Alþýðublaðið - 22.12.1990, Page 2

2
Laugardagur 22. desember 1990
MÞYDUBMÐIÐ
Ármúli 36 Sími 681866
Útgefandi: Blað hf.
Framkvæmdastjóri: Hákon Hákonarson
Ritstjóri: Ingólfur Margeirsson
Fréttastjóri: Jón Birgir Pétursson
Auglýsingastjóri: Hinrik Gunnar Hilmarsson
Dreifingarstjóri: Sigurður Jónsson
Setning og umbrot: Leturval, Ármúla 36
Prentun: Oddi hf.
Áskrifarsími er 681866
Áskriftargjald 1100 kr. á mánuði.
í lausasölu 75 kr. eintakið

Jólin eru stundir samveru og hlýju. Tími fjölskyld-
unnar þegar oki hinna daglegu verkefna linnir og þras
og dægurþrætur eru lögö til hliðar. Jólin eru hátíð
Ijóssins og friðarins. En jólin eru ekki alltaf slík í hug-
um allra. Margir eru þeir sem um sárt eiga að binda
yfir hátíðarnar, eru sjúkir eða lifa í einmanaleik og
sorg. Margir eru fjarri ástvinum sínum yfir jólin eða
þurfa að sinna skyldustörfum. Þeir einstaklingar sem
fara á mis við samveru og hlýju á jólunum verða oft
enn þjáðari en ella á þessum tíma Ijóss og friðar. Þess
vegna eru jólin ennfremur tími tilfinninga; trega,
söknuðar og minninga.
r
Islendingar halda jól að kristnum sið. Við heiðrum
helgisöguna um fæðingu Frelsarans og hugleiðum
kjarna kristinnar trúar og kristinnar siðfræði. Við reyn-
um að varpa af okkur oki streitu og gæðakapphlaups
og leita að innihaldi jólanna, hvert með okkar hætti.
Sífellt rekum við okkur á andstæðurnar í efni og anda.
Við lifum í nútímaþjóðfélagi hraða og samkeppni. Við
leitum eftir efnislegum gæðum en eigum æ erfiðara
með að finna hin andlegu verðmæti. Við þráum innri
frið, ró og æðruleysi. Stundum er þessi þrá meðvituð
en stundum ómeðvituð. Þá skynjum við ekki hvað er
að í sálum okkar, en vanlíðanin rekur okkur áfram í
nýju gæðakapphlaupi, í nýrri von um meiri hamingju
í efnisheiminum.
Kirkjan hefur stórt hlutverk á þessum umbrotatím-
um. Hún hefur ekki aðeins þjónustuhlutverk, heldur
félagslegt og pólitískt hlutverk. Boðskapur Krists var
að stórum hluta boðskapur siðfræði; reglur um um-
gengnisvenjur manna, framkomu, hugsunarhátt og
afstöðu til einstaklinga jafnt sem þjóðfélags. Þess
vegna er fæðing Krists ekki aðeins helgisaga, heldur
tímamótaviðburður í siðferðilegri og trúarlegri sögu
mannkyns. Kirkjan á íslandi í dag þarf að sinna mörg-
um hlutverkum, en ekki síst er það mikilvægt að hún
sé afl sálusorgar og þjóðfélagsumbóta. Kirkjan þarf í
auknum mæli að rjúfa einangrun sína og koma til
móts við fólkið í hinu daglega lífi í stað þess að bíða
eftir að fólkið fylli kirkjurnar á tyllidögum. Meginverk-
efni kirkjunnar hlýtur því að vera að finna nýja farvegi
í þjóðfélaginu; nýjar leiðir kristins boðskapar til fólks-
ins í landinu.
w
I þjóðfélagi harðnandi samkeppni eykst bilið milli
manna. Við gleymum náunganum í eigin varnarbar-
áttu. Við gleymum að gefa en erum því ötulli að
þiggja. Þetta ber að varast. Það er mikilvægt að
byggja upp þjóðfélag umhyggju. Stjórnvöld verða að
standa vörð um velferðarþjóðfélagið. Við verðum að
tryggja öldruðum ævikvöld með reisn, sjúkum öruggt
heilbrigðiskerfi, hinum verr stöddu heilsteypt trygg-
ingakerfi. Við verðum að standa vörð um samfélag
mannúðar og tillitssemi.
A jólum er hinn kristni boðskapur hafður í hávegum.
Við hugleiðum kjarna kristninnar; kærleikann og fyrir-
gefninguna. Kristin trú boðar auðmýkt og umburðar-
lyndi, skilning og kærleika til náungans. Þessi boð-
skapur á ekki aðeins við í þröngri merkingu afmark-
aðra hópa, heldur er í eðli sínu alþjóðlegur boðskapur
milli manna um gjörvalla heimsbyggð. Þess vegna er
boðun kærleika og fyrirgefningar ennfremur friðar-
boðskapur.
Batnandi sambúð stórveldanna hefur aukið vonir
mannkyns um varanlegan frið í heiminum. Víðtækir
afvopnunarsamningar, sameining Þýskalands, ný-
sköpun Evrópu og endalok kalda stríðsins eru allt
stórir áfangasigrar í þágu friðarins. En nýjar blikur eru
á loftj; aukin hernaðaruppbygging við Persaflóa í kjöl-
far innrásar íraka í Kúvæt hefur gert þetta svæði að
púðíjrtunnu sem hæglega gæti stefnt heimsfriðnum
í hættu. Hlutverk Sameinuðu þjóðanna sem gæslu-
aðila til að varðveita frið í heiminum verður æ stærra.
Afsögn Shevardnadzes, utanríkisráðherra Sovétríkj-
anna, hefur verið túlkuð sem slæmar fréttir fyrir um-
bótastefnuna í Sovétríkjunum. Enginn vafi leikur á því
að perestrojka Gorbatsjovs, eða svonefnd umbóta-
stefna, hefur tengt stórveldin og fært þau nær hvort
öðru jafnframt því að friðarlíkur og jafnvægi hafa
styrkst í heiminum. Ýmsir telja að afsögn Shevardn-
adzes kunni að þýða aukið einræði í Sovétríkjunum
og afturhvarf til einangrunarog stöðnunar. Um slíkt er
þó of snemmt að dæma. Vonandi þýðir afsögn sov-
éska utanríkisráðherrans ekki kólnandi sambúð aust-
urs og vesturs eða upphafið að falli Gorbatsjovs og
endalokum umbótastefnunnar. Það hefur sýnt sig að
umbótastefnan er stefna afvopnunar og friðar. Megi
sú þróun halda áfram og Sovétmönnum auðnast að
finna lausn á sínum miklu vandamálum heima fyrir án
þess að það kosti róstur og óeirðir eða afturhvarf til
hins mannfjandsamlega kommúnisma.
IVIegi því friður ríkja á jörðu, ekki aðeins nú á jólum
heldur til framtíðar. Megi þjóðir útkljá deiluefni sín á
friðsamlegan hátt en ekki með vopnavaldi.
Jólin eru ekki langur tími. Áður en við vitum af, eru
hátíðarnar að baki og hvunndagurinn hefst með öll-
um sínum hraða og kappi. Þess vegna er mikilvægt að
við varðveitum kjarna jólaboðskaparins í hjörtum
okkar þegar jólunum lýkur. Að við berum áfram í
brjóstum okkar boðskapinn um mannkærleika, frið
og umburðarlyndi. Að við hugsum áður en við fram-
kvæmum. Og að við fyrirgefum í stað þess að hefna.
Alþýðublaðið óskar lesendum sínum og öllum lands-
mönnum gleðilegra jóla og farsældar á nýju ári.