Alþýðublaðið - 16.05.1990, Blaðsíða 5
Miðvikudagur 16. maí 1990
5
VSÐHORF
Aðförin að Herjólfí
Guðlaugur Tryggvi Karlsson hagfræðingur og fram-
bjóðandi ó lista Alþýðuflokksins á Suðurlandi gerir
hér að umræðuefni þær fáheyrðu tillögur ráða-
manna islenskra samgöngumála að klipa niður
skipið Herjólf, sem nú þegar er búið að hanna og
bjóða út og spara þannig á mjög vafasaman hátt
einhverjar milljónir, þegar hundruð milljarða fjár-
festingar eru á döfinni hér á landi og milljörðum
króna er veitt i vegabætur og vegagöng nánast um
allt land. Þetta skeður á scuna tima og ráðamenn
lýsa þvi yfir að Herjólfur sé þjóðvegurinn til Vest-
mannaeyja.
Eldgos kostaöi þaö Vestmanna-
eyinga að íá nauösynlegar hafnar-
bætur í Þorlákshöfn, þannig að
þeir kæmust uppá fastalandið, án
þess að þurfa að berja útsynning-
inn sólarhringinn út, fyrir Reykja-
nesið, þannig að þeir kæmust til
Reykjavíkur. Þannig var lengi vel
búið að samgöngumálum þessar-
ar stærstu verstöðvar landsins, þar
sem 2% þjóðarinnar afla á stund-
um allt að 10% gjaldeyristekna
hennar.
í framhaldi af hafnargerðinni í
Þorlákshöfn var skipið Herjólfur
keypt og hefur það þjónað byggð-
inni núna í á annan áratug. Hefur
þetta skip staðið sig furðanlega
vel, þrátt fyrir ýmsa galla, sem
fram liafa komið á því. Er ekki vafi
á því að þakka má góðri skipshöfn
að svo vel hefur tekist til, oft í al-
gjörum fárviðrum, sem raun ber
vitni. Vestmannaeyingar líta
reyndar á Herjólf sem framleng-
ingu á þjóðvegakerfinu, sem er
auövitað hárrétt og var staðfest af
fjármíaráðherra á fundi úti í Vest-
mannaeyjum fyrir skömmu.
Nýr HerjóHur_________________
Vegna brýnnar nauðsynjar
ákvað útgerð Herjólfs að endur-
nýja skipið og voru fengnir fær-
ustu menn, bæði hérlendis og er-
lendis til þess að gera tillögur um
nýja skipið. Eftir langa og vandaða
undirbúningsvinnu var niðurstað-
an sú að 79 metra skip með gang-
hraöa um 17 mílur væri heppileg-
Cuðlaugur Tryggvi
asta skipið til þessara flutninga.
Þetta skip gat tekið um sjötíu bíla,
en allir flutningar til og frá Vest-
mannaeyjum með nauðþurftir
fara nú fram í bílum, sem aka um
borð í skipið. Þá gat skipið mest
tekið um 600 farþega og tók ferðin
um tvo og hálfan tíma. Tilboða var
leitað í smíði skipsins og bárust 17
tilboð, þar af eitt innlent og voru
lægstu tilboð um einn milljarður
króna. Voru nú Eyjamenn farnir
aö hlakka til þess að sjá nýja þjóð-
veginn sinn birtast yfir Eiðið og
leggjast að bryggju í hinni eld-
bornu höfn, þar sem ný og endur-
bætt hafnarmannvirki tryggðu
bestu þjónustu fyrir farþega og
flutning.
Andskotinn laus___________
En viti menn. Þá verður and-
skotinn laus. Ráðamenn sam-
gangna telja sig allt í einu um-
komna þess að setja horn í síöu
Vestmannaeyinga í þessu máli.
Þeim finnst sjálfsagt, þessu fólki,
sem býr á eldfjalli, til þess að
skapa landsmönnum gjaldeyri, of
gott að fá það skip í þjóðvegakerf-
ið, sem það biður um. Hefur þó
enginn heyrt að Vestmannaeying-
um sé ekki gert að borga gjöld og
skatta til vegamála eins og öðrum
landsmönnum, þótt þeir geti nán-
ast á engan hátt notið þessa vega-
kerfis, nema komast uppá land.
