Alþýðublaðið - 06.01.1995, Qupperneq 3

FÖSTUDAGUR 6. JANÚAR 1995
ALÞÝÐUBLAÐIÐ
3
Af ýktum dánarfregnum
„Alþýðuflokkurinn á ekkert annað skilið en að sannir jafnaðarmenn flykkist að baki
okkar háleitu markmiða, bretti upp ermar og hefji nú skelegga varnarbaráttu sem
megi aðeins ljúka með góðum varnarsigri 8. apríl næstkomandi. Og ég kalla sérstak-
lega á ungliðana: Án ykkar náum við litlum árangri; bjóðið ykkur fram til vinnu og á
lista. Látum aldrei nokkurn mann vera í óvissu um það, hvort Alþýðuflokkurinn -
Jafnaðarmannaflokkur íslands, sé lífs eða liðinn.“
Þekktar eru sögumar af fólki, sem
hefur fundið sig knúið til að bera til
baka og afsanna fréttir af þeirra eigin
andláti. Þrátt fyrir þá alkunnu stað-
reynd, að tii sé fólk, sem í persónu-
leika sínum virðist vera á mörkum
þess að geta talizt sómasamlega á lífi,
þá eru ósannar andlátsfregnir yfirleitt
fremur hvimleiðar, þótt mismunandi
ýktar séu.
„Exodus"Jóhönnu
og Gudmundar Árna
Undanfarið hefur borið töluvert á
umtjöllun um Alþýðuflokkinn og
stoðu hans eftir langvarandi innan-
hússgangur, af ýmsu tagi, og síðar
inismunandi „exodus" þeima Jó-
hönnu og Guðmundar Árna. Meðal
annars sýna skoðanakannanir okkur
Pallborðið
B „ i* I
i n Gunnar Ingi
1 S' * Gunnarsson
t .. -A skrifar
þessa dagana reykvískt fylgi við
flokkinn vera innan skekkjumarka.
Þannig virðist flokkurinn, í fljótu
bragði, vera orðinn illilega svipaður
persónulýsingunni hér að framan, þar
sem það getur orkað tvímælis, hvort
hann sé sómasamlega á lífi í Reykja-
vfk, eða ekki. Þetta hefur skemmt
gömlum og nýjum andstæðingum Al-
þýðuflokksins í skammdeginu og
auðvitað var það Ólafur Ragnar, hinn
hryggbrotni, sem sendi fjölmiðlum
dánarfregnina um Alþýðuflokkinn.
Að fiokkurinn væri búinn að vera í ís-
lenzkri pólitík um ófyrirséða framtíð.
Að jarðarförin færi fram í apríl. Hann
sá fyrir sér brauð í þessum dauða og
gerðist glaðari en stokkendur Tjamar-
innar.
Nei, hingad og ekki lengra!
En allt hefur þetta einnig valdið
áhyggjum. Mætir jafnaðannenn hafa
látið bugast og misst trúna á flokkinn
sinn. Ekki einu sinni skærustu jóla-
ljósin hafa megnað að lýsa upp þeirra
myrkvuðu framtfðarsýn: Flokkurinn
muni stimplast út 8. apríl. Og enn
gressast andstæðingamir. Þetta eru
einmitt óskadraumar Jóhönnu og Ol-
afs Ragnars. Að sjá okkur missa trúna
á Alþýðuflokkinn. Að sjá okkur
missa traust til fomtannsins. Að sjá
okkur yfirgefa skipið vegna tíma-
bundins aflabrests. Ja, hver væri nú
orðstír íslenzkra sjómanna, ef þeir af-
munstmðu í stómm stfi við slíkt mót-
læti? Hún yrði ekki beysin þjóðar-
skútan. Nei, hingað og ekki lengra!
Ég kalla á unglidana
Látum ekki andstæðingana skrifa
okkur resept! Alþýðuflokkurinn er
eins sprelllifandi og við viljum hafa
hann. Málefnastaða flokksins er
glæsileg. Verkin tala sínu máli.
Stjómarsamstarfið hefur skilað þjóð-
inni tímamótaárangri á mörgum svið-
um, en auðvitað höfum við stundum
þurft að semja okkur örlítið frá ýtmstu
óskum. Þannig er pólitíkin. Alþýðu-
flokkurinn á ekkert annað skilið en að
sannir jafnaðarmenn flykkist að baki
okkar háleitu markmiða, bretti upp
emtar og hefji nú skelegga vamarbar-
áttu sem megi aðeins ljúka með góð-
um vamarsigri 8. apríl næstkomandi.
