Alþýðublaðið - 20.07.1995, Blaðsíða 7
FIMMTUDAGUR 20. JÚLÍ1995
ALÞÝÐUBLAÐIÐ
7
æ
■ Raufarhafnarhreppur heldur 50 ára
afmæli sitt hátíðlegt um næstu helgi.
Alþýðublaðid náði af því tilefni í skottið
á sveitarstjóranum Gunnlaugi
Júlíussyni og ræddi við hann í
léttum sprettum um starfið, fólkið,
smábæjarlífið, hvort hann sakni
Reykjavíkur — og svo stóðumst við
auðvitað ekki mátið og spurðum
hann um hið alræmda hvalamál...
Gunnlaugur Júlíusson, fyrrver-
andi hagfræðingur Stéttasambands
bænda, hefur nú verið sveitarstjóri
Raufarhafnarhrepps f tæplega ár og í
laufléttu spjalli við Alþýðublaðið
þvertekur hann fyrir að sakna erilsins
og menningarinnar í Reykjavík.
Gunnlaugur segist afar sáttur við nýja
starfið og viðtökumar sem hann og
fjölskyldan hafa fengið. Verkefnin
sem hann fæst við eru áhugaverð, at-
vinnuástandið með miklum ágætum
og tæplega 400 manna bærinn á upp-
leið í heild. En hvemig kemur það
annars til að hagffæðingur í þægilegri
stöðu hjá Stéttasambandi bænda í
höllinni við Hagatorg reif sig upp fyrir
tæpu ári og gerðist sveitarstjóri lengst
norður í landi?
„Hehehehe... Og Raufarhafnar-
hreppur er einn minnsti landbúnaðar-
hreppur á landinu! Það var náttúrlega
bara tilviljun ein. Þegar ég sótti um
stöðuna þá hafði ég aðeins einu sinni
farið hér um og þekkti engan. Borðið
var því eins hreint og hægt var. En
kannski var aðalástæðan fyrir því að
ég kom hingað, að ég taldi tíma vera
tilkominn að breyta til og hafði svona
verið að svipast um eftir störfum í
þessum geira. Þegar starfið hér á
Raufarhöfn bauðst, þá sló ég því til.“
Þín sérfrœðiþekking — hagfrœðin
— nýtist hún ekki ágœtlega í starf-
inu?
„Hagfræðin og öll stjómunarreynsla
nýtist vitaskuld hvar sem er. Sú þekk-
ing og reynsla sem maður hafði áður
nýtist þannig prýðilega og svo lærir
maður einfaldlega í starfmu það sem
við þarf að bæta.“
íbúar smábœja geta stundum verið
erfiðir aðkomumönnum; hvernig
tóku Raufarhafnarbúar þér?
„Mjög vel. Ég hef allavega ekki
undan neinu að kvarta í þeim efnum.
Nema síður sé.“
Þekktirðu eitthvað til þarna fýrir
norðan — ef undaskilin er Raufar-
höfn... hvaðan ertu, er kannski
spurningin?
,,Ég er nú Vestfirðingur. Fæddur og
uppalinn þama rétt fyrir sunnan Pat-
reksfjörð — á Rauðasandinum — og
þekki samfélög af þessu tagi þaraf-
leiðandi mjög vel.“
Er þetta framtíðarstarf í þínum
augum?
„Það er auðvitað óráðið í sjálfú sér.
Fyrst og fremst hugsar maður um að
vinna sig í gegnum þetta kjörtímabil
og framtíðin fer svo bara eftir veðri og
vindum."
Ertu póUtískt ráðinn bœjarstjóri —
eða... ?
„Neinei. Ég er ráðinn af sveitar-
stjórninni sem nokkurskonar fram-
kvæmdastjóri Raufarhafnarhrepps og
það var held ég einhugur um það.“
Raufarhafnarhreppur komst ræki-
lega ifréttimarfyrir skemmstu vegna
deilna um hver eða hvort einhver
hefði stolið eða ekki stolið hval sem
þama rak á land. Hvað er að frétta
af þessu nýlegasta hvalamáli íslend-
inga?
„Það liggur í láginni. (Við erum
reyndar að gera geysistóran hval hér
rétt fyrir utan gluggann hjá mér.