Skipuð er nefnd í snarhasti; sjálf-
sagt hinum bestu mönnum, ásamt
tveimur Vestmannaeyingum, til
þess að gera tillögur um niður-
skurð á skipinu, þjóðvegi Vest-
mannaeyinga. Nú á að skera skip-
ið niður um tíu metra, sem auðsjá-
anlega skerðir sjóhæfni þess og
ganghraða, en breytir nánast
engu um þau hafnarmannvirki í
Vestmannaeyjum og Þorlákshöfn,
sem þörf er á. Sú nöturlega stað-
reynd blasir við, að þeir sem leggja
lífið í sölurnar til þess, að íslensk
þjóö fái þrifist í þessu landi og að
efnahagur okkar dragi einhvern
dám af því sem gerist erlendis,
þeim er of gott að njóta sömu rétt-
inda og aörir landsmenn telja sjálf-
sögð. Þjóðvegi, helst með varan-
legu slitlagi, til taks hvenær sem er
og hvert sem er.
Hræddir við tölur_________
Nú skyldu menn ætla að þær
milljónir, þó þaö væru eitthundrað
milljónir króna, sem spöruöust á
því að stytta Vestmannaeyjaferj-
una í bak og fyrir, væru til komnar
vegna þess að víkingaþjóðinni á
Fróni ógnuðu háar tölur til fram-
kvæmda. sérstaklega þó ef þær
væru ekki bundnar Vestmannaey-
ingum, sem hætta lífi sínu á sjón-
um og búa á eldfjalli til þess að
geta skapað þjóðinni við ysta haf
gjaldeyri að afla sér nauðþurfta.
Út úr ráðamönnum íslendinga
standa reyndar um þessar mundir
!
„Allir sjá, að ferjan þeirra Sunnlendinga er sanngirnismál. Látum gull-
drengina okkar i Vestmannaeyjum ráða þvi sjálfir hvers konar þjóðveg þeir
vilja til Eyja og látum þá hafa hann og engar ref jar," segir Guðlaugur Tryggvi
Karlsson hagfræðingur m.a. í grein sinni um nýja Vestmannaeyjaferju.
ekkert nema tölur. Og þær eru
ekki ntilljónir eða tugmilljónir eða
eitthundrað milljónir sem á að
klípa af Vestmannaeyingum. Nei,
það eru milljarðar og jafnvel
hundruð milljarða. 60 milljarða ál-
ver á að reisa við Eyjafjörðinn eða
á Suöurnesjum og það finnst eng-
um há tala. Enginn er feiminn við
hana eða vill klípa af henni á einn
eða annan hátt. Sextíu milljarða á
að setja í vatnsaflsvirkjanir og þaö
finnst engum ntikið. Hvort skyldi
nú gjaldeyrisöflunin af erfiði
þeirra Vestmannaeyinga sem dag-
lega eru að senda út heimsins
besta fisk í hungraðan heim vera
öruggari eða virkjana, sem selja
raforku til erlendra fyrirtækja,
nteð óendanlegri virðingu fyrir
þeirri starfsemi. Jafnframt vitandi
af þeim kenningum að verð á áli
sé ,,fúnksjón“ af ófriðarblikunum í
veröldinni. Þráum við ekki öll frið
og er það virkilega arðvænlegt og
snjallt að flytja út hráraforku?
Milljarða framkvæmdir
og vegabætur
Hér er ekki verið að tala um
milljónir eða hundraö milljónir
króna. Hér er verið aö tala um
hundruö milljarða og finnst eng-
um mikið og auðvitað vonumst
við öll til að verða rík. Að
ógleymdum fjögurra milljarða
vegagöngum á Vestfjörðum. Eða
einhverja milljarða vegagöng á
Austfjörðum og finnst engum mik-
ið. Eöa tveggja milljarða vega-
göng undir Hvalfjörð og reyndar
þrá allir þá framkvæmd. Það eru
ekki tölurnar sem valda ráða-
mönnum svima. Það er eitthvað
annað.
Auðvitað sjá allir að ferjan
þeirra Vestmannaeyinga er sann-
girnismál. Látum gulldrengina
okkar í Vestmannaeyjum.ráða því
sjálfir hverskonar þjóðveg þeir
vilja til Eyja og látum þá hafa hann
og engar refjar. Örugglega er það
líka mörgum sinnum ódýrara
heldur en að afhenda þeim mal-
bikaðan veg, eins og allir heimta
núna, alveg heim á hlað og fá
hann.
Upprætum bið-listana
Ágætu jafnaðarmenn.
Nú heyjum við kosningabaráttu á Nýjum vett-
vangi, H-listanum, sem ætlar sér að veita meiri-
hluta sjálfstæðismanna aðhald við stjórn borgar-
innar okkar.
