Alþýðublaðið - 11.10.1996, Side 3

FÖSTUDAGUR 11. OKTÓBER 1996
ALÞÝÐUBLAÐK)
3
s k o ð a n
Vorverk að hausti
í skjóli þeirra aðgerða sem gengið
hafa undir nafninu „sameining jafn-
aðarmanna" virðist sem forysta Al-
þýðuflokksins hafi ákveðið að horfa
framhjá meginvanda flokksins, sem
um leið er stærsta hindrunin fyrir
vexti stórrar jafnaðarmannahreyfing-
ar. Vandinn felst í því að við stjóm-
völinn situr framkvæmdastjóm sem
er allt í senn óhæf, spillt og siðblind.
Fyrir rúmu ári ákvað stjórnin að
loka flokksskrifstofunni á Hverfis-
götunni, fæla burtu allt starfsfólk og
lama allt flokksstarf. Var þetta gert
til þess eins að lægja geðshræringar
Guðmundar Oddssonar formanns
framkvæmdastjórnar og hylma yfir
spillingu og siðblindu Sigurðar Am-
órssonar gjaldkera.
Að hætti Craxi
Forsaga málsins er sú að Guð-
mundur Oddsson varð undir í eigin
framkvæmdastjórn þegar undirritað-
ur (fyrrv. framkvæmdastjóri) leyfði
sér að gagnrýna fyrirhugaðar skipu-
lagsbreytingar og spyija gagnrýninna
spuminga um launagreiðslur til Sig-
urðar Arnórssonar gjaldkera og um
fjármálauppgjör kosningabaráttu. I
stað þess að svara málefnalega þá
ákváðu þeir félagarnir að leggjast í
rógsherferð gegn mér. Undir þessum
kringumstæðum ákvað ég að láta af
störfum sem framkvæmdastjóri og í
kjölfarið undirrituðu forystumenn
flokksins starfslokasamning, sem
síðar var formlega staðfestur af
frainkvæmdastjóm.
Það er skemmst frá því að segja að
framkvæmdastjóm „jafnaðarmanna-
flokks fslands" hefur brotið allar
greinar starfslokasamningsins. Sem
fyrrverandi starfsmaður þessa flokks
hef ég þurft að sækja allar umsamdar
launagreiðslur með aðstoð lögfræð-
ings og ekki hefur enn tekist að inn-
heimta allt rúmu ári eftir að samn-
ingur var undirritaður. Það sem verra
er Alþýðuflokkurinn - Jafnaðar-
mannaflokkur íslands hefur gerst
sekur um að standa ekki í skilum
með greiðslur í lífeyrissjóð, og em
þetta að hluta peningar sem dregnir
hafa verið af launum mínum. Það er
eins og mig minni að margir telji að
slíta eigi meirihlutastarfi bæjarstjóm-
ar í sterkasta vígi jafnaðarmanna
vegna þess að samstarfsaðili hafi
verið dæmdur fyrir svipuð brot. Ég
vona svo innilega að varaforseti ASI,
sem sæti á í framkvæmdastjóm Al-
þýðuflokksins, komi í veg fyrir að
sverta nöfn þeirra Jóns Baldvinsson-
ar og Haraldar Guðmundssonar með
því að láta dæma Alþýðuflokkinn
fyrir að stela lífeyrisgreiðslum af
fyrrum starfsmanni sínuin. Það er
óhætt að minna forystumenn Al-
þýðuflokksins á að undanfarin ár
hafa menn verið að dæma Craxi og
aðra flokksfélaga þeirra á Ítalíu í
fangelsi fyrir svipuð brot.
Blóm og kransar...
Aðgerðir núverandi framkvæmda-
stjórnar og meirihluta þingflokks
verða án efa vinsælt rannsóknarefni
stjórnmálafræðinga og þeirra sem
taka við Alþýðuflokknum á næstu
árum. Á sama tíma og grundvallar
launaréttindi voru brotin á starfs-
mönnum var ákveðið að hylma yfir
með gjaldkeranum sem gerst hafði
sekur um „tæknilegan fjárdrátt" með
því að greiða sjálfum sér laun og
fríðindi samkvæmt samningi sem
hafði verið hafnað.
Þröstur Ólafsson var ráðinn fram-
kvæmdastjóri þingflokksins og sam-
kvæmt mínum upplýsingum færðar
til gjalda 300.000 kr. einum mánuði
áður en hann hóf störf. Hann byijaði
á því að hrekja í burtu allt almenni-
legt starfsfólk flokks og blaðs og
læsti síðan flokksskrifstofunni og nú
er svo komið að einstök flokksfélög
geta ekki fundað þar lengur. Þröstur
er auðvitað vanur lásum og rimlum
enda formaður bankaráðs Seðlabank-
ans. „Þröstur, það er í lagi að læsa
inni gullforða þjóðarinnar, en það er
líklega misskilningur að læsa úti
flokksfólk Alþýðuflokksins."
