Alþýðublaðið - 13.12.1988, Qupperneq 4

4
Þriðjudagur 13. desember 1988
BÓKAFRÉTTIR
Undir augliti
klukkunnar
Christopher Nolan fæddist
6. september 1966 á írlandi. í
fæðingu varð hann fyrir súr-
efnisskorti sem olli alvarleg-
um heilaskaða. í Ijós kom að
hann gat hvorki talað né
stjórnað hreyfingum sínum
öðrum en augnhreyfingum.
Þegar hann var á öðru ári
komust læknar að því að
hann hefði eðlilega greind.
Móðir hans var óþreytandi að
tala við hann og kenna hon-
um með það að leiðarljósi að
hugsa aldrei um hvað hann
gæti ekki en leita stöðugt
eftir því hvað hann gæti. Hún
náði einstöku sambandi við
hann og lærði að skilja hann
þótt hann gæti einungis tjáð
sig meö augunum.
Þegar hann var 11 ára rauf
hann fjötra þagnarinnar eftir
að hafa verið „árum saman
læstur ofan í líkkistu eigin
Ifkamá'. Þá tókst honum meö
aðstoð kennara síns og nýs
lyfs sem hjálpaði honum að
slaka á hálsvöðvunum að
stjórna höfuðhneigingum
sínum nægilega vel til þess
að geta ýtt á ritvélartakka
með pinna sem festur var við
enni hans. Til þess þurfti
hann geysilegt átak og ein-
beitingu en auk þess varð
einhver að standa á bak við
hann og styðja undir höku
hans. Þetta hlutverk tók móð-
ir hans að sér. Þegar hann
fékk þannig „málið“ birtust
fágætir skáldhæfileikar hans.
- Drengurinn reyndist hafa ver-
ið að yrkja Ijóð frá því hann
var 3ja ára og hafði geymt
þau í hugskoti sér.
Fyrsta bók hans, Stíflu-
brestur draumanna, kom út
þegar hann var 15 ára og
hlaut frábærar viðtökur gagn-
rýnenda sem skipuðu honum
þegar í röð bestu skálda íra.
Orðaforði hans og orðleikni
þóttu með eindæmum.
Christopher fékk þá ósk
sfna uppfyllta aö komast í
venjulegan menntaskóla og
háskóla þar sem hann n.aut
handleiðslu færustu próf-
essora á bókmenntasviðinu.
Lffssögu sína segist Chris-
topher hafa skrifað til að
„lýsa því hvernig heilaskaðað
líf mitt er mér jafneðlilegt og
líf heilbrigðra vina minna er
þeim“. Fyrir bókina hlaut
Christopher ein virtustu bók-
menntaverðlaun Bretlands.
The Whitbread Award, og
vakti heimsathygli. Gagnrýn-
endur segja hann „geislandi
vel gefinn ungan rithöfund"
og líkja frjóum huga hans við
„perlu í ostruskel".
Saga Þor-
lákshafnar
Bókaútgáfan Örn og Örlyg-
ur hefur að frumkvæði Ölfus-
hrepps gefið út þriggja binda
ritverk, SÖGU ÞORLAKS-
HAFNAR til loka áraskipaút-
gerðar, eftir Skúla Helgason.
Hér er á ferðinni viðamikið
og margþætt verk, í senn
safn þjóðsagna frá Þorláks-
höfn, sagnfræðileg úttekt á
sögu staðarins, bjóðháttarit
um sjósókn fyrri tíma þar
sem útgerðarsagan er rakin
frá stofnun biskupsstóls I
Skálholti til loka áraskipaút-
geröar 1929, og ævisögurit
sögufrægra bænda og sjó-
sóknara í Höfninni eins og
t.d. Jóns Árnasonar og Jóns
Ólafssonar. Auk þess er hér
safnað á einn stað ýmsu efni
varðandi Þorlákshöfn er
birtst hefur áður í blöðum og
bókum eða varðveist í hand-
ritum.
En saga Þorlákshafnar
varðar ekki einungis staðinn
Þorlákshöfn, hún er umfangs-
mikið verk í íslenskri atvinnu-
og menningarsögu. Hún lýk-
ur upp dyrum að heimi löngu
genginna kynslóða þar sem
þær ganga fram i starfi og
leik, blíðu og striðu, í hvers-
dagsleik og á örlagastund-
um.
Skúli Helgason, höfundur
verksins, hefur unnið að
söfnun heimilda varðandi
Þorlákshöfn i áratugi. Fyrri
bækur hans eru Saga Kolvið-
arhóls og Sagnaþættir úr Ár-
nessýslu í tveimur bindum.
Saga Þorlákshafnar er sett
og prentað í Prentstofu G.
Benediktssonar en bundinn í
Arnarfelli hf.
