Alþýðublaðið - 22.12.1984, Blaðsíða 2

2
Laugardagur 22. desember 1984
'RITSTJÓRNARGREIN'
Friðarbarátta — friðarbæn
Aldrei hefur verið mikilvægara en nú að gefa
gaum baráttunni fyrirfriði í heiminum. Heimur-
inn er í dag ein stór púðurtunna og kveikurinn
er stuttur — og styttist með áframhaldandi
óbreyttri þróun mála.
Biskupinn yfir íslandi, herra Pétur Sigur-
geirsson, hefur sent prestum landsins bréf
vegna jólahátíðarinnar, þar sem lögð er áhersla
á að í kirkjum landsins verði sameinast í friðar-
bæn um þessi jól. í bréfi biskups segir: „Veröld-
in er stöðugt í sömu þörf fyrir friðarbænina,
sem jólin hafa skapað sterkasta samstöðu um.
Á þessum jólum horfir uggvænlega í heimi
okkar. Milljónir saklausra manna búa við hung-
ur og örvæntingu, sem í flestum tilfellum má
rekja til valdníðslu og styrjaldarátaka."
Síóan segirbiskup: „Á þriðja í jólum eru fimm
ársíðan styrjöldin i Afganistan hófst með þeim
afleiðingum að rösklega ein milljón Afgana
hefur falliö. Á fimmtu milljón mannahefurflúið
til nágrannaríkjanna. Paul Hartling fram-
kvæmdastjóri FlóttamannahjálparSameinuðu
þjóðanna hefur kallað þetta mesta flótta-
mannavandamál vorra daga, enda þjáningar
fólksins ólýsanlegar."
í bréfi herra Péturs Sigurgeirssonar segir
ennfremur: „Hungurvofuna í Eþíópíu þekkja
landsmenn af upplýsingum, er þaðan koma.
Um þessi jól erhjálparstarfi kirkjunnarsérstak-
lega beint þangað. Þar torveldar grimmileg
borgarastyrjöld hjálpinaog eykurstórum neyð-
ina.“
„Mannréttindi svartra manna í Suður-Afríku
eru fótum troðin,“ segir því næst í biskups-
bréfi. „Enginn endir virðist vera á styrjaldará-
tökum í Líbanon. í löndum Mið- og Suður-
Ameríku er stöðugt styrjaldarástand."
Biskup segir í niðurlagi bréfs síns að „yfir
heimi blóðs og tára ríki svo kjarnorkuvopn-
in með ógn sinni um endalok alls lífs á
jörðinni.“ Hveturhann til friðarjólameðeft-
irfarandi orðum: „í friðarljósinu á helgri
jólanótt vakir bænin: „Lýs milda Ijós í
gegnum þennan geim“. ísland getur lýst
með þeim Ijóma og verið bænarákall um
frið. — Til þess þarf samstöðu. „Nóttin
hljóða“ gefur tilefnið og tækifærið."
Alþýðublaðið tekur heils hugar undir
hvatningu biskups um að allir sameinist í
friðarbæn. Mikilvægt er að sem flestir
gegni hlutverki friðflytjandans. Ekki að-
eins prestar, heldur allur almenningur.
w
I dag munu fjölmörg frióarsamtök efnatil frið-
argöngu undir heitinu, Friður á jólum — 1984.
í ávarpi þessarafriðarhreyfingasegirm. a.: „Við
viljum að fjármagni sé varið til þess að seðja
hungur sveltandi fólks, til heiisugæslu og
menntunar, en ekki til vígbúnaðar. Við viljum
að íslendingar leggi lið sérhverri viðleitni á al-
þjóðavettvangi gegn kjarnorkuvopnum og öðr-
um vígbúnaði. Við viljum ekki að ísland verði
vettvangur aukins vigbúnaðar á norðurslóðum
og höfnum kjarnorkuvopnum í landi okkarog í
hafinu umhverfis það, hvort sem eráfriðar-eða
stríðstímum."