Þegar kratar fóru að kvarta yfir
lokun skrifstofunnar var sál flokks-
ins sett í hendumar á Karli Hjálmars-
syni pizzasendli og Amóri Benónýs-
syni, sem allir þekkja. Þeir félagamir
áttu meðal annars að sjá um undur-
búning flokksþing sem haldið verður
í nóvember. Eg get staðfest það hér
að núna þegar mánuður er til flokks-
þings þá hefur enginn undirbúningur
farið fram, nema það að panta Perl-
una, minnisvarða Davíðs Oddssonar,
sem þingstað. Enda fór það svo að
byssurnar hófu að skjóta sjálfar og
Amór hrökklaðist í burtu með skott-
ið milli fótanna. Þetta veit ég þar
sem stjórn fulltrúaráðsins í Reykja-
vík hefur leitað til mín um ráðgjöf
varðandi undirbúning flokksþings.
Ætlar þessum annáluðu verkinönn-
um, með Guðmund Oddsson í broddi
fylkingar, að takast að klúðra flokks-
þinginu?
Ekki þarf mikla fræðinga til þess
að sjá að framkvæmdastjórnin er
með allt niðrum sig. Flokksmenn
vom inntir eftir þessu í Alþýðublað-
inu fyrir skömmu og þar vantaði
ekki lýsingarorðin: „Innra starf er
núll, lokaður klúbbur, aftökur, doði
og fúll flokkur". Á sömu síðu birtist
svo lítil auglýsing í sorgarramma frá
skrifstofu flokksins þar sem fram
kemur að skrifstofan sé opin tvo
hálfa daga í viku og fólki bent á að
fara í viðtal við Þröst Ólafsson! Það
vantaði ekkert nema krossinn ofan
við þessa dánartilkynningu flokks-
skrifstofunnar.
Til þess að kóróna allt saman skip-
aði framkvæmdastjórnin Guðmund
Oddsson formann nefndar sem hefur
það hlutverka að gera tillögur um
bætt innra starf og skipulag!!! Mann-
inn sem með tillögum sínum og ger-
ræðislegum vinnubrögðum rústaði
allt flokksstarf og ber ábyrgð á þeirri
spillingarímynd sem forustan hefur á
sér. Það kæmi ekki á óvart að fram-
kvæmdastjórnin hefði líka skipað
Sigurð Amórsson til þess að gera til-
lögu að siðareglum gjaldkera stjóm-
málaflokka og skrifa leiðbeiningar
um það hvemig maður gerir starfs-
lokasamning við sjálfan sig.
Áskorun
Ég hélt í einfeldni minni að Guð-
mundur Oddsson sæi sóma sinn í því
að segja af sér sem formaður fram-
kvæmdastjómar síðastliðið vor, enda
flokkurinn aldrei komið jafn illa
undan vetri. En í stað þess að taka til
hendinni við vorverkin og moka gró-
mið út úr Alþýðuhúsinu þá hefur for-
ystan haldið áfram að ösla flórinn. I
sovéskum anda hafa fulltrúar í fram-
kvæmdastjórninni samþykkt stuðn-
ingsyfirlýsingar hver við annan og
þröngvað í gegn að minnsta kosti
þremur útgáfum af misvísandi reikn-
ingum flokksins. En það má jafnvel
framkvæma vorverkin að hausti og
því skora ég á Guðmund Oddsson og
Sigurð Amórsson að segja af sér nú
þegar - allt flokksstarf Alþýðu-
flokksins er í húfi.
Því get ég lofað að ef Guðmundur
Oddsson segir ekki af sér á flokks-
þinginu þá mun ég bjóða mig fram
gegn honum til formanns fram-
kvæmdastjórnar. Það kann þó að
vera óþarft því ég hef einnig heyrt að
hópur óánægðs flokksfólks í Reykja-
vík, Hafnarfirði, Kópavogi og af
landsbyggðinni sé að undirbúa mót-
framboð, þar sem markmiðið sé að
„sparka" allri framkvæmdastjórn-
inni. Ég minni á að enn er mánuður
til flokksþings.
Höfundur er fyrrverandi framkvæmda-
stjóri Alþýöuflokksins - Jafnaðarmanna-
flokks (slands.
JÓN ÓSKAR
v i t i m e n n
Annars gerði ég ráðstafanir til
að verða ekki tekinn alvarlega
í menningarmafíunni og gekk
í Sjáifstæðisflokkinn. Ég hef
ekki verið tilnefndur í eina
einustu nefnd síðan og þetta
sparar heilmikla orku.
Daði Guðbjörnsson listmálari fór
á kostum í DT í gær.
Ég hlusta á Hermann Ragnar.
Fyrirsögn í DT í gær. Og viö segjum líka
húrra fyrir Hermannil
Ástþór... sá eini sem virðist
hafa fjármálavit. Hinir virðast
glópar í fjármálum og kalla eftir
ríkisaðstoð í einni eða annarri
mynd. Niðurlægjandi er þetta
nú fyrir þá, blessaða.
Lesendabréf Gísla Gíslasonar um fjármál
forsetaframbjóöenda í DV í gær.
Beinu útsendingarnar eiga
yfirieitt meira skylt við sjálfs-
fróun fjölmiðlanna en ímyndaða
upplýsingaskyldu við almenning.
