Alþýðublaðið - 04.03.1997, Blaðsíða 7

ÞRIÐJUDAGUR 4. MARS 1997
ALÞÝÐUBLAÐIÐ
7
f r q t t i r
■ Við erum að rétta úr kútnum og atvinnuleysi minnkar
Háskólinn hefur valdið mestum breytingum
- segir Gísli Bragi Hjartarson, krataleiðtogi á Akureyri.
“Hér er allt í blóma, atvinnulífið er
að hressast og því fylgir gróska í
mannlífinu og yfirleitt öllu öðru,”
voru fyrstu orð Gísla Braga Hjartar-
sonar, fulltrúi Alþýðuflokksins í bæj-
arstjórn Akureyrar, þegar hann var
spurður frétta þaðan að norðan.
“Atvinnulífið hér hefur gengið í
gegnum ansi mikla kreppu. Verk-
smiðjur SIS lögðust af, en hafa nú
verið endurreistar í annarri mynd,
sem hefur tekist nokkuð vel. Skinna-
iðnaðurinn stendur ágætlega og það
er bjart framundan hjá Foldu. Mark-
aðssókn þessara fyrirtækja hefur
skapað fleiri störf. Hjá Slippstöðinni
er mikill uppgangur. Þar var orðið af-
skaplega dapurt, en nú vantar tilfinn-
anlega jámiðnaðarmenn til þess að
geta sinnt verkefnunum sem fyrir
liggja og hefur þurft að flytja inn
jámsmiði. Ég held að um 20 erlendir
jámsmiðir séu komnir til starfa þar.
Hálfgerður munaðar-
leysingi
Vissulega hafa fjárfestingar út-
gerðarfélaganna erlendis skipt máli
fyrir atvinnulífið, því að sum skipa
Hochseefihserie hafa verið endurnýj-
uð hér. Þau verkefni hafa fengist í
samkeppni við erlendar stöðvar, þar
sem tilboðin héðan hafa verið lægri
en þeirra. Þá hafa sterkir eignaraðilar
hafa komið inn í Slippstöðina, sem
var í eigu ríkis og bæjar og var eigin-
lega hálfgerður munaðarleysingi að
eiga aðeins þá aðstandendur. Nú síð-
ast kom Marel inn með 25% hlutafé í
fyrirtækinu og hleypti nýju lífí í það.
Það er auðvitað ljóst að uppgangur
Slippstöðvarinnar er angi af því
fræga ÚA-máli, þar sem sterkir aðil-
ar komu inn sem hluthafar. Það sem
hefur þó valdið mestum breytingum
hér á Akureyri er tilkoma Háskólans.
Hann hefur hleypt nýju lífi í nánast
allt, ekki hvað síst atvinnulífið, því
að hann hefur einkum einbeitt sér að
því að mennta fólk til starfa í at-
vinnulífinu, en ekki einhverra ann-
arra, sérstaklega sjávarútvegsdeildin.
Kerfið er letjandi
Hvað nýsköpun í atvinnu áhrærir
hefur ýmislegt gerst. Þúsunda fer-
metra iðnaðarhúsnæði sem sam-
bandsverksmiðjurnar voru í er nú
orðið fullnýtt af minni einingum í
ýmsum iðnaði, þannig að fljótlega
fer að vanta iðnaðarhúsnæði. Nú er
verið að skipuleggja byggingasvæði
fyrir það, svo vissulega er ljóst að við
erum að rétta úr kútnum. Það sem
maður varð fyrst var við í batanum
var að þeir sem höfðu vinnu fengu
meiri vinnu, síðan fór að fækka á at-
vinnuleysisskrá og fer stöðugt fækk-
andi. Eigi að síður er hér enn at-
vinnuleysi, ég held að hér sé eitthvað
um 300 manns á skrá ennþá. Þetta
kann að virðast mikið, en ég held að
það kerfi sem þjóðin býr við nú kalli
alltaf á slíkt atvinnuleysi. Maður sér
til dæmis ekki ástæðu til þess fyrir
einstæða móður með tvö böm að
vera í vinnu, þegar hún hefur minna
upp úr því heldur en að vera á at-
vinnuleysisbótum, ef hún hefur rétt
til þess. Kerfið er letjandi frekar en
hitt. Ég held nú samt að þetta sem
kallað er “hæfilegt atvinnuleysi” og
suntir telja vera búbót, sé ekki það
sem við ættum að sækjast eftir, og ég
held ekki að þjóðin geri það, nema ef
til vill einstakir menn í sérstakri að-
stöðu.