Á Nýjum vettvangi hafa þeir
sameinast sem vilja vinna saman
að því að efla félagshyggju og lýð-
ræöi gegn einræði og auðvaldi.
Við á Nýjum vettvangi viljum
beita okkur fyrir að unnið verði
markvisst aö hreinsun lofts, lands
og sjávar.
Við viljum aö hugsað verði til
framtíðar.
í fyrsta lagi viljum við beita okk-
ur fyrir því að hreinsun strandar-
innar verði flýtt.
Skólpið og
strandlengjan_________________
Strandlengjan meðfram Reykja-
vík er svo menguð af skólpi að það
er til háborinnar skammar, sér-
staklega með tilliti til þess að borg-
in okkar er auglýst upp til að laða
að ferðamenn sem hrein borg. Við
á Nýjum vettvangi viljum að borg-
in okkar sé hrein til að við öll get-
um notið þess að fara í fjöruna og
notið útivistar án þess að vaða skít
Krislin Björk
Jóhannsdó ttir
og drullu. Við á Nýjum vettvangi
viljum að ströndin verði orðin
hrein eftir 4 ár en ekki eftir 10 eins
og sjálfstæðismeirihlutinn vill, og
gerir ef hann heldur þeim meiri-
hluta sem hann hefur nú.
í öðru lagi viljum við á Nýjum
vettvangi að dregið verði úr þeirri
mengun sem er vegna bílaumferð-
ar í borginni.
Við teljum það ekki nóg aö
keypt séu tæki til að mæla meng-
un sem bílar eru valdir að, heldur
viljum við að hafist verði handa
ekki seinna en t dag að draga úr
bílaumferð.
Við á Nýjum vettvangi viljum
gera almenningssamgöngur það
aðlaðandi að borgarbúar sjái sér
hag í því að feröast með almenn-
ingsfarartækjum.
Reykjavik —
lika fyrir reiðhjól
Einnig viljum við gera |jví fólki
sem notar reiðhjól sem farartæki
kleift að ferðast um í borginni okk-
ar án þess að hætta lífi og limum
í umferðinni, og það ætlum við að
gera með því að leggja hjólreiða-
stíga um alla Reykjavíkurborg.
Við viljum að Reykjavíkurborg
sýni gott fordæmi og setji hreinsi-
búnað á alla bíla í eigu borgarinn-
ar, hreinsibúnað sem dregur úr
þeirri mengun sem frá bílum staf-
ar.
Sjálfstæðismeirihlutinn í
Reykjavík hefur undanfarin ár að-
„Sláum tvær flugur i einu höggi;
leysum dagvistarvandann á
Reykjavíkursvæðinu og drögum úr
bílaumferð samtimis, sérstaklega i
hádeginu," skrifar Kristín Björk
Jóhannsdóttir m.a. í grein sinni.
eins lagt sig eftir því að leggja fleiri
hraðbrautir fyrir alla þá miklu um-
ferð sem er í Reykjavík. Það er
hins vegar hægt að slá tvær flugur
í einu höggi til að draga úr bílaum-
ferð: Leysa bið-lista meirihlutans í
Reykjavík eftir dagvistarrými fyrir
börnin í Reykjavík, því mikið af
bílaumferö um götur Reykjavíkur,
isérstaklega í hádeginu, er vegna
þess að borgin býöur foreldrum og
börnum þeirra ekki þá dagvistun
sem þörf er á. Með því að velja H-
listann gegn biö-lista sjálfstæðis-
meirihlutans ert þú ágæti jafnaö-
armaður að stuðla að betri borg
og um leið að leggja þitt að mörk-
um til að við getum búið í hreinni
borg.
Borgin okkar er ekki fátæk borg
sem ekki hefur efni á að flýta
hreinsun strandarinnar, koma
hreinsibúnaði á alla bíla í eigu
borgarinnar, eða uppræta bið-list-
ana, heldur hitt að það hefur verið
stefna núverandi meirihluta í
borginni að nota peningana okkar
í gæluverkefni borgarstjórans eins
og ráðhúsbyggingu, veitingahúsa-
byggingu og til hótelkaupa.
Við á Nýjum vettvangi viljum að
peningar borgarbúa séu notaðir
okkur öllum til góða.
Eg veit að þú ágæti jafnaðar-
maður munt styðja okkur í þessari
baráttu.
Kristín Björk Jóhannsdóttir
(Greinarhöfundur á sæti í stjórn fé-
lags ungra jafnaðarmanna í Reykja-
vík og er í 22. sæti H-lista Nýs vett-
vangs í Reykjavík).