Og ég kalla sérstaklega á ungliðana:
Án ykkar náum við litlum árangri;
bjóðið ykkur fram til vinnu og á lista.
Látum aldrei nokkum mann vera í
óvissu um það, hvort Alþýðuflokkur-
inn - Jafnaðannannaflokkur íslands,
sé lífs eða liðinn. Meirihluti þjóðar-
innar á að geta fundið í hjarta sínu
samstöðu um málefni okkar og ís-
lenzkir jafnaðarmenn þurfa auðvitað
ekki annan farveg en okkar flokk. Al-
þýðuflokkurinn deyr aðeins með
þjóðinni.
Höfundur er læknir.
Fréttir ársins
Bandarískir ritstjórar og fréttastjór-
ar hafa að vonum býsna ólíkt
fréttamat. Fréttastofan AP tók sam-
an fróðlegan topp-tíu-lista um aðal-
fréttir bandarískra fjölmiðla ann-
arsvegar og hinsvegar annarsstaðar
í heiminum á nýliðnu ári, 1994.
(Bandaríkjamennimir em hafðir
innan sviga):
1. Friðarviðræður ísrael og
PLO (O.J. Simpson) 2. Ástand-
ið í Rúanda (Bandarísku þing-
kosningarnar) 3. Suður-Afr-
ísku kosningarnar (Kjaradeil-
ur hornabolta- og hokkýleik-
ara) 4. Borgarastyr jiildin í Bo-
sníu (Barnamorðinginn Susan
Smith) 5. Bandarísku þing-
kosningarnar (Nancy Kerrigan
og Tonya Harding) 6. Erfíðleik-
arnir í Norður-Kóreu (Banda-
rísk íhlutun á Haití) 7. Sjóslys
ferjunnar Estoniu (Misheppn-
aðar heilbrigðisúrbætur) 8.
Bandarísk íhlutun á Haití
(Jarðskjálftinn í Suður-Kali-
forníu) 9. Friðarviðræður
Brcta og IRA (Ástandið í Rú-
anda) 10. Itölsku þingkosning-
arnar (Friðarviðræður Israel
og PLO)
Alþýðubandalagsmenn
á Norðurlandi eystra
eiga í mesta basli með að
finna frambjóðanda í 2.
sætið. Steingrímur J. Sig-
fússon situr vitanlega fast-
ur fyrir í efsta sæti, enda
má búast við að hann verði
formaður flokksins á þessu
ári, þegar Ólafur Ragnar
Grímsson hættir. Stefanía
Traustadóttir var í öðru
sæti síðast, en hún hefur
engan hug á því að vera í
framboði aftur. Fast hefur
verið lagt að Sigríði Stef-
ánsdóttur, bæjarfulltrúa á
Akureyri og fyijum mót-
frambjóðanda Ólafs Ragn-
ars í formannskjöri 1987,
að mynda tvíeyki með
Steingrími, en hún hefur
aftekið það. Konur innan
flokksins munu ekki sætta
sig við karla í tveimur
efstu sæturn, auk þess sem
annar maður listans þarf
helst að vera frá Akureyri
eða að minnsta kosti Eyja-
firði. Þessvegna stendur
því yfir mikil leit að ey-
firskri konu til að fara
fram með Steingrími - en
sú leit hefur engan árangur
borið ennþá...
Meira um Alþýðu-
bandalagið. Frétt Al-
þýðublaðsins á þriðjudag-
inn af átökum innan
flokksins á Austfjörðum
vakti bæði titring og úlfa-
þyt. Alþýðubandalags-
menn á Neskaupstað em
mestir andstæðingar
Hjörleifs Gutt-
ormssonar og
vilja mikið fil
vinna að hann
hætti afskipt-
umafstjóm-
málum, eftir 16 '
ára þingmennsku.
Þannig vom áhrifa-
menn á Austfjörðum búnir
að koma sér saman um að
bola Hjörleifi burt. Síðla í
desember fékk hann upp-
hringingu til útlanda frá
þessunt hópi, þarsem hann
var vinsamlega beðinn að
hætta. Okkar heimildir
hernia að Hjörleifur hafi
bmgðist hinn versti við, og
þvertekið fyrir að láta und-
an þeirri kröfu. Hann gerði
Norðfirðingum ljóst að
hann yrði í framboði, hvað
sem tautaði og raulaði. Og
refurinn Hjörleifur virðist
ætla að hafa sitt fram...
