Alþýðublaðið - 27.01.1995, Blaðsíða 8

Alþýðublaðið - 27.01.1995, Blaðsíða 8
MÞYMBLMÐ Föstudagur 27. janúar 1995 16. tölublað - 76. árgangur Verð í lausasölu kr. 150 m/vsk Hörð barátta alþýðubandalagsmanna í Kópavogi og á Suðurnesjum um 2. sæti á lista flokksins í Reykjanesi Ólafur Ragnar milli tveggia elda Varaþingmaðurinn Sigríður Jóhannesdóttir tekst á við Valþór Hlöðversson um sætið. Alþýðubandalagsmenn í Kópavogi hóta að vinna ekki með flokknum í kosningunum fái Valþór ekki 2. sæti. „Ég hef enga ástæðu til að ströggla í nefnd ef ekki er tekið neitt tillit til minna sjónarmiða," sagði Flosi Ei- ríksson, formaður kjörnefndar Al- þýðubandalagsíns á Reykjanesi, í samtali við Alþýðublaðið í gær. Kjör- nefndin er klofin í tvennt í afstöðu sinni til þess, hver á að skipa 2. sæti á framboðslista flokksins. Nefndin fundaði síðast í gærkvöldi, ásamt Ól- afi Ragnari Grímssyni, flokksfor- manni og efsta manni á lista Alþýðu- bandalagsins í kjördæminu. Allt útlit er fyrir að Flosi segi sig úr nefndinni ef Sigríður Jóhannesdóttir verður áfram í 2. sæti. Fréttaskýring I nýlegri skoðanakönnun meðal flokksmanna í kjördæminu varð Ol- afur Ragnar Grímsson í efsta sæti en röð næstu manna var ekki gefin upp. Samkvæmt óyggjandi heimildum Al- þýðublaðsins varð varaþingmaðurinn Sigríður Jóhannesdóttir af Suðurnesj- um í öðru sæti og Jóhann Geirdal, bæjarfulltrúi í „Suðurnesjabæ" í því þriðja. Valþór Hlöðversson, bæjar- fulltrúi f Kópavogi, lenti f sjötta sæti. Alþýðubandalagsmenn í Kópavogi leggja mikla áherslu á að Valþór verði í 2. sæti, enda finnst þeim að sinn hlutur hafi mjög verið fyrir borð bor- inn síðustu ár. Ekki náðist í Valþór í gær, en Kópavogsbúi sem Alþýðu- blaðið talaði við, sagði að lfka hefði verið rætt um Birnu Bjarnadóttur, Flosi Eiríksson: Mun segja af sér formennsku í kjörnefnd verði Sig- ríður Jóhannesdóttir áfram i 2. saeti. bæjarfulltrúa í Kópavogi. Suður- nesjamenn munu hinsvegar hafa hafnað þeim kosti og halda framboði Sigríðar til streitu. Kópavogur hótar ad snidganga listann Alþýðubandalagsmaður í kjör- dæminu sagði í samtali við Alþýðu- blaðið í gær, að verði Sigríður áffam í öðru sæti munu Kópavogsbúarnir hvorki taka sæti á lista né beita sér í kosningabaráttunni. „Við treystum Sigríði einfaldlega Tröllvaxinn vinningur framundan! Þrefaldur fyrsti vinningur á laugardag. & l.íiiiilslcikiiiiuii okkar! ekki til þess að takast á við þetta verk- efni," sagði alþýðubandalagsmaður í Kópavogi í samtali við blaðið í gær. „Hún hefur verið varaþingmaður í fjögur ár og nokkrum sinnum fengið að koma inn á þing en ekkert látið til sín taka. Hún skrifar aldrei greinar í bJöð, og mætir aldrei á fundi, nema kannski á Suðurnesjum. Hún hefur einfaldlega ekki gert sig sem pólitík- us. Suðurnesjamennirnir hanga hins- vegar á henni einsog hundar á roði." Samkvæmt traustum heimildum munu hvorki Birna Bjarnadóttir bæj- arfulltrúi né Flosi Eiríksson varabæj- arfulltrúi eða aðrir áhrifamenn í flokknum í Kópavogi taka sæti á framboðslistanum, verði Sigríður fyr- ir valinu. Flosi Eiríksson vildi ekkert tjá sig um þetta atriði þegar Alþýðublaðið ræddi við hann í gær. Hann sagði að menn yrðu að sjá hvað kæmi út úr starfi kjörnefndar. Nefndin fundaði í Kópavogi ígærkvóldi. 5. febrúar verður haldið svokallað tvöfalt kjördæmisþing Alþýðubanda- lagsins í Reykjanesi þarsem gengið verður frá listanum. Samþykkja þarf skipan í hvert sæti sérstaklega, og að sögn Flosa Eiríkssonar hefur sú hug- Valþór Hlöðversson: Kópavogsbú- ar vilja hann í 2. sæti. Ólafur Ragnar: Patt. mynd komið upp, að greidd verði at- kvæði milli manna. Hann taldi þó ólíklegt að sá háttur yrði viðhafður við skipan efstu sæta. Sterk staða Sudurnesjamanna Deilurnar í Reykjanesi setja Olaf Ragnar Grímsson í mjög erfiða stöðu. Hann á erfitt með að beita sér gegn varaþingmanni sínum, Sigríði Jó- hannesdóttur, vegna afgerandi