Alþýðublaðið - 17.05.1991, Blaðsíða 1

MMHBLMD
75.TÖLUBLAÐ - 72. ÁRGANGUR
M
FOSTUDAGUR
17.MAÍ 1991
BUDWEISER STYRKIR LANDGRÆÐSLU: Banda-
ríska fyrirtækið Anheuser-Busch International, sem fram-
leiðir m.a. Budweiser-bjór, hefur ákveðið að styrkja ís-
lenska landgræðslu næstu fjögur árin. Fyrirtækið hefur
þegar afhent Landgræðslu ríkisins tékka að upphæð
30.000 bandaríkjadollarar. Talið er að heildarframlag fyrir-
tækisins kunni að nema samtals um 9 milljónum íslenskra
króna fram til ársins 1993. Það er algengt víða erlendis að
stórfyrirtæki leggi fram verulegar upphæðir til ýmissa
mála eins og t.d. náttúruverndar.
ASÍ VILL BIÐRÖÐjNA ÁFRAM: ,,ASÍ telur óverjandi
að þeir sem eru í hinni svokölluðu biðröð fái ekki af-
greiðslu á grundvelli þeirra laga, sem giltu þegar þeir sóttu
um lánin, og er þá sérstaklega með forgangshópinn í
huga.“ Þetta kemur fram í fréttatilkynningu frá ASÍ um
húsnæðislánakerfið. Þá mótmælir ASÍ hugsanlegum
hækkunum á vöxtum á húsnæðislánum.
HALLI RIKISSJOÐS 0G HAIR VEXTIR: Davíð
Oddsson forsætisráðherra sagði á Alþingi í gær í utandag-
skrárumræðu um vaxta- og kjaramál að vaxtahækkanir
væru bein afleiðing af hallarekstri á ríkissjóði en hann
væri mörgum milljörðum króna meiri en talið hefði verið.
Friðrik Sophusson fjármálaráðherra sagði að með því
að hækka vexti á ríkisvíxlum væri verið að leiðrétta mis-
ræmi sem þegar hefði verið orðið þegar ný ríkisstjórn tók
við völdum. Hann boðaði einnig hækkun á vöxtum á ríkis-
skuldabréfum en vildi ekki segja hversu mikil hún yrði.
VÍB KAUPIR HLUT í ÞORMÓÐI RAMMA: verð-
bréfasjóður íslandsbanka hefur keypt hlutabréf í Þormóði
ramma hf. á Siglufirði að nafnvirði 30 milljónir króna.
Sjóðurinn keypti hlutabréfin á 75% hærra verði en bæjar-
búum á Siglufirði hafði áður staðið til boða. Heimamönn-
um hafði verið boðin forkaupsréttur á hlutabréfum í Þor-
móði ramma hf. að upphæð 40 milljónir króna. Þeir nýttu
sér hins vegar aðeins forkaupsréttinn sem nam tíu milljón-
um króna. Heimamenn fengu bréfin á genginu 1,25 en
samkvæmt heimildum Fréttastofu útvarps keypti VÍB bréf-
in á genginu 2,15.
LEIDARINN i DAG
í fyrri hluta leiðara Alþýðublaðsins í dag segir frá
ræðu sem formaður VSÍ flutti á aðalfundi sam-
bandsins fyrr í vikunni. Þar vísar hann sérstökum
kjarabótum til hinna lægst launuðu til úrlausnar hjá
ríkisvaldinu og góðgerðarstofnunum. í síðari hluta
leiðarans er fjallað um tímabundna minnkun Al-
þýðublaðsins í fjórar síður í sumar.
,Bað Akureyri'
í fréttaskýringu erfjallað um
heilsulindir á Islandi og velt
upp þeim möguleika að heilsu-
bæir verði skírðir upp á nýtt líkt
og í Þýskalandi og bætt verði
„Bað" við nafn bæjarins.
Erfitt að hífa upp
þá lægst launuðu
„Fólkið í Sókn talar bara um
að fá að lifa," segir Þórunn
Sveinbjörnsdóttir, formaður
Sóknar, m.a. í fréttaviðtali við
Alþýðublaðið.
Skuggasveina-
ráðuneytið
Guðmundur Einarsson fjall-
ar í dag um þann vanda sem
Framsóknarflokkurinn er kom-
inn í, hann veit varla hvað það
er að vera í stjórnarandstöðu.
Leysa skuggaráðherrar og
- ráðuneyti vandann?
Jón Baldvin heldru ræðu sína á Alþingi í gær. — Við eigum ekki að nálgast þetta með glýju í augum. A-mynd: E.ÓI.
