Alþýðublaðið - 28.11.1987, Page 13

Laugardagur 28. nóvember 1987
13
TÓNLIST
Eiríkur Stephensen
AFMÆLISTÓNLEIKAR
„Kórinn hefur ekki látið sér nœgja að sigra heiminn eingöngu hérlendis, “ segir Eiríkur Stephensen m.a. í umsögn sinni
um Kór Menntaskólans við Hamrahlíð i tilefni afmœiistónleika.
Kór Menntaskólans
við Hamrahlíð hélt
síðastliðinn sunnudag
20 ára afmœlis-
tónleika sína í sal
Menntaskólans við
Hamrahlíð. Kórinn, sem
hefur verið frá byrjun
undir handleislu kór-
stjórans Þorgerðar Ing-
ólfsdóttur, er fyrir
löngu búinn að skipa
sér sess sem einn okkar
besti tónleikakór. Kór-
inn hefur ekki látið sér
nœgja að sigra heiminn
eingöngu hérlendis,
heldur lagt land undir
fót og sungið víða er-
lendis t.d. á hinum
Norðurlöndunum,
Wales, Frakklandi, Jap-
an og ísrael svo eitthvað
sé nefnt. Kór mennta-
skólans er ekki einn um
hituna því Hamrahlíðar-
kórinn, sem skipaður er
eldri félögum úr skólan-
um, hefur verið mjög
afkastamikill í íslensku
tónlistalífi.
Tónleikarnir voru í heild
sinni mjög fjölbreyttir og
áhugaverðir, sérstaklega var
það ótrúlegt hve Þorgerður
Ingólfsdóttir hafði mikið vald
á kórnum. Söngurinn var yfir-
vegaður, áreynslulaus, og oft-
ast gott jafnvægi milli radda.
Kór menntaskólans og
Hamrahlíðarkórinn voru aðal
uppistaða tónleikanna. Kór
menntaskólans söng verk eft-
ir John Bennet og John Dow-
land auk íslenska þjóðlags-
ins „Blástjarnan þó skarti
skær“ í raddsetningu Jóns
Þórarinssonar. Söngurinn var
hljómfagur og sérstaklega
var gaman að heyra hve radd-
irnar blönduðust vel saman,
og gætu aðrir kórar tekiö
þetta til fyrirmyndar, því það
virðist vera algengt hjá kór-
um að einstaka raddir skeri
sig út úr. Hamrahlíðarkórinn
frumflutti „Húsgang" eftir
Þorkel Sigurbjörnsson og
„Triptych" eftir Hafliða Hall-
grimsson, sem kórinn frum-
flutti 1986 í Norræna húsinu.
Það sem vakti mestan
áhuga minn, að öðrum verk-
um ólöstuðum, voru þrír forn-
ir gyðingasöngvar sem kór-
inn söng firnavel, og sérstak-
lega var söngur Olafs Kjart-
ans Sigurðssonar glæsilegur
því hann átti auðvelt með að
syngja hina erfiðu laglínu
söngvanna sem oft flögruðu
á milli kvarttóna en það tíðk-
ast ekki í hinni hefðbundnu
vestrænu tónlist. Tónleikarnir
enduðu fyrir hlé á þrem'
negrasálmum sem báðir kór-
arnir sungu ásamt einsöngv-
aranum Agli Ólafssyni sem
er fyrrum kórfélagi og núver-
andi poppsöngvari. Flutning-
ur hans var með ágætum,
miðað við að hann er hvítur.
Hléið var svo hápunktur há-
tíðarinnar því þá var gestum
boöiö upp á kaffi og kökur
og heyrðist ekki garnagaul
eftir hlé meðan Hamrahlíðar-
kórinn söng „Rorando coeli
defluant" eftir Jan K. Vodn-
asky, sem skrifað er fyrir þrí-
skiptan kór og var einn hóp-
urinn uppi á sviði en hinir
frammi á gangi.
