Alþýðublaðið - 01.11.1995, Síða 1

■ Eggert Haukdal kom óvænt á aðalfund í Sjálfstæðisfélaginu Kára
- Barfram vantraust á þingmenn Suðurlands
*
„Vesalingarnir Þorsteinn og Arni"
- réðu því að ekki var malbikað í Landeyjum í haust, segir Eggert Haukdal.
„Ég mætti á fund í sjálfstæðisfélag-
inu og bar fram tillögu um vantraust á
þingmenn kjördæmisins fyrir að koma
í veg fyrir lagningu bundins slitlags á
vegi í Landeyjum. Þeir sem höfðu for-
göngu um þetta voru vesalingarnir
Þorsteinn Pálsson og Arni Johnsen
en þeir höfðu hina þingmenn kjör-
dæmisins í bandi,“ sagði Eggert
Haukdal fyrrverandi alþingismaður í
samtali við blaðið.
Sjálfstæðisfélagið Kári í Rangár-
vallasýslu hélt aðalfund sinn fyrir
skömmu. Fáir voru mættir til fundar-
ins og ekki búist við neinum stórtíð-
indum. Öllum að óvörum birtist Egg-
ert Haukdal á fundinum í fylgd nokk-
urra manna og greip þá um sig nokk-
uð fát meðal þeirra sem þar sátu á fleti
fyrir. Sumir félagar töldu Eggert hafa
horfið úr félaginu þegar hann bauð
fram sérlista við síðustu þingkosning-
ar.
„Ég hef aldrei hætt störfum í Sjálf-
stæðisflokknum. Hvorki ég né þeir
sem með mér komu tókum þátt í
stjómar- eða fulltrúakjöri á fundinum.
Fregnir um að ég hafi verið borinn
upp á fundinum og samþykktur í fé-
lagið eru rangar. Ég er í félaginu, hef
ekki fengið neina tilkynningu að ég
hafi verið rekinn úr því og ég ekki
sagt mig úr því. Fundarstjóri sagði
fyrst að það væri skoðun sín að það
væri skoðun sín að það ætti að bera
mig upp. Við frammíkall sagði hann
að þetta væri ákvörðun sín en síðan
bar hann mig aldrei upp svo það varð
ekki meira mál úr því,“ sagði Eggert.
En þú barst fram vantraust á þing-
menn kjördœmisins?
„Það er alveg rétt enda fyllsta
ástæða til. Það var leitað eftir því við
þingmenn Suðurlands að þeir kæmu
til móts við sveitarfélögin hér í Land-
eyjum um að leggja slitlag á ákveðna
vegarkafla sem búið var að byggja
upp. Þetta eru einu kaflarnir í kjör-
dæminu sem vom tilbúnir undir slitlag
nú á haustnóttum. Fjárveiting var til
þessa verks á næstu vegaáætlun.
Verktakar og sveitarfélögin vom tilbú-
in til að lána peninga svo hægt væri að
gera þetta núna. En vinum mínum í
flokknum var ekki nóg að koma mér
útaf borðinu heldur ákváðu þeir líka
að beita sér gegn þessu. Því er hins
vegar ekki að leyna að þeir höfðu hina
blessaða fjóra þingmennina í bandi.
Þar á meðal þingmann Alþýðuflokks-
ins og er slæmt þegar ungir og frískir
menn láta teyma sig í villur, hvar sem
þeir em í flokki. En forystuna í þessari
vegferð veittu Þorsteinn og Árni. Það
hefur trúlega verið Landeyingum til
yndis og ánægju.
Þessi tillaga mín var felld á jöfnu.
En ég sný ekki til baka með að það
voru þessir vesalingar Sjálfstæðis-
flokksins sem stjómuðu ferðinni gegn
malbikun vegarkaflanna," sagði Egg-
ert Haukdal.