stuðn- ings sem hún hefur á Suðurnesjum. Sterk staða Suðurnesjamanna endur- speglast líka í því að Jóhann Geirdal varð í þriðja sæti í skoðanakönnun- inni. Jóhann leiddi Alþýðubandalagið í „Suðurnesjabæ" til glæsilegs sigurs í bæjarstjórnarkosningunum síðasta vor. Flokkurinn fékk óvænt kjörna tvo fulltrúa eftir hrakspár í könnun- um. I þessu sambandi hafa menn líka í huga að síðasta vor beitti Olafur Ragnar sér gegn því að Jóhann Geir- dal leiddi listann í kosningunum, þar- sem hann taldi að fullreynt væri að Jóhann næði áfangri. Á hinn bóginn er Ólafur Ragnar ekki síður í við- kvæmri stöðu gagnvart flokksfélög- um í Kópavogi. Valþór hefur verið náinn samherji hans, og meðal annars stutt hann dyggilega í innanflokks- átökum. Sömu sögu er að segja af flestum öðrum áhrifamönnum í Kópavogi. Kópavogsbúar hafa rifjað upp að þeir áttu ákveðið frumkvæði að því að fá Olaf Ragnar í framboð í kjördæm- inu 1987, og telja því að hann eigi þeim skuld að gjalda. En Ólafur Ragnar á lika marga stuðningsmenn á Suðurnesjum, enda stendur formaður Alþýðubandalags- ins hvergi jafn traustum fótum og í Reykjaneskjördæmi. Tveir yondir kostir fyrir Ólaf Ragnar Olafur Ragnar má illa við því að sjá á bak fleiri samherjum eftir að áhrifa- mestu birtingarmennirnir eru gengnir til liðs við Jóhönnu Sigurðardóttur. SlAtfV Auglýsing um innlausnarverð verðtryggðra spariskírteina ríkissjóðs FLOKKUR INNLAUSNARTÍMABIL INNLAUSNARVERÐ*) ÁKR. 10.000,00 1984-l.fl. 1988-l.fl.A6ár 1990-l.fl.D5ár 01.02.95-01.08.95 01.02.95-01.02.96 10.02.95 kr. 68.876,70 kr. 28.881,30 kr. 16.480,50 Einangrun Ólafs Ragnars í Alþýðu- bandalaginu eykst til muna ef félagar hans í Kópavogi snúa baki við hon- um. Það er því Ijóst að Ólafur Ragnar stendur frammi fyrir tveimur kostum og hvorugur er góður. Hann kemst vart hjá því að baka sér óvild annað- hvort Suðurnesjamanna eða Kópa- vogsbúa. Einn heimildamaður Alþýðublaðs- ins sagði að sú hugmynd hefði komið upp að annar maður á listanum kæmi hvorki frá Suðurnesjum né Kópavogi, og það væri eina leiðin til að höggva á hnútinn. I því sambandi er meðal ann- ars rætt um Guðnýju Halldórsdótt- ur, kvikmyndagerðarmann og bæjar- fulltrúa Alþýðubandalagsins í Mos- fellsbæ. Hættan sem er fólgin í þessari leið er sú, að þarmeð kann Ólafur að missa stuðning bæði á Suðumesjum og í Kópavogi. í öllu falli er ljóst, að nú reynir mjög á hæfileika Ólafs Ragnars til að sætta sjónarmið sem virðast algeriega ósamrýmanleg. Ólafur Ragnar hefur reynt að halda sig til hlés í þessum deilum og lagt fast að kjörnefhdinni að leysa málið. Þar er mætast hins- vegar stálin stinn. Meirihluti nefndarinnar vill setja Sigríði í 2. sætið - en afleiðingarnar yrðu þær að nefndin klofnaði og liðs- menn í Kópavogi tækju sér pólit- ískt orlof í þeirri kosningabaráttu sem nú er að hefjast. Það er áfall sem Ólafur Ragnar má ekki við. En hvernig verða málin leyst? ,JÉg veit það ekki. Upp er komin alger pattstaða," sagði alþýðu- bandalagsmaður í Kópavogi í samtali við blaðið í gær. *) Innlausnarverð er höfuðstóll, vextir, vaxtavextir og verðbætur. Innlausn spariskírteina ríkissjóðs fer fram í afgreiðslu Seðlabanka íslands, Kalkofnsvegi 1, og liggja þar jafnframt frammi nánari upplýsingar um skírteinin. Reykjavík, 27. janúar 1995 SEÐLABANKIÍSLANDS Verkamannafélagið Dagsbrún Stækkun álvers Á stjórnarfundi í Verka- mannafélaginu Dagsbrún í fyrra- dag var samþykkt hvatning til ríkisstjórnarinnar um að leita eft- ir samningum um stækkun ál- versins í Sttaumsvík, „og ganga rösklega fram í málinu," einsog komist er að orði. Þá fagnar stjórn Dagsbrúnar þeim viðræð- um sem átt hafa sér stað milli rík- isvaldsins og erlendra aðila um zinkverksmiðju á fslandi. Niður- stöður viðræðnanna liggja ekki fyrir, en stjórn Dagsbrúnar skor- ar á ríkisvaldið að leggja sig fram um að niðurstöður fáist.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.