Alþýðublaðið - 20.10.1995, Blaðsíða 3
FÖSTUDAGUR 20. OKTÓBER 1995
ALÞÝÐUBLAÐIÐ
3
s k o ð a n
Afmæli
Gjjðný Þóra
Árnadóttir
80ára
Guðný Þóra varð á ungum aldri
ástfangin af hugsjón jafnaðarstefn-
unnar. Þeirri æskuást hefur hún
verið trú allt sitt líf. Þess vegna
hefur mér alltaf fundist að hún ætti
heima í samtökum ungra jafnaðar-
manna - þeirra sem horfa með von-
arglampa æskunnar í augum - til
framtíðarinnar.
Það breytir engu þótt almanakið
segi að Guðný Þóra teljist vera
orðin áttræð. Það hefur ekki breytt
henni sjálfri í neinu sem máli
skiptir. Og það breytir heldur ekki
því, hvernig við, vinir hennar og
aðdáendur, upplifum hana og
hugsum til hennar.
Guðný Þóra er því sem næst
jafnaldra Alþýðuflokksins. Hún er
fædd og uppalin í Reykjavík. Hún
var bara táningsstelpa, þegar heim-
skreppan herjaði á alþýðuheimilin
í Reykjavík, eins og annars staðar
um heimsbyggðina. Hún veit því
vel hvað það er að eiga sér
drauma, sem aldrei gátu ræst. En
hún lærði það líka snemma að æðr-
ast ekki þótt á móti blési, og að
taka því sem að höndum bæri með
brosi á vör. Hún hafði eld í æðum
og það hvarflaði aldrei að henni að
láta lífsstritið smækka sig. Hún
hefur aldrei glatað sinni meðfæddu
glaðværð og lífsgleði, enda örlæti
og gjafmildi hennar aðalsmerki.
Hún var ung Salka Valka sem
vann í fiski. Hún var blómarósin í
Alþýðubrauðgerðinni. Hún var
matráðskona á fjölmennum vinnu-
stöðum, ekki bara í Reykjavík
heldur líka vestur á fjörðum. Og
hún var gestgjafinn örláti í Bjark-
arlundi, sem tók fagnandi þreyttum
ferðalöngum sem komu hraktir
stundum langan veg af fjallvegum
Vestfjarða. Þar bar fundum hennar
og okkar Bryndísar saman fyrst.
Síðan er eins og við höfum alltaf
þekkst.
Guðný giftist í byrjun stríðsins
Kristjáni Guðmundssyni bifreiða-
stjóra. Þau áttu saman þrjú börn en
áður átti Guðný son. Niðjar hennar
eru orðnir margir eins og hæfir
þroskuðum aldri. Eitthvað hefur
það nú kostað að koma því liði
öllu á legg. En aldrei hefur Guðný
Þóra látið það hvarfla að sér þar
fyrir að vanrækja æskuástina sína -
jafnaðárstefnuna og Alþýðuflokk-
inp.
Hún hefur ekki bara setið í
stjórnum Kveníjélags Alþýðu-
flokksins og Verkakvennafélagsins
Framsóknar. Hún hefur ævinlega
verið boðin og búin til að gera það
sem gera þurfti fyrir þessi félög og
fyrir hugsjónina. Hún hefur aldrei
látið sig vanta á fundi. Hún hefur
ævinlega verið boðin og búin til
sjálfboðaliðastarfa, þegar eftir hef-
ur verið leitað. Og þegar kallið
kemur mætir hún með glettni í
auga og bros á vör og bjartsýnina í
farangrinum, sem léttir öðrum
lundina og hvetur til dáða.
Og svo er hún svo falleg að það
birtir til hvar sem hún fer. Og þar
sem saman fer fegurð, glaðværð,
örlyndi, örlæti og bjartsýni - þar er
glatt á hjalla og þar er gaman að
vera. Guðný tekur á móti gestum
laugardaginn 21. október í mat-
salnum að Furugerði 1 kl. 15:30.
Þar munum við samfagna henni og
þakka fyrir ánægjulega samfylgd.
Til hamingju með daginn.
Jón Baldvin og Bryndís
Þótt þingmenn Framsókn-
arflokksins hafi ekki gefið
mikið fyrir EES-samninginn
og fundið honum allt til for-
áttu þegar hann vartil um-
ræðu á Alþingi er nú komið
annað hljóð í strokkinn. Nú
er samningurinn svo góður í
augum framsóknarmanna
að óþarfi er að gera fleiri
samninga í þessa veru. Þetta
kemur meðal annars fram í
viðtali blaðs Iðju, félags
verksmiðjufólks, við Finn
Ingólfsson iðnaðarráð-
herra. Hann er spurður hver
sé hans skoðun á inngöngu
íslands í ESB, séð út frá
hagsmunum iðnaðarins.
Svar ráðherrans er eftirfar-
andi: „Við höfum öll þau
tækifæri sem við þurfum á
að halda í gegnum samning-
inn um Evrópska efnahags-
svæðið. Við munum fylgjast
með þróuninni, en þetta er
ekki eitthvað sem við eigum
að einbeita okkur að núna."
Ætli Páll Pétursson sé
sammála flokksbróður sín-
um um ágæti EES-samn-
ingsins...
hinumegin
"FarSide" eftir Gary Larson
Viðskiptablaðið birtir út-
reikninga sem sýna að
hægt er að ná hallalausum
fjárlögum „án þess að
skerða hlut þeirra sem
minna mega sín eða ganga
að menntakerfinu," eins og
Óli Björn Kárason ritstjóri
kemst að orði. Síðan rekur
hann sparnaðartillögurnar
lið fyrir lið eftir ráðuneytum
og sparar þar samtals 4.1
milljarða króna. Mest er
hægt að spara í landbúnað-
arráðuneytinu að mati rit-
stjórans eða rúman milljarð.