Alþýðublaðið hvetur landsmenn til sóknar
gegn ófreskju vígbúnaðarins og tortímingar-
stefnu, en fyrir friði og lífi á jörðu. —GÁS.
f-SUNNUDAGSLEIÐARI.
Birta og gleði
Vetrarsólstöður voru í gær, föstudag. Þá ríkti
myrkrið. En fráog með deginum í dag fer birtan
að sækja á. Myrkrið hörfar. Dagur lengist
smám saman.
Og það er líka annars konar birta sem leitar
fram um þessar mundir. Það er það lífsins Ijós
sem skín hvað skærast á jólum, þegar lands-
menn minnast fæðingar frelsarans. Að vísu
hefur mörgum fundist sem innihald jólanna, sá
friðar- og kærleiksboðskapur sem þeim fylgir,
hafi fölnað í öllu umstanginu kringum glaum-
inn og glysið; hafi stundum gleymst í öllum erl-
inum við jólagjafainnkaupin og annan verald-
legan undirbúning.
En jólin eru umfram allt gleðihátíð. Áhuginn
beinist að því að gleðjast og ekki síður að
gleðja aðra. Það er ekki aðeins myrkrið sem
hörfar undan birtunni, heldur og lætur heiftin
og biturðin undan síga fyrir brosi og gleði.
Meira að segja skothvellir og ófriðardrunur
þagna um stund. Við gefum þeim meiri gaum
en áður, sem líða og þjást og höllum fæti
standa. Og gleði jólannaerekki síst fólgin í því
aó gefa. Ekki aðeins jólagjafir í formi einhvers
varnings, heldur og getum við gefið af okkur
sjálfum — góðvild og kærleika.
Alþýðublaðið hefur mjög hvatt til þess að
landsmenn bregðist vel við ákalli Hjálparstofn-
unar kirkjunnar um að rétta hungruðum og
þjáðum í Eþíópíu hjálparhönd. Landsmenn
hafa svarað. Eða eins og Guðmundur Einars-
son framkvæmdastjóri stofnunarinnar orðaði
það í viðtali við Alþýðublaðið i vikunni: „Hinar
góðu undirtektirlandsmannavið söfnun Hjálp-
arstofnunarinnar, til að hjálpa þeim sem svelta
í Eþíópíu, þökkum við fyrst og fremst skilningi
og samúð íslendinga með þeim sem þola skort
og líða kvalir."
Margir ætla vafalaust að tillegg íslendinga í
þessum efnum skipti ekki miklu máli, þegar
litið er til framlags stórþjóða. En það er ekki
aðalatriði málsins. Framlag fátæku ekkjunnar
var minnst í krónum talið, en mest fyrir augliti
Krists. Og í þessu sambandi ereinnig aðdáun-
arvert að íslendingar skuli þúsundum saman
vilja leggja þessu markmiði lið, að líkna þjáð-
um, þótt hart sé á dalnum efnahagslega hjá
þúsundum heimila.
í þessu sem öðru erekki aðalatriðið hve mik-
ið fólk læturaf hendi rakna, heldur umfram allt
sá hugur er að baki liggur. Og íslendingar hafa
sýnt það og sannað í gegnum tíðina, að þeir
vilja gefa, vilja veita öðrum hjálp og gleði, ef
þess er nokkur kostur. Samhjálpin er rík i
landsmönnum þegar á reynir, þótt sérhyggju-
sjónarmið hafi verið áberandi í málflutningi
einstakra stjórnmálaafla.
Friðarboðskapur jólanna er skýr og greini-
legur. Hann byggir á kærleikanum og þeirri
elsku, sem kristin trú grundvallast á. Alþýðu-
blaðið hvetur landsmenn til íhugunar um eðli
og grunn jólanna, friðar- og kærleiksboðskap
þeirra.
Blaðið sendir lesendum sínum og öðrum
landsmönnum bestu óskir um gleðileg jól.
— GÁS.