Alþýðublaðið - 31.05.1996, Blaðsíða 9

FOSTUDAGUR 31. MAI 1996
ALÞYÐUBLAÐIÐ
9
listahátíð
Halldór Bjöm Runólfsson skrifar um íslenskar listsýningar á Listahátíð '96
Veisla í vændum
Það er ekki heiglum hent að ná utan
um myndlistina á Listahátíð í Reykja-
vík. Urn daginn var birt örlítil saman-
tekt á erlendu sýningunum og þar með
var mælirinn fylltur um sinn. Islensku
sýningarnar eru síst færri og fjöl-
breytni þeirra er óvenjumikil. Að vísu
var á það bent að ekkert bólaði á nýja-
bruminu í íslenskri myndlist á Lista-
hátíð ’96 og er það miður svo vægt sé
til orða tekið. Þar er engu um að
kenna öðru en heimóttarlegri varfæmi
okkar og hræðslu við hið óþekkta.
Vonandi tekur annað hvort stóm safn-
anna við sér fyrir Listahátíð ’98 og
lætur verða af því að koma á laggimar
ungdómstvíæringi í tengslum við há-
tíðina.
Sem uppbót fyrir hérann í okkur er
vel gert við hina látnu á Listahátíð
’96. Sem dæmi opnar Listasafn ASI
sýningu á verkum Svavars Guðna-
sonar (1909-1988) I nýkeyptum sal-
arkynnum sínum, Asmundarsal við
Freyjugötu. Það er vissulega kominn
tími til að kynna Svavar fyrir nýrri
kynslóð listáhugamanna. Með honum
komust á varanleg tengsl milli ís-
lenskrar listar og erlendrar. Síðan hef-
ur íslensk list tekið mið af hræringum
umheimsins. Það má því segja með
nokkrum rétti að Svavar Guðnason
hafi endanlega spyrt myndlist okkar
við alþjóðlegt þróunarferli.
Þannig ruddi hann brautina fyrir
málara á borð við Karl Kvaran
(1924-1989) sem Félag íslenskra
myndlistarmanna kynnir í Norræna
húsinu allan júnímánuð. Munurinn á
Karli og Svavari var ef til vill ekki
jafnmikill og af er látið. Þótt Karl væri
talinn til harðsoðnustu abstraktmálara
okkar í geometrískum stíl var form-
skyn hans mun lífrænria en af er látið.
Svavar var að sama skapi mun agaðri
málari en ætla má við fyrstu kynni.
Þótt finna inegi hamslausan sprengi-
kraft í mörgum verkum hans frá
Svavar Guðnason
stríðsárunum eru hin mun fleiri þar
sem Svavar beitir pensli sínum og lit-
um með yfirveguðum og uppbyggi-
legum hætti.
Andstæðu þeirra Svavars og Karls
má væntanlega finna í sýningu Gallerí
Horns í Hafnarstræti. Þar verða til
sýnis verk eftir Sölva Helgason
(1820-1895), Karl Einarsson Dung-
anon (1897-1972) og ísleif Konráðs-
son (1889- 1972) undir yfirskriftinni
„Eftirsóttir einfarar". Þeir eru hluti
þess þjóðlega alþýðustrengs sem er
andhverfa abstraktlistar Svavars
Guðnason og Karls Kvaran. Enn er
tekist á um þessi ólíku gildi í íslenskri
umræðu og erum við hvað það varðar
einstæðir meðal vestrænna þjóða.
Þótt sýningin „Dauðinn í íslenskum
veruleika" sé sprottin af öðrum meiði
tengist hún vissulega þeirri sögulegu
hefð sem einnig gat af sér alþýðulist-
ina. Sýningin, sem er samvinnuverk-
efni Mokka og Þjóðminjasafnsins,
ijallar um þann sérstæða sið áður fyrr
að minnast dauðans með ljósmyndun
hinna látnu. Ósjaldan var reynt að láta
sem þeir væru lifandi, einkum ef um
ungaböm var að ræða. Sýningin sem
stendur fram í júlímánuð hlýtur að og Krístján Guðmundsson.
Karl Kvaran
Húbert Nói
teljast einhver sú sérstæðasta af öllum
íslenskum sýningum á Listahátíð ’96.
En þar með er ekki sagt skilið við
látna listamenn. A Kjarvalsstöðum
opnar í bytjun júní „Nátturusýn í ís-
lenskri myndlist", söguleg sýning á
eintali íslenskra listamanna við náttúr-
una. Að minnsta kosti helmingur
þeirra listamanna sem tengiast sýning-
unni eru liðnir, svosem Asmundur
Sveinsson, Kjarval. Nína Tryggva-
dóttir og Svavar Guðnason. Raunar
virðist sýningin byggjast á samtali
þessara látnu meistara við lifandi eftir-
menn sína, Finnu Birnu Steinsson,
Georg Guðna, Halldór Ásgeirsson,
Jóhann Eyfells, Kristján Davíðsson
Varla getur þessi sýning, sem stend-
ur allt sumarið, orðið annað en kær-
komin veisla fyrir unnendur íslenskrar
landslags- og náttúrulistar. Það er
spuming hvort hún eigi sér ekki nátt-
úrulegt framhald í þeirn fjölmörgu
smáu einkasýningum sem hefjast í
bytjun júnímánaðar og lita nánast alla
Reykjavík. Það mætti til dæmis segja
mér að Benedikt Gunnarsson í
Stöðlakoti, Páll Guðmundsson á
Húsafelli í Listasafni Sigurjóns Ólafs-
sonar, Pía Rakei Sverrisdóttir með
glerlist sína ,Jökla og hraun" í anddyri
Norræna hússins og Tolli, undir yfir-
skriftinni „Stríðsmenn andans” í
Regnboganum, muni öll verða eins
nærri náttúrunni og aðstæðurnar á
miðri mölinni frekast leyfa.
