallar frægðar.
LESBÓK MORGUNBLAÐSINS 22. SEPTEMBER 1990 1 1