21. janúar verður minnst
aldarafmælis Davíðs
Stefánssonar frá Fagra-
skógi, en hann var eitt ást-
sælasta skáld þjóðarinnar.
I tilefni afmælisins setur
Leikfélag Akureyrar
upp forvitnilega sýn-
ingu, sem byggð á
ævi og verkum
skáldsins. Höfundur
er Erlingur Sigurðar-
son en Þráinn Karlsson
leikstýrir. Margir góðir
leikarar koma fram í sýn-
ingunni, og ekki fæni en
þrír fara með hlutverk
Davíðs: Aðalsteinn Berg-
dal, Sigurþór Albert
Heimisson og Dofri Her-
mannsson. Þá er okkur
sagt að Sunna Borg fari
með „innri rödd“ skálds-
ins...
Fimm á förnum vegi Hvað er Gunnar Þórðarson tónlistarmaður gamall? (Rétt svar, fimmtugur
4. janúar)
Friðrik Aspelund nemi: Ég las
það í gær að hann væri 50 ára.
Valgeir Gunnarsson atvinnu-
laus: Hann er 43 eða 44 ára.
Dagur Jónsson nemi: Hann átti
fimmtugs- eða sextugsafmæli um
daginn.
Karólína Stefánsdóttir nemi: Haildór Gylfason nemi:
Hver er það? Syngdu eitthvað lag Hann varð fimmtugur 4. janúar.
fyrir mig eftir hann. (Hér syngur
blaðamaður „fyrsta kossinn") Hann
er sirka 40 ára.
Viti menn
Ástarævintýri Karls
Bretaprins í Sviss: Kyssti
barnfóstruna í miðri skíða-
brekku - Díana ævareið og
vill láta reka barnfóstruna.
Fyrirsögn í DV í gær.
Þrátt fyrir allt er þetta ekki
alvond mynd. Því það vita þeir
sem leiðist heima hjá sér að
stundum er skömminni skárra
að skipta um umhverfi og
láta sér leiðast í bíó.
Bíódómur Gunnars Smára Egilssonar
í Morgunpóstinum í gær.
Frá því er Jeltsín stóð á há-
tindi frægðar ofan á skrið-
drekanum í Moskvu fyrir
rúmlega þremur árum, hefur
fall hans verið mikið, fyrst
hægt og síðan hratt.
Leiðari DV í gær eftir
Jónas Kristjánsson.
Einn höfunda (áramóta-
skaupsins) segir í DV að ís-
land sé eina landið í heiminum
sem hefð væri fyrir að gera
ekki grín að þjóðhöfðingja.
Þetta er ekki alls kostar rétt,
því sama hefð er höfð í heiðri í
Alþýðulýðveldinu Kóreu og
grannríkjunum Iran og Irak.
Oddur Ólafsson í Tímanum í gær.
Vonandi tekur Pétur Gunn-
arsson fastar á tilvistarvand-
anum í næstu bók. Hann ætti
að hafa burði til þess.
Ritdómur Gunnars Stefánssonar
um Efstu daga Péturs Gunnarssonar.
Timinn í gær.
Minnsta atvinnuleysið,
flestar félagslegar íbúðir,
mesta framkvæmdaféð, hæstu
styrkirnir, flest lánin og
hæstu tekjurnar.
Fyrirsögn á grein í Morgunpóstinum
sem ber yfirskriftina: Er virkilega svo
erfitt að búa á Vestfjörðum?
Hallgrímur, þú yrðir rekinn af
hvaða blaði sem væri skrifaðir
þúá sama hátt um til dæmis
bfla eða einhvern annan dauð-
an hlut, og þú gerir um okkur
leikarana í áramótakveðjunni.
Úr opni bréfi Valdimars Flygenrings
leikara til Hallgríms Helgasonar.
Morgunpósturinn í gær.
Notkun geðdeyfðarlyfja
hefur aukist um 70%.
Fyrirsögn í Morgunblaðinu i gær.
Japanskir sérfræðingar hafa
lýst því yfír að þeir hyggist
setja saman gerviheila sem búi
yfir álíka þróuðum hugsana-
gangi og kettlingur.
Morgunblaðið í gær.
R-listinn... er þreyttur og
ætlar að hafa það náðugt, sofa
og kenna sjálfstæðismönnum
um framkvæmdaleysið.
Lesendabréf i Mogganum í gær frá
Gunnlaugi Eiðssyni.