Alþýðublaðið - 05.06.1985, Blaðsíða 4

alþýðu-
■ n Fu'jT'M
Miðvikudagur 5. júní 1985
Alþýðublaðið, Ármúla 38, 3. hæð, 108 Reykjavik., Sími: 81866
Útgefandi: Blað hf.
Ritstjórn: Friðrik Þór Guðmundsson (ábm.) og Sigurður Á. Friðþjófsson.
Framkvæmdastjóri: Valdimar Jóhannesson.
Skrifstofa: Helgi Gunnlaugsson, Halldóra Jónsdóttir og Eva Guðmundsd.
Setning og umbrot: Alprent hf., Ármúla 38.
Prentun: Blaðaprent hf, Síðumúla 12.
Áskriftarsíminn
er81866
í lausasöiu 20 kr.
Við brottförinafrá Keflavík. Fr. v. Gunnar Simonsvik, fulltrúi borgarstjórnar Bergen, Sigurð-
ur Helgason, forstjóri Flugleiða, Peile Nilsen, ferðamálafrömuður frá Stavangri, Inger-Lise
Skarstein, þingmaður, Sigfús Erlingsson, framkvœmdastjóri markaðssviðs hjá Flugleiðum
og Ola Hiis Bergh, ferðamálafrömuður frá Bergen.
Skólalúðrasveit frá Bergen heilsaði lúðrasveitum úr Árbœjarskóla og Breiðholti, með lúðra-
þyt.
Flugleiðir fljúga
til Bergen
Borgin milli
fjallanna sjö, nýr
feröakostur
fyrir íslendinga
Á laugardaginn var hófu Flug-
leiðir aftur reglubundið flug til
Bergen, en fastar flugsamgöngur
milli íslands og Bergen liafa legið
niðri um árabil. Verður flogið einu
sinni í viku á hverjum laugardegi og
er brottfarartími frá Keflavik kl.
7:15 að morgni og komið til baka
kl. 16:00.
Þetta var fyrsta embættisverk
Sigurðar Helgasonar, sem forstjóra
Flugleiða og var hann með í þessu
fyrsta flugi til Bergen. Var blaða-
mönnum boðið með svo og fulltrú-
um samgömguráðuneytisins og
ferðamálafulltrúum. Einnig voru í
förinni norskir blaðamenn, sem
dvalist höfðu á íslandi í tvo sólar-
hringa vegna þessarar nýju áætlun-
arferðar.
Meðal farþega flugvélarinnar
voru skólahljómsveitir úr Árbæjar-
skóla og Breiðholti, en þær voru
þátttakendur í tónlistarhátíð ung-
menna, sem haldin var í Bergen um
helgina. Tóku tvær lúðrasveitir á
móti íslensku krökkunum við kom-
una og var því hátíðarbragur á flug-
vellinum.
Flugleiðir hafa gert markaðs-
rannsóknir, sem leitt hafa í Ijós að
grundvöllur er fyrir þessu áætlun-
arflugi. Mun einkum stílað upp á
farþega frá Bandaríkjunum, með
millilendingu á íslandi, en þetta er
eina áætlunarleiðin frá nýja heim-
inum til Bergen. Einnig mun vonast
til að Íslendingar íhugi þennan
kost, sem þarna er boóið uppá.
Bjóða Flugleiðir fjölbreytta ferða-
þjónustu í tenglsum við áætlunar-
flugið til Bergen. Má nefna flug og
bílaleigubíl, frá kr. 14.926f á mann
og er þá miðað við eina viku. Hægt
er að aka frá Bergen niður til Osló
og skilja bílinn eftir þar og fljúga
beint heim þaðan. Einnig bjóða
Flugleiðir upp á sumarhús í Harð-
angursfirði. Verðið á þeim með
flugi, er kr. 15.347? og er þá miðað
við viku dvöl. Þá er að geta þess að
Flugleiðir hafa gert sérsamninga
við hótel í Bergen um gistiverð fyrir
farþega félagsins.
Er ekki að efa að landinn taki vel
í þennan möguleika, sem bætist
þarna við í ferðamöguleikum hans.
Bergen er undurfögur borg og
hefur upp á margt að bjóða. Gróð-
ursældin er mikil. Hafa flestir ef-
laust heyrt að það rigni ótt og títt í'
Bergen, en innfæddir neituðu því
þegar þeir voru spurðir. Sögðu þeir
að sú veðrátta sem heilsaði ferða-
löngum þennan dag, væri dæmi-
gert sumarveður á þessum slóðum,
heiðríkja, sól og sumarhiti.
íbúar Bergen eru um 230 þúsund.
Er bærinn umkringdur háum fjöll-
um á alla vegu, enda verið kallaður
bærinn milli fjallanna sjö. Er borg-
in álíka gömul og saga íslensku
þjóðarinnar, eða um eitt þúsund
ára gömul. Miðbærinn er sérkenni-
legur vegna þeirra gömlu húsa, sem
varðveitt hafa verið í mörg hundruð
ár, og er þeim vel við haldið og í
fullri notkun enn.
