Lesbók Morgunblaðsins - 03.07.1999, Blaðsíða 7
Gosið í Grímsvötnum 1998.
LAND
/
Ihvert sinn sem ég kem á þessa
sjtaði birtast þeir mér í nýju ijósi.
Ég fæ alltaf ferskt sjónarhorn og
það er mér jafnmikil glíma að
fanga þá nú sem í fyrsta sinn,“
segir Páll Stefánsson ljósmyndari
um Ijósmyndabók sína Land sem
Iceland Review hefur gefið út.
Páll hefur áður gefíð út nokkurn fjölda
ljósmyndabóka í samvinnu við Iceland
Review en segir þetta vera sína per-
sónulegastu bók. í bókinni eru myndir
frá sex svæðum á landinu og eru mynd-
irnar allar teknar á undanförnum
tveimur árum. Svæðin eru Norður-
Þingeyjarsýsla, Vatnajökull, Land-
mannalaugar, Langisjór og Laki, Vest-
fírðir og Snæfellsnes. „Af hverju þessir
staðir?“ spyr Páll í eftirmála bókarinn-
ar. „Því er fljótsvarað. Þetta eru mínir
uppáhaldsstaðir og þeir sýna líka
skemmtilegan þverskurð af landinu.“
„Kraftur náttúrunnar er óvíða
áþreifanlegri en einmitt þarna nyrst á
landinu," segir Páll um Norður-Þing-
eyjarsýslu. Um Vatnajökul segir hann.
„Hafsjór af frosnu hvítu vatni. Það er
á fáum stöðum sem mannskepnan
virðist jafnlítil, landið jafnstórt, veðrið
eins tröllslegt og himininn eins heiður
og blár.“
„Við Torfajökul skreyta grænir
steinar fönnina meðan Ijósið fellur í
stafí í ánni,“ segir Páll um Landmanna-
laugai’. „Vestfírðir eru sá staður þar
sem náttúruöflin eru hvað sterkust,
myrkrið svartast í skammdeginu og
birtan björtust um sólstöður.“ „Þegar
nær dregur og blátt hraunið myndar
Kirkjufell, Grundarfirði.
mynstur undir jökulkraganum skynjar
maður betur þann kraft sem stafar frá
Snæfellsjökli og skilur þá virðingu sem
heimamenn bera fyrir honum.“ „Við
Langasjó og Laka er paradís kyrrðar-
innar og af Sveinstindi sem trónir upp í
1090 metra hæð við suðurenda vatns-
ins, er eitt fegursta útsýni á íslandi.“
„Mig langar til að leyfa fólki að njóta
þessa útsýnis með mér, upplifa landið í
gegnum myndirnar mínar og sjá gam-
alkunna staði í nýju og óvæntu ljósi,“
segir Páll.
LESBÓK MORGUNBLAÐSINS ~ MENNING/LISTIR 3. JÚLÍ 1999 7