Alþýðublaðið - 11.08.1993, Blaðsíða 4

4
Miðvikudagur 11. ágúst 1993
Dimmuborgir á myndbandi
Náttúruperla í útrýmingarhættu
VALDIMAR Leifsson kvik-
myndagerðarmaður lauk ný-
lega við gerð myndbands um
eina vinsælustu náttúruperlu
landsins, Dimmuborgir við
Mývatn. Myndin var gerð í
samvinnu við Landgræðslu
ríkisins og heitir Dimmuborg-
ir-kynjaheimur við Mývatn.
Yfir hinum furðulegu hraunmyndun-
um í Mývatnssveit vofir mikil vá sem
bregðast verður skjótt við ef ekki á illa að
fara. Þar á sér stað mikil gróður- og jarð-
vegseyðing sunnan Dimmuborga, og sú
þróun hefur staðið um aldir. Þurr suðaust-
anátt feykir sandi á undan sér alla leið
sunnan af öræfum. Sandurinn kæfir allt
sem fyrir verður. Sandaldan var komin að
Dimmuborgum, þegar Landgræðslan
girti Borgimar af árið 1942 og hóf þarm-
eð aðgerðir til að hefta sandfokið.
Dimmuborgum var bjargað frá eyðilegg-
ingu - en því miður aðeins í bili. Sandur-
inn úr suðri er enn ógnandi fyrir þessa
náttúmperlu, sem er nánast í útrýmingar-
hættu.
Því miður stafa fleiri ógnir að Dimmu-
Myndbandið um Dimmuborgir, - ágóði af
sölu þess rennur til vamarstarfsins í ná-
munda við náttúmperluna.
borgum. Þeirra á meðal er mannskepnan
sjálf. Tugþúsundir ferðamanna sækja ár-
lega til Mývatnssvæðisins. Viðkvæm
náttúran þoíir afar illa þennan mikla
ágang. Til þess að áfram verði hægt að
taka á móti ferðamönnum í Dimmuborg-
um án þess að þeir valdi spjöllum, verður
að bæta aðstöðuna þar.
í myndinni um Dimmuborgir er
áhersla lögð á fjölbreytni og fegurð nátt-
úrunnar í Mývatnssveit, - en jafnframt er
áhorfendum gerð ljós sú hætta sem yfir
vofir. Landgræðsla, heimamenn og aðrir
hafa tekið höndum saman um að vemda
Dimmuborgir til frambúðar. Væntanlega
vekur myndin áhuga annarra á að gera hið
sama, enda mikið verk framundan, eigi að
takast að bjarga Dimmuborgum.
Kvikmyndatökur á myndinni Dimmu-
borgir - kynjaheimur við Mývatn, fóru
fram á síðustu tveim ámm. Handrit
myndarinnar gerði Valdimar Leifsson
ásamt þeim Ara Trausta Guðmundssyni
og Friðriki Degi Amarsyni. Um ráðgjöf
sá Amar Amalds. Tónlist við myndina
samdi Ami Egilsson, tónlistarmaður í
Bandarikjunum. Landgræðslan hefur lát-
ið gera myndbönd með myndinni á ís-
lensku, ensku, þýsku og frönsku, enda á
myndin ekki sfður erindi við erlenda gesti
okkar en innfædda. Agóði af sölu mynd-
bandanna verður látinn ganga til vemdun-
arstarfa í Dimmuborgum.
Landgræðslustjóra, Sveini Runólfssyni, afhent fyrsta eintakið af myndinni um Dimmuborgir. Með honum á myndinni eru, talið frá vinstri,
Andrés Arnalds, Ari Trausti Guðmundsson, Friðrik Dagur Amarson og Valdimar Leifsson. - Ljósmyndir Magnús Hjörleifsson.
★
★
★
★
★
★
★
★
★
★
★
★
★
★
★
★
★
★
★
PÍUDDSKÓLI RAFNS GEIRDALS
Faglegur bakgrunnur
skólastjóra
3ja ára nám í þjóðfélagsfræði við Háskóla Islands, 1979- '82. Lauk 48
einingum.
1 árs nám í lífeflissálarfræði, 1982-’83. Útskrift með skírteini.
1 1/2 árs nuddnám í„Boulder School of Massage Therapý’, Boulder, Kó-
lóradó, 1985. Útskrift sem nuddfræðingur. Sérpróf í nuddkennslu.
Kvöld- og helgarnám í sálfræðiráðgjöf við Hakomi stofnunina, Boulder,
Kólóradó. Útskrift af miðhluta námsins árið 1985 með skírteini.
