Lesbók Morgunblaðsins - 12.10.1996, Blaðsíða 2

FRUMRAUN HÖLLU MARGRÉTAR
HALLA Margrét Árnadóttir sópran heldur
einsöngstónleika í íslensku óperunni í dag
kl. 16. Eru þetta fyrstu opinberu tónleikar
hennar hér á landi en hún hefur dvalið við
söngnám á Ítalíu síðastliðin sex ár. Aðdrag-
andinn að tónleikunum segir Halla Margrét
að hafi verið stuttur. „Eg kom eiginlega
hingað heim til að taka mér frí áður en ég
hæfi að æfa fyrir hlutverk í Töfraflautunni
eftir Mozart sem ég er að fara að syngja
í óperuhúsinu Imola í Bologna á Ítalíu. En
síðan kom upp þessi hugmynd að sniðugt
væri að ég héldi tónleika héma fyrst ég
væri komin og ég sló bara til. Það er líka
skemmtilegt að geta sungið fyrst hér heima
áður en ég þreyi frumraun mína úti en hlut-
verkið í Töfraflautunni er það fyrsta á ferl-
inum. Fólk hér heima getur þá betur fylgst
með mér og framförum mínum þegar ég
er farin að vinna meira við þetta úti. Að
auki held ég að það hafi verið orðið tíma-
bært að ég héldi tónleika héma heima.“
Madur kaupir sig
inn eóa bióur bara
Halla Margrét fékk hlutverkið í Töfra-
flautunni í kjölfar söngkeppni sem haldin
var í Bologna í sumar og hún sigraði í.
Hún segir að þessi sýning, sem mun fara
víða á Italíu, gefí sér gott tækifæri til að
koma sér á framfæri. „Reyndar er það
þannig á Ítalíu að maður annaðhvort kaup-
ir sig inn í óperuhúsin fyrir háar upphæðir
eða fer þangað hægt og rólega. Ég á auðvit-
að enga aðra kosti en fara síðari leiðina
en ég held að þegar maður er á annað
borð kominn á svið þá fari þetta fljótlega
að vefja upp á sig. Maður verður bara að
vera þolinmóður og gefast ekki upp.
Áður en ég fór í keppnina í Bologna í
sumar var mér sagt að það þýddi ekkert
að taka þátt í henni því_ að úrslitin væru
alltaf ákveðin fyrirfram. Ég neitaði að taka
mark á þessu enda tel ég að maður megi
ekki gefast upp fyrir spillingunni; að trúa
Morgunblaóið/ÁrniSæberg
HALLA Margrét Árnadóttir sópran og Ólafur Vignir Albertsson halda tónleika
í íslensku óperunni í dag.
á hana er raunar eins konar uppgjöf fyrir
henni. Maður verður að trúa á hið góða í
fólki. Það skilar sér á endanum eins og það
gerði í mínu tilfelli. Þegar út í keppnina
var komið kom í ljós að ég átti alveg jafnm-
ikla möguleika og aðrir. Þetta er því allt
spurning um að missa ekki móðinn og missa
ekki trúna á að þetta gangi einhvern tímann
upp.“
Létt og skemmtilegt
Á efnisskrá tónleikanna í dag segir Halla
Margrét að verði létt og skemmtileg tónlist
sem ætti að falla öllum í geð. „Þetta eru
íslensk og ítölsk lög, þekktar aríur og revíu-
lög. í langan tíma hef ég einungis einbeitt
mér að óperusöngnum en í dag ætla ég að
leyfa mér að víkka sviðið.
Fyrir mig hefur það verið sérstaklega
skemmtilegt að vinna að þessum tónleikum.
Mér þykir mjög vænt um að geta leyft Is-
lendingum að fylgjast með mér. Mér finnst
ég finna fyrir sífellt meiri áhuga hjá fólki
á því sem ég er að gera; fólk er líka sátt-
ara við það núna en fyrst að ég skyldi fara
út á þessa braut eftir að ég tók þátt í
söngvakeppni sjónvarpsstöðvanna á sínum
tíma og það þykir mér gott að finna.“
Undirleikari á tónleikunum verður Ólafur
Vignir Albertsson píanóleikari.
FJARAN
Selfossi. Morgunblaðið.
FJARAN nefnist sýning Myndlistarfélags
Árnesinga í salnum að Tryggvagötu 23 á
Selfossi. Þar sýna 12 listamenn 53 verk
sem öll falla að meginþema sýningarinnar,
fjörunni.
Sýningin er mjög fjölbreytt og skemmti-
leg og fróðlegt að sjá hversu ólíkum tökum
listafólkið tekur fjöruna sem viðfangsefni.
Þegar inn á sýninguna er komið grípur
augað stór rótarhnyðja sem einn lista-
mannanna, Snorri Snorrason, hefur farið
höndum um og mótað. Myndirnar á sýning-
unni eru með ýmsu móti og ljóst að góð
breidd er í efnistökum meðal myndlistar-
fólksins.
Sýningin var opnuð 5. otóber og stendur
yfir til 13. október.
