Lesbók Morgunblaðsins - 15.06.1996, Blaðsíða 1

Lesbók Morgunblaðsins - 15.06.1996, Blaðsíða 1
« LESBÖK MORGÖXBLAÐSINS - MENMNG/USTTR ÉVGENÍ KISSIN VIL GJARNAN SPIIAALLA TÓNLIST / EVOENÍKlBBÍnermeð tónlist í blóðinu; móðir hans er píanókennari og systir hans, sem er tíu árum eldri, er konsertpíanóleikari. „Ellefu mánaða gamall var ég farinn að syngja og þegar ég var orðinn nógu stór til að ná upp í hljómborð píanósins var ég farinn að spila," segir hann, „það kom bara af sjálfu sér." Þó Évgení Kissin sé í fremstu röð píanóleikara í heimi er hann ekki nema 24 ára gamall og látæði hans og framkoma gera hann mun ung- legri. Hann er blátt áfram, verður stundum hissa á spurningum blaða- manns og tekur sér góðan tíma til að svara eins og honum þyki ekki síður merkilegt að veita viðtal en leika á tónleikum. Kissin segist hafa yndi af því að leika á píanóið, hann vildi gjarnan eyða öllum deginum í píanóleik. „Mér fannst stundum leiðinlegt að æfa mig þegar ég var barn, en nú finnst mér alltaf jafn gaman að sitja við píanóið," segir Kissin, en hann æfir fimm tíma á dag þegar hann hefur til þess aðstöðu og bætir við klukkutíma fyrir hverja tónleika. Kissin er mikið á faraldsfæti sem vonlegt er en hann segist hafa mikið gaman af að ferðast og stefnir á að komast til allra landa heims til tón- leikahalds. Á árum áður samdi Kissin nokkuð af tónlist, en segist hafa hætt því; „tónlistin hvarf úr höfðinu á mér", segir hann og kímir, en bætir við að í tónsmíðum sínum hafi hann farið allt frá Bach yfir í nútímatónlist „og þegar þar var komið vissi ég ekki hvert skyldi halda næst. Kannski hefði ég haldið því áfram ef ég hefði lært tónsmíðar, en í dag er ekkert sem kallar á að ég fari að semja aft- ur; ég heyri ekkert fyrir mér sem mér finnst ég verða að koma á blað." Verkefhaval Kissins hefur markast af rómantískri píanótónlist, en smám saman segist hann vera að færa út kvíarnar. „Eg hef enga for- dóma í tónlist, ég vil gjarnan spila alla tónlist allt fram til okkar daga. Það er bara svo mikið að spila að ég er ekki kominn að nútímatónlist." Kissin segir að vissulega hverfi verk af tónleikadagskrá hans eftir því sem ný bætast við, en það sé ekki vegna þess að hann sé að hafna þeim. „Það kemur fyrir að ég rifja eitthvað upp sem ég hef ekki leikið mjög lengi og spila það iðulega nokkuð öðruvísi. En það er ekki vís- vitandi; ég breytist eðlilega með ár- unum og því breytist það sem ég spila." Með merkilegum upptökum píanósögunnar er flutningur Kissins á píanókonsertum Chopins þegar hann var aðeins tólf ára og hann segir að þó hann hlusti yfirleitt ekki á plötur sínar taki hann undir að þær séu vel heppnaðar „og ég er hæstánægður með þær". í hvert sinn sem Évgení Kissin sest við flygilinn býst fólk við því að fá að heyra eitthvað einstakt og hann segist hafa lært að standa und- ir þeim gríðarlegu væntingum sem gerðar eru til hans: „Það eina sem hægt er að gera, er að einbeita sér að tónlistinni og gera sitt besta, ekki vegna væntinga áheyrenda heldur vegna ástar á tónlistinni."

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.