Alþýðublaðið - 25.03.1993, Blaðsíða 3

Fimmtudagur 25. mars 1993
3
Gagnrýnin á aðgerðir heilbrigðisráðherra reyndust út í hött, - flutningur bráðamóttöku sjúklingafrá Landakoti og sameining
Fœðingarheimilis og Fœðingardeildar reyndust hið besta þráttfyrir allar gagnrýnisraddirnar og 560 milljónir hafa sparast
á einu ári að mati Ríkisendurskoðunar
BIÐLISTAR ERU STYTTRI,-
GÆÐIÞJÓNUSTU HIN SÖMU
„Pað voru margir sem gagnrýndu
þessar aðgerðir okkar, að flytja bráða-
móttöku sjúklinga frá Landakoti yfír á
Borgarspítala, og sameiningu fæðingar-
stofnana. Menn sögðu að kostnaðurinn
yrði meiri en áður, en nú hefur annað
komið í Ijós. Raunar er árangur þessara
aðgerða mun meiri og betri en við áttum
von á“, sagði Sighvatur Björgvinsson,
heilbrigðisráðherra í gær. Hann sagðist
mjög ánægður með hversu vel hefði tek-
ist til.
Aðhaldsaðgerðir heilbrigðisráðherra,
Sighvatar Björgvinssonar, svo umdeildar
sem þær voru, hafa skilað betri árangri en
nokkur þorði að vona. Þjónusta sjúkrahús-
anna virðist ekki hafa versnað hið minnsta,
og hún hefur verið innt af hendi á umtalsvert
lægra verði fyrir ríkissjóð. Þá er það stórt at-
riði að biðlistar eftir aðgerðum hafa styst ef
eitthvað er.
560 milljóna sparnaður fyrir skatt-
Borgara
Ríkisendurskoðun hefur gert athugun á
rekstrarlegum niðurstöðum Ríkisspítala,
Borgarspítala og Landakotsspítala á árinu
1992. Sú athugun bendir til að aðhaldsað-
gerðir ráðuneytisins hafi skilað liðlega 560
milljón króna spamaði sé miðað við árið
1991, - án þess að séð verði að þjónusta við
sjúklinga hafi minnkað.
Ríkisendurskoðun segir að spamaðinn
megi að vemlegu leyti rekja til tilfærslu á
bráðavöktum frá Landakoti til Borgarspít-
ala. Þá'hafi sameining Fæðingarheimilisins
og Fæðingardeildar Landspítalans skilað
talsverðum spamaði. Að auki hafa rekstrar-
SIGHVATUR BJÖRGVINSSON, heilbrigðis-
ráðherra, - hann getur unað vel við aðgerðirn-
ar sem gripið var til í heilbrigðiskerfínu á síð-
asta ári.
gjöld Landspítalans lækkað um 4,4% að
raungildi frá árinu á undan.
Stórlækkaður kostnaður spítalanna
Launakostnaður sjúkrahúsanna hefur
lækkað umtalsvert á síðasta ári, sem og ann-
ar kostnaður við rekstur þeirra. A Borgar-
spítala hækkaði launakostnaður að vísu um
24 milljónir, enda var álag á hann aukið til
muna við tilflutning bráðavaktanna. Rekstr-
arkostnaður samtals á sjúkrahúsunum varð
um 10.9 milljarðar og kostnaður vegna fæð-
ingarheimilisins við Eiríksgötu á fyrstu
þrem mánuðum síðasta árs 13 milljónir.
Rekstrarkostnaðurinn samtals á árinu 1991
var hinsvegar rúmlega 11,4 milljarðar
króna. Mismunurinn er 560,8 ntilljónir
króna. Raunlækkun um nærri 5%.
Við ákvörðun á heildarrekstrarkostnaði
vom kostnaðarliðir sem flokkaðir eru sem
stofnkostnaður og meiri háttar viðhald hjá
spítölunum, einangraðir úr ársreikningum
1991 og 1992 og ekki taldir með í heildar-
kostnaði. Þessi kostnaður nam 360,3 milij-
ónum króna á árinu 1992. Samsvarandi
kostnaður á árinu 1991 nam hinsvegar
512,7 milljónum að teknu tilliti til verð-
breytinga. Lækkun kostnaðar milli ára nem-
ur þvf 152,4 milljónum króna eða næstum
30%. Hér var fyrst og fremst um að ræða
nýbyggingar og endurbyggingar vegna
breyttrar starfsemi, t.d. breytingu á legu-
deildum Landakots í hjúkmnardeildir á síð-
asta ári, og meiriháttar eignakaup.
