Alþýðublaðið - 07.10.1993, Síða 3
Fimmtudagur 7. september 1993
ALÞÝÐUBLAÐIÐ 3
FERÐIR, FUJ & BRYGGJA
Batnandi afkoma Flugleiða
MEIRITEKJUR
EN LÆGRI GJÖLD
Dregið hefur úr tapi á rekstri
Flugleiða að undanfornu. Fyrstu sjö
mánuði ársins var rekstrartapið 80
milljónir króna en á sama tíma í
fyrra var tapið 352 milljónir á verð-
lagi þessa árs. Farþegum í áætlunar-
flugi milfi landa fjölgaði um 2,8%
fyrstu sjö mánuði ársins en fækkaði
um 1,6% í innanlandsffugi. I leigu-
flugi fækkaði farþegum um 19%.
Hagstæð gengisþróun á verulegan þátt í
batnandi afkomu Flugleiða, að því er segir í
frétt frá félaginu. Fjórtán prósent hærra
gengi dollara og aðrar gengisbreytingar á
fyrstu sjö mánuðum ársins í samanburði við
sama tímabil í fyrra valda því að tekjur fé-
lagsins verða hærri í krónum en ella. A
gjaldahlið hefur hærra verð erlendra gjald-
miðla neikvæð áhrif en það er nánast vegið
upp þar sem tekist hefur að ná verulegri
kostnaðarlækkun á ýmsum liðum. Flug-
leiðamenn telja þetta merki um að íyrirtæk-
ið sé að ná fyrstu markmiðum sínum í
spamaði. Tekjur hækkuðu að raungildi um
1,5% milli ára en gjöld aðeins um 0,6% og
það veldur mestu um batnandi rekstraraf-
komu.
Greiðslustaðan mjög góð
Eigið fé Flugleiða í lok júlí var 3.973
milljónir en var 3.906 milljónir á sama tíma
í fyrra. Greiðslustaða fyrirtækisins er mjög
góð um þessar mundir.
Farþegar í millilandaflugi voru samtals
300 þúsund fyrstu sjö mánuði ársins en
voru 292 þúsund í fyrra. I innanlandsflugi
voru farþegar 150 þúsund og hafði fækkað
um liðlega tvö þúsund. I leiguflugi voru far-
þegar 15 þúsund en voru nær 19 þúsund á
sama tíma í fyrra.
Metjjöldi erlendra ferðamanna
Dregið hefur úr tapi á rckstri Flugleiða að undanfiirnu. Fyrstu sjö mánuði ársins var rekstrar-
tapið 80 milljúnir króna en á sama tíma í fyrra var tapið 352 milljónir á vcrðlagi þessa árs.
Alþýðublaðsmynd/Einar Ólason
ÞYÐVERSKUM
FJÖLGAR MEST
Ekkert lát er á fjölgun crlcndra ferða-
manna til landsins og fyrstu níu mánuði
ársins voru þeir fleiri en nokkru sinni
fyrr. A þessu tímabili komu samtals
134.747 ferðamenn sem er aukning um
7% frá sama tíma í fyrra þegar ferða-
menn voru tæp 126 þúsund. Af einstök-
um þjóðum eru Þjóðverjar duglegastir
við að heimsækja landið og fyrstu níu
mánuðina komu liðlega 28 þúsund þýð-
verskir ferðamenn hingað sem er fjölg-
un um nær 22% frá sama tíma í fyrra.
Til viðbótar þessum tölum eru farþegar
skemmtiferðaskipa sem voru alls 15.700 í
38 ferðum. Er það mesti fjöldi ferða og far-
þega sem komið hefur til landsins á einu
sumri.
13.000 ferðamenn í sept
Af heildarfjölda frá einstökum löndum
auk Þjóðverja komu flestir ferðamenn fra
Bandaríkjunum eða tæp 20 þúsund sem er
12% fjölgun frá sama tíma í fyrra. Enn-
fremur fjölgaði ferðamönnum frá Bretlandi,
Hollandi og Japan. Hins vegar komu færri
ferðamenn frá Norðurlöndum nema Nor-
egi. Norðmönnum fjölgaði um 15,7% en
samtals komu hingað 12.639 ferðamenn frá
Norðurlöndum á umræddu tímabili á móti
40.442 ífyrra.
I september komu hingað nær 13 þúsund
erlendir ferðamenn en vom tæplega 10 þús-
und í sama mánuði í fýrra. Aukningin nem-
ur 30,3%. Flestir komu frá Bandaríkjunum
eða 2.133, frá Þýskalandi komu 1.739 og
1.678 frá Svíþjóð.
NÝ STJÓRN FUJ í REYKJAVÍK
*
A aðalfundi FUJ-Rvk. íJyrrakvöld vannst ekki tími til að Ijúka dagskrá og
því varfundi frestað og ákveðið að setja hann að nýju sem jyrst
Félag ungra jafnaðarmanna í Reykja-
vík (FUJ-Rvk.) hélt aðalfúnd sinn í
fyrrakvöld í Rósinni - félagsmiðstöð
jafnaðarmanna í Reykjavík. Fundurinn
var nokkuð fjölsóttur og á honum var
kosið til nýrrar stjórnar jafnframt því
sem gengið var frá talsvert umfangs-
miklum lagabreytingum. Fkki vannst
tími til að fara yfir stefnuskrá félagsins
fyrir næsta starfsárið einsog ætlunin var.
