Alþýðublaðið - 15.09.1988, Blaðsíða 8
Fimmtudagur 15. september 1988
VIÐTALIÐ
eftir Hauk Hólm
r
Pétur Bjarnason stjórnarmaður í Utgerðarfélagi Akureyringa
Framkvæmdastjöraskipti
standa fyrir dyrum hjá Út-
gerðarfélagi Akureyringa.
Gísli Konráðsson lætur þá af
störfum eftir 30 ára starf.
Fjórtán manns hafa sótt um
starfiö og hefur Gunnar
Ragnars forstjóri Slippstöðv-
arinnar þótt líklegastur til að
hreppa hnossið, en fyrir
skömmu kom upp ný staða.
Gisli Konráðsson lýsti því yfir
að ómögulegt væri að báðir
framkvæmdastjórar fyrirtæk-
isins væru úr sama stjórn-
málaflokki. Honum þyki því
ótækt aö Gunnar verði ráðinn
þar sem hann sé sjálfstæðis-
maður eins og hinn fram-
kvæmdastjórinn, Vilhelm
Þorsteinsson.
í stjórn Útgerðarfélagsins
sitja tveir sjálfstæðismenn,
tveir framsóknarmenn og
einn alþýðuflokksmaður,
Pétur Bjarnason. Hans
atkvæði er talið geta ráðið
úrslitum í atkvæðagreiðslu.
Alþýðublaðið hafði samband
við Pétur, og spurði hann
fyrst hvort eitthvert gamalt
pólitískt samkomulag væri
viö lýði varðandi ráðningu í
framkvæmdastjórastöðu ÚA?
„Ekki það ég þekki og ég
leyfi mér mjög að efast um
að það sé gamalt samkomu-
lag til.“
— Er nauðsynlegt að
framkvæmdastjórar séu úr
sitt hvorum stjórnmálaflokkn-
um?
„Ég sé enga nauðsyn
þess.“
— En sérðu einhverja
hættu því samfara?
„Ég skal ekki segja neitt
um hvort það er hætta á ferð-
um ef menn fara í starf með
einhverjum slikum ásetningi,
ég sé hins vegar ekki alveg
hvaða hætta það er. Þetta er í
eðli sínu ekki neitt póiitískt
starf, það snýst fyrst og
fremst um að reka fyrirtæki,
verka og vinna fisk og gera
út. Ég sé bara ekki hvernig
flokkspólitík kemur þar inn í
yfirhöfuð."
— Sú saga hefur heyrst
að ákveðið hafi verið að veita
Gunnari starfið, annars hefði
hann ekki sótt um. Veistu til
að slíkt hafi verið ákveðið?
„Ég tel mig þekkja nægi-
lega vel til, að ég geti alfarið
hafnað þessari skoðun. Eg vil
líka benda á, að ef það hefði
komið upp á þá hefðu menn
ekki auglýst stöðuna. Eftir
því sem mér skilst hefur það
ekki verið gert áður.“
— Kemur þessi umræða
sem átt hefur sér stað þér á
óvart?
„Það kemur mér kannski
ekki á óvart að svona raddir
hafi komið upp, en það kem-
ur mér aðeins á óvart að það
hafi verið sagt opinberlega
að það ætti að útiloka menn
úr einum stjórnmálaflokki frá
þátttöku, en hins vegar kem-
ur mér ekkert á óvart að sum-
ir hafi hugsað svona."
— Sigurður Jóhannesson
annar fulltrúi framsóknar hef-
ur lýst því yfir að hann taki
undir sjónarmið Gisla
Konráðssonar. Séröu hættu á
klofningi i stjórn félagsins?
„Ég tel alveg koma til
greina að stjórnin klofni I
afstöðu sinni, ég geri alveg
ráð fyrir að menn leggi mis-
jafna áherslu á hvaða menn
þeir vilja. Hins vegar hef ég
ekki trú á að það klofni á
þann hátt að stjórnin haldi
ekki áfram að vinna saman á
faglegum grundvelli. Sigurð-
ur hefur lika lýst því yfir að
hann ætli að standa að ráðn-
ingu framkvæmdastjóra á
faglegum grundvelli. Mér
finnst svolítill tviskinnungur
í, að menn segja að ekki eigi
aö koma pólitik inn í þetta
val, en samt eigi að fara eftir
þv( sem Gísli segir.“
— Hvað gerist næst í mál-
inu?
„Það verður ráðinn maður.“
— Hvenær?
„Fljótlega."
— Er byrjað, eða telurðu
að fariö verði út í baktjalda-
makk til að reyna að komast
að samkomulagi um eftir-
mann Gísla?
„Nei, það er ekki byrjað og
ég hef ekki trú á að það
verði. Það er sannast sagna,
þótt menn hafi mest orð á
öðru, unnið mjög faglega að
þessu máli. Menn taka sér
tíma til að skoða, afla sér
upplýsinga um og bera sam-
an umsækjendur og það er
ekkert annað í stöðunni."
— Nú ert þú í oddastöðu.
Er eitthvað verið að þrýsta á
þig?
„Ef þú átt við hvort það
séu samtök að þrýsta á mig,
þá er það ekki. Hins vegar
hitti ég auðvitað marga ein-
staklinga sem hafa skoðanir
á málunum og vilja gjarnan
koma þeim á framfæri. En
fyrir þeim aðilum sem eg
held að þú eigir við, hef ég
alveg fengið frið.“
— Er þetta framkvæmda-
stjórastarf svona feitur biti?
„Ég geri ráð fyrir að það
þyki það. Útgerðarfélag Akur-
eyringa er mjög vel rekið
fyrirtæki og er stöndugt mið-
að við fyrirtæki hérna á ís-
landi. Það er á allan hátt,
held ég að hljóti að vera,
fyrirtæki sem menn er vilja
starfa í þessari grein vilja
vera hjá.“
— Standa fyrir dyrum ein-
hverjar stórvægilegar breyt-
ingar á rekstrinum?
„Nei, þaö myndi ég nú ekki
telja. Breytingar á fyrirtæki
sem gengur mjög vel verða
aldrei mjög byltingakenndar.
Hins vegar er alveg Ijóst að
þetta fyrirtæki sem og önnur,
laga sig smám saman aö nýj-
um aðstæðum. Það eru mikl-
ar breytingar í íslenskum
sjávarútvegi og það er enginn
vafi á þvi að Útgerðarfélag
Akureyringa eins og önnur
fyrirtæki þarf að beyta i
sumu í slnu starfi til að að-
laga sig að þeim,“ segir
Pétur Bjarnason stjórnarmað-
ur í ÚA.