Legudögum fækkaði lítilsháttar
Ekki liggur ljóst fyrir að mati Ríkisendur-
skoðunar hve mikil þjónusta liggur að baki
kostnaðartölum þessum. Á það er hinsvegar
bent að bráðabirgðatölur benda til þess. að
samanlagður fjöldi legudaga á spítölunum í
fyrra var 584.783 dagar, dagdeildir með-
taldar en ekki legudagar nýbura. Árið 1991
vom legudagar heldur fleiri, og munar þar
8.832 dögum, eða 1,5%.
Framleiðniaukning og lítt breytt
þjónusta
„Enn sem komið er bendir ekkert til þess
að lækkun á framlögum til sjúkrahúsanna
Alþýðuflokksfélögin í Reykjavík:
VORSKEMMTUN 2. APRÍL!
-Bætt úr samskiptaleysi innan flokksfélaganna í Reykjavík.
Vorskemmtun með óvœntri uppákomu og miðnœtursnarli
ásamt Ossuri Skarphéðinssyni sem veislustjóra.
Háværar raddir innan Alþýðuflokksins
hafa á stundum kvartað ótæpilega yfir sam-
skiptaleysi innan hans og jafnvel hefur ver-
ið gengið svo langt að kalla flokksmenn í
Reykjavík „mannafælur“. Meðlimum í full-
trúaráði Alþýðuflokksfélaganna í Reykja-
vík höfðu borist þessar sögusagnir til eyma,
trúðu þeim tæplega en skipuðu þó skemmti-
nefnd til að rannsaka málið.
Til að gera langa sögu stutta þá reyndist
því miður nokkur fótur vera fyrir áður-
nefndum sögusögnum. Ákváðu þá
skemmtinefndarmeðlimir að umsvifalaust
yrði að kveða þennan leiða orðróm niður og
vorskemmtun ein feikna glæsileg var skipu-
lögð „med det samme"...
Þess ber að geta að þegar nefndin fór af
stað í upphafi voru henni lagðar línumar um
að gæta fyllsta aðhalds við skipulagsstörfm.
Aðaláherslan var því ekki lögð á fínan
veislumat heldur eitthvað með öllu liðlegra
yfirbragði og virðist vel hafa tekist til með
þá fyrirætlan. Dagsetning vorskemmtun-
arinnar var ákveðin föstudagurinn 2.
apríl og mun gleðin hefjast klukkan
22:00.
Rúmgóður og bjartur salur var tekinn á
leigu í Brautarholti 26, Reykjavík og eld-
hress hljómsveit pöntuð til að leika íyrir
dansi. Inn á milli laga verða síðan flutt
skemmtiatriði sem flokksfélagar af húmo-
ríska taginu hafa umsjón með. Alþýðublað-
inu hefur ennfremur heyrt þess getið á skot-
spónum að hinir mjög svo „leyndardóms-
fullu englakroppar Alþýðuflokksins" mæti
í fullum herklæðum á staðinn og ef satt
reynist þá verður þar sjón sögu ríkari.
Össur Skarphéðinsson verður veislustjóri á
vorskemmtun Alþýðuflokksfélaganna í
Reykjavík, sem haldin verður föstudaginn 2.
apríl.
Allar veitingar verða því sem næst á
kostnaðarverði og er Ijúffengt miðnætur-
snarl innifalið í miðaverðinu sem reynt var
að halda í lágmarki. Þegar allt saman var
smollið saman var ekki annað eftir en að
finna veislustjóra. Valdist til þess erfiða
verks hinn góðkunni formaður þingflokks
jafnaðarmanna..., enginn annar en Össur
Skarphéðinsson.
Að lokum má geta þess að Alþýðu-
flokksfólk h vaðanæva af landinu er að sjálf-
sögðu velkomið og miðana á þessa vor-
skemmtun Alþýðuflokksfélaganna í
Reykjavík má nálgast á skrifstofu Alþýðu-
flokksins. Athugið að fjöldi seldra miða er
takmarkaður þannig að vissara er að nálgast
einn (eða fleiri) slíkan í tæka tíð.