Oddur Ólafsson var ekkert að skafa utan af
því í DT í gær.
Bresk götublöð, keppinautar
Sun, glöddust mjög yfir
hrakförum blaðsins i gær
og nudduðu salti í sárin með
ítarlegum frásögnum af því
hvernig tekist hefði að leika
á blaðamenn Sun. Eyddi Daily
Mirrars\ó síðum í umfjöllun
um málið.
Morgunblaðið.
Við verðum á hverju ári fyrir
margfalt meira tjóni af pólitískum
völdum en við verðum fyrir
áratugum saman af völdum
náttúruhamfara.
Jónas Kristjánsson sýndi í leiöara DV í gær
afhverju hann er verölaunaritstjóri.
Fyrlr um tíu árum stóðum
við jafnfætis Norðmönnum. í dag
eru þeir langt fyrir framan okkur.
DV velti fyrir sér hraksmánarlegri
útreið íslenska landsliðsins í
fótbolta. Skýringin er fundin:
við erum barasta svona léleg...
Hlaupið getur dregist
talsvert ennþá.
Fyrirsögn DV um mesta
langhlaup íslandssögunnar.
fréttaskot úr fortíð
S
Islenzki
kaffibætirinn
er besti kaffibætir, sem ég hefi
fengið, sagði roskin húsmóðir nýlega.
Sama segir almannarómur, og
hann lýgur sjaldan.
Alþýðublaðiö, miðvikudaginn
24. september 1924.
h i n u m e g i n
“FarSide” eftir Gary Laiaon
Lengi hefur því verið pískr-
að að Þorsteinn Pálsson
dómsmálaráðherra taki við
af Matthíasi Jóhannes-
sen sem ritstjóri á
Mogganum en
Matthías lætur af
störfum eftir
nokkur misseri
fyrir aldurs
sakir. Það sem
hins vegar
kippir stoðum
undan þeirri
kenningu er
öflug andstaða
Styrmis
Gunnarssonar
ritstjóra á sama
blaði en sjávarút-
vegspólitík Styrmis
og Þorsteins eru eins og
olía g vatn. Það mun hins
vegar láta sem tónlist í eyr-
um Davíðs Oddssonar for
sætisráðherra að losna með
einhverju móti við Þorstein
þó ekki sé vitað hvort hon-
um hugnist að vita af hon-
um í toppstöðu innan
Moggaveldisins...
Nú segja heimildamenn
Alþýðublaðsins að ef
Þorsteinn Pálsson fái rit-
stjórastól á Mogga gæti
það hæglega orðið til
að liðka fyrir því að
Haraldur Jóhann-
essen fangelsis-
málastjóri, og
sonur Matthías-
ar, verði gerður
að ríkislögreglu-
stjóra - embætti
sem fyrirhugað
er að komið verði
á fót fljótlega eftir
áramót. Skipulags-
breytingar eru fyrir-
hugaðar á Rannsókn-
rlögreglu ríkisins en
flytja á starfsemi hennar
vítt og breitt um landið og
gera hana þannig stað-
bundnara. Embætti Boga
Nilssonar, rannsóknalög-
reglustjóra ríkisins, verður
lagt niður í núverandi mynd.
Bogi hefur eðlilega verið
orðaðarvið embætti lög-
reglustjóra ríkisins sem er á
margan hátt hliðstætt því
embætti sem hann gegnir
núna en er ólíkt valda-
meira...
r
Ahugamenn um stíl og
frásagnarmáta í blaða-
mannastétt samgleðjast hin-
um nýbakaða verðlaunahafa
á því sviði, Jónasi Krist-
jónssyni ritstjóra DV, en
hann hlaut verðlaun úr Móð-
urmálssjóðnum nú á dögun-
um. Jónas er hins vegar
þekktur fyrir að bregða
brandi sínum hátt á loft þeg-
ar stílvopnin eru annars veg-
ar og þeir eru ófáir sem eiga
um sárt að binda eftir að
hafa verið til umfjöllunar í
pistlum hans. Það mun hafa
komið sjóðsstjórninni í opna
skjöldu hversu umdeildur
Jónas er og hafa stjórnar-
menn fengið fúkyrðaflaum
yfir sig og borist harðorð
bréf frá einstaka mönnum
þar sem því er harðlega
mótmælt að Jónasi hlotnað-
ist þessi heiður...
fimm á förnum veg
Ætlar þú að fylgjast með landsfundi Sjálfetæðisflokksins?
Björgvin Herjóifsson
nemi: Nei, ég er ekki sjálf-
stæðisihaður í eðli mínu.
Svanborg Elínbergsdóttir
stjórnarráðsfulltrúi: Já, sem
krati ætla ég að gera það.
Ingþór Lýðsson vegfar-
andi: Nei, ég hef engan áhuga
á þessum fundi. Sjálfstæðis-
flokkurinn er ekki þess virði
að fyigjast með honum.
Rannveig Guicharnaud
nemi: Nei, ég hef engan
áhuga á ruglinu í þessum
mönnum.
Magnea Guðmundsdóttir
húsmóðir: <Já, ég er á leið á
fundinn sem fulltrúi frá Vest-
fjörðum.