Kristinn Sigmundsson,
sem einnig er gamall kórfé-
lagi eins og Egill, söng síðan
nokkur lög við undirleik Katr-
inar Williams og endaði hann
sönginn á laginu „í Túle trúr í
lundu" eftir C.F. Zelter, ásamt
kórnum. Söng Kristins er
óþarfi að kynna, því flestir
þekkja hina hljómmiklu og
þykku rödd hans. Tónleikarnir
enduðu svo á samsöng kór-
anna tveggja ásamt eldri fé-
lögum og síðan var flugelda-
sýning fyrir utan. Eftir slíkan
söng gat maður ekki verið
annað en ánægður, enda
gekk ég út eftir tónleikana:
ánægóur, saddur, og í ára-
mótaskapi.
SPURT OG SVARAÐ
Ingibjörg Bjarnardóttir svarar
UTLENDINGARNIR GREIDA
NIÐUR FARGJÖLDIN
segir í svari Flugleiöa
Kona skrifar og óskar eftir
að koma með fyrirspurn til
Flugleiða:
„Eg var á gangi í miðri
New York í september sl. og
gekk þá framhjá skrifstofu
ykkar. Ég stoppaði og horfði
á auglýsingar í glugganum.
Mér brá í brún. Þið bjóðið
Bandaríkjamönnum mjög
ódýr fargjöld. Hoppfargjald til
Lúxemborgar frá New York
kostar aðeins 149 dollara eða
um 5500 krónur íslenskar.
Sölufólk sagði að þetta gjald
gilti með allt að viku fyrir-
vara.
Þess vegna spyr ég. Er
okkur íslendingum mismun-
að? Borgum við það sem upp
á vantar að þessir farþegar
frá Bandaríkjunum borgi fullt
gjald?
Til samanburðar hringdi ég
á einar 3 ferðaskrifstofur hér
heima og var mér tjáð að
ódýrasta gjald milli Reykja-
víkur og New York væri svo-
kallað Apex fargjald, og að
það verði að panta með 14
daga fyrirvara eða minna. Og
hvert var svo verðið sem viö
verðum að borga? Jú, 21.310
krónur islenskar. Hvernig er
þetta hægt?“
Svar Flugleiða: Steinn Logi
Björnsson, forstöðumaður
upplýsingadeildar varð fyrir
svörum.
„Spurningunni um það
hvort íslendingum sé mis-
munað og að þeir séu að
greiða niður það sem upp á
vantar, eins og fyrirspyrjandi
segir, má frekar snúa við. Það
eru útlendingarnir sem
greiða niður fargjöld fyrir
okkur. Norður-Atlantshafsflug
Flugleiða byggir að lang-
mestu leyti á útlendingum og
íslendingar yrðu að greiða
miklu meira fyrir flugið, ef
farþegafjöldi byggöi fyrst og
fremst á íslendingum. Fjöld-
inn í flugi milli íslands og
Bandaríkjanna er það lítill að
hann gæfi ekki tilefni til
fleirri flugferða milli land-
anna en 1-2 í viku.
I dag eru yfir 90% af far-
þegum útlendingar, flestir á
leið frá Bandaríkjunum til
Evrópu. r
Þetta fargjald'á 149 dollara,
sem nefnt er, er gjald sem
greiða má með 72 klst. fyrir-
vara en ekki viku fyrirvara. Ef
við byðum slik fargjöld héðan
myndu allir fara á þessu
gjaldi og það svaraði ekki
kostnaði fyrir Flugleiðir. Að-
eins örfáir geta farið á 149
dollara úti. Ég geri ráð fyrir
innan viö 1% af Bandaríkja-
mönnum ferðist á þessu
gjaldi. Mismunur á meðal-
verði úti og hér heima er
miklu minni én gefið er í
skyn i fyrirspurninni."
í C E LAN BAlfí
Myndin er tekin fyrir utan aðal-
skrifstofu Flugleiða í New York.
Eins og sést er „Get up and go‘*
fargjald til Lúxemborgar auglýst á
149 dollara, verð sem fyrirspyrj-
anda þykir ástæða til að fá skýr-
ingu á.