■ Ríkisendurskoðun um Ríkisútvarpið
Sameina á
fréttastofurnar
Ríkisendurskoðun telur að sameina
eigi fréttastofur Hljóðvarps, Sjónvarps
og íþróttadeild Ríkisútvarpsins. Með
þvf megi auka gæði fréttanna og
styrkja þar með stöðu Rfkisútvarpsins
í samkeppni við aðra íjölmiðla. Enn-
fremur telur Ríkisendurskoðun að
flytja beri alla starfsemi Sjónvarpsins
frá Laugavegi að Efstaleiti.
Þetta kemur fram í niðurstöðum
stjómsýsluendurskoðunar sem Ríkis-
endurskoðun gerði hjá Ríkisútvarpinu
að beiðni fjárlaganefndar Alþingis.
Þar er talið æskilegt að gera breytingar
á stjórnskipulagi Ríkisútvarpsins á
þann veg að það skiptist í tvær megin-
deildir, hljóðvarp og sjónvarp. Fjár-
máladeild og tæknideild starfi áfram
en verði skilgreindar sem stoðdeildir.
Framleiðsla á dagskrárefni Hljóðvarps
verði óháð rásunum tveimur. Sam-
vinna milli Rásar 1 og 2 sé alltof lítil.
Dagskrá rásanna skarist að nokkru
leyti og því keppi þær oft um sama
hlustendahópinn f stað þess að leita
eftir öflugri hlustun á hvora rás fyrir
sig. Að mati Ríkisendurskoðunar er
eðlilegt að afnema allar beinar undan-
þágur frá greiðslum afnotagjalda, þar
á meðal til elli- og örorkulífeyrisþega
sem hafi í för með sér tekjumissi upp
á 200 milljónir króna á ári. Ef þörf
krefji eigi ríkissjóður að greiða afnota-
gjöld þessara hópa. Lagt er til að
kannað verði gaumgæfilega þann kost
að afnotagjöld einstaklinga verði
bundin við íbúðir og innheimt með
opinberum gjöldum í stað þess að
miðast við eignarhald á viðtækjum
eða gjaldið verði innheimt sem nef-
skattur.
Skáld á
Café Læk
Miðvikudagskvöldið 1. nóvember
verður ljóðakvöld á Café Læk,
Lækjargötu 4. Þar munu fjögur ung-
skáld lesa úr verkum sínum. Bragi
Ólafsson les úr Ijóðabókinni Klink,
Magnúx Gezzon les úr ljóðabók-
inni Syngjandi sólkerfi, ísak Harð-
arson les úr ljóðabókinni Hvi'tur ís-
björn og Hrund Guðmundsdóttir
les óbirtar smásögur.
■ Sorgarviðbrögð trúlausra á fundi Siðmenntar
Þetta er viðkvæmt efni
- segir Sigrfður Kristinsdóttir formaður SFR.
„Við þurfúm að viðurkenna þá stað-
reynd að það er til fólk sem verður
fyrir mikilli sorg en er ekki móttæki-
legt fyrir þeirri trúarlegu aðstoð sem
prestar veita. Auk þess þarf að taka til-
lit til fólks sem er annarrar trúar en
þeirrar ríkistrúar sem hér er. Þetta er
viðkvæmt efni en ástæða til að vekja
athygli á því,“ sagði Sigríður Krist-
insdóttir formaður SFR í samtali við
blaðið.
Sigríður er meðal frummælenda á
opnum fundi sem Siðmennt heldur í
kvöld undir yfirskriftinni: Sorg og
sorgarviðbrögð - hvemig bregðast trú-
litlir eða trúlausir við? Fundurinn er
öllum opinn en hann hefst klukkan
20.30 í húsnæði Taflfélags Reykjavík-
ur að Faxafeni 12. Sigríður, sem starf-
ar með samtökunum sorg og sorgar-
viðbrögð, var spurð hvort trúleysi væri
ákveðið vandamál þegar mikil sorg
steðjaði að.
