Lesbók Morgunblaðsins - 09.11.1991, Blaðsíða 9
Carl Frederik Hill: Grjótnám við Oise, 1867-77,
Carl F rederik Hill
í norræna húsinu
Fljótlega eftir að Carl Fredrik hóf nám
við Listaakademíuna í Stokkhólmi komst
hann að raun um að kennsla þar væri úrelt
og steinrunnin. Hann gerði það sama og
flestir aðrir ungir sænskir listamenn á þess-
um tíma, hann yfirgaf Svíþjóð og fór til
Parísar.
í París var Corot hin mikla fyrirmynd
og mörg málverka Carls Fredriks vitna um
mikil bein áhrif, svo sem málverk hans frá
úthafsströndinni og Luc-sur-Mer. Impressj-
ónistasýningin 1875 hafði áhrif á hann og
hann var hugfanginn af málaralistinni.
Á Parísarárunum 1873—1881 reyndi
Carl Fredrik að finna sér eigin stíl en einn-
ig að ná áttum í lífi sínu. Allan tímann leit-
aði hann ákaft að sjálfum sér. Honum reynd-
ist erfitt að lifa í umrótinu sem skapaðist
af þeim miklu breytingum sem riðu yfir
þjóðfélagið á síðari hluta nítjándu aldar.
Carl Fredrik Hill gat aldrei sest að á
neinum föstum stað og einbeitt sér að því
sem þar stóð til boða. Hann skipti um íbúð
og vinnustofu mörgum sinnum á ári. Hann
var nokkuð einrænn og hafði ekki nein sér-
stök samskipti við landa sína og starfsbræð-
ur.
Metnaðurinn að verða mesti og besti lista-
maðurinn krafðist þess að hann kæmist
með á opinberu listsýninguna í Louvre. Það
tókst honum líka einu sinni en síðan aldrei
meir. Sjálfstraust hans gat verið gríðarlegt
á stundum, þá gat ekkert bugað hann, en
andartaki síðar gat það verið á bak og burt.
Hann fylltist þá algjörri ön/amtingu. En
ailtaf virtist hann jafna sig aftur og þá
sýndi hann styrk sinn.
Faðir hans, prófessor í stærðfræði við
háskólann í Lundi, var frá upphafi andvígur
því að hann yrði listamaður. Faðirinn taldi
það ekki starf sem hægt væri að lifa af.
Það skipti miklu fyrir Carl Fredrik að sýna
föður sínum að hann stæði sig, að honum
hefði tekist að verða eitthvað.
Þótt faðirinn hafi verið strangur við son
sinn og andsnúinn flestu því sem hann tók
sér fyrir hendur þá var það var mikið áfall
fyrir Carl Fredrik þegar faðir hans dó.
Vissulega varð hann efnahagslega sjálf-
stæður en nú átti hann engan kost á að
sýna föður sínum hve mikinn listamann
hann hafði að geyma.
Þegar Carl Fredrik kom til Parísar var
það hans fyrsta verk að heimsækja stóru
listastofnanirnar til þess að kynna sér list-
ina. Hann kaus að setjast ekki listaskóla
heldur ganga um og skoða nýtísku list sem
var til sýnis í iistaverkasölum. Eftir að hafa
farið á sýningu impressjónista skrifaði hann
heim og sagði frá því sem hann hafði séð,
Eftir Göran Christenson
Faðir Hills var því mót-
fallinn að sonurinn
gerðist listamaður og
reyndi að örva áhuga
hans á viðskiptalífinu
með því að gefa honum
hlutabréf. Þau notaði
Carl Frederik eins og
hvcrn annan pappír til
að teikna á.
istasafnið í Málmey er auðugast listasafna af
verkum sænska listamannsins Carls Fredriks
Hills. Fyrir rausnarlegar gjafir, m.a. Hill-ættar-
innar og Styrktarfélags Listasafnsins í Málm-
ey, eru nú rúmlega 30 málverk og 2.600 teikn
ingar varðveittar í safninu. Málverk og
teikningar úr þessu safni verða til sýnis í
Norræna húsinu 9. nóvember til 8. desem-
ber.
Carl Fredrik Hill fæddist í Lundi 1849
og lést þar 1911. Hann telst einn snjallasti
landslagsmálari Svía. Teikningar hans, sem
hann gerði eftir dvöl sína í Frakklandi, eru
merkilega nútímalegar í hreinskilinni og
áleitinni nekt sinni.
Hill hafði mikinn metnað
og reyndi að klífa á
tindinn í París, en
norrænir listamenn áttu
alltaf erfitt uppdráttar
þar og Hill hafði ekki
erindi sem erflði. Hann
varð geðveikur og bjó
síðari hluta ævinnar í
Lundi, þar sem hann hélt
áfram að sinna list sinni
í kyrrð og einveru.
Eftir að Hill var orðinn geðveikur,
teiknaði hann urmul pennateikninga af
nöktu fólki.
síðari hlut ævinnar bjó Hill í einsemd
í bænum Lnndi, enda sjúklingur, og frá
því skeiði eru margar teikningar.
LESBÓK MORGUNBLAÐSINS 9. NÓVEMBER 1991 9