Vegna afmælisins emm við nefnilega
að breyta bogaskemmu í risastóran
hval. Hvalurinn verður miðpunktur
hátíðarhaldanna. Ég skal samt ekkert
um það segja, hvort hann verður eitt-
hvað framtíðartákn heimamanna...
hehehehe) Grínlaust er ég að skoða
stöðu mína gagnvart þessu máli, safna
saman þeim ummælum sem vom látin
falla í fjölmiðlum um það og síðan hef
ég verið í sambandi við lögfræðinga."
Ætlarðu semsagt að gera alvöru úr
þeim hótunum þínum, að kœra
þennan skœting þess efnis þú hafir
stolið heilum hval?
„Mér finnst í sjálfú sér ekki hægt,
að einhverjir menn geti komist upp
með það að væna einhvern ástæðu-
laust um þjófnað í fjölmiðlum — og
gera það meira að segja undir nafni og
starfsheiti. Það finnst mér vera hlutur
sem er ólíðandi. Og þar breytir engu
um hvort það er ég eða einhver annar
sem lendir í slíku. Ef svonalagað er
hægt getur þannig hvaða orðsóði sem
er vaðið uppi. Það á að vera lágmarks-
krafa sem gerð er til svona mála, að
það sé einhver flugufótur fyrir því sem
sagt er. í þessu tilviki háttaði ekki
þannig til.“
Þú lítur semsagt ekki á þetta mál
og þau ummœU sem höfð voru uppi
sem einhver tilaðgera meinlaus leið-
indi?
„Nei. Því ég þekki fullvel hvað
þama að baki liggur."
Nú — og hvað erþað?
„Æ, það skiptir svosem ekki öllu
máli, en það er búinn að vera í gangi
ágreiningur milli sveitarfélagsins
hérna og ábúenda á þessum jörðum
Gunnlaugur Júlíusson, sveitarstjóri Baufarhafnarhrepps: „Maöur hafði hvort eð er aldrei tima til menningar- og
félagslífs þarna fyrir sunnan. Ég get tekið sem dæmi, að ég hef örugglega farið á fleiri böll þennan vetur sem ég
hef verið hérna en á nokkrum árum í Reykjavík." Mynd: Ólafur Þórðarson
um alllangt skeið vegna vamsréttinda.
Það sem gerist í þessu svokallaða
hvalamáli að mínu mati er að persónu-
leg afstaða ábúendanna yfirfærist á þá
menn sem em í forsvari fyrir sveitar-
félagið hveiju sinni.“
Eru þessir menn þá að nota þau
vopn sem tiUæk eru í baráttu sinni
vegna vatnsmálanna?
, Já, það má segja það. Því miður.“
Þetta er algjört grundvaUarmál í
þínum augum; spurning um œru-
meiðingar og annað slíkt?
,Mér finnst það, já. Forsaga þessa
máls eða annarra kemur þessu sem ég
er að tala um bara ekkert við. Fyrst og
síðast er þetta spumingin um gmnd-
vallaratriði. Ef svo færi til dærnis að
ég þyrfti að leita mér að öðm starfi
þegar yfirstandandi kjörtímabili lýkur
og sæki um eitthvað starf sem fyrrver-
andi sveitarstjóri á Raufarhöfn...“
...þá segir fólk þar: ,Jaaá... Var
hann á Raufarhöfn? Er þetta ekki
sveitarstjðrinn sem stal hvalnum?
.JEinmitt Það er þetta sem ég velti
fyrir mér og veit að er staðreynd.
Maður sem keyrði hér í gegn með
hálfstálpaða krakka um daginn sagði
mér til dæmis, að þau hefðu spurt: Var
það ekki héma sem sveitarstjórinn stal
hvalnum? — Ég stal engum andskot-
ans hval. Ef ég hefði gert það, þá hefði
þetta verið f lagi mín vegna: það er að
segja, að þjófkenna mig. En þarsem
ég gerði það ekki finnst mér skítt að
þurfa sitja þegjandi undir því að vera
vændur um slíkt."
Annaðslagið koma upp svona
skrýtin mál tengd litlum samfélög-
um... Samanber ísbjarnarmálið
þarna fyrir vestan. Afhverju held-
urðu að svo sé?