Jón Baldvin Hannibalsson utanríkisráöherra
um vœntanlegan EES samning
KAUPI HANN
EKKI Á HVAÐA
VERÐI SEM ER
„Það eru eftir einhverjar
vikur, þar sem á það verð-
ur látið reyna hvort við ná-
um landi í þessum samn-
ingum,“ segir Jón Baldvin
Hannibalsson utanríkis-
ráðherra um stöðu samn-
ingaviðræðna EFTA-ríkja
og EB. Utanríkisráðherra
vill að fram fari ítarlegt
áhættumat á væntanleg-
um samningum og að ekki
komi til greina að kaupa
samning á hvaða verði sem
er. „Við eigum ekki að gefa
okkur neina niðurstöðu
fyrir fram.“
Utanríkisráðherra sagði
við umræður á Alþingi í gær
að fram undan væri að sann-
færa lykilaðila að það væri
ekki af þrákelkni eða óbil-
girni að Islendingar höfnuðu
kröfum Evrópubandalagsins
um veiðar í lögsögu íslend-
inga. „Heldur styðjist það við
rétt og skynsamleg rök um
verndun á lífriki sjávar, stöðu
nytjastofna og heildarjafn-
vægi samningsins sem ís-
lendingar vilja halda svona á
þessu máli.“
Jón Baldvin ítrekaði að
ávinningur fyrir íslenskt
efnahagslíf væri ótvíræður.
Meginávinningur væri að
sjávarútvegur fengi beinan
aðgang að 380 miiljóna
manna markaði. Auk þess
væri eftir miklu að slægjast á
öðrum sviðum.
Utanríkisráðherra skýrði
yfirlýsingu ráðherranna eftir
fund í Brussel á mánudag.
Hann sagði að það væri al-
gjörlega á misskilningi byggt,
þegar menn héldu því fram
að sameiginlegur dómstóll
yrði sem hæstiréttur ofar
hæstarétti viðkomandi
landa. Ekkert af lögum eða
reglum samkvæmt samning-
unum hefðu bein réttaráhrif
fyrr en þjóðþing hefðu sam-
þykkt. Þvi væri ekki um að
ræða framsal þjóðþinga við-
komandi þjóða.
Jón Baldvin sagði nokkur
atriði valda enn áhyggjum:
Ríkisstjórnin segði skýrt að
aðgangur að fiskimiðum
kæmi ekki til greina, en það
mál væri óútkljáð. Heimild til
fjárfestingar til að nýta auð-
lindina er óheimil.
Um orkulindir væri ekkert
sem kæmi i veg fyrir að hafa
óbreytt ástand. Eðlilegt væri
þó að styrkja ákvæði um
þjóðareign, en það hefði ekki
verið gert.
Um eignarrétt á fasteignum
og lendum hefði verið spurt
hvort erlendir forstjórar gætu
keypt þær hér á landi. Reglur
EES segðu að allir hefðu
sama rétt. Ef við vildum
koma í veg fyrir að erlendir
menn gætu keypt hlunninda-
jarðir verður að breyta lög-
gjöf eða styrkja núverandi
löggjöf, sem tæki til allra á
svæði EES. Utanrikisráðherra
sagði að fyrrverandi land-
búnaðarráðherra hefði átt að
styrkja forkaupsrétt sveitar-
félaga og fleiri ákvæði. Það
hefði ekki verið gert, en það
væri nauðsynlegt. „Það er
ekkert i þessum samningum
sem býður heim áróðri um að
hér sé allt varnarlaust gagn-
vart því að kaupa upp land og
lendur," sagði utanríkisráð-
herra. Ef menn vildu setja
reglur um takmörkun á kaup-
um á t.d. ósetnum jörðum, þá
væri það á valdi íslendinga
að setja slík lög.
íslendingar vildu upphaf-
lega að norrænar vinnu-
markaðsreglur giltu hvað
varðar búsetu og atvinnu, en
í væntanlegum EES samning-
um eru almenn varnagla-
ákvæði sem íslenska ríkis-
stjórnin getur beitt hvenær
sem er.
Jón Baldvin sagði að eðli-
legt að íslendingar fram-
kvæmdu ítarlegt áhættumat.
„Við eigum ekki að nálgast
þetta með glýju í augunum
og við eigum ekki að gefa
okkur neina fyrirframniður-
stöðu. Vilji okkar til að ná
þessum samningum er ekki
af því tagi — a.m.k. hvað mig
varðar — að ég vilji kaupa
hann hvaða verði sem er. Við
verðum að skoða það vand-
lega hvernig við bindum okk-
ar hnúta að því er varðar þau
réttindi sem við viljum
tryggja í samningnum," sagði
utanríkisráðherra við um-
ræðurnar á Alþingi í gær.
RITSTJÓRN © 625566 - 625538 • FAX 627019 • ÁSKRIFT OG AUGLÝSINGAR © 625566