Alþýðublaðið - 10.05.1996, Blaðsíða 6

6
ALÞÝÐUBLAÐIÐ
FÖSTUDAGUR 10. MAÍ1996
bessastaðabardaginn
Húsbréf
Útdráttur
húsbréfa
Nú hefur fariö fram útdráttur
húsbréfa í eftirtöldum flokkum:
1. flokki 1991
3. flokki 1991
1. flokki 1992
2. flokki 1992
1. flokki 1993
3. flokki 1993
1. flokki 1994
1. flokki 1995
• 18. útdráttur
15. útdráttur
■ 14. útdráttur
13. útdráttur
9. útdráttur
7. útdráttur
6. útdráttur
■ 3. útdráttur
Koma þessi bréf til innlausnar 15. júlí 1996.
Öll númerin verða birt í næsta Lögbirtingablaði.
Auk þess eru númer úr fjórum fyrsttöldu flokkunum
hér að ofan birt í dagblaðinu Degi föstudaginn
10. maí. Upplýsingar um útdregin húsbréf liggja
frammi í Húsnæðisstofnun ríkisins, á Húsnæðis-
skrifstofunni á Akureyri, í bönkum, sparisjóðum
og verðbréfafyrirtækjum.
KS3 HÚSNÆÐISSTOFNUN RIKISINS
I I HÚSBRÉFADEILO • SUÐURLANDSBRAUT 24 • 108 REYKJAVÍK • SÍMI 569 6900
Alþýðublaðið
f Aðeins
950 kxónur
á mánuði
Opinn fundur
Alþýðuflokksfélag Reykjavíkur heldur opinn
fund um fjármagnstekjuskattinn.
Fundarstaður: Scandic Hótel Loftleiðir þingsalir 1-3.
Tími: Þriðjudagur 14. maí klukkan 20:30
Frummælendur:
Jón Baldvin Hannibalsson
formaður Alþýðuflokksins
- Jafnaðarmannaflokks íslands
Gunnar Helgi Hálfdánarson
forstjóri Landsbréfa
Gunnlaugur M. Sigmundsson
þingmaður Framsóknarflokksins
Fundarstjórn:
Gunnar Ingi Gunnarsson
formaður Alþýðuflokksfélags Reykjavíkur.
Fjölmennum!
Stjórnin
■ Um fátt er nú meira skeggrætt en hvort Jón Baldvin Hanni-
balsson, formaður Alþýðuflokksins, taki af skarið og bjóði sig
fram til forseta. Þá sýnist flestum að stefni í harðan slag milli
hans og Ólafs Ragnars Grímssonar, gamla vopnabróðurins
sem fór með Jóni á rauðu Ijósi um landið alltfyrir nokkrum ár-
um. Egill Helgason veltir hér fyrir sér möguleikunum á fram-
boði Jóns Baldvins og áhrifum þess á kosningabaráttuna og
Alþýðuflokkinn
Jón
forseti?
„Er það gott djobb," mun Halldór Laxness
hafa sagt þegar lagt var að honum að gefa
kost á sér í forsetaframboð 1968. Eitthvað
svipað gæti verið að bærast í huga Jóns Bald-
vins Hannibalssonar þessa dagana; fáir virðast
efast um að hann sé fullkomlega hæfur til að
verða forseti, spurningin er kannski miklu
fremur hvort starfið hæfir honum.
Að undanförnu hefur verið mjög
hart þrýst á Jón Baldvin um að fara
í framboð og segja kunnugir að
hann sé í raun búinn að ákveða að
bjóða sig fram; það sé þegar byrj-
að að leggja línur fyrir kosninga-
baráttuna og einungis sé spurning
um að velja dag til að tilkynna
framboð.
Sitthvað sem fróðir menn hafa
talið til meginreglna hefur raskast í
þessari kosningabaráttu; fyrst nátt-
úrlega sú kenning að fslendingar
vildu ekki stjórnmálamann sem
forseta. Það hefur varla neinn
gleymt pólitískri fortíð Ólafs
Ragnars, sem þó hefur mestanpart
haldið sig til hlés síðustu misserin;
ótrúlegur fjöldi kjósenda hefur ein-
faldlega ákveðið að sætta sig við
póiitískt syndaregistur hans. Það er
spurning hvort hið sama gerist í
tilviki Jóns Baldvins, stjórnmála-
manns sem er máski enn umdeild-
ari en Ólafur Ragnar og kemur
beint af blóðvelli stjórnmálanna.
Aldrei áður hefur það gerst á ís-
landi að starfandi formaður stjórn-
málaflokks sækist eftir forseta-
embætti; það verður varla dregin
nein fjöður yfir það, og þýðingar-
laust að reyna, að Jón Baldvin hef-
ur nánast átt áskrift að fyrsta sæti
yfir óvinsælustu stjórnmálamenn á
landinu.
Stuðningur í póst-
númeri 101
Það er víst að Jón Baldvin setur
allar línur sem hafa skapast í kosn-
ingabaráttunni upp í loft; fram-
bjóðendur og stuðningsmenn
hljóta að bíða í ofvæni eftir fyrstu
skoðanakönnuninni þar sem hann
væri inni í myndinni. Kosninga-
fróðir menn sem Alþýðublaðið
ræddi við voru á sama máli um að
fylgi Jóns Baldvins yrði bundið
við borg fremur en sveit, við ungt
fóik fremur en gamalt, við mennt-
að fólk fremur en ómenntað.