Stofnun eigin nuddstofu 1985.
Stofnfélagi að Félagi íslenskra nuddara 1985. Kosinn í fræðslunefnd.
Nuddkennsla með almennu námskeiðahaldi 1987. Um 100 þátttakend-
ur.
Lögg. sjúkranuddari skv. leyfisbréfi nr. 18,1987.
1 árs nám í andlegri heilun, Philadelphiu, Pennsylvaníu, 1987-’88. Út-
skrift með skírteini.
Innvígður lærisveinn hjá Gurudev, Dr. Yogi Amrit Desai, stofnanda Krip-
alu jóga aðferðarinnar og heilsumiðstöðvar. Maí 1988. Skírteini.
Stofnun á eigin nuddmiðstöð 1988. Nudd og nuddnámskeið. Um 700
þátttakendur.
Námskeið í Reiki heilun, 1. stig. Útskrift með skírteini, 1989.
Eins mánaðar nám í heilsuráðgjöf við Kripalu jóga- og heilsumiðstöðina
í Massachusetts, 1989. Útskriftmeð skírteini.
Meistarabréf frá Félagi íslenskra nuddara ágúst 1989. Réttur til að taka
nema.
Stofnun og rekstur á eigin nuddskóla frá 1989.124 nemendur hafa haf-
ið nám, 37 hafa útskrifast til fulls sem nuddfræðingar.
Stofnfélagi að Félagi íslenskra sjúkranuddara 1989.
Stofnun á eigin sjúkranuddstofu 1990.
Kosin í stjórn Félags íslenskra sjúkranuddara, 1991.
Stofnfélagi að Félagi íslenskra nuddfræðinga 1992. Formaður þess.
Skólastjóri.
Mogginn
bólgnar
Upplagseftirlit Verslunarráðs íslands
segir að Morgunblaðið hafi sannanlega
verið selt í 52.838 eintökum að meðaltali á
degi hverjum, mánuðina mars, apríl og maí
í ár. A næstu þrem mánuðum á undan var
meðaltalssalan 51.393 eintök á dag. Önnur
dagblöð eru ekki með í þessu eftirliti, en
ljóst að ekkert blað kemst með tæmar þar
sem Moggi gamli hefur hælana. Ekki einu
sinni okkar ástkæra Alþýðublað (náigumst þó
óðfluga).
996250 -
þjónusta við
landsbyggðina
Neytendasamtökin hafa fengið sér
grænt símanúmer til hagsbóta fyrir fé-
laga úti á landsbyggðinni. Þeir geta þá
hringt á sama verði og fbúar höfuð-
borgarsvæðisins Jregar jreir þurfa að
leila til samtakanna í síma 99-6250.
Samtökin veita félagsmönnum upplýs-
ingar og ráðgjöf í ýmsum efnunt, auk
jtess sem leitast er við að gæta hags-
muna þeirra gagnvart seljendum vöru
og þjónustu. Félagar eru 24 þúsund
talsins. Skrifstofan er opin frá 9 til 16
virka daga.
Alþýðubandalagið auglýsir eftir nýjumformanni og varaformanni
REIKNAÐ MEÐ
FÁUM UMSÓKNUM
Æðstu trúnaðarstöðum Alþýðu-
bandalagsins hefur nú verið slegið
upp í auglýsingu. Auglýst er eftir
nýjum formanni og nýjum varafor-
manni. Þetta er gert samkvæmt
samþykkt á síðasta landsfundi
flokksins fyrir tveim árum. Ólafur
Ragnar Grímsson má búast við
samkeppni, og vitað að í það
minnsta Steingrímur J. Sigfússon
hefur hug á að svara auglýsingunni
og sækjast eftir formannsstólnum.
Hann hefur sagt í Alþýðublaðinu að
hann „vilji fútt í kjörið”.
Ekki er vitað um aðra sem sækja í valda-
stólana enn sem komið er. Svo kann að fara
að allt bramboltið verði fátt annað en lýð-
skrumið eitt. Fari Steingrimur ffarn í for-
mannskjörið, jafnvel enginn í varaformann-
inn, þá verður staðan væntanlega sú að Ól-
afur Ragnar sitji enn um hríð sem formaður
og Steingrímur J. þá endurkjörinn varafor-
maður á landsfúndi með lófaklappi. Hvað
hefur þá breyst?
Allsherjarkjör til formanns og varafor-
manns í Alþýðubandalaginu fer ffam í nóv-
ember og verða úrslit kynnt á landsfundi 25.
- 28. nóvember næstkomandi.