AFMÆLIS-
SÝNING í
SNEGLU
SNEGLA listhús við Klapparstíg verður
fímm ára í dag og af því tilefni verður
opnuð sýning í innri sal hússins kl. 15.
Ber hún yfírskriftina Langt og mjótt.
Fimmtán listakonur standa að Sneglu
og sýna fjórtán þeirra að þessu sinni. Þær
eru Amfríður Lára Guðnadóttir, Björk
Magnúsdóttir, Elín Guðmundsdóttir, Erna
Guðmarsdóttir, Helga Pálína Brynjólfs-
dóttir, Hrafnhildur Sigurðardóttir, Ingiríð-
ur Óðinsdóttir, Ingunn Erna Stefánsdóttir,
Jóna S. Jónsdóttir, Jóna Thors, Sigríður
Erla, Sonja Hákansson, Vilborg Guðjóns-
dóttir og Þuríður Dan Jónsdóttir.
Sýningin verður opin mánudaga til
föstudaga kl. 12-18 og laugardaga kl.
10-14 og stendur til 2. nóvember.
HORFT TIL
SEX HÖFUNDAR
KEPPA UM
BOOKER-VERÐLAUNIN
MORÐ í Kanada á síðustu öld, barnaníðing-
ar á fímmta áratugnum í Bretlandi, eldflaug-
ar á Bermondsey, lögreglumenn á strætum
Bombay-borgar, ógnanir og bijálsemi í
Derry og ísjakar á Atlantshafi eru yrkisefni
þeirra sex rithöfunda sem tilnefndir hafa
verið til Booker-verðlaunanna bresku. Til-
kynnt verður um verðlaunahafann þann 29.
október nk.
Þetta er í 29. skipti sem verðlaunin verða
veitt. Gagnrýnisraddir vegna útnefninganna
hafa farið óvenju lágt að þessu sinni, en
allir eru höfundarnir viðurkenndir, fjórir
þeirra hafa áður verið tilnefndir til verðlaun-
anna. Tilnefningamar eiga það einna helst
sameiginlegt að í öllum verkunum er horft
til fortíðar, mislangt aftur að vísu.
Atwood þekktusl
Kanadíska skáldkonan Margaret Atwood
er líklega þekktust þeirra sem tilnefndir eru
en bók hennar kallast „Alias Graee“. Það
er sagnfræðileg skáldsaga og segir af þjón-
ustustúlku sem var handtekin um miðja síð-
ustu öld fyrir morð á vinnuveitanda sínum
og ástkonu hans. Grace sat í fangelsi í 30
ár en enn vita menn ekki hvort hún framdi
morðin.
Bókin „Every Man for Himself“ er eftir
Beryl Bainbridge og segir frá lífínu um borð
í farþegaskipinu Titanic, síðustu fjóra dag-
ana áður en það hvarf ofan í ískalt Atlants-
hafið. Hefur Bainbridge fengið frábæra
dóma fyrir hæfileika sína til að skapa and-
rúmsloft þar sem ógnin vofir yfír.
Seamus Deane er höfundur „Reading in
the Dark“ en hann hefur áður sent frá sér
ljóðabækur. Deane er frá Derry á Norður-
Irlandi en í þessari ævisögu segir hann frá
uppvexti sínum á fímmta áratugnum, þar
sem íjölskylduleyndarmál og gamlir draugar
virðast í hverju homi.
„The Orchard on Fire“ eftir Shena
Mackay gerist á sjötta áratugnum í Bret-
FORTÍÐAR
Margaret Atwood Beryl Bainbridge
Seamus Deane Shena Mackay
Rohinton Mistry Graham Swift
landi og þykir falleg lýsing á ljúfu sumri
tveggja átta ára stúlkna, sem smám saman
breytist í skelfilega martröð er dularfull fíöl-
skylda flytur í smábæinn þar sem þær búa.
„A Fine Balance" er 600-síðna doðrantur
eftir Rohinton Mistry, sem gerist í Indlandi
á áttunda áratugnum. Er bókin sögð gamal-
dags frásögn þar sem hrært er saman sögu
fjölskyldu einnar í Bombay og lýsingum á
ástandinu í Indlandi, sem þykja heldur ýkju-
kenndar á köflum.
Graham Swift, höfundur „Waterland“
sem var af mörgum talin ein besta skáld-
saga síðasta áratugar í Bretlandi, er til-
nefndur fyrir nýjustu bók sína, „Last Ord-
ers“. Hún segir frá fjölskylduuppgjöri sem
á sér stað þegar flytja á ösku slátrarans
Jack Dodds frá Bermondsey til Margate og
dreifa henni yfír höfnina. Það gengur ekki
hljóðalaust fyrir sig.
MENNING/
LISTIR
í NÆSTU VIKU
MYNDLIST
Ásmundarsafn - Sigtúni
Mótunarárin í list Ásmundar Sveinssonar.
Kjarvalsstaðir - Flókagötu
Sýn. á málverkum og skúlptúrum eftir súr-
realistann Matta frá Chile. Sýn. á verkum
Jóhannesar Sveinssonar Kjarval í austursal
til 22. desember. Sýn. á nýjum verkum
eftir Guðrúnu Gunnarsdóttur til 19. októ-
ber.
