Alþýðublaðið - 15.05.1996, Blaðsíða 1

Alþýðublaðið - 15.05.1996, Blaðsíða 1
MPBUBLMÐ Miðvikudagur 15. maí 1996 Stofnað 1919 71. tölublað - 77. árgangur Kröfur hundsaðar um breytingar á frumvörpum um vinnumarkaðsmál Ríkisstjórnin er að breyta lýðræðisforminu - segir Rannveig Guðmundsdóttir formaður þing- flokks Alþýðuflokksins. „Það er óhugnanlegt að finna að það er enginn bilbugur á stjórnarliðum og ég efast um að þeir viti hvað það er verið að brjóta stórt og slæmt blað í sögunni," sagði Rannveig Guðmunds- dóttir alþingismaður og fulltrúi í fé- lagsmálanefnd í samtali við Alþýðu- blaðið í gær. Rfldsstjórnin hefur huns- að kröfur verkalýðsnreyfingarinnar og stjórnarandstöðunnar um grundvallar- breytingar á frumvörpum um stéttar- félög og vinnudeilur, og hyggst knýja málið gegnum þingið. Verkalýðs- hreyfingin hefur brugðist hart við, og hótar verkföllum þegar samningar losna. „Annað hvort slá stjórnarliðar höfð- inu við steininn, hvað varðar flilutun í samningamál launþega, eða þeim er nákvæmlega sama. Þeir ætla á þessu afmælisári ASÍ að fara fram með full- komnu valdi með vinnumarkaðsfrum- vörpin og beygja verkalýðshreyfing- una með offorsi," sagði Rannveig og telur að með frumvarpinu sé verið að vflcja frá sáttavinnubrögðum, sem hafa viðgengist síðustu sextíu ár. „Þetta er miklu stærra mál en að flytja frum- varp og vilja breytingar, vegna þess að það er í raun og veru verið að ger- breyta sameiginlegu lýðræðisformi á Norðurlöndum. Og ég vil benda á að við sem höfum unnið á norrænum vettvangi höfum oft lent í að fara til annarra landa sem fulltrúar Norður- landa. Þá höfum við gjarnan vakið at- hygli á því sem kallað er norrænt módel og hefur djúpa stoð í lýðræðis- legum samskiptum stjórnvalda og þegna. Á öðrum Norðurlöndum er far- in sáttaleið að allri þróun í vinnumark- aðsmálum og á flestum stöðum eru lög, sem hafa verið sett í fullri sátt milli aðila, eða það er hefð, sem hefur þróast í sátt við alla, eins og í Dan- mörku. Þetta mikla lýðræðisform er ríkisstjórnin nú að brjóta," sagði Rannveig. Rannveig: Stjórnarliðar ætla á af- mælisári ASÍ að fara fram með full- komnu offorsi gegn verkalýðs- hreyfingunni. ¦ Alþýðuflokkur og Sjátístæð- isflokkur mynda meirihluta í ísafjarðarbæ Kröf ur Funk- listans óað- gengilegar - segir Björn Hafberg varabæjar- fulltrúi Alþýðuflokksins um við- ræður annarra flokka en Sjálfstæð- isflokksins um myndun meirihluta. „Það er búið að skrifa undir mál- efnasamning með fyrirvara um sam- þykki félagsmanna og ég mun meta hann á fundinum eins og aðrir félags- menn," segir Björn Hafberg en í gær- kvöldi funduðu alþýðuflokksmenn í ísafjarðarbæ um málefnasamning við Sjálfstæðisflokkinn. Ástæður þess að svo fljótt slitnaði upp úr viðræðum A, B, F og E-lista segir Björn vera kröfur E- listans. „Það var E-listinn sem sleit þessum viðræðum með því að setja kröfur sem menn gátu ekki sætt sig við, kröfur um ákveðna skiptingu embættanna sem um er að tefla. Þann- ig strandaði á því. Alþýðuflokkurinn hafði því ekki aðra kosti en annars vegar að reyna að komast inní þetta samstarf, sem hafði verið lagður grunnur að, eða að draga sig út úr þessu og sitja í rninnihluta. Þetta eig- um við eftir að ræða," sagði Bjöm. Aelleftu stundu í Kaffi- leikhúsinu / kvöld kiukkan 21 verða tveir einleikir frumsýndir í Kaffileik- húsinu f Hlaðvarpanum undir heitinu „Á elleftu stundu". Sýn- ingin er liður í einleikjaröð Kaffi- leikhússins þar sem ungir leik- arar flytja einleiki í leikstjórn þekktra og reynda leikstjóra. Leikstjóri að þessu sinni er Við- ar Eggertsson og leikarar þau Bergljót Arnalds og ValurFreyr Einarsson. Einleikur Bergljótar ber heitið „Hús hefndarþorst- ans" og er leikgerð hennar byggð á grískum goðsögnum. Valur Freyr flytur einleikinn „Heilt ár og þrír dagar" og er það byggt á sannsögulegum at- burðum. Bergljót og Valur Freyr voru svo sannarlega á elleftu stundu þegar Einar Ólason Ijós- myndari leit við hjá þeim ígær. ¦ Hver verður næsti forseti ASÍ? Engaryfir- lýsingar frá okkur Benedikt Davíðsson: Við Hervar Gunnarsson teljum báðir að það sé ekki málið að menn bjóði sig fram til þessa embættis. „Við Hervar Gunnarsson teljum báðir að það sé ekki málið að menn bjóði sig fram til þessa embættis," segir Benedikt Davíðsson aðspurður hvort hann gefi