Ekkl miklar sviptingar
á yfirborðinu
Mannlíf að öðru leyti hefur alltaf
Það sem maður varð fyrst var við í batanum var að þeir sem höfðu
vinnu fengu meiri vinnu, síðan fór að fækka á atvinnuleysisskrá og fer
stöðugt fækkandi. Eigi að síður er hér enn atvinnuleysi, ég held að hér
sé eitthvað um 300 manns á skrá ennþá.
VINNUSKÓLI
REYKJAVÍKUR
Vinnuskóli Reykjavíkur auglýsir
eftir starfsmönnum í eftirtaldar
stöður sumarið 1997:
1. Leiðbeinendum til að vinna með og stjórna vinnuflokkum
unglinga.
2. Leiðbeinendum til að starfa með hópi fatlaðra ungmenna
sem þurfa mikinn stuðning í starfi.
3. Starfsmönnun til að undirbúa og stjórna fræðslustarfi
Vinnuskólans.
4. Yfirleiðbeinendum sem hafa umsjón með ákveðnum
verkefnum og vinnusvæðum.
Leiðbeinendur skulu vera 22 ára eða eldri og er æskileg
uppeldis- eða verkmenntun og/eða reynsla af störfum með
unglingum.
Vinnuskólinn er reyklaus vinnustaður.
Ráðning leiðbeinenda er frá 1. júní og stendur í 8 -10 vikur.
Vinnuskólinn býður sumarstörf unglingum sem verið hafa í
8., 9. og 10. bekk grunnskóla í Reykjavík (verða 14,15 eða
16áraáárinu).
Athygli er vakin á því, að hluti 16 ára hópsins mun starfa á
útmörk Reykjavíkur, við verkefni sem hingað til hafa verið í
umsjón Skógræktarfélags Reykjavíkur. Er því einnig óskað
eftir leiðbeinendum með reynslu af slíku starfi.
Umsóknareyðublöð fást í afgreiðslu Vinnuskóla Reykjavíkur.
Þar eru einnig veittar frekari upplýsingar um störfin.
Umsóknarfrestur er til 21. mars. n.k.
IEngjateigur 11 »105 Reykjavík
Sími 588 2590 • Fax 588 2597
blómstrað hér á Akureyri og gerir
enn með hefðbundnum hætti, og er í
sjálfu sér ekki meira um það að
segja, nema að við náðum þeim
áfanga nýlega að verða 15.000 íbúar
á Akureyri. Á vettvangi stjórnmál-
anna eru ekki miklar sviptingar hér,
að minnsta kosti ekki á yfirborðinu,
og rnenn nota ekki pólitíkina til að
vekja athygli á sér. Hér vinna menn
sameiginlega að málum, hvort sem
þeir eru í meiri- eða minnihluta. Við
gerð fjárhagsáætlunar kemur meiri-
hlutinn ekki fram með fjárhagsáætl-
un og segir að þetta sé það sem þeir
ætli að gera og svona eigi það að
vera, heldur kemur minnihlutinn þar
að og menn reyna að ná sáttum.
Giljaskóli í gagnið f
haust
Bærinn er í miklum framkvæmd-
um. Fráveitumálin eru stór og verða
það á næstu árum. I þau fara um 50
milljónir á hverju ári, en verkefnið í
heild kostar um einn milljarð. Við
náum þeim áfanga í vor að ekkert
skólp renni í Pollinn, því hefur þá
verið komið öllu út fyrir Tanga. Það
er mjög mikilvægt að fráveita sé í
góðu standi, ekki síst fyrir Akureyri
sem hefur verið að markaðssetja sig
sem matvælamiðstöð. Hér hefur ver-
ið mikil gróska í matvælaiðnaði og
fyrirtæki hér hafa verið að sækja sig
mjög á markaðnum.