„Hann þarf varla að láta sig
dreyma um að fá neitt fylgi að ráði
í dreifbýlinu, að maður tali nú ekki
um fyrir norðan og austan, enda
virðist manni að þar ætli ailir að
kjósa Ólaf Ragnar,“ segir gamal-
vanur kosningamaður í samtali við
Alþýðublaðið. „Sterkasta vígi Jóns
er náttúrlega hér í Reykjavík, hjá
hinni menntuðu millistétt sem lifir
og hrærist í póstnúmeri 101. í
þennan hóp hafa sérstaklega Guð-
rún Pétursdóttir og Ólafur Ragnar
verið að sækja fylgi og þar held ég
að Jón geti gert verulegt strik í
reikninginn. Eg held raunar að ef
Jón Baldvin fari fram sé öll nótt
úti fyrir Guðrúnu Pétursdóttur -
eins kaldhæðnislegt og það nú er í
ljósi fjölskyldutengslanna á milli
þeirra."
Ólafsmenn eru sárgramir
Heitir stuðningsmenn Ólafs
Ragnars hugsa Jóni þegjandi þörf-
ina fyrir að vera í framboðshug-
leiðingum: „Ég hef sjaldan upplif-
að aðra eins heift og gagnvart
þessum vangaveltum hjá fólki sem
hefur verið að vinna að samein-
ingu vinstrimanna, sumt í áratugi.
Með framboði sínu væri Jón að
senda okkur aftur niður í skotgraf-
irnar úr kaldastríðinu," segir mað-
ur sem vinnur að framboði Ólafs
Ragnars.
Alþýðuflokksmenn eru ekki
heldur á einu máli um hvort Jón
Baldvin eigi að bjóða sig fram og
sagði krati fyrir vestan í samtali
við Alþýðublaðið: „Ég hélt að við
kratar værum sammála um að
kjósa Ólaf Ragnar. Ætlar Jón Bald-
vin virkilega að koma því til leiðar
að sjálfstæðismaður verði forseti
Islands næstu sextán árin?“
Enn aukast vandræði
Davíðs
Bjóði Jón Baldvin sig fram er
líka víst að hinar pólitísku marka-
línur sem hafa myndast í kosninga-
baráttunni riðlast allverulega. Eins
skrýtið og það kann að virðast er
talið að sá hópur alþýðubandalags-
manna sem hefur horn í síðu Ólafs
Ragnars fagni framboði Jóns Bald-
vins; sagt er að þeir Svavar Gests-
son og Ulfar Þormóðsson muni
kjósa Jón Baldvin til þess eins að
koma í veg fyrir að Ólafur Ragnar
komist á Bessastaði. Framsóknar-
menn eru taldir styðja Ólaf Ragnar
nánast í heilu lagi og varla á Jón
Baldvin neins fylgis að vænta það-
an og varla heldur frá Kvennalista
sem hlítir flokksaga og fylgir Guð-
rúnu Agnarsdóttur. Afstaða sjálf-
stæðismanna er hins vegar torræð í
betra lagi. Atkvæði sjálfstæðis-
manna dreifast nú á Pétur Kr. Haf-
stein, Guðrúnu Pétursdóttur og að
einhverju leyti á Ólaf Ragnar. For-
maður flokksins, Davíð Oddsson,
er meira eða minna á móti öllu
þessu fólki; Davíð er ekki þekktur
fyrir að vera fljótur að fyrirgefa og
hann kærir sig ekkert um Pétur
sem skrifaði grein til stuðnings
Þorsteini Pálssyni í formannskjör-
inu 1991, milli hans og Guðrúnar
Pétursdóttur er fullur fjandskapur,
Ólafur Ragnar er honum náttúrlega
ekki kær eftir margar pólitískar
höggorrustur.
En viðmælendur Alþýðublaðsins
sem þekkja til innan Sjálfstæðis-
flokksins álíta að Davíð kæri sig
ekkert frekar um að sjá Jón arka
inn á Bessastaði. Milli þeirra leið-
toganna eru litlir kærleikar síðan í
Viðeyjarstjórninni sem þótti ekkert
tiltakanlega samlynd undir lokin.
„Það er grunnt á því góða milli
Davíðs og Jóns eftir stjórnarslitin
og vandséð að þeir nái aftur saman
í náinni framtíð. Manni flýgur
jafnvel í hug að innst inni vildi
Davíð frekar sjá Ólaf á Bessastöð-
um en Jón; fyrir Davíð er Ólafur
hvimleiður pólitískur andstæðing-
ur og það er víst að tilfinningarnar
sem hann ber í garð Jóns, gamla
samstarfsmannsins og félagans,
eru miklu heitari."
Sjálfstæðismenn
hallast að Jóni
Burtséð frá hinni vandræðalegu
afstöðu Davíðs til forsetakosning-
anna er ljóst að Jón Baldvin getur
vænst þess að sækja drjúgt fylgi
inn í Sjálfstæðisflokk. Samkvæmt
heimildum Alþýðublaðsins eru það
ekki síst sjálfstæðismenn sem hafa
lagt að honum að fara í framboð. f
fyrsta lagi er ástæðan sú að margir
sjálfstæðismenn eru einfaldlega
hrifnir af Jóni; þeim finnst hann á
köflum hafa verið borgaralegur,
víðsýnn og frjálslyndur stjórn-
málamaður að sínu skapi - og
kannski talsvert fremri en Davíð
aðjjví leyti.
I öðru lagi eru þeir náttúrlega
fjölmargir sjálfstæðismennirnir
sem telja Ólaf Ragnar höfuðóvin
og vilja allt til þess vinna að koma
í veg fyrir að hann verði forseti.
Þeir munu kjósa Jón Baldvin ef
þeir sjá fram á að hann muni geta
stöðvað hina óþægilegu framrás
Ólafs. Ennfremur er Jón líklegur
til að taka af Ólafi það fylgi sem
hann kann að hafa í röðum sjálf-
stæðismanna.