„Það er ekki gott að segja. Þetta em
náttúrlega svo smá samfélög og nún-
ingsfletimir geta oft og tíðum verið
dálítið mikið öðruvísi en þarsem
fólksfjöldinn er meiri. Það er ekkert
útaf neinu sérstöku: þetta er bara eitt-
hvað sem gerist. Minni samfélögin
hafa marga og góða kosti, en þetta er
kannski hin hliðin — þarsem átök
manna millum geta orðið harðskeytt-
ari en tilefni er til.“
Saknarðu ekkert erilsins og spenn-
unnar í Reykjavík?
„Nei, ég get ekki sagt það. Ég hef
yfirum nóg að gera hér og fæst við af-
ar áhugaverð verkefni. í öllu falli ligg
ég ekki andvaka hér á Raufarhöfn að
nóttu til og hugsa um góðu, gömlu
tímana íReykjavík”
En hvað með kaffihúsin, menn-
inguna — leikhús og bió? Saknarðu
þessa alls ekkert?
„Nei. Maður hafði hvort eð er aldrei
Uma til menningar- og félagslífs þama
fyrir sunnan. Ég get tekið sem dæmi,
að ég hef örugglega farið á fleiri böll
þennan vetur sem ég hef verið héma
en á nokkmm ámm í Reykjavík. Svo-
leiðis er þetta nú bara.“
Þannig að félagslífið hjá þér
hefur aldeilis tekið við sér eftir
að þú fluttir ífámennið?
,Já. Hehehehe... Það má segja það.
Jájá.“
Ertu með stóra fjölskyldu þarna
með þér?
„Við hjónin eigum þijú Húl böm.“
Kjörinn staður til að ala upp
krakka í ró og nœði?
„Mikil ósköp. Krakkamir hafa fall-
ið mjög vel hér inní samfélagið og
umhverfið. Sá elsú er níu ára og hann
er úl dæmis kominn á bólakaf í fugla-
bækur, fugla, hreiðurgerð, egg og því-
umlíkt, nokkuð sem hann vissi varla
að væri úl fyrir sunnan.“
Hvað er það sem þér fellur best við
Raufarhöfn?
„Fólkið og umhverfið — sem er
einstakt hvað varðar útivistarmögu-
leika.“
Þið eruð þama i miklu návigi við
höfuðskepnumar... i ’
, Já, návfgið er gríðarlegt.“
Hver eru síðari stærstu verkefnin
sem Raufarhafnarhreppur er með í
gangi?
„Við emm að byggja íþróttahús,
sem er óneitanlega nokkuð stórt veik-
efni, og við eigum von á að geta tekið
það í fulla notkun núna í haust þrátt
fyrir að það verði ekki alveg fúllbúið
að utan. Þetta er að sjálfsögðu mjög
stórt mál fyrir okkur og breyúr miklu
þarsem íþróttakennsla, leikfimi fyrir
skólann og æfingar hafa hingaðtil far-
ið fram í félagsheimilinu. Það er auð-
vitað rúmgott og ágætt, en íþróttasalur
er það ekki. Með tilkomu íþróttahúss-
ins verður væntanlega auðveldara fyr-
ir okkur að fá hingað íþróttakennara
og krakkamir jafnt sem þeir fullorðnu
fá mun betri aðstöðu til iðkunar
íþrótta. Sömuleiðis fáum við þarna
nýjan sal sem hentar vel undir allskon-
ar stórar samkomur sem annað slagið
eiga sér stað.“
Hvað með atvinnuástandið — ertu
sáttur við það?
„Atvinnuástandið er mjög gott hér
um slóðir. Hér hafa nú allir vinnu sem
vilja og geta unnið. Það sem stendur
okkur helst fyrir þrifum, er að hér er
ekkert húsnæði fyrir fólk sem hefur
áhuga á að flytjast hingað. Við feng-
um neitun síðastliðið vor á það að
byggja f félagslega kerfinu, en við
verðum að skoða betur hvaða mögu-
leikar standa til boða í þessu sam-
bandi. Stöðugleikinn í atvinnulífinu er
einnig ágætur og fer stígandi. Hingað
vom keyptir tveir bátar í vetur og vor
sem em að miklu leyti mannaðir af
heimamönnum og aðkomnir á bátun-
um hafa áhuga á að flytja hingað.