I vor ætlum við að ljúka öðrum
áfanga í endurgerð sundlaugarsvæð-
isins. I það fara hátt í hundrað millj-
ónir á þessu ári. Það þýðir að ný
sundlaug verður komin og grunnur
lagður að nýjum búningsklefum. En
stærsta verkefnið okkar í ár er bygg-
ing nýs grunnskóla, Giljaskóla, sem
kostar einn og hálfan milljarð þegar
honum verður lokið. Stefnt er að því
að taka fyrsta áfanga í gagnið í haust.
Þessu til viðbótar erum við í miklurn
gatnagerðarframkvæmdum og nú var
ákveðið að verja 60 milljónum í sér-
stakt umhverfisátak á næstu tveim
árum, sem nýtist einkum til að gera
fallegan bæ betri og fallegri. Þar
verður sérstök áhersla lögð á göngu-
stígakerfi í bænum og að ganga frá
þeim svæðum sem kunna að hafa
orðið á eftir. Síðan erum við að fara í
framkvæmd með Vegagerðinni, sem
mun kosta um 160 milljónir þegar
hún verður búin. Það er svokölluð
Borgarbraut, sem er tenging úr Gler-
árhverfi inn í miðbæinn.
A Akureyri er alltaf gott veður,
eins og allir vita. Annars hefur verið
nokkuð kalt hjá okkur, talsverð frost,
allt síðan einhvem tfniann í nóvem-
ber, en þó ekki mikið um stórviðri,”
sagði Gísli Bragi Hjartarson á Akur-
eyri.
Arangur Reykjavíkur-
listans
Opinn fundur Regnbogans á Kornhlöðuloftinu þriðjudags-
kvöldið 4. mars.
Regnboginn, samtök um Reykjavíkurlista, heldur opinn
fund um árangur Reykjavíkurlistans í borgarstjórn þriðju-
dagskvöldið 4. mars á Kornhlöðuloftinu. Fundurinn hefst
kl. 20.30.
Framsögumenn:
Ingibjörg Sólrún Gísladóttir borgarstjóri: Hverju hefur
Reykjavíkurlistinn breytt? Umskipti í stjórnsýslu - nýjar
áherslur í borgarstjórn.
Guðrún Ágústsdóttir borgarfulltrúi: Nýtt aðalskipulag -
hugmyndafræði og ásteytingarsteinar.
Guðrún Ögmundsdóttir borgarfulltrúi: Velferðarþjónusta
borgarinnar - ný vandamál, nýjar lausnir.
Sigrún Magnúsdóttir borgarfulltrúi: Breytingarnar í
skólamálum og framtíðarsýn Reykjavíkurlistans.
Framsögumenn svara fyrirspurnum eftir hverja framsögu
og að þeim loknum verða almennar umræður. Kaffigjald
500 krónur. Fundarstjóri verður Stefán Jón Hafstein rit-
Framkvæmdastjórn SUJ
Miðvikudaginn 5. mars verður haldinn framkvæmdastjórn-
arfundur SUJ, í Alþýðuhúsinu, Hverfisgötu 8-10. Fundur-
inn verður settur klukkan 17.30.
Frankvæmdastjóri SUJ
Sambandsstjórn SUJ
Sambandsstjórn Sambands ungra jafnaðarmanna heldur
fund laugardaginn 8. mars, klukkan 14.00 í Alþýðuhúsinu,
Hafnarfirði, Strandgötu 32.
Seturétt eiga framkvæmdastjórnarmeðlimir, fulltrúar úr
málstofum, formenn félaga og einn fulltrúi félags fyrir
hverja 20 félagsmenn.
Framkvæmdastjóri