Alþýðublaðið - 15.05.1996, Blaðsíða 6

Alþýðublaðið - 15.05.1996, Blaðsíða 6
ALÞYÐUBLADiD Bj MIÐVIKUDAGUR 15. MA11996 I Rammamyndir af Reykjavík Sýningá hugmynd sem varfelld Rætt við Snorra Frey Hilmarsson sem á laugardag opnar óvenjulega sýningu í Gallerí Horninu. Snorri Freyr Hilmarsson opnar á laugardaginn sýníngu í Gallerí Horninu. Sýningin er byggð á hug- myndum af umhverfislistaverkum sem Snorri ætlaði sér að vinna fyr- ir Reykjavíkurborg og tengjast áttu listahátið. „Hugmyndin var sú að setja strompa á Háskólann og Þjóðleik- húsið og mála svo strompinn í Laugarnesi hvítan og setja á hann grískan hofsúluhatt," segir Snorri. „Listahátíðarnefnd samþykkti þessar hugmyndir og þeir í vikur- þurrkuninni í Laugarnesi sömu- leiððis. Rektor Háskólans vildi vita um viðbrögð Þjóðleikhússins, en svo strandaði á Þjóðleikhús- stjóra. Hann var hræddur um að þetta gæti valdið misskilningi eins og hann orðaði það. Um leið strandaði hugmyndin því það hefur lítið að segja að setja aðeins helm- ing strompanna upp." En afhverju setja upp strompa? „Siðmenning byggir á þremur hornsteinum, það er vinnu, mennt- un og listum. Stromparnir sjást alls staðar að úr bænum og munu reykja í sex vikur, á meðan Lista- hátíð stendur, sem tákn fyrir Reykjavík." Fyrst það verður ekki afþessu, þá hefurðu gert myndirnar á sýn- ingunni ístaðinn? „Já, myndirnar eru útlistanir á hugmyndinni. Ég er með ramma- myndir af Reykjavík, þar sem al- menningur hefði getað séð alla strompana í einu. Myndirnar eru teknar ofan af vatnsveitutönkunum við Stýrimannaskólann. Síðan er ég með vinnuteikningar, sem lýsa hugmyndinni og teikningar af arki- tektúrnum. Menn eiga að getað séð í hvað stefndi með því að skoða myndirnar." Rektor Háskólans vildi vita um viðbrögð Þjóðleikhússins, en svo strandaði á Þjóð- leikhússtjóra. Hann var hræddur um að þetta gæti valdið mis- skilningi eins og hann orðaði það, segir Snorri Freyr sem ætl- aði sér að setja strompa á Háskólann og Þjóðleikhúsið. Ertu ekki vonsvikinn að ekkert verða úrþessum hugmyndum? „Nei, nei. Mér finnst hugmyndin varða mestu og þótt ekki verði af framkvæmdum núria er ekki öll nótt úti enn." Hvert erframhaldið? „Ég veit það ekki. Maður á kannski eftir að slysast til að fá hugmyndir sem maður getur ekki setið á." Húsbréf Innlausnarverð húsbréfa Frá og með 15. maí 1996 hefst innlausn á útdregnum húsbréfum í eftirtöldum flokkum: 1.flokki1989 1.flokki1990 2.flokki1990 2flokki1991 3.flokki1992 2.flokki1993 2.flokki1994 3.flokki1994 22. útdráttur 19. útdráttur 18. útdráttur 16. útdráttur 11. útdráttur 7. útdráttur 4. útdráttur 3. útdráttur Snnlausnarverðiö er að finna í Morgunblaðinu miðvikudaginn 15. maí. Upplýsingar um útdregin húsbréf liggja frammi í Húsnæðisstofnun ríkisins, á Húsnæðis- skrifstofunni á Akureyri, í bönkum, sparisjóðum og verðbréfafyrirtækjum. ÚÓ3 HÚSNÆÐISSTOFNUN RÍKISINS HÚSBRÉFADEILD • SUÐURLANDSBRAUT 74 • 108 REYKJAVÍK • SÍMI 569 6900 t A n d I á t Þórarinn Þórarinsson r i t s t j ó r i Þórarinn Þórarinsson fyrrverandi ritstjóri og alþingismaður, andaðist á mánudag, þrettánda maí, áttatíu og eins árs að aldri. Hans var í gær minnst á Alþingi og hér á eftir fara minningarorð Olafs G. Einarsson forseta Alþingis. Þórarinn Þórarinsson var fæddur í Ólafsvík 19. september 1914. Foreldrar hans voru hjónin Þórar- inn Þórðarson sjómaður og Kristj- ana Magnúsdóttir úsmóðir. Hann hóf nám í Samvinnuskólanum 1931 og lauk þar burtfararprófi vorið 1933. Árin 1933-1936 var hann blaðamaður vð Tímann og Nýja dagblaðiö, blöð Framsóknar- flokksins. Hann var ritstjóri Nýja dagblaðsins 1936-1938 og ritstjóri Tímans 1938-1984. Þórarinn Þórarinsson var for- maður Félags ungra framsóknar- manna í Reykjavík 1936-1944. f stjórn Fiskimálasjóðs var hann 1947- 1953 og í útvarpsráði 1953-1971 og 1975-1978, for- maður þess síðara tímabilið. Hann var kosinn í kosninga- laganefnd 1954 og í endurskoðunarnefhd laga um þingsköp Alþingis 1966. Arið 1972 var hann skipaður formaður þingmannanefndar til að endurskoða tekjuöflunarkerfi rík- isins. Hann sat á mörgum þingum Sameinuðu þjóðanna á tímabilinu 1954-1974 og var fulltrúi í undirbúningsnefnd hafréttarráðstefnunnar 1971-1973, síðan fulltrúi á hafréttar- ráðstefnunni 1973-1982. Hann átti sæti í fjölda nefnda á vegum Framsóknarflokksins, meðal annars í sendinefndum þingmanna vegna samninga um landhelgismál við Þjóð- verja 1975 og við Breta 1976. Árið 1978 var hann skipaður í stjórnar- skrárnefnd. I alþingiskosningunum haustið 1959 var hann kosinn þing- maður Reykvfkinga og sat á Al- þingi til vors 1978, á 20 þingum alls. Hann var formaður þingflokks Framsóknarflokksins 1971-1978. Þórarinn Þórarinsson fékk ungur að árum mikinn áhuga á stjórnmál- um og fylgdist vel með umræðum og skrifum um þjóðmál. Hann gekk til fylgis við Framsóknar- flokkinn, varð ungur málsvari hans í ræðu og riti. Um tvítugt hóf hann starf við málgagn flokksins og á þrítugsárinu var hann kjörinn í miðstjórn hans. Meginstarf hans í þágu flokksins var þó ritstjórn fram til sjötugs og stjómmálaskrif henni samfara. . Þórarinn Þórarinsson naut ekki langrar skólagöngu en bjó að með- fæddri fýsn til fóðleiks og skrifta. Jafnframt víðtækri þekkingu á stjórnmálum innan lands kynnti hann sér gjörla stjórnmál víða um lónd. Hann átti sæti í utanríkismálanefnd allan þingtíma sinn og var formaður hennar síðustu átta árin. í umræðum á Alþingi fjallaði hann mest um utanrfkismál og talsvert um iðnaðarmál auk þátttöku í almennum stjórn- málaumræðum. Honum var létt um mál og hann var traust- ur málsvari flokks síns. Auk skrifa um stjórnmál óg blaða- greina margs konar efnis samdi hann þriggja binda rit um sögu Framsóknarflokksins. Nokkur síðustu æviárin átti hann við sjúkleika að stríða en hélt þó áfram skriftum fram undir ævilok.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.