Því var aðalfundi frestað í kringum mið-
nætti um óákveðinn tíma. Það verður
þannig fyrsta verkefni nýkjörinnar
stjórnar að setja aðalfund að nýju og
samþykkja nýja stefnuskrá. Þtss má
geta að á aðalfundinum voru einnig tekn-
ir inn í félagið á milli 30 og 40 nýir félag-
ar.
Nýja stjóm Félags ungra jafnaðarmanna í
Reykjavík skipa eftirtaldir:
Bolli Runólfur Valgarðsson - formaður
Kristinn Asgeirsson - varaformaður
Barði Jóhannsson - ritari
Margrét Héðinsdóttir - gjaldkeri
Brynjólfur Þór Guðmundsson
- ritstjóri málgagna
Benóný Valur Jakobsson
- meðstjómandi
Margrét Valdimarsdóttir
- meðstjómandi
Ingvar Sverrisson
- forseli málstofu um borgarmál
Gunnar Alexander Ólafsson
- forseti málstofu um stjómmál
Róbert Ami Róbertsson
- forseti málstofu um innra starf
í fréttum um helgina kom fram að hefðbundin deUa vest-
firskra smábátasjómanna og togaramanna er enn sprottin
upp út af hólfi innan 12 mðna landhelginnar sem togurun-
um hefur verið leyft að fara inn á haustin. Nær hið umdeilda
hólf allt inn að 4 mflum frá landi þar sem næst er. Upphaf
þessarar undanþágu tíl togveiða innan landhelginnar var að
á viðkomandi svæði væri vannýttur kolastofn.
IVillukarlar fyrir vestan halda því nú fram að þær for-
sendur séu iöngu brostnar, kolastofninn sé kominn í kvóta og
því ekki lengur vannýttur.
Sveinbjörn Jónsson frá Suðureyri við Súgandaf jörð hefur
haft sig frammi í málinu og tókum við hann því tali. Svein-
björn hefur lengst af róið á litlum bátum frá Suðureyri, en
jafnframt starfað mikið að félagsmálum ýmiskonar.
-Útá hvað gengur þessi deila?
„Undanfarin ár hefur sjávarútvegsráðherra beitt undanþáguákvæðum í iöguin sem
fjalla um vannýtta fiskistofna til að heimila togaraflotanum veiðar innan 12 mfina
landhelgi á hefðbundinni veiðislóð lítilla dagróðrabála. Við smábátasjómenn höfum á
hverju einasta ári mótinælt þessu og teljum jafnframt að eftir að kolinn var settur í
kvóta hafi heimildimar verið lögleysa því ekki sé bæði hægt að setja tegund í kvóta og
skerða þannig athafnafrelsi manna sem varið er í stjómarskrá og jafnframt að nota
sama stofn sem vannýttan fiskistofn til að heimila undanþágur frá lögum. Það er sem
sé minn skilningur að annaðhvort hafi stjómarskráin verið brotin eða lögin“.
- En nú er húið að loka mjög stómm svœðum út af Vestfjarðamiðum fyrir togur-
unum. Er ekki nóg að gert?
„Ég treysti mér ekki til að svara fyrir aðgerðir sjávarútvcgsráðuneytisins og Haf-
rannsóknastofnunar og hef aldrei getað skilið suma þætti í röksemdafærslu þeirra.
Núna síðast kom Ólafur Karvel með þær niðurstöður að þorskurinn á íslandsmiðum
væri nánast í svelti. Hvemig getur stofnunin sem hann vinnur fyrir haldið því fram á
sama tíma og þorskstofninn sé of lítill ogjafnframt mælt með síauknum loðnuveiðum?
Maður gæti haldið að Hafrannsóknastofnun liti á fiskimiðin við ísland eins og veit-
ingahús þar sem borinn sé fram meiri matur eftir því sem gestimir em fleiri. Hitt er svo
annað mál að ég tel persónulega að togskipafioti landsmanna sé orðinn allt of stór og
áhrif hans á vistkerfið allt önnur og meiri en aflatölur segja til um. íslendingar virðast
vera staðráðnir í að brenna sig á óhófmu á öllum sviðum."
-Hvernig líst þéráþá þróun að sífellt stcerri skip séu að taka sjálfvirkar línubeit-
ingarvélar í notkun?
„Ég hef alla tíð verið mjög hlynntur öngiaveiðum, enda tel ég þær gefa möguleika
á hámarks afrakstri þeirra stofna sem þær geta nýtt. En auðvitað skapar þessi þröun
hættu á hagsmunaárekstrum og vitanlega er hætta á óhófi á þessu sviði sem öðmm. Ég
bendi til dæmis á að nú em menn famir að leggja mctnað sinn í að halda þessunt skip-
um við línudrátt allan sólarhringinn."
- Nú hefur smábátaflotinn hópast vestur undanfarin sumur. Hvaða þýðingu hef-
ur þettafyrir byggð á svœðinu?
„Það em nokkur þorp á Vestfjörðum sem eiga allt sitt undir því að krókaleyfmu ver-
ið fram haldið. Kvótakerfið hefur kippt lífsgmndvellinum undan þessum þorpum og
fólkinu sem þar býr. Ef þessir bátar með krókaleyfið væm ekki til staðar væri búið að
svipta þetta fólk nánast öllum framfærslurctti sínum og það er auðvitað ekkert annað
en mannréttindabrot. Ég tel því að ef stjómvöld vilja komast hjá því að verða sér til
skammar á alþjóðavettvangi, verði þau að Uyggja áframhaldandi krókaveiðar og jafn-
framt að veija auðlindir þessa fólks gegn stórvirkri veiðitækni. Það er skylda þeirra
samkvæmt alþjóða samþykktum, sem við emm aðilar að.“