Þar vill hann meðal annars
fella niður 200 milljón króna
framlag til Bændasamtak-
anna og annað einstil Fram-
leiðnisjóðs landbúnaðarins.
Næst mesti niðurskurður
Óla Björns er í sjávarútvegs-
ráðuneyti þar sem hann vill
spara 972 milljónir króna.
Þar er lagttil að sjávarútveg-
urinn standi sjálfur undir
rekstri þeirra ríkisstofnana
sem þjónusta hann, þar á
meðal Hafrannsóknarstofn-
un. Vakin er athygli á því að
þessi kostnaður er aðeins
um 1% af áætluðu heildar-
verðmæti úthlutaðs kvóta á
næsta.ári. Tillögur ritstjórans
munu hafa vakið takmark-
aða hrifningu ráðherra ríkis-
stjórnarinnar...
Framganga Ingibjargar
Sólrúnar Gísladóttur
borgarstjóra á hverfafund-
um hefur vakið verðskuld-
aða athygli. Fundirnir hafa
. verið fjölmennir og þá sótt
að jafnaði um 200 manns.
Borgarstjóri virðist þekkja
hvern gangstíg og hvern
blett í öllum hverfum og á í
engum vandræðum með að
svara öllum þeim fyrirspurn-
um sem beint er til hennar.
Góður og gegn sjálfstæðis-
maður lét svo ummælt eftir
eínn fundinn, að þekking
Ingibjargar Sólrúnar á borg-
arhverfunum minnti sig
helst á það þegar Geir Hall-
grímsson hélt sína fundi
sem borgarstjóri. Næsti
hverfafundur borgarstjóra er
á mánudagskvöldið í Réttar-
holtsskóla...
•JÓN ÓSKAR
v i t i m e n n
Þjóðarsáttinni er löngu lokið.
Það er aðeins fólkið innan ASI
sem hefur haldið hana. Við alla
aðra hefur verið samið um miklu
hærri laun. Og núna vita verka-
lýðsforingjamir ekki sitt rjúkandi
ráð. Líklega langar þá mest til að
sitja í makindum sínum eins og
venjulega og skilja umbjóðendur
sína eftir með laun undir
hungurmörkum.
Lesendabréf í DV
Alls staðar í heiminum er
litið á undirritun GATT-sam-
komulagsins og myndum Alþjóða-
viðskipta-stofnunarinnar sem
markvissa aðgerð til að lækka
vöraverð í aðildarlöndunum.
Eina undantekningin er ísland,
þar sem er við völd neyt-
enda-fjandsamleg ríkisstjórn.
Forsætisráðherra hefur meira
að segja ítrekað haldið því fram,
að markmið þessara fjölþjóðlegu
aðgerða hafi ekki verið að lækka
vöraverð, heldur eingöngu efla
viðskipti í heiminum. Þetta er
afbrigðileg söguskýring, sem
hvergi hefur sézt nema hér á landi,
enda marklaus.
Úr leiöara DV
Stundum hef ég sagt að um leið og
slagorðið „ísland ur NATO-herinn
burt“ er eitthvert bezt heppnaða
slagorð sem fundið hefur verið upp
í íslenzkri pólitík, þá hafi það þann
eiginleika, að geta lokað hugsun.
Olafur Ragnar Grímsson sendir
andstæöingum sínum í Alþýðubandalaginu,
tóninn í Helgarpóstinum.
fréttaskot úr fortfð
fimm á förnum vegi
Ætlar þú að kaupa lambakjöt á útsölu?
Sigurþór Pálsson starfs-
leiðbeinandi Ég hef ekki
ákveðið það . Mér finnst alveg
sorglegt að fólk fái ekki að
njóta þess kjöts sem var urðað.
Áskís Gottskálksdóttir
nemi Nei ég held ekki, en mér
finnst að ætti að gefa fólki það
kjöt sem urðað var.
Erla Vigdís Óskarsdóttir
verslunarmaður Ég ætla
hugsa það mál, mér finnst
sorglegt að sjá á eftir þessu
kjöti sem var urðað.
Lísbet Sveinsdóttir mynd-
listarmaður Nei mig langar
ekki í gamalt kjöt. Mér finnst
synd að urða þetta kjöt, þó að
það hafi verið þriðja flokks.
Berglind Ágústsdóttir
verslunarmaður Alveg ör-
ugglega, mér finnst urðunin á
þessu kjöti alveg fáránleg.
Ekkert þak -
ekkert útsvar
Á Skotlandi eru enn þann dag í dag í
gildi ýms lagaákvæði sem gefin voru
út á miðöldum og eitt af þeim ein-
kennilegustu er það ákvæði, að sá
maður sem ekki geti greitt útsvar sitt,
skuli sleppa við að greiða það, ef
hann tekur þakið af húsi sínu, og
margir Skota hafa notfært sér þetta-
Margar verkssmiðjur í Skotlandi hafa
þannig gert þak.að hægt er að setja
það á húsið þegár mjög vont veður er,
og þessar verksmiðjur sleppa við að
greiða útsvar - Nú lítur út fyrir að
þessi merkilegu lög verði numin úr
gildi.
Sunnudagsblaö Alþýðublaðsins,
14. apríl 1935.