Saga af Suður-
nesjum á ensku
Nýlega sendi bókaútgáfa
Máls og menningar frá sér
enska þýðingu á bókinni
Saga af Suðurneskjum, Ijóð
eftir Jóhannes úr Kötlum
sem gefið var út á siðast-
liðnu ári myndskreytt af
Ragnheiði Gestsdóttur.
Enska þýðingin ber nafnið
The Fisherman’s Boy and the
Seal og ritaði Vigdís Finn-
bogadóttir forseti formála um
uppruna Ijóðsins og íslenska
menningu.
Saga af Suðurnesjum er
byggð á íslenskri þjóðsögu
og segir frá dreng sem rær til
fiskjar en steypist útbyrðis. Á
hafsbotni hittir hann selinn
Kobba, sem reyndar er sonur
Faraós. Hann tekur drenginn
með sér í höll sína á hafs-
botni þar sem verða óvæntir
fagnaðarfundir en sagan end-
ar á því að selurinn skilar
honum heim á jólakveldi.
í bókinni eru litmyndir á
hverri síðu og er hún unnin
og prentuð í Prentsmiðjunni
Odda.
,,0stalyst“
Út er komin matreiðslubók-
in „Ostalyst", handbók fyrir
sælkera.
Bókin sem er 144 biaðsíð-
ur, samanstendur af 147 upp-
skriftum með osti og smjöri
auk kafla um ost í matargerö
og ágrips af sögu ostagerðar.
Litmynd er af hverjum rétti.
Matreiðslubók þessi er
gefin út í tilefni af 30 ára af-
mæli Osta- og smjörsölunnar
sf.
í þessa bók höfum við val-
ið úrval uppskrifta sem allar
hafa verið margreyndar bæði
af tilraunaeldhúsi Osta- og
smjörsölunnar sf. og af osta-
dýrkendum um land allt.
Bókin verður til sölu um
allt land og kostar u.þ.b. 990.-
kr.
Paradísareyjan
Vaka-Helgafell hefur gefið
út nýja bók eftir Victoríu Holt
sem er einn vinsælasti höf-
undur rómantískra örlaga-
sagna um allan heim.
Efni nýju bókarinnar, Para-
dísareyjan, er þrungið
spennu sem tengist örlögum
ungrar stúlku sem látin hafði
verið í hundrað ár.
Spenna, hraði, rómantík og
vandaður efnisþráður eru þau
einkenni, sem móta ritstíl
Victoríu Holt. Hún hefur sent
frá sér tugi bóka sem flestar
hafa verið þýddar á fslensku.
Sigurður Bjarnason þýddi
Paradísareyjuna sem er 338
blaðsíður að stærð. Bókin
kostar 1.680 krónur með sölu-
skatti.
Iðnbylting
hugarfarsins
Bókaútgáfa Menningar-
sjóðs hefur gefið út 9. bindi í
ritröðinni Sagnfræðirann-
sóknir — Studia historica —
sem Sagnfræðistofnun Há-
skóla íslands og Menningar-
sjóður hafa staðið að frá
1972, en ritstjóri hennarer
Bergsteinn Jónsson, dósent.
Nefnist bók þessi Iðnbylting
hugarfarsins og er eftir ung-
an sagnfræðing, Ólaf Ás-
geirsson cand. mag. í ritröð-
inni sagnfræðirannsóknir,
birtast prófritgerðir frá Há-
skóla íslands, sagnfræðirann-
sóknir sem unnið hefur verið
að á vegum Sagnfræðistofn-
unar, svo og aðrar sagnfræði-
ritgerðir, sem sérstök ástæóa
þykir að birta.
JÓLA UMFERÐ ÍREYKJA VÍK
- engin gjöld í stöðumæla á laugardögum í desémber né á Þorláksmessu -
★ Fjölgað verður um 640 gjaldfrjáls bilastæði frá 10.-24. des.
1. í bílakjallara á horni Vesturgötu og Garðastrætis (ekið inn frá Vesturgötu)......................... 80 stæði
4. Á lóðinni við Skúlagötu 4........................................................................... óOstæði
5. Á svæði milli Skúlagötu og Sætúns vestán bensínst. Olís.............................................150 stæði
6. Á lóðum Eimskips við Vitastíg/Skúlagötu.............................................................150 stæði
7. Á opnu svæði norðan Vitatorgs.......................................................................100 stæði
8. Á svæði við Mjölnisholt/Brautarholt.................................................................100 stæði
★ Bakkastæði (ekið inn frá Kalkofnsvegi) og Kolaport, (nr. 2 og 3), án gjalds á laugardögum...... 450 stæði
★ Á laugardögum í desember og á Þorláksmessu verður ókeypis í stöðumæla, bílastæði og bílastæðahús á vegum Reykjavíkurborgar.
★ Ökumenn, sýnið lipurð og tillitssemi í umferðinni. Akið varlega og fækkið þannig umferðarslysum.