Fyrir skemmtuninni standa eftirtalin
flokksfélög: Alþýðuflokksfélag Reykjavík-
ur, Kvenfélag Álþýðuflokksins í Reykja-
vík, Félag frjálslyndra jafnaðarmanna og
sfðast en alls ekki síst þeir sem landið munu
erfa: Félag ungra jafnaðarmanna í Reykja-
vík.
„Ákváðu þá skemmtinefndarmeðlimir að
umsvifalaust yrði að kveða þennan leiða orðróm
niður og vorskemmtun einfeikna glœsileg var
skipulögð „meddet samme“...“
þriggja haft haft í för með sér verulega
breytingu á þjónustu við sjúklinga al-
mennt“, segir í greinargerð Ríkisendurskoð-
unar. „Ymsar upplýsingar benda til þess að
um nokkra framleiðniauknngu sé að ræða.
Þó skal á það bent að ekki liggur fyrir hvort
eða að hve miklu leyti aðgerðum eða annarri
þjónustu hefur verið beint til annarra sjúkra-
stofnana eða læknastofa".
Biðlistarnir hafa styst
Þá er bent á í greinargerð Ríkisendur-
skoðunar að biðlistar séu nánast óbreyttir
eða jafnvel heldur styttri á flestum deildum
þar sem biðlistar eru á annað borð skráðir.
Sem dæmi er tekið að 104 hafi verið á biðl-
ista Borgarspítala vegna gerviliðaaðgerða á
bæklunardeild í árslok 1991, en 103 í árslok
1992. Sjötíu einstaklingar biðu eftir hjarta-
aðgerð i árslok 1991, - en 48 í árslok 1992.
Aðalfundur
ÍSLANDSBANKI
Aðalfundur íslandsbanka hf. árið 1993
verður haldinn í Borgarleikhúsinu
mánudaginn 29. mars 1993 og hefst kl. 16:30.
Dagskrá
1. Aðalfundarstörf í samræmi við
19. gr. samþykkta bankans.
2. Tillögur til breytinga á samþykktum
bankans.
3. Önnur mál, löglega upp borin.
■ Tillaga til breytinga á samþykktum varöar 20. gr. og er
svohljóðandi:
“Stjórn bankans sem í samþykktum þessum nefnist
bankaráð, skipa 7 menn ogjafnmargirtil vara. Þeir
sem gefa kost á sér til setu í bankaráði skulu
tilkynna þaö skriflega til bankaráös eigi síðar en
þremur virkum dögum fyrir upphaf aöalfundar.
Stjórnin skal kosin hlutfallskosningu á aðalfundi ár
hvert. Aðalmenn skulu kosnir fyrst en varamenn
síðan. Varamenn skulu taka sæti í forföllum
aðalmanna þannig að sá sem flest atkvæöi fær
tekur fyrst sæti og síðan koll af kolli. Sé ekki unnt
að gera upp á milli varamanna eftir atkvæöum skulu
aðalmenn tilnefna varamenn sem taki sæti þeirra
við forföll og 1 hvaða röð.
Hlutfallskosningin er án listaframboðs. Hún skal
fara þannig fram að nöfnum allra frambjóðenda er
raöað á einn atkvæðaseðil. Hver hluthafi má greiöa
frá einum og upp í sjö mönnum atkvæði. Atkvæða-
magni sínu má hann skipta í þeim hlutföllum sem
hann vill milli frambjóðendanna. Skipti hann því
ekki sjálfur skal það skiptast jafnt á milli þeirra sem
hann kýs."
■ Atkvæðaseðlar og aðgöngumiöar að fundinum verða
afhentir hluthöfum eða umboösmönnum þeirra í
íslandsbanka, Ármúla 7 (3. hæð), Reykjavík, 24., 25. og
26. mars kl. 9:15 -16:00, sem og á fundardegi kl. 9:15 -
12:00.
■ Ársreikningur félagsins fyrir áriö 1992 sem og tillögur
þær sem fyrir fundinum liggja verða hluthöfum til sýnis á
sama staö og tíma.
■ Hluthafar eru vinsamlegast beðnir aö vitja atkvæðaseðla
og aðgöngumiöa sinna fyrir kl. 12:00 á fundardegi.
Reykjavík, 23. mars 1993
Bankaráö íslandsbanka hf.
1