Alþýðublaðið - 15.11.1989, Page 8
rmiiiiiíinini
Miövikudagur 15.nóv. 1989
Tilslökun Alþýdubandalags í stóriöjumálum
MEIRIHLUTAEIGN
EKKISKILYRÐI!
Formaöur flokksins telur ýmis önnur atridi mikilvœgari.
Drög ad nýrri stefnuskrá verda lögö fyrir landsfund
flokksins um helgina. Aöild aö Alþjóöasambandi jafnaö-
armanna einnig til umrϚu.
Meirihlutaeign íslend-
inga er ekki lengur skil-
yrði af hálfu Alþýdu-
bandalagsins þegar stór-
iðja er annars vegar.
Þetta kom fram á blaða-
mannafundi sem for-
maður og varaformaður
fiokksins héldu í gær til
að kynna aðalfund Al-
þýðubandalagsins sem
haidinn verður í Reykja-
vík um helgina.
Meðal þeirra gagna sem
útbúin hafa verið fyrir
landsfund er allítarlegur
„umræðugrundvöllur í
efnahags- og atvinnumál-
um". Þar er að finna stuttan
kafla um stóriðju, þar sem
m.a. er rætt um að huga
þurfi að „almennri löggjöf
um eignarhald útlendinga í
atvinnurekstri hér á landi
og skilyrðum fyrir því.“ Ól-
afur Ragnar Grímsson, for-
maður Alþýðubandalags-
ins, sagði um þetta atriði í
gær að flokkurinn legði
höfuðáherslu á þjóðhags-
lega hagkvæmni, þar með
talið viðunandi orkuverð,
fullkomnar mengunar-
varnir og að stóriðjufyrir-
tæki lúti innlendu valdi,
ásamt því að tekið verði til-
lit til byggðasjónarmiða. Ef
tekið væri fullt tillit til þess-
ara sjónarmiða, skipti
meirihlutaeignin minna
máli, sagði Olafur Ragnar.
Vafalaust má telja að stór-
iðjumálin verði hitamál á
landsfundinum, því enn
munu þær skoðanir eiga
fylgi innan flokksins að
ekki komi til greina að Al-
þýðubandalagið standi að
samningum um stóriðju, án
þess að tryggt sé að íslend-
ingar eigi meirihluta.
Ymis önnur mál sem fjall-
að verður um á landsfundi,
virðast likleg til að draga að
sér athygli. Má þar nefna
tillögu Birtingar, þess efnis
að Alþýðbandalagið sæki í
framtíðinni um inngöngu í
Alþjóðasamband jafnaðar-
manna. Alþýðuflokkurinn
er sem kunnugt er aðili að
þessu sambandi en í lögum
þess er raunar gert ráð fyrir
að fleiri en einn flokkur í
sama landi geti átt aðild að
sambandinu. í þessu tilviki
þyrfti samþykki Alþýðu-
flokksins fyrir aðild Al-
þýðubandalagsins.
Ólafur Ragnar Grímsson
varaðist reyndar að gefa yf-
irlýsingar um skoðanir sín-
ar á þeim málum sem til
umfjöllunar verða á lands-
fundinum, en þegar hann
var spurður um afstöðu til
þessarar tillögu var óger-
legt að heyra á máli hans að
hann hygðist leggjast gegn
samþykkt hennar.
Fyrir landsfund Alþýðu-
bandalagsins um helgina
verða einnig lögð drög að
nýrri stefnuskrá fyrir flokk-
inn. Að því er fram kom á
kynningarfundinum í gær,
eru þessi drög lögð fram til
kynningar nú, en ætlunin
er hins vegar að samþykkja
nýja stefnuskrá á næsta
landsfundi að tveimur ár-
um liðnum.
í þessum drögum að
stefnuskrá er skýrt kveðið
á um að Alþýðubandalagið
aðhyllist fjölflokkakerfi og
þingræði. Þá vekur athygli
að lögð er áhersla á virkara
lýðræði, m.a. með þjóðar-
atkvæðagreiðslum um
stórmál og því að tryggja
möguleika almennings til
að krefjast nýrra kosninga.
í stefnuskrárdrögunum er
ennfremur sett fram krafa
um upplýsingaskyldu opin-
berra aðila svo og upplýs-
ingaskyldu fyrirtækja
gagnvart starfsfólki sínu.
I sérstökum kafla um
byggðastefnu er lögð
áhersla á að byggja eigi
landið allt og að lands-
byggðin í heild þurfi enga
utanaðkomandi styrki, svo
framarlega sem atvinnu-
vegir þar njóti eðlilegra
starfsskilyrða.
Landsfundur hefstkl. 17.30
á morgun, fimmtudag og
stendur til kl 17 á sunnu-
dag.
Húsbréfakerfiö tekur gildi í dag:
Minni afföll og vaxlabyrði
— segir félagsmálaráöherra. Öryggi íbúöakaupenda stóreykst, segir forstjóri Húsnœöisstofnunar
Húsbréfakerfið tekur
gildi í dag, fyrstu mánuð-
ina er það einungis opið
þeim sem eiga umsókn í
gamla kerfinu frá því fyrir
15. mars síðastliðinn og
fyrsta árið gildir það að-
eins fyrir notaðar íbúðir. í
húsbréfakerfinu fær
íbúðakaupandi ekki hefð-
bundin lán hjá Húsnæðis-
stofnun, heldur er skipt á
fasteignaveðbréfi sem
kaupandinn gefur út, fyrir
ailt að 65% af matsverði
íbúðar, að frádregnum
áhvílandi iánum, fyrir hús-
bréf.