Miðstjóm Alþýðubandalagsins kaus á
fundi sínum í júní fimm fulltrúa í yfirkjör-
stjóm sem annast munu um allsheijarkosn-
inguna. Hana skipa þau Elsa Þorkelsdóttir,
formaður, Anna Kristín Sigurðardóttir,
Astráður Haraldsson, Gunnlaugur Júlíusson
og Kristján Valdimarsson.
Framboði til formanns og varaformanns
skulu fýlgja meðmæli 80 til 100 flokks-
manna úr minnst þremur kjördæmum. Sam-
kvæmt reglum er veittur ljögurra vikna
framboðsfrestur. Menn á framabraut í
flokknum, séu þeir til, verða nú að hafa
hraðar hendur.
Allsheijaratkvæðagreiðslan stendur í
tvær vikur og á að vera lokið eigi síðar en 7
dögum fyrir landsfundardag. Atkvæðaseðl-
ar verða sendir flokksfélögum. Þeir verða
endursendir yfirkjörstjóm, límdir og saman-
brotnir í lokuðu umslagi ásamt áföstum
stofni, sem sýni hver seðilinn sendir.
Kjörið er þó leynilegt að sögn Einars
Karls Haraldssonar, framkvæmdastjóra Al-
þýðubandalagsins. Sú tilhögun að láta nafn-
ið fýlgja kjörseðli er gerð í því skyni að ekki
verið svindlað, heldur fái einn Allaballi eitt
atkvæði.
Hver þorir að hengja bjölluna á köttinn,
spurðu mýsnar í bamaævintýrinu. Sama
staða er komin upp í Alþýðubandalaginu.
Hver þorir að hafna Ólafi Ragnari Gríms-
syni sem formanni?
450 þýskir kratar
koma sjóleiðina
Miðvikudaginn 18. ágúst, á
207. afmælisdegi Reykja-
víkurborgar, munu 450
þýskir kratar heimsækja
borgina. Þeir eru í hópferð
á farþegaskipinu Dal-
macija á vegum ferðaskrif-
stofu sem þýskir jafnaðar-
menn starfrækja. Helming-
ur hópsins, sem kemur á
farþegaskipinu, mun fara
fljúgandi aftur til Þýska-
lands, en hinn helmingur-
inn verður þá nýkominn
með þotu frá Þýskalandi
og fer um borð í skipið í
stað þeirra sem halda
heim.
Við komu skipsins til Reykjavíkur, rétt
fýrir klukkan 8 á miðvikudagsmorgun-
inn, ætla íslenskir jafnaðannenn taka á
móti skipinu með fánum sínum og af-
henda þar gestunum kratarósir um leið og
þeir ganga á land. Er allir jafnaðarmenn
hvattir til að koma niður á höfn og taka
þátt í því að bjóða velkomna þýska skoð-
anabræður sína.
Þeim þýsku þótti það við hæfi að fá
leiðtoga íslenskra jafnaðarmanna til að
ávarpa hópinn og leigðu í því skyni stór-
an sal á Hótel íslandi, þar sem Jón Bald-
vin Hannibalsson formaður Alþýðu-
flokksins mun ávarpa þá um klukkan 13
þennan sama dag.
Kennarar og fóstrur á
námskeiði í Kramhúsinu
I Kramhúsinu við Berg-
staðastræti verður einsog
undanfarin sumur haldið
námskeið dagana 26. til 29.
ágúst fyrir fóstrur, kennara
og aðra leiðbeinendur sem
áhuga hafa á að víkka hefð-
bundinn ramma starfs síns.
Markmið námskeiðsins er
að kynna uppeldis- og
kennsluaðferðir sem auð-
veldað gætu þátttakendum
að virkja sköpunarkraft
nemenda með því að tengja
saman leiklist, tónlist og
hreyfingu.
Allir kennaramir á námskeiðinu —
tónmenntakennarar, danskennari, mynd-
listarmaður, leikarar og íþróttakennari —
starfa við Listasmiðju bama og unglinga
sem starfrækt hefur verið í Kramhúsinu
sfðastliðin tíu ár.
Síðasta námskeiðsdaginn sameina
kennarar og þátttakendur krafta sína og
starfa út frá sameiginlegu þema. Auk
þess verða fluttir fyrirlestrar tengdir nám-
skeiðsefninu.
Nánari upplýsingar eru veittar í
Kramhúsinu frá og með 16. ágúst (sím-
ar 15103 og 22661).
Skyldu þessi böm hafa veríð ■ Listasmiðju
barna og unglinga sem starfrækt hefur verið
í Kramhúsinu undanfarín tíu ár?