Flugsamgöngurnar eru ekki einu
samgöngur íslendinga við Bergen,
því yfir sumartímann eru ferjusam-
göngur milli íslands, Færeyja og
Bergen.
Um 500 ára gömul hús í miðborg Bergen, reist af Hansakaupmönnum.
Fiskimarkaðurinn í Bergen.
MOLAR
Fiktið ekki við hana
Þetta meðmælabréf rákumst við á
í Sjómannablaðinu Víkingur, en
það var ritað árið 1886 af Bene-
dikt Gröndal, skáldi og náttúru-
fræðingi: Hér með tilkynnist, að
stúlkan Vilborg Sigurðardóttir
ætlar nú vistferlum héðan úr
bænum norður í Húnavatnssýslu,
og er hún til þess fullkomlega
frjáls hvort hún vill heldur fara
norður, suður, austur eða vestur,
og eftir öllum strikum kompáss-
ins, hvort hún vill heldur ganga
eða hlaupa, stökkva, klifra,
skríða, fara á handahlaupum,
sigla eða fljúga. Áminnist hér
með allir karlmenn um að fikta
ekkert við hana, frekar en hún
sjálf leyfir, og engar hindranir
henni að gera, ekki bregða henni
hælkrók, né leggja hana á klof-
bragði, heldur láta hana fara
frjálsa og óhindraða, húrrandi í
loftinu, hvert á land sem hún vill,
þar eð hún hefur hvorki stolið né
rænt, ekki drepið mann eða logið,
ekki sviðið né neitt gert, sem á
verði haft. Lýsist hún hér með frí
og frjáls fyrir öllurn sýslumönn-
um og hreppsstjórum, böðlum og
bésefum, kristnum sem ókristn-
um, guðhræddum sem hund-
heiðnum körlum sem konum,
börnum og blóðtökumönnum,
heldur áminnist allir og umbiðjist
að hjálpa nefndri Borgu og greiða
veg hennar, hvort heldur hún vill
láta aka sér, bera sig á háhesti,
reiða sig í kláfum, reiða sig á mer-
um eða múlösnum, tryppum eða
trússhestum, gæðingum eða grað-
ungum, í hripum eða hverju því,
sem flutt verður á. Þetta sé til
þóknanlegrar undirréttingar, sem
sjá kunna þennan passa. Enginn
sóknarprestur þarf að skrifa hér
upp á.
Klámbylgja í Kína
Vestrænn hugsanagangur og vest-
ræn menning hafa haldið innreið
sína í Kína. Unga fólkið sötrar
kók og vaggar sér í diskótöktum
og strákar og stelpur eru farin að
kyssast opinberlega. Gallabux-
urnar hafa leyst af hólmi gamla
maóistabúninginn og svona
mætti lengi upp telja. Og nú hefur
klámið barið á dyr hjá þessari
fjölmennustu þjóð veraldar.
„Opin hönd hennar hékk yfir
baðkarsbrúnina og höfuðið hall-
aðist aftur á bak. í svip hennar var
engin nautn — bara ótti. Þetta var
í fyrsta skiptið sem hinn ungi lög-
reglumaður, aðeins 29 ára að
aldri, sá naktan konulíkama. Húð
hennar var föl, brjóstin mjög
þrýstin og líkaminn fullur af kyn-
þokka. Hann roðnaði.” Þetta þyk-
ir ansi djarft í Kína. Að minnsta
kosti birtast svona lýsingar bara í
„bönnuðum” blöðum þar. Þrátt
fyrir það er hér um byltingu að
ræða, að minnst sé á nakinn
konulíkama á prentuðu máli í
Kína. Ýmisskonar sjoppubók-
menntir eiga nú mjög gott upp-
dráttar þar og í blöðum sem seld
eru undir borðið getur að líta lýs-
ingar á borð við þá sem hér fór á
undan. En klámið er þrátt fyrir
allt ekkert nýtt í Kína. Á gömlum
listaverkum má oft sjá nakta
líkama í mjög djörfum stelling-
um. En það er list en ekki klám.
•
Þorskurinn snýr aftur
Fiskifréttir skýrðu nýlega frá því
að alit væri orðið kvikt af þorski
á Grænlandsmiðum og hefur það
eftir Grænlandspóstinum að sjór-
inn mori af þorski. Samkvæmt
blaðinu er allt fullt af þessum dýr-
mæta fiski í flóanum utan við
Qaqortq (Julianhaab) og einnig
norður með ströndinni. Togarar
koma fullhlaðnir til hafnar. Þetta
er ákaflega athyglisvert þar sem
þorskveiðar hafa brugðist með
öllu í vetur og komu því fréttirnar
á óvart. Hvort þetta boðar betri
tíð með blóm í haga og þorsk í sjó
þorir blaðið ekki að skera úr um,
en segir að miklar vonir séu samt
bundnar við 1982 árganginn af
þorskinum.