Búið er að gefa út þrjár
reglugerðir vegna húsbréf-
anna. I fyrsta lagi reglugerð
um útgáfu á 1. flokki hús-
bréfa, þar sem meðal annars
er kveðið á um hámark sam-
anlagðrar fjárhæðar hús-
bréfa, 2 milljarða króna og að
fyrsti útdráttur bréfanna fari
fram 15. febrúar 1991.
Önnur reglugerð er um
húsbréfadeild og húsbréfa-
viðskipti, þar sem m.a. kem-
ur fram að ákveðið hafi verið
1% lántökugjald en ekkert
vaxtaálag í byrjun. Skipta má
á fasteignaveðbréfi og hús-
bréfum fyrir fjárhæð; sem
nemur allt að 65% af mats-
verði íbúðar, þó aldrei hærra
en 8 milljónir króna og lág-
mark verður 300 þúsund
krónur. Húsbréfadeildin met-
ur greiðslugetu umsækjenda,
þar sem miðað er við að
greiðslubyrði allra skulda fari
ekki yfir 30% af brúttólaun-
um næstu 4 árin. Þriðja reglu-
gerðin er um húsbréfakaup
lífeyrissjóða, sem verður
heimilt að fullnægja samn-
ingsbundnum skuldabréfa-
kaupum, þannig að allt að
10% af 55% fari í húsbréfa-
kaup.
Á blaðamannafundi í gær
kom fram hjá félagsmálaráð-
herra að afföll yrðu jafnvel
lægri en í núverandi kerfi eða
um 8% á móti um 10% og
ætti þetta þvi ekki aö leiða til
hækkunar íbúðaverðs. Hvað
varðar vaxtabyrði sagði ráð-
herra að í Ijósi þess að margir
verða í núverandi kerfi að
taka erfið skammtímalán
mætti leiða rökum að þvi að
vaxtabyrði væri þar í reynd af
6—7% raunvöxtum, en
vegna vaxtabóta um 2—3%
eftir skatt hjá fólki með miðl-
ungstekjur í húsbréfakerfinu.
í húsbréfakerfinu yrði mun
minni þörf fyrir skammtíma-
lán og vaxtabyrði mun léttari
fyrstu fjögur árin. Sigurður E.
Guðmundsson forstjóri Hús-
næðisstofnunar sagði að ör-
yggi kaupenda myndi aukast
til muna og að kerfið myndi
vonandi fyrirbyggja að það
komi til slíkra hræðilegra
greiðsluerfiðleika sem margt
fólk hefur lent í.
Fólk
í erilsömum erinda-
gjörðum Jóns Baldvins
Hannibalssonar sem for-
manns ráðherranefndar
EFTA í samningunum við
EB hefur kunnuglegt and-
lit fylgt ráðherranum og
sent fréttir heim. Þetta er
enginn annar en Guöni
Bragason, sem kunnastur
var fram að þessu sem
fréttamaður og vara-
fréttastjóri erlendra frétta
hjá sjónvarpinu
1985—1988. Guðni var
um skeið á Varnarmála-
skrifstofunni, en fluttist
síðan yfir á upplýsinga-
deild utanríkisráðuneytis-
ins með EFTA/EB mál að
forgangsverkefni.
★
Nýlega tók Auöur
Bjarnadóttir við starfi list-
dansstjóra Þjóðleikhúss-
ins sem Hltf Svavarsdóttir
gegndi sl. tvö ár. Auður
stundaði nám við List-
dansskóla Þjóðleikhúss-
ins og framhaldsnám í
Kaupmannahöfn og
Lundúnum. Hún varð
fastráðinn dansari við ís-
lenska dansflokkinn frá
stofnun hans 1973 til árs-
ins 1978, en þá var hún
ráðin sólóisti við ballett-
fiokk Bæheimsku ríkis-
óperunnar í Miinchen.
Þar dansaði hún sólóhlut-
verk í mörgum helstu
klassísku ballettunum í 4
ár. Árið 1979 hlaut Auður
fyrstu verðlaun í sam-
keppni ungra norrænna
dansara á móti í Kuopio í
Finnlandi. Árið 1982—83
var hún ráðin við ballett-
inn í Basel í Sviss (Basler
Ballet). Hún kom heim
haustið 1983 og dansaði
þá aftur með íslenska
dansflokknum í tvö ár.
Árið 1985 var hún fast-
ráðin listdansari við
Konunglega ballettinn í
Stokkhólmi og dansaði
þar í öllum sýningum til
ársins 1987 er hún fluttist
heim á ný.
★
Sólon Sigurðsson að-
stoðarbankastjóri Búnað-
arbankans hefur verið
ráðinn bankastjóri að
bankanum frá og með 1.
janúar nk.
Sólon er fæddur 1942 í
Reykjavík, hóf störf við
Landsbanka íslands árið
1961 og var starfsmaður
þar til 1983 þar til hann
tók við stöðu aðstoðar-
bankastjóra í Búnaðar-
bankanum.