Við Hamarinn - Strandgötu 50, Hf.
Sigríður Ólafsdóttir sýnir til 13. október.
Gerðuberg - Gerðubergi 3-5
Sjónþing Helga Þorgils Friðjónssonar.
Sjónarhóll - Hverfisgötu
Sýn. á verkum Helga Þorgils Friðjónss.
Ingólfsstræti 8 - Ingólfsstræti 8
Eggert Pétursson sýnir til 3. nóv.
Þjóðmii\jasafnið - Suðurgötu 41
Sýning á silfri til 13. okt.
Norræna húsið - Hringbraut
Jóhanna Bogadóttir sýnir til 20. okt. og í
anddyrinu Finnska listakonan Barbro Gard-
berg til 27. okt.
Gallerí Greip - Hverfisgötu 82
Jóhann Torfason sýnir til 27. okt.
Gallerí Fold - Laugavegi 118
Kjartan Guðjónsson sýnir til 27. okt.
Gallerí Hornið - Hafnarstræti 15
Þorgerður Sigurðardóttir sýnir til 30. okt.
Nýlistasafnið - Vatnsstíg 3b
Orozco, Tiravanija og L.A. Angelmaker
sýna til 27. okt.
Hafnarborg - Strandgötu 34, Hf.
26 félagsmenn sýna undir yfirskriftinni
„Leir í lok aldar“ til 15. október.
Gallerí Sævars Karls - Bankastræti 9
ívar Török sýnir.
Listhús 39
Yngi Guðmundsson sýnir til 14. október.
Listakot - Laugavegi 70
Gunnhildur Ólafsdóttir sýnir til 23. okt.
Gerðarsafn - Hamraborg 4, Kóp.
Sigurður Þórólfsson sýnir silfurmuni, Ragn-
heiður Jónsdóttir kolateikningar og Þor-
björg Höskuldsdóttir sýnir olíumálverk til
20. okt.
Önnur hæð - Laugavegi 37
Japanski listamaðurinn On Kawara sýnir.
Gallerí Úmbra - Amtmannsstíg 1
Gunnar Snæland sýnir til 3. nóv.
Listasafn Siguijóns - Laugarnest. 70
Yfirlitssýning á völdum verkum Sigutjóns
Ólafssonar.
Galleríkeðjan - Sýniiými
Sýnendur í október: I sýniboxi: Ragna
Hermannsdóttir. í barmi: Karl Jóhann Jóns:
son. Berandi er: Frímann Andrésson. í
Hlust: Hljómsveit Kristjáns Hreinssonar og
hundurinn Gutti.
Ljósmyndast. Myndás - Laugarásv. 1
Björn Valdimarsson sýnir til 18. október.
TONLIST
Sunnudagur 13. okt.
Hollenskur flautukvartett í Siguijónssafni
kl. 20.30.
Þriðjudagur 15. okt.
Gospeltónleikar í Bústaðakirkju kl. 20 og
aðrir tónleikar kl. 22. Tríó Romance heldur
tónleika i samkomusal íþróttahúss Bessa-
staðahrepps kl. 20.30.
Miðvikudagur 16. okt.
Gospeltónleikar í Bústaðakirkju kl. 20.
LEIKLIST
Þjóðleikhúsið
Nanna systir sun. 13. okt., fim.
í hvítu myrkri lau. 12. okt., sun., fös., lau.
KardimommuDærinn sun. 13. okt.
Hamingjuránið lau. 12. okt., fös.
Þrek og tár lau. 19. okt.
Leitt hún skyldi vera skækja fim. 17. okt.,
sun, fös.
Borgarleikhúsið
Ef ég væri gullfiskur lau. 12. okt., fim., lau.
Largo desolato lau. 12. okt., fim.
BarPar á Leynibarnum lau. 12. okt., fös.
Stone Free fös. lau. 12. okt., fös.
Leikfélag Akureyrar
Sigrún Ástrós lau. 12. okt., fös., lau.
Dýrin í Hálsaskógi frums. lau. 19. okt.
Loftkastalinn
Á sama tíma að ári lau. 12. okt., fös.
Sirkus Skara Skrípó lau. 19. okt.
Sumar á Sýrlandi fim. 17. okt.
Skemmtihúsið
Ormstunga sun. 13. okt.
Hermóður og Háðvör
Birtingur lau. 12. okt.
Kaffileikhúsið
Spænsk kvöid lau. 12. okt., fös., lau.
Höfðaborgin
„Gefin fyrir drama þessi dama. . . “ lau.
12. okt., þri., fös.
Islenska óperan
Master Class lau. 12. okt., sun., fös.
Hafnarborg
Grísk veisla, lög og ljóð gríska tónskáldsins
Mikis Þeodorakis: lau. 12. okt., fös., lau.
Möguleikhúsið
Furðuleikhúsið sýnir Mjallhvít og dvergana
sjö sun. 13. okt.
KVIKMYNDIR
MÍR
„Venjulegur fasismi" sun. 13. okt. kl. 16.
2 LESBÓK MORGUNBLAÐSINS ~ MENNING/LISTIR 12. OKTÓBER 1996