„I sjálfu sér er það ekki meira
vandamál fyrir þá að lenda í mikilli
sorg heldur en aðra. Hins vegar hefur
kirkjan yfirumsjón með öllum tfúmál-
um hér á landi. Því getur það verið
ákveðið vandamál fyrir þá sem eru
trúlitlir, trúlausir eða ekki í þjóðkirkj-
unni, þegar sorg ber að dyrum. Þá er
það spumingin hvert þetta fólk eigi að
leita, sem ekki er reiðubúið til að taka
Sigríður: Þeir sem eru trúlausir
leita ekki í bænina og því þörf á að
ræða hvar þetta fólk getur leitað
aðstoðar.
á móti trúarlegri huggun. Þeir sem em
trúlausir leita ekki í bænina og því
þörf á að ræða hvar þetta fólk getur
leitað aðstoðar," sagði Sigríður Krist-
insdóttir.
■ Greinaflokkur
Svavars Gestssonar
í Alþýdubladinu
Hvorki beinn
né breiður
vegur
Svavar Gestsson alþingismaður hefur
ritað fjögurra greina flokk undir heitinu
Hvorki beinn ne' breiður vegur. Tilefni
skrifa Svavars eru greinar Jóns Baldvins
Hannibalssonar formanns Alþýðuflokksins
um Sjónarrönd, bók Svavars sem kom út í
sunrar. I fyrstu grein Svavars, Hvers vegna
var Alþýðuflokkurinn alltaf að rekafólk?,
ræðir hann um sögu Alþýðuflokksins og
ber hann saman við Sósíalistaflokkinn og
Alþýðubandalagið. Sjá miðopnu.
Bragi
Sigurjónsson
látinn
Síðast liðinn sumiudag lést á Akur-
eyri Bragi Sigurjónsson fyrrverandi
alþingismaður og ráðherra á 85. ald-
ursári. Hann var fæddur á Einarsstöð-
um í Reykdælahreppi 9. nóvember
19 10.
Bragi lauk
stúdents-
prófi frá
Mennta-
skólanum
á Akureyri
1935, en
hafði áður
1 o k i ð
kennara-
p r ó f i .
Hann varð
cand. phil.
frá Há-
skóla íslands 1936. Bragi lagði stund
á kennslu 1936-47 en varð þá trygg-
ingafulltrúi við sýslumannsembætti
Eyjaljarðarsýslu og bæjarfógetaemb-
ættið á Akureyri. Því starfi gengdi
hann til 1964 að hann gerðist útibús-
stjóri Útvegsbanka fslands á Akur-
eyri og veitti útibúinu forstöðu til árs-
ins 1979. Bragi Sigurjónsson sat
lengi í bæjarstjóm og bæjarráði á Ak-
ureyri og var forseti bæjarstjórnar
1967-70. Hann var þingmaður Al-
þýðuflokksins 1967-71. Hann var í
fjárveitinganefnd og forseti efri deild-
ar 1978 en sagði sig ffá því starfi 4.
desember það ár vegna ágreinings
um stefnu ríkisstjómarinnar í efna-
hagsmálum. Bragi var iðnaðar- og
landbúnaðarráðherra í ríkisstjórn
Benedikts Gröndal 1979-80. Hann
gengdi íjölmörgum öðrum trúnaðar-
störfum fyrir Alþýðuflokkinn. Bragi
var þjóðþekkt ljóðskáld auk annarra
ritstarfa. Hann var ritstjóri tímaritsins
Stíganda og málgagns Alþýðuflokks-
ins á Akureyri um langt skeið. Árið
1936 kvæntist hann eftirlifandi konu
sinni og eru fimm böm þeirra hjóna á
lífi. Auk þeirra átti Bragi tvo syni.

Það er ekki að ástæðulausu að Norðdekk eru mest seidu dekk á íslandi, þau eru einfaldlega góður og öruggur kostur við íslenskar aðstæður