Ennfremur hefur SR- mjöl þurft að fá
aðkomufólk í vinnu við bræðsluna."
Eitt að lokum... Þú hefur töluvert
látið til þín taka í Samstöðu - sam-
tökum um óháð ísland. Ertu enn að
starfa þar inni?
„Jájá. Maður hefur ef til vill ekki
haldið sig alveg jafnmikið í hringið-
unni einsog áður var, en ég er alveg
heill og óskiptur í þvf starfi.“ ■
■ Raufarhafnarhreppur 50 ára
Afmælisdagskrá
Föstudagurinn 21. júlí
17:00 Tekið á móti Hóimvikingum,
íbúum vinabæjar Raufarhafnar, á
tjaldstædinu. Kórsöngur og fleira.
18:00 Myndlistarsýningar opnaðar f
anddyri íþróttahúss.
19:00 Hólmvíkingar boðnir velkomnir
með grillveislu og fleiru við tjald-
stæðið.
20:00 Myndlistarsýning Freyju Ön-
undardóttur opnuð íByrginu.
21:00 Kvöldsamkoma við höfnina;
skemmtiatriði, síldarstemmning og
harmónikkuleikur.
Athugið: Samkomustaðir í bænum
verða opnir til klukkan 02:00; lifandi
tónlist og kvöldstemmning einsog
hún verður best.
Laugardagurinn 21. júlf
090)0-10:30 Kaffi og lummur í boði
átthagafélags Raufarhafnar i iþrótta-
húsinu.
110)0 Vigdis Finnbogadóttir forseti
kemur til bæjarins, móttaka viO há-
tlOarsvið.
12:00-13:30 Hádegisverður í boOi
sveitarstjórnar Raufarhafnar ad Hót-
el Noröurljós fyrir forseta íslands,
sveitarstjórn Hólmavikur, alþingis-
menn kjördæmisins og aðra gesti.
13:30 Hátiðardagskrá á sviöi; ávörp,
tónlist, óvænta uppákomur, leik-
þættir og fleira. Bæjarkeppni milli
Raufarhafnar, Hólmavikur, brott-
fluttra Raufarhafnarbúa og sýsluliðs
NÞ i óvenjulegum iþróttagreinum.
17:00 Sjávarréttaveisla fyrir hátiðar-
gesti í boði Jökuls hf. og FR hf. Lif-
andi tónlist undir borðum.
19:30 Kvikmyndasýning i félagsheim-
ilinu Hnitbjörgum.
21:00 Leiksýning í félagsheimilinu
Hnitbjörgum.
22:00 Tónleikar á sviði. Meðal annars
leika unglingahljómsveitir frá Rauf-
arhöfn og Hólmavík. Vinabæjar-
hljómsveit leikur nokkur lög, svo og
stuðhljómsveitin Kokteill.
00:45-01:00
01:00-??:?? Stórdansleikur i iþrótta-
húsinu á Raufarhöfn. Hljómsveit
Geirmundar Valtýssonar leikur fyrir
dansi.
Sunnudagurinn 23. júlí
11:00 Hátiðarguðþjónusta i Raufar-
hafnarkirkju. .
11:00-12:30 Skoðunarferð um stað-
inn og nágrennið undir leiðsögn
kunnugra heimamanna.
12:00-14:00 íþróttakeppni á íþrótta-
vellinum.
14:00-16:00 Útidágskrá á sviöi; tón-
list, saga sveitarfélagsins leiklesin,
götuleikhús, óvæntar uppákomur,
útimarkaöur í tjaldi.
17:00 Tónleikar í félagsheimilinu Hnit-
björgum; kirkjukórar Raufarhafnar
og Hólmavíkur. Einsöngur og ein-
leikur á flygil.
22:00-02:00 Lokasamkoma afmælis-
hátiðarinnar i félagsheimilinu Hnit-
björgum; skemmtiatriði, tónlistar-
flutningur og dansleikur.
Á afmælishátíðinni verða einnig settar
upp myndlistarsýningar listamanna
sem sérstaklega koma til Raufarhafnar
og mála í titefni afmælisins. Leikþættir
verða sýndir í félagsheimilinu og fyrri
hluti afmæliskvikmyndar verður frum-
sýndur þar sömuleiðis.