Hins vegar má ætla að Hreinn
Friðfinnsson í Gallerí Sólon íslandus,
Húbert Nói í Gallerí Sævars Karls,
Jón Axel Björnsson í Gallerí Borg og
Ragna Róbertsdóttir í Ingólfsstræti
8, muni verða á allt öðrum nótum.
Enda þótt þessir listamenn hafi oft
haft náttúruna fyrir viðmið má búast
við að sýningar þeirra verði að þessu
sinni öllu tengdari menningunni og
eintalið við náttúmna sé því ekki ann-
að en óbeint.
Sömu sögu má segja af þeim tveim-
ur hönnunarsýningum sem tengjast
Listahátíð ’96. Sigríður Sigurjóns-
dóttir sýnir þrívíddarhönnun í Loft-
kastalanum í fyrri hluta júnímánaðar.
Þar verða baðherbergisáhöld úr kross-
viði, gúmmí, gólfdúk og áli megin-
uppistaðan. f Gallerí Greip er þemað
hins vegar „Snagar” af öllum stærðum
og gerðum eftir 50 hönnuðu, arkitekta
og listamenn. Þessar sýningar eru
ágæt dæmi um sókn listiðna og hönn-
unar inn í það tómarúm sem hingað til
hefur ásótt þann þátt íslenskrar listar
sem telst hafa hagnýtt gildi. Jafnframt
em þessar sýningar sannkallað nýja-
bmm á heimavelli. Þær eiga sér for-
föður í sýningunni „Silfur í Þjóð-
minjasafni”, sem standa mun allt sum-
arið í Þjóðminjasafninu.
Þegar öll kurl koma til grafar má sjá

að heldur hallast á ferskleikann í allri
þeirri mergð sem kallast íslenskar sýn-
ingar á Listahátíð ’96. Vera má að
þetta sé tímanna tákn og öldungis
samkvæmt aldarandanum í aldarlok.
Ef svo er, þá er breytinga vart að
vænta fyrr en á Listahátíð 2000. Það
táknar þó ekki að íslenskar listsýning-
ar á Listahátíð ’96 séu ómerkilegar.
Öðm nær. Þær em einungis útreiknan-
legar, nokkuð sem listáhugamönnum
finnst sjálfsagt saklaust ef ekki bara
harla gott. ■
«38
Kópavogsbær
Húsnæðisnefnd
Umsóknir
um félagslegar leigu- eða kaupleiguíbúðir
fyrir aldraða
Auglýst er eftir umsóknum um félagslegar kaupleigu-
íbúðir. Um er að ræða 2ja og 3ja herbergja íbúðir í fjöl-
býlishúsi.
Áætlað er að íbúðirnar verði tilbúnar til afhendingar
sumarið 1997.
Þeir einir koma til greina sem uppfylla eftirfarandi skil-
yrði:
1. Eiga ekki íbúð eða samsvarandi eign.
2. Eru innan tekju- og eignamarka Húsnæðisstofnunar
ríkisins.
3. Sýna fram á greiðslugetu sem miðast við að greiðslu-
byrði lána fari ekki yfir viðmiðunarmörk samkvæmt
ákvæðum laga nr. 58 1995 og reglugerðar sem í gildi
verður þegar úthlutun fer fram.
Umsóknareyðublöð verða afhent á skrifstofu Húsnæðis-
nefndar Kópavogs, að Fannaborg 4, sem er opin frá kl 9-
15 mánudaga- föstudaga.
Umsóknarfresturertil 15. júní 1996.
Allar frekari upplýsingar veitir öldrunarfulltrúi eða hús-
næðisfulltrúi mánudaga, miðvikudaga og föstudaga, frá
kl. 11-12 ísíma 5545700.
Húsnæðisnefnd Kópavogs
Utboð
Rafmagnsveitur ríkisins óska eftir tilboðum í:
RARIK, stækkun á stálgrindahúsi á Hvammstanga og
breytingar á eldri skrifstofuhluta.
Útboðsgögn verða afhent á skiifstofum RARIK við Höfðabraut
29, Hvammstanga; Ægisbraut 3, Blönduósi; og Laugavegi 118,
Reykjavík, frá og með mánudeginum 3. júní 1996 gegn 5.000 kr.
skilatryggingu. Verkkaupa er heimilt að leysa til sín skilatrygg-
inguna, hafi útboðsgögnum ekki verið skilað innan fjögurra
vikna frá opnunardegi tilboða.
Skila þarf tilboðum á skrifstofu RARIK, Blönduósi, fyrir kl.
14.00 mánudaginn 24. júní 1996. Tilboðin verða þá opnuð í við-
urvist þeirra bjóðenda sem þess óska að vera nærstaddir. Þóknun
fyrir gerð tilboða er engin.
• Verkinu á að vera lokið að fullu föstudaginn 18. október 1996.
Vinsamlega hafið tilboðin í lokuðu umslagi, merktu:
RARIK 96007, Hvammstangi - húsnæði.
kl
RARIK
Laugavegi 118 • 105 Reykjavík
Sími 560 5500 • Bréfasími 560 5600
Frá Menntamálaráðuneytinu
Innritun nemenda
í framhaldsskóla
í Reykjavík
Fer fram í Menntaskólanum við Hamrahlíð dagana 3. og 4.
júní frá kl.9.00-18.00. umsóknum fylgi Ijósrit af prófskírteini.
Námsráðgjafar verða til viðtals í Menntaskólanum við
Hamrahlíð innritunardagana.