áfram kost á sér sem forseti ASÍ. Hervar Gunnarsson vara- forseti hefur þráfaldlega verið orðaður við embætti forseta, en hann hefur ekki viljað segja af eða á um hvort hann gefur kost á sér. Þegar Benedikt var kjörinn forseti fyrir fjórum árum kvaðst hann ætla að sitja eitt kjörtíma- bil, en nú útilokar hann ekki að hann gefi kost á sér áfram. „Það á að vera hlutverk forystu- manna stóru félaganna eða samband- anna að velja forystu ASI með tilliti til málefnaundirbúningsins og þeirrar stefnumörkunar, sem við erum að vinna að fyrir komandi tímabil. Þeir eiga að gera tillögur um nýja forystu fyrir sambandið. Fyrr en þeirri vinnu er lokið er engra yfirlýsinga að vænta frá okkur," segir Benedikt en þing ASÍ stendur frá 20. til 24. maí. Kirkjurækinn áhuga- maöur um íþróttir - Víkur-Skuggi blaðsíða 2 Fasisti á forsetastóli - sjá leiðara blaðsíða 2 Afhverju eru kratar alltaf að rífast? - Þóra Arnórsdóttir blaðsíða 3 Strompur á Þjóðleikhúsinu - Snorri Freyr Hilmarsson blaðsíða 6 Mandela - Heimakær og huggulegur blaðsíða 7 ¦ Verður næsti forseti lýðveldisins kostaður af tveimurtil þremur stórfyrirtækjum? ísland eitt af fáum löndum þarsem engin lög eru um fjármál frambjóðenda eða stjórnmálaflokka Engar reglur um fjármögnun kosningabaráttu Herdís Þorgeirsdóttir stjórnmálafræðingur: Fyrirtæki styðja stjórnmálaflokka og frambjóðendur án þess að nokkur spyrji um upphæðir eða nöfn, hvað þá greiða- semi pólitíkusa í staðinn. „Hér á íslandi styðja fyrirtæki flokka og frambjóðendur án þess að nokkur spyrji um upphæðir eða nöfn, hvað þá greiðasemi pólitíkusa í stað- inn. Næsti forseti lýðveldisins gæti hæglega verið kostaður af tveimur til þremur stórfyrirtækjum - án þess að almenningur hefði hugmynd um það," segir Herdís Þorgeirsdóttir stjórnmálafræðingur meðal annars í mjög athyglisverðu erindi sem Al- þýðublaðið birtir í dag. Þar fjallar Herdís um fjármál íslenskra stjórn- málaflokka og þá staðreynd að engin lög eru til um þau efni. Þá ræðir hún ítarlega um fjármögnun kosningabar- áttu fyrir forsetakjör, og gerir saman- burð á íslandi og óðrum löndum. Herdís flutti erindið á fundi stjórn- málafræðinga í síðustu viku og veitti Alþýðublaðinu góðfúslegt leyfi til að birta það. Hún segir ennfremur: „Af hverju eru flokkarnir svona ólýðræðislegir að opna ekki bókhald sitt? Hér getur verið um stórfelld fjárfratnlög að ræða, þar af leiðandi óeðlilega mikil áhrif ákveðinna fjársterkra aðila á stóran hóp kjörinna fulltrúa - sem geta ekki lengur staðið við stjórnar- skrárheit sitt um að vera bundnir sannfæringu sinni, því þeir eru bundnir einhverjum kaupsýslumönn- um. í flestum vestrænum ríkjum - fyrir utan ísland og hið sorglega dæmi af móðurjörð Magna Carta, Bretlandi - eru víðast ákveðin lög, þó ekki sé um heildarlöggjöf að ræða, sem lúta að þessum málum. Ameríkanar tala gjarnan um hin þroskuðu lýðræðis- rfki Vestur-Evrópa enda byggja þeir sína lýðræðishefð á Magna Carta og merkilegu framlagi Englendinga í þágu lýðræðis £ gegnum aldiraar, en hvað sem öllu tali um þúsund ára Al- þingi íslendinga líður flokkumst við vart undir þroskað lýðræðisrfki með engin lög um fjárreiður flokkanna, upplýsingaskyldu framlaga og svo framvegis. Með þúsund ára sögu á bakinu og aðeins komin þetta stutt, er nær að segja að við séum þroska- heft lýðræði." Herdís nefnir mörg lönd þarsem skýrar reglur um fjármál flokka og frambjóðenda, og segir: „Það er löngu tímabært að opna umræðu um fjárreiður stjórnmála- flokka og fjárstuðning við frambjóð- endur - hvort sem er til þings eða forseta. Það er hnekkir fyrir lýðræð- ishugsjónina ef almenningur hefur það á tilfinningunni að sumir eigi í krafti fjármuna greiðari aðgang að kjörnum fulltrúum, jafnvel forsetinn, og það sé aðeins fyrir sterkefnaða einstaklinga að fara í framboð eða fólk á framfæri fyrirtækja. Spurning- in snýst ekki eingöngu um hvað er, heldur einnig hvað virðist. Það er nauðsyn á víðtækari kosningalög- gjöf, þar sem sett eru inn ákvæði um fjárframlög einkaaðila og opinbera styrki. Slík lagaákvæði eru óhjá- kvæmileg í lýðræðisrfki til að draga úr áhrifum fjársterkra aðila, jafna möguleika einstaklinga og samtaka, efla heiðarleika í kosningabaráttu og auka tiltrú almennings á